لسه مستلم اسبرانزا A113 حالا

[ecybrarian]

ألف مبروك وابقى تعالى شرفنا الاجتماع القادم وفرجنا عليها

[Sharky]

الف مبروك و ربنا يبارك لك فيها

[fady]

الف مليون مبروك
ربينا يبارك لك فيها و يحافظ عليك.

[الريس]

الف مبروك ربنا يديك خيرها و يكفيك شرها

[Hossam_Hassan]

ألف مبروك

[Hazemabdallah]

ألف مبروك على العربية ..

بس هو الواحد ازاى يجرب ال ABS ؟ للعلم يعنى .. :?: :?:

[CryptonX]

ألف مبروك على العربية ..

بس هو الواحد ازاى يجرب ال ABS ؟ للعلم يعنى .. :?: :?:

الف مبروك اولا


لحازم :

تفرمل جامد في حتة فيها ماء او رمل علي الآرض .. المفروض لو من غير ABS العجل حيعمل LOCK و احتمال السيارة تحرف منك ( متقفش في خط مستقيم ).

ABS او Anti-lock Brake System بيخلي العجلة متعملش LOCK وبالتالي تفرمل وتفضل مستقيمة .

[أبو عمار المصرى]

مبرووووووووووووووووووووك و عضو جديد فى نادى المارد الأحمر (والحسابة بتعد) :lol: :lol:

[أبو عمار المصرى]

لو من غير ABS العجل حيعمل LOCK و احتمال السيارة تحرف منك

معلش أنا مش فاهم يعنى إيه العجل يعمل lock

[eng_mkhalaf]

ألف مبروك وابقى تعالى شرفنا الاجتماع القادم وفرجنا عليها
وربنا يديك خيرها ويكفيك شرها وبكدة كمان زدنا واحد بعد ممدوح يلا يا رجالة كمان وكمان ;) ;)

[ماجد يوسف وهبه]

فعلا يا جماعة متشكر جدا جدا ده ابويا ما بركليش بالحرارة دى

بالنسبة للناس اللى بتسأل أنا جبتها منين من واحد كان حاجزها وأستلمها وباعها بأزيد 3 الاف جنية

معلومات عن الحجز:
- باب الحجز اتفتح يوم 1 نوفمبر اتقفل يوم 3 نوفمبر مع العلم ان يوم 2 ده يوم جمعة وده اللى أعلن فيه عن العربية من خلال الصحف.

- جميع العربيات اللى اترخصرت واللى انتم شايفنها فى الشوارع موديل 2007 اما موديل 2008 ماحدش يعرف سعره أو أمكانياته لغاية يوم 15 نوفمبر لغاية لما يخلص الأفراج الجمركى بتاعه.

- كل الناس اللى بتحجز دلوقت هتتحاسب على السعر النهائى وقت الأستلام.

- اللى بيحجز دلوقت هيستلم فى خلال 3 شهور.

بالنسبة للتقييم انا طبعا لسه ماشتش بيها حتى 300 كم بس لاحظت الأتى:

- يوجد صوت حكة جامدة مع التسخين الصبح بتروح تدريجيا
- عجلة القيادة عالية قوى حتى بعد ما نزلتها على الأخر وده مش مريحنى قوى بس ممكن اتعود عليه
- التابلوه عميق جدا لدرجة انك عمرك ما تشوف أول العربية فين
- قوة الموتور متناسب جدا مع حجم العربية وفعلا سحبها حلو
- شغلت التكييف لمدة 15 دقيقة وفعلا لا يقل عن الكورى كفاءة ومش بيأثر على الموتور

وسنوالى الأخبار تباعا

وشكرا مرة أخرى لكم الناس اللى باركولى

[eng_mkhalaf]

يوجد صوت حكة جامدة مع التسخين الصبح بتروح تدريجيا

عادى وموجود عندى بس لو جيت فى المقابلة ممكن نركز فية أكتر ومتنشاشى فى صيانة اللألف لو موجودة تقولهم

شغلت التكييف لمدة 15 دقيقة وفعلا لا يقل عن الكورى كفاءة ومش بيأثر على الموتور

الصينى كلة تكييفة كويس والحمد للة

عجلة القيادة عالية قوى حتى بعد ما نزلتها على الأخر وده مش مريحنى قوى بس ممكن اتعود عليه
- التابلوه عميق جدا لدرجة انك عمرك ما تشوف أول العربية فين

مسألة تعود أنا أول ما ركيبت عربيتى حسيت أنها سفينة ماشية بس دلوقتى بلعب يها فى الشارع احلى لعب

قوة الموتور متناسب جدا مع حجم العربية وفعلا سحبها حلو

;) ;) ;) ;)

[محمد المشد]

بارك الله لك فيها وكفاك شرها

[eng_mkhalaf]

معلش أنا مش فاهم يعنى إيه العجل يعمل lock

يعنى العجلة هتنزلق على الأرض وهتسمع صوت الصرير بتاعها على الأسفلت

[m_aash]

ربنا يباركلك فيها و يديك خيرها و يكفيك شرها , ألف مبروك