اللى جرب وساق بس وياريت لو امتلك 516

[the_bird5]

انا بحب 516 وبفكر ان شاء الله اجبها فكنت عايز اعرف رأى ممتلكيها او اللى ساقها وجربها مش عايز رأى ناس مجربتش وياريت لو كل واحد يقول رأيه من غير ما يرد على رأى الاخر (من غير زعل لانى لقيت مشادات بتخرج عن الموضوع ) انا نفسى اعرف الرأى عن تجربة وليس عن تخمين او حب او كره وربنا يوفق الجميع

[dmx20082009]

عربية ممتازة جدااا انا سوقتها العربية مع خالى وسفرنا بيها الساحل الشمالى موديل 2009 وعملنا بيها 1200 كيلوا فى اسبوع العربية ممتازة وتقفيلها و عفشتها احسن من موديل 2008 و 2007 توكل على الله و ان شاء الله لن تندم

[emad78m]

العربية معايا من 2008 وهى جميلة جدا سواء فى الرفاهية أو فى المتانة لأنى عملت بيها حادثة والحمد لله ما وصلتش للدواخل حتى السمكرى لما شفها قاللى دى لو عربية تانية كانت دخلت على الأساسيات وعلى فكرة مقرنة بينها وبين الفيرنا والانوس هى الأحلى لأنى ركبت العربيتين فترات وحسيت بالفرق بينهم وبين ال516 وطبعا الناس حاتقولك دى صينى وابعد عنها سيبك منهم الصينى النهاردة فى عربيات كتير أحسن من الكورى وبعدين الكورى بخيييييييل أوى فى كمالياته ويحسسك انه بيديلك من لحمه لو العربية فيها سنتر مثلا .
ال516 فى سحبها ضعيف فى الأول شوية تحس انك راكب هيدروماتيك بس على الطريق ذى الفل بس أنا عرفت الحل بالصدفة انى هما مكبين حساس للسرعة علشان العربية ماتنطش منك ذى العربيات التانية بس لو لغيت الحساس ده هتلاقى العربية اختلفت فى سحبها تماما وهذا الموضوع عن تجربة بس أنا ملاغيتوش هو اللى عطل وعلى فكرة تمنه 110ج فى التوكيل وبره التوكيل 60ج يكفى انك لما بتملاها سواء كان ناس أو حاجات فى الشنطه ماتلاقيش العجل يحك فى الكارتيرة ذى الانوس والا العربية تحك من تحت ذى الفيرنا . وقطع غيارها بره التوكيل ببلاش. وربنا يديك خيرها ويكفيك شرها

[aly_hosny]

انا ال سوقتها 2007 بامانة كعربية عامة جااااااااااامدة
موتورها احسن من موتور اللانسر وبتشد وصاجها تقيل وبتستحمل
بس نيجي بقى للهايفة
الكاسيت بيبوظ تقريبا كل 3 ايام "معظمهم كدا"
مغير تيل الفرامل كتييييييييييييييييييير جدا جدا بس انا اشهد ان العربية والتيل متاكل فراملها حلوة برضو
وكمان الجنوط اتكسرت منه مرتين
وغير المروحة بتاعة الموتور مرة
هي بتاعة صاحبي الانتيم يعني انا فيها على طول
لو مش في عربيتي ببقى فيها
وهي عامة ككل جميلة جدا جدا

[Fouad Ezz]

العربية معايا من يوليو 2008 وبأحسد نفسي عليها
مشكلتها الوحيدة إنعدام الضمير في التوكيل
لكن مؤخرا عرفت إن قطع غيارها متواجدة بكثرة في ش دمشق و التوفيقية ... إشتريت من هناك مرايا الجنب ب 125 ج (تصور؟)
يعني تقريبا تمن مراية ال 128

[Eng_AmrAllam]

توكل علي الله واشتريها يا باشا
لو ي عربية وحشة
مكنتش ثبتت نفسها بالطريقة دي
والناس دي كلها اشترتها وحتي بقت تاكس

[romeo_6887]

انا سوقتها و هقول لحضرتك علي مميزاتها و عيوبها من وجهه نظري
نبتدي بالمميزات :
شكل فخم من جوه و من بره
الخامات الداخليه جيده
شويه كماليات و لا كانك راكب باسات
اما العيوب كالتالي :
خامات الزارير في التابلوه سيئه جدا
السحب و التسارع بشعين لازم تكون سواقتك هاديه عشان تحب العربيه اما لو كنت بتحب الجري و الشد فبلاش منها نصيحه يعني
شكلها من ورا مش ظريف علي الاطلاق
و ربنا يوفقك للي فيه الخير ان شاء الله

[aly_hosny]

السحب و التسارع بشعين لازم تكون سواقتك هاديه عشان تحب العربيه اما لو كنت بتحب الجري و الشد فبلاش منها نصيحه يعني
شكلها من ورا مش ظريف علي الاطلاق

بالتهيالي السحب دا ميعتبرش عيب في العربية
بالنسبة للشكل ف انا رايي لا من ورا حلوة ولا من قدام

[Eng_AmrAllam]

اما العيوب كالتالي :
خامات الزارير في التابلوه سيئه جدا
السحب و التسارع بشعين لازم تكون سواقتك هاديه عشان تحب العربيه اما لو كنت بتحب الجري

ازاي حضرتك ان الخامات بتاع الزراير وحشه
انا مثلا لو بقارنها بلانوس او فيرنا او اوبترا او افيو
هلاقيها تكسب ولو مش مصدقني ياريت تشوفهم وتقارن بنفسك
اما بالنسبة للتسارع فهي اينعم بطيئة علي الاول والتاني
ودة عشان وزن العربية تقيل وفيه حساس في البنزين دة بيمنع المجهود عليها
انما علي التالت السحب بتاع العربية مختلف جداااااااااااااااااااااااااااااااااااا

[emad78m]

السحب و التسارع بشعين لازم تكون سواقتك هاديه عشان تحب العربيه اما لو كنت بتحب الجري و الشد فبلاش منها نصيحه يعني
شكلها من ورا مش ظريف علي الاطلاق
لو على السحب مااحنا قولنا ان سببه حساس السرعة يا عم ابقى افصله

[aly_hosny]

ازاي حضرتك ان الخامات بتاع الزراير وحشه
انا مثلا لو بقارنها بلانوس او فيرنا او اوبترا او افيو
هلاقيها تكسب ولو مش مصدقني ياريت تشوفهم وتقارن بنفسك
اما بالنسبة للتسارع فهي اينعم بطيئة علي الاول والتاني
ودة عشان وزن العربية تقيل وفيه حساس في البنزين دة بيمنع المجهود عليها
انما علي التالت السحب بتاع العربية مختلف جداااااااااااااااااااااااااااااااااااا

انا معاك في حكاية الخامات دي
بس العربية مش بطيئة خالص خالص
انا جبت بيها 160 مستريح والشد بتاعها من الاول للخامس تمام

[the_bird5]

جزا الله خيرا كل من شارك
بس بصراحة انا كنت نفكر ان اللى اشترى او ركب العربية دى كتير اوى ياريت المشاركات تزيد شوية من الملاك ونعرف مميزات ومشاكل اكتر
والف شكر على الردود

[night_shadow]

العربيه معايا من 2008 بصراحه مريحاني
مميزاتها
امكانيات هايله بصراحه علي اساس السعر طبعا
الثبات
العفشه
البنزين
الفرامل
صاجها جامد الحمد لله قبل كده وانا راكن دخل فيه 128 العربيه ماحصلش فيها حاجه الحمد لله
خبط في شاهين قبل كده الحمد لله ماحصلش حاجه والشاهين وقع الاكصدام بتاعه كله

-وفي حادثه شوفتها وهيه بتحصل قبل كده بس كانت العربيه A113 تقطاع وسواق شاهين جي بسرعه ال 113 خبطه من ال باب باب الشاهين اتطبق والاسبرانزا زي ماهيه ماحصلهاش اي حاجه

العيوب
-التوكيل منزلها بامكانيات اققل من امكانيتها الفعليه
شايل (حساسات الركن والوسائد الهوائيه و حاجات تانيه مش واخد بالي هيه ايه)علشان في زرارين في التابلوه مقفولين و 3 زراير عند حامل الاكواب برده مقفولين
- بالنسبه لعربيتي ساعات الفتيس بيبقي خشن شويه في الاول والتاني والمارشدير بيعلق بس ده ساعات مش علي طول
- تزيق في الدريكسيون بتحصل ساعات بيتهيالي علشان الخامات ومابتحصلش غير والجو برد جدا

انا عامل بيها 15000 كيلو
واهم حاجه انك تحافظ عليها انت لو ركبت bmw واهملتها هتبقي اوحش من ال 128
ولو ركبت سيات وحافظت عليها هتعيش معاك

[bedoo100]

ازاي حضرتك ان الخامات بتاع الزراير وحشه
انا مثلا لو بقارنها بلانوس او فيرنا او اوبترا او افيو
هلاقيها تكسب ولو مش مصدقني ياريت تشوفهم وتقارن بنفسك
اما بالنسبة للتسارع فهي اينعم بطيئة علي الاول والتاني
ودة عشان وزن العربية تقيل وفيه حساس في البنزين دة بيمنع المجهود عليها
انما علي التالت السحب بتاع العربية مختلف جداااااااااااااااااااااااااااااااااااا

حضرتك ممكن تقارنها باللانوس او الفيرنا لكن مينفعش تقارنها بالاوبترا لانك كده هتظلمها قوي يعني لان الاوبترا احلي و انظف حاجه فيها صالونها و تقفيلها و موتورها

[Eng_AmrAllam]

حضرتك ممكن تقارنها باللانوس او الفيرنا لكن مينفعش تقارنها بالاوبترا لانك كده هتظلمها قوي يعني لان الاوبترا احلي و انظف حاجه فيها صالونها و تقفيلها و موتورها

متور اية يا باشا اللي احسن
طب حضرتك تعرف ان الموتور بتاع الاوبترا
هو هو موتور النوبيرا يعني التكنولوجيا قديمة
وبعدين صالون الاوبترا بالنسبة للاسبرانزا يبقي ضيق جداااا