تغير سعر التيجو و a620

[kholio2005]

تصدقني لو قلت لك اني طول عمري أحب و أطمئن لركوب الأوربي و ليس الياباني اطلاقا !!!
بس الموضوع حاجة اسمها Cost Effectiveness
نفس اللي يخلي الجولف تتفوق بمراحل علي البي ام الفئة الأولي بنفس السعر
نفس اللي يخلي الالانترا تتفوق علي الياريس في نفس السعر
نفس اللي يخلي التيجو تتفوق علي مثيلاتها اليابانية بسعر اقل 40 %
و بعدين .. عفوا .. اللي مش متأكد يقول ( أعتقد )!!
* التيجو موتورها أقوي
* معدل نقطة أعلي عزم ليخرج عند 3750 لفة بدل من 4250 لفة لتلائم متطلبات السيارة
* ثبات أفضل
... ياريت نبقي منطقيين
بالمناسبة أبو غالي قاللي السعر الجديد 82900 و حيبقي فيها زجاج فيميه

تمام كدة استاذhegazio حضرتك وضحت كتير من اللى كنت عايز اقوله

احب اضيف ان موتور التيجو من المواتير القوية و تضاهى كمان بعض المواتير اليابانى و الاوربى كمان
فتصميم موتور التيجو و a516 و m11 من شركة avl النمساوية اللى بتصمم مواتير المعدات الثقيلة والاودى(الالمانى) و الفولفو(السويدى) مع تعديل بعد الاشياء فى موتور التيجو عن a516 و m11 لاعطاء عزم اكبر

ثانيا عفشة التيجو اريح و اقوى (كفاية انها دخلت اكتر من رالى فى الصحراء و كملت السباق و اخدت مراكز كمان)

ثالثا ان التيجو بتتميز عن التيريوس فى الثبات و ده من اراء اللى جربو التيريوس اللى اكدوا ان ثباتها ضايع بعد 100 و ده راى احد الاخوة اللى جربو التيريوس ده غير ان حضرتك ممكن تخش قسم الدايهاتسو و تشوف اراء مجربى العربية ,
أما بالنسبة لتقييم السيارة فعن تجربة ثلاثة أيام كاملة (قمت باستبدال سيارتي الأوكتافيا مع صديقي صاحب السيارة الجراند تريوس) وكان ذلك بسبب أنني كنت أقوم ببناء فيلا بمدينة من المدن جديده وكانت الطرق غير ممهدة بشكل كامل في الجزء التي تقع فيه قطعة الأرض التي أملكها
وتحججت بهذا السبب لكي أجرب الجراند تريوس التي يملكها صديقي وأتفقت أن تظل معي السيارة لمدة شهر أو شهرين طوال فترة الإنشاءات

ولكننني بعد ثلاثة ايام قمت بإرجاع السيارة وأنا كلي خجل من صديقي الذي كان يمدح فيها ويعتبرها من الأساطير

أولا اكتشفت أن السيارة دفع خلفي فقط وليست دفع رباعي

ثانيا السيارة خشنه جدا جدا

ثالثا العزل سيء جدا لدرجة أنك تشعر وكأنك تقود ونش وليش سيارة يبانية

رابعا الموتور صغير جدا على هذا الحجم الكبير (1600cc) مما يجعل السحب سيء للغاية

خامسا السيارة معدومة الثبات بعد سرعة 100كم

لذلك لم أحتمل بقاء السيارة معي اكثر من 3 أايام

وده برده مش معناه ان التيريوس وحشة لان اكيد برده فيها مميزات تانية بس بمقارنة مميزاتها و عيبوها بالنسبة لمميزات و عيوب التيجو فكما ذكرت قبل كدة ان التيجو تتفوق بمراحل

[Hegazio]

الموتور صغير جدا على هذا الحجم الكبير (1600cc) مما يجعل السحب سيء للغاية

الحقيقة هو 1500 و اقل من 90 % من القدرة الحصانية للتيجو
و شكرا ليك

[kholio2005]

الحقيقة هو 1500 و اقل من 90 % من القدرة الحصانية للتيجو
و شكرا ليك

متشكر جدا للتوضيح تمام كدة
انا عارف ان التيريوس 1500 بس انا نقلت المشاركة زى ماصاحبها كاتبها بالظبط لانه كان فاكرها 1600

[HyperSpider]

مشكوور على المعلموات القيمة و صور ل Rich G6 (الA620 الجيديدة)

[pharonicking]

انا لما تصلت بالتوكيل
قالولي 86 الف


مين يزود؟



عيني عينك كده
ومفيش حاجه اسمها حمايه حقوق المستهلك في البلد دي ولا إيه؟؟؟
بجد حاجه تقرف تقرف
ومش ف السيارات بس
سوق العقارات نفس القصه كده
ومع ذلك..................................
حاول تشتري حتة أرض أو شقه
أسعار ناااااااااااار
مع ان السوق العقاري تم إعلان وفاته عالميا
مفيش سيوله ..وأزمه إقتصاديه

الحاجه بتغلى ليه عندنا إحنا بس ....مش فاهم

حسبي الله ونعم الوكيل
فلوس الناس وتعبها إلي بيتسرق ده
ربنا هيحاسبهم عليه ..وهيحاسب( الي في بالي)

طب ليه بتشتروها ماتسيبوها تصدى عنده """بلد غريبة":b4_444:

[Hegazio]

صدقني .. احنا أخر بلد يعني ممكن واحد يكون بيشتري عربية فانتازية أو قصدي يعني كان ماشي كده فشاف عربية عجبته فاشتراها ..
الواحد في مصر بيشتري العربية بعد طلوع الروح و كأنه بيدي حته من نفسه معاها و بيكون مضطر يعمل كده ( ده مش كل الناس طبعا بس الأغلبية )
فحد بالمواصفات دي مش ممكن يربي الوكيل بأنه مايشتريش العربية و يسيبها تصدي .. في الخليج ولا أمريكا ماشي

[midoshoo]

والله فعلا حاجة صعبة جدا الجمارك نزلت نعم مش كتير بس نزلت والغريبه ليه مازالت السيارات فى مصر مبالغ فى ثمانها ولا الصينى الى عمال ثمنه بيرتفع جامد جدا والله لازم يكون فى حل وسريع التجار بقو جشعين جدا

[Ghost2]

يا شباب .. العربيات اللي جمركها قل العربيات الاوربي بس ... ونزل 10 % من قيمة الجمرك .. يعني لو عربية ب 100 الف هتبقى ب 96 الف .. ودي حسبتها بالظبط .. اما عن ارتفاع سعر التيجو كسيارة صيني .. فا ده شئ عادي .. كثرة الطلب عليها خلى الوكيل والتجار يعملو كده عشان الاستلام الفوري .. زي ما حصل في الكيا السيراتو لو تفتكرو ان سعرها وصل اغلى من قيمتها ب 10 الاف جنيه .. انا ركبت العربية .. العربية حلوة وليها مميزات .. والصيني زيه زي اي عربية في مصر .. بس على قد فلوسه .. وبيحتاج مراعاة اكتر في المشي .. ومحافظة زيادة ..
وتقبلوا فائق تحياتي

[bedoo100]

يعني مش 83000 مش كتير علي التيجو يا جماعه؟
ده حتي الالنترا رخصت و المانيوال بقت ب 88000 يبقي ليه يرفع سعر التيجو

[batoot556]

متابع باهتمام

[ash257]

يعني مش 83000 مش كتير علي التيجو يا جماعه؟
ده حتي الالنترا رخصت و المانيوال بقت ب 88000 يبقي ليه يرفع سعر التيجو

هو ممكن يكون كتير على العربية بس مقارنة بالسوق مش كتير ولا حاجة
كل اللي بنقوله أنه المفروض أن كان خلاها بنفس السعر لأنها كدة قربت من حاجات تانية كتير مش هاقول أحسن ولكن بعض الناس تقولك أيعد عن الصيني واريح دماغي مدام مش هيوفر
لأن سعرها كان مميز فعلا

[bedoo100]

من متابعتي الاسبوعيه لاسعار السيارات وجدت ان اغلب التوكيلات بدات فعلا في تخفيض اسعارها وذلك اعتقد نظرا للانخفاض الشديد في الطلب و هذا يبشر بقرب انصلاح الاحوال ان شاء الله ...
الغريب في الموضوع هو ارتفاع سعر الصيني بصفه عامه طيب دي مش حاجه تحير ؟
اعتقد بعد تخفيض سعر موديلات كتير الصيني اصبح يواجه مشكله كبيره عند تساويه في السعر مع منافسين كثر لان المقوله العامه بتقول

( ابعد عن الصيني و غنيله )

[Hegazio]

تفتكر الطلب ده الزايد ده معناه ايه
و تفتكر في حالة التيجو----هل من منافس فس سعر قريب 50% زيادة حتي?

[bedoo100]

اعتقد صعب الحكم علي التيجو دلوقتي هيه شكل و قوه مفيش كلام بس اعتقد ( من وجهة نظري ) و من تجميع لاراء ملاك كتير لها بها العديد من العيوب ربما يتداركها الوكيل (المحترم) و ابقوا قابلوني فيما بعد

[attiahf]

ما هى المشاكل اللى حضرتك بتتكلم عليها وتكون مشاكل قاتلة فى العربية