مناقشة الترشيح لاختيار كوادر الرابطة الاسبرانزاويه

[PAYOO]

مناقشة موضوع الاعلان عن فتح باب الترشيح لاختيار كوادر الرابطة الاسبرانزايويه

هنا نستطيع أن نناقش موضوع الترشيحات إن كان لأحد أي استفسار او تعليق

وشكرا للجميع

أضغط هنا للتعرف على المرشحين وبرنامجهم

[sh_masry]

طب ممكن ان اى حد من بره رابطه الأسبرانزا يختار احد من المرشحين ؟؟؟ وللا لازم بتوع الأسبرانزا بس ؟؟؟

a7'ookom
Sherif

[PAYOO]

أولا أنا شايف إن الموضوع جميل جدا جدا

ولكن لي وجهة نظر

أولا أنا أرى أننا نقوم بعمل أنتخابات مبدأيه للرئيس والنائب فقط وبعد ذلك يستطيع الرئيس والنائب أختيار كوارد أخرى معهم تحت أي مسميات أو أن يتم عمل أنتخابات فيما بعد على الكوادر الباقيه

ثانيا أرجو من الجميع الألتزام بما جاء في موضوع الأخ العزيز "جنيدي" من حيث كتابة البيانات الشخصيه لكي يتعرف الأعضاء الجدد على المرشحين

طب ممكن ان اى حد من بره رابطه الأسبرانزا يختار احد من المرشحين ؟؟؟ وللا لازم بتوع الأسبرانزا بس ؟؟؟

a7'ookom
Sherif

أيوه يا شريف باشا مقتصر على الأسبرنزاويه بس عشان همه المعنيين بالأمر

يعني لو نقابة المحاميين عامله أنتخابات نقابه عندهم أنت هاتروح تصوت ؟

وتعلالي على الشات عشان عاوزك

[Abonora]

حضرتك ممكن تقول اللى انت عاوزة ولكن الترشيح والانتخاب مقتصر على اعضاء الرابطة فقط----طبعا الكلام دة بالنسبة لجميع اعضاء موقع النايل موتورز --اما بالنسبة للاستاذ شريف فالوضع مختلف شوية ---هههههههههههههههه--بهزر واللة اهلا وسهلا بالجميع

[aamerbebo]

بلاش شريف يا جماعة لو شريف دخل في الموضوع انا كده هخرج بره الانتخابات خالص ومش بارادتي لأ غصب عني..
انا عارف شريف كويس..

[kamatchodj]

وانا كمان يا امر عارف شريف كويس اوى زيك بالظبط

شريف انسان جميل ..... عفوى...... وبيحب الهيصه والشيكولاته

[aamerbebo]

لأ يا وائل مش اكثر مني
الراجل ده انا حاسس ان العربية بتخاف لما تدخل الشارع عندهم من كرهة في الاسبيرانزا....
خليك بعيد عن الانتخابات يا شريف ولو عايز مفاتيح العربية تكون عندك الفجر بس بلاش موضوع الانتخابات

[kamatchodj]

للعلم يا امر انا عارف ان شريف بيحاول يستلف خمس تلاف جنيه علشان يجيب ايصال حجز اسبرانزا ويبقى له حق التصويت ويختارك ريس

[PAYOO]

الوحيد الذي لم يقم بكتابة بياناته عند ترشيح نفسه هو المهندس "آمر"

فنرجو منه الألتزام بما جاء في شروط الترشيح أسوة بباقي المرشحين (لكي لا يقول أحد "أشمعنى") وأيضا لتوضيح البرنامج الأنتخابي للجميع وعرض بعض الأفكار على الأعضاء و.... و .... إلى أخره

وشكرا للجميع

[aamerbebo]

حاضر يا استاذ بايو

[محمد المرسي]

استاذ / بايو لغاية دلوقتى معرفش برامج السادة المرشحين وافكارهم عن الرابطة ...
أرجوا الأهتمام بهذا الموضوع حتى نخرج بنتيجة جيدة للجيع ...

وشكراً جزيلاً ...

[Abonora]

فلتكن ديمقراطية حقيقية خالية من التزييف

الفكرة هايلة وجديدة وهذا سبب الحماس الذى نراة من الاعضاء ومن المسئولين عن ادراة الموقع-وانا ارى انهم فعلا وبرغم كثرة ما يشغلهم الا انهم متواجدون بقوة وبحيادية-واخيرا اهتمام وحماس من الاخوة المرشحين لرئاسة الرابطة-ولى فى الحقيقة رجاء من الاخوة الذين سوف يقولون كلمتهم ويختارون الرئيس ان يكون اختيارهم موفق-ويذهب صوتهم لمن يستحقة وحتى تكتمل الصورة الجميلة -ولهذا يجب ان ندع العلاقات الثنائية جانبا والعلاقات الشخصية جانبا والمصالح والمنافع جانبا-اتمنى ان تاخذوا وقتكم بما فية الكفاية قبل ان تقولوا كلمتكم-وامامنا باذن الله وقت كافى --فلتكن اصواتنا لمن يستحقها فلتكن اصواتنا لمن هو قادر فعلا على تحمل المسئولية-فلتكن اصواتنا لمن نقتنع فعلا من داخلنا انة المناسب--ولنعتبرها فرصة حقيقية لكى نمارس ديمقراطية حقيقية بدون محسوبيات ولا ضغط ولا مجاملة ولا خوف--وفقنا الله واياكم--

[Abonora]

هل الدعاية مسموح بها --وهل لها شروط ؟؟

انا اريد ان اقوم بالدعاية للعضو الذى اراة اهل للثقة والشخص المناسب لتولى المسئولية --هل تسمحولى بذلك -؟

[وائل عطية]

أستاذ محمد جنيدي
يقيناً مني بنزاهتك وحرية اختيارك وصواب رأيك
أدعوك للقيام بذلك ولك مطلق الحرية ولا تثريب على صداقتنا..فهذه نقرة وتلك نقرة أخرى

[Abonora]

مع احترامى ليك يا استاذ وائل ولكنى افضل ان يسمح لى القائمين عن الانتخابات--يعنى السادة المسئولين عن الموقع-