سبيرانزا تيجو ... حرية الرأي والحكم

[Ghost2]

سبيرانزا تيجو

الموضوع ده يا شباب مناقشة حرة ... كل واحد يقول رأيه في العربية التيجو .. واللي شايف عيب يقول .. اهم حاجه بس انه يكون عن تجربة .. في غيرنا هيشوف الموضوع .. خلونا نفيد الناس ونكون صادقين في احكامنا واراءنا .. وابتعدوا عن كلمة صيني .. احنا قدامنا عربية بمواصفات معينة وبنحكم عليها .. وتقبلوا فائق تحياتي

[Hosam_Optrawy]

السلام عليكم

ازيك يا احمد

انا جربت التيجو الاوتوماتيك 2000 سى سى أكتر من مره

بصراحه حلوه جدا جدا على سعرها

عفشتها قويه ومش ناشفه خالص

موتورها معقول فى السحب ( مجربتش اشد او اقرص عليها )

طبعا ميزتها ارتفاعها عن الأرض تخش فى اى حته بقلب جامد

كماليات كتير وجنوط وفتحة سقف وفرش جلد و Abs و Air Bags

عيوبها

خامات وتقفيل مش أد كدا وبعض العيوب زى الابواب اللى مابتتقفلش غير بالرزع ودى بتتعمل بسهوله فى صيانة الالف

باور تقيل شويه ( دى بالنسبه لى مش عيب انا بحب الباور التقيل نسبيا بس قولت اذكر النقطه دى )

الفرامل زى مايكون فيها هوا فى الاول

يعنى لازم تضغط لتحت شويه عشان تفرمل مش من مجرد لمسه تفرمل ( دا بصراحه بالنسبه لى عيب , مش عارف كل التيجو كلها كدا ولا ايه , بس بالمناسبه الياريس كمان كدا بس معرفش برضه كل الياريس كدا ولا لأ )

التوكيل متعب شويه

وبرضه من عيوبها اكيد استهلاك بنزين اكتر من ال 1600 والترخيص والضريبه اكبر

بس بصراحه بالسعر دا يبقى مميزاتها اكتر من عيوبها

[romeo_6887]

السلام عليكم

ازيك يا احمد

انا جربت التيجو الاوتوماتيك 2000 سى سى أكتر من مره

بصراحه حلوه جدا جدا على سعرها

عفشتها قويه ومش ناشفه خالص

موتورها معقول فى السحب ( مجربتش اشد او اقرص عليها )

طبعا ميزتها ارتفاعها عن الأرض تخش فى اى حته بقلب جامد

كماليات كتير وجنوط وفتحة سقف وفرش جلد و abs و air bags

عيوبها

خامات وتقفيل مش أد كدا وبعض العيوب زى الابواب اللى مابتتقفلش غير بالرزع ودى بتتعمل بسهوله فى صيانة الالف

باور تقيل شويه ( دى بالنسبه لى مش عيب انا بحب الباور التقيل نسبيا بس قولت اذكر النقطه دى )

الفرامل زى مايكون فيها هوا فى الاول

يعنى لازم تضغط لتحت شويه عشان تفرمل مش من مجرد لمسه تفرمل ( دا بصراحه بالنسبه لى عيب , مش عارف كل التيجو كلها كدا ولا ايه , بس بالمناسبه الياريس كمان كدا بس معرفش برضه كل الياريس كدا ولا لأ )

التوكيل متعب شويه

وبرضه من عيوبها اكيد استهلاك بنزين اكتر من ال 1600 والترخيص والضريبه اكبر

بس بصراحه بالسعر دا يبقى مميزاتها اكتر من عيوبها

منور القسم يا حسام باشا و الله
انا سوقت ال 516 و كان الباور بتاعها بلاي استيشن
يعني ميه ده حتي باور الكوري انشف شويه من الباور ده
فهل باور التيجو مختلف عن باور ال 516
و بعدين هو مش كهربه و لا ايه النظام ؟

[papacito74]

تجربتي مع التيجو

السلام عليكم و رحمه الله

اذا سمحتولي أضيف للموضوع ده انا والدي عندو تيجو 2000 سي سي و هي بصراحه عربيه محترمه و معقوله بالنسبه لسعرها و اسمحولي أوضح في عده نقاط
1-الموتور قوي و عفي و عزمه ممتاز في التسارع أو تسلق مرتفع أو تله
2-الفتيس ناعم نوعا ما وأعتقد ده طبيعي بالنسبه للأوتوماتيك
3-العفشه محيره نوعا ما يعني ساعات بحس انها ناعمه و ساعات بحس انها ناشفه على حسب نوع الطريق
4- الكراسي مريحه في الرحلات القصيره لكن في المسافات الطويله بتحس انها ناشفه شويه
5-خامات التابلوه رديئه و ممكن تكون أحسن من كده لأن فيه سيارات أرخص و خامات التابلوه أرقى
6-عزل الكابينه ممكن يكون أحسن من كده و خصوصا صوت الموتور على سرعات عاليه و صوت ماكينه الزجاج و فتحه السقف
7-الكماليات زجاج كهرباء و كاسيت سي دي ام بي ثري و فتحه سقف و مرايات كهرباء و سنتر لوك مع وحده رفع و مفتاح ريموت و كل ده معقول بالنسبه للسعر بس الحاجات اللي ناقصه ممكن تركبها زي سنسور الرجوع للخلف و ممكن تركب كاميرا كمان و طبعا ممكن تزود كاركيت
8-مفتاح الريموت ينقصه الذكاء يعني ممكن نسميه stupid key مش smart key لأن يصراحه حجمه و شكله مش عاطفي و تحس انه مفتاح Hummer مش تيجو
9-الكاسيت اللي بيجي مع العربيه ده حكايه لوحدو زي ما قولت بيشغل شرايط كاسيت و سي دي و ام بي ثري و AUX in يس ما فيهوش USB بس اللي يعوض ده ان في six disc CD changer تحت كرسي الراكب الأمامي و كمان الكاسيت معاه ريموت بس للأسف مش بيتثبت في عجله القياده لكن صوتو معقول و ان كان ينقصه subwoofer محترم بس دي أذواق

رأي النهائي السياره معقوله جدا بالنسبه لسعرها و امكانيتها لو قارنتها بالتريوس فأعتقد فرق السعر والامكانيات لصالح التيجو لكن الجوده والتقفيل لصالح التريوس و طبعا لولا أختلاف الأذواق لبارت السلع و شكرا

[bedoo100]

مشكلة الفرامل الواطيه ظهرت معي بشده و لم استلم السياره بسببها بعد ان قطعت بها مسافة 50 كم والموتور ال 1600 ضعيف علي حجم السياره و الكراسي ناشفه و غير مريحه و العزل ضعيف جدا و الخامات الداخليه رديئه

المميزات سياره قويه و الصاج متين و كماليات كثيره و سعر مناسب كسياره suv

[Hosam_Optrawy]

منور القسم يا حسام باشا و الله
انا سوقت ال 516 و كان الباور بتاعها بلاي استيشن
يعني ميه ده حتي باور الكوري انشف شويه من الباور ده
فهل باور التيجو مختلف عن باور ال 516
و بعدين هو مش كهربه و لا ايه النظام ؟

دا نورك يا روميو

الحقيقه مش عارف هو كهربا ولا لأ بس يعتبر تقيل شبه باور اللانسر بوما كدا او اتقل حاجه بسيطه

[Ghost2]

منور يا حسام .. والله واحشني يا صديقي .. عامل ايه كده واخبارك .. واخبار الاوبترا ايه ؟

[Hegazio]

و الله انا حارد عشان الحبايب .. مع ان الموضوع بتاعي فوق فيه تقييمي الشامل
طبعا اللي بيحس ان الباور اضعف من ال 516 .. خدت بالك العجل حجمه قد إيه؟
و اللي بيحس ان العفشة خشنه .. المفوض في عفشة ال suv التحمل أكثر من الراحة .. سقت رانجلر قبل كده؟
الموتور الضعيف لـ 1600 .. سقت التيريوس ؟
معلش فيه ناس بتحكم من تجارب قيادة قليلة .. و فيه ناس اعرفها واخداها حرب كأن التيجو قتلت لهم قتيل .. و اقبس شعار أحد الأعضاء
تيـجو .. الشهيرة بكيــداهم !!!

[Hosam_Optrawy]

منور يا حسام .. والله واحشني يا صديقي .. عامل ايه كده واخبارك .. واخبار الاوبترا ايه ؟

ربنا يخليك يا احمد

الحمد لله تمام

والاوبترا لحد دلوقتى اصيله معايا الحمد لله

[AMIRELGOHARY]

الحقيقة مليش فى الصينى. بس عندى سؤال مش لاقيله اجابة.
بحساب السعر قبل الجمارك على ال1600 يكون السعر 49,000 (حسبتها على 80,000)
و ال 2000 يكون سعرها 39,500 (حسبتها على 110,000)
ازاى بقى سعر ال2000 سى سى يبقى ارخص من ال 1600 سى سى.

[amir]

ممكن كلام اكتر عنها خصوصا ان المنافس الوحيد ليها في مصر التيريوس و للاسف فرق السعر بينهم مغري جدا جدا
و بالنسبه لملاكها ممكن صور صور صور و تقييم كل شويه كده

[hemaa_82]

و الله انا حارد عشان الحبايب .. مع ان الموضوع بتاعي فوق فيه تقييمي الشامل
طبعا اللي بيحس ان الباور اضعف من ال 516 .. خدت بالك العجل حجمه قد إيه؟
و اللي بيحس ان العفشة خشنه .. المفوض في عفشة ال suv التحمل أكثر من الراحة .. سقت رانجلر قبل كده؟
الموتور الضعيف لـ 1600 .. سقت التيريوس ؟
معلش فيه ناس بتحكم من تجارب قيادة قليلة .. و فيه ناس اعرفها واخداها حرب كأن التيجو قتلت لهم قتيل .. و اقبس شعار أحد الأعضاء
تيـجو .. الشهيرة بكيــداهم !!!

كيداهم دي بتاعتي :) بس مش خسارة فيك

[bedoo100]

و الله انا حارد عشان الحبايب .. مع ان الموضوع بتاعي فوق فيه تقييمي الشامل
طبعا اللي بيحس ان الباور اضعف من ال 516 .. خدت بالك العجل حجمه قد إيه؟
و اللي بيحس ان العفشة خشنه .. المفوض في عفشة ال suv التحمل أكثر من الراحة .. سقت رانجلر قبل كده؟
الموتور الضعيف لـ 1600 .. سقت التيريوس ؟
معلش فيه ناس بتحكم من تجارب قيادة قليلة .. و فيه ناس اعرفها واخداها حرب كأن التيجو قتلت لهم قتيل .. و اقبس شعار أحد الأعضاء
تيـجو .. الشهيرة بكيــداهم !!!

علي فكره انا من هؤلاء المعادين للتيجو ومش للتيجو بس ده لكل المنتجات الصينيه و غير الصينيه التي تقدم لنا كشعب استهلاكي بدون اي جوده او بمواصفات في منتهي الرداءه و لا تستحق المبالغ التي يدفعها فيها المستهلك وحكمي من تجربتي الشخصيه مع التيجو و غيرها من المنتجات الصينيه