الحمد لله m11خدت خبطه من الاكصدام الامامى

[aftr]

الحمد لله وانا ماشى لسه بدخل شارع مره واحده لقيت صوت نزلت من العربيه لقيت واحد بن حلال حاطط فى دخلت الشارع دبشه كبيره مكنتش شيفها الاكصدام دخل لجوه وانكسر منه حجات بس شكلها بقى وحش قوى اتصلت بالتامين انشاء الله اروح يوم السبت واشوف الدنيا ظروفها ايه ياترى هيتغير الاكصدام كله ولا هيردو ويرشو لان الخطبطه داخله لجوه بصراحه مدايق منها اقوى -ياترى بتاخد وقت

[hemaa_82]

دي الغين رقم 1 يا معلم ...... نصيحة سيبها شوية

[ringoo84]

الحمد لله على كل حال بس لو حضرتك هتلجاء للتامين الموضوع بيطول شويه ممكن اسبوعين لو التوكيل علطول معتقدش هتاخد وقت وربنا معاك

[aftr]

هيه فعلا العين الحمد لله اول حاجه كنت جايب فرش روحت لواحد صحبى سروجى اعمل ياعم الفرش اول حاجه قلها العربيه جميله قوى والفرش ده هياكل عليها جامد قولت فى سرى ربنا يستر من الصبح و3 صنايعيه شغلين فيها ارضيه وشنطه وكله شويه لسه بقفل ازاز الباب لقيت تقططه فى الزجاج زى ماتقول تروس كده شويه الازاز بيطلع من المجره والله استغربت قولت انزل واطلعه تانى نفس الوضع قولت طيب لما اروح الصيانه اعمله خلاص الصنايعى خلص الشغل ادور العربيه الكهربه قطعت كلها الزجاج والكلكس اشارات كل كهربه العربيه شكرا قولت استر يارب اتصلت بواحد صحبى كهربائى قالى جبهالى روحت طبعا ولا فيه تلكس ولا اشارات كنت حاسس انى قاعد فى خندق ولا هو الزجاج كله مقفول صاحبى شاف كل الفيوز قالى كله سليم طيب ايه المشكله قالى فى قفله وعمل الاقفله قالى بس لازم اوصل الاقفله جت منين بقى مستغرب قالى السروجى عمل ايه قولتله فرش الارضيه وربط بالماسمير فى الفبر قعد يراجع كل السلوك فعلا لقينه سلكين ملمسين مكان ربطه مسمار قالى شوفت ياعم قولته الحمد لله قالى غلطه السروجى قبل ما السروجى يشتغل كل الصنايعيه كانو بيتفرجو على العربيه والله انا بحمد ربنا على كل حاجه مع انى والله عمرى مابصيت على حاجه غير ماقول الله اكبر ربنا يزيد صحبها بس انا بشكر ربنا على كل شى احسن ماكانت جت فيه ولاحاجه معلش انا طولت عليكم ادعولى ربنا يسهل وتتعمل لان والله مدايق ومش عاوز اركب العربيه ولاشوفها كده والله انا سيبها ماروحتش شوفتها تانى بصراحه انا زعلان قوى انشاء الله اروح يوم السبت واليى فى الخير يقدمه ربنا ومشكور على الردود--- نسيت حاجه الزجاج انظبت الحمد لله لوحده وانا عند الكهربائى لسه بقوله الوضع قالى ورينى قالى ماشغال قولت الحمد لله

[ash257]

ماتزعلش نفسك
أي عربية جديدة بتبقى كدة ورأي تأقلم مع شكلها كدة مؤقتا ولو شهرين ثلاثة وبعدين صلحها تكون العربية قدمت شوية والناس بطلت تبص عليها

[muhmado_furp]

لا طبعا متتنزلش في التأمين الا ان تغير الاكصدام
وده حقك

[aftr]

شكرا على الردود انا اتصلت بصاحب المعرض قالى روح لواحد سمكرى لو مش هتكلف 100جنيه اعملها وخلاص بس انا مش عاوز اروح للصنايعيه حرام العربيه لسه جديده انا هاروح بكره انشاء الله يامسهل

[dramr40]

ربنا يوفقك وتتصلح وترجع تانى احلى من الاول كمان

بس ياريت تسيبها شويه كدا لان فعلا العين تعمل اكتر من كدا


ودايما قبل ما تتحرك بالعربيه قول دعاء السفر عشان ربنا يسترها معاك