ممكن تقولولى أعمل ايه ..؟؟؟

[ahmeddarhos]

مساء الخير على أعضاء أحلى منتدى سيارات .....
أنا من ملاك M11 .. استلمتها من 3 شهور وعاملة 6600 كم بالظبط لغلية النهاردة.
بصراحة يا جماعة رأيى فى العربية انها أكتر من ممتازة (على قد تمنها).. ومريحة جدا
فى السواقة وثباتها أكتر من رائع.. وبصراحة فضلت فرحان بيها جدا جدا لغاية من شهر
تقريبا.. كنت ماشى وقافل زجاج الابواب ومشغل التكييف فى طريق مش متسفلت كويس
وبدأت اسمع صوت رجرجة فى الزجاج.. المهم قلت بسيطة ورحت أعمل صيانة 5000 فى
أبوغالى طومانباى... المهندس حاول يقنعنى انه مافيش حاجة.. ولما أصريت جرب العربية معاى وفعلا قال لى كلامك صح بس بصراحة مش هنقدر نحل المشكلة دى .. لازم تروح ابوالفتوح اللى فى جسر السويس.. بعد كام يوم صوت الزجاج زاد وبقى مضايقنى جدا.. رحت جسر السويس وقلتلهم على المشكلة .. المهم المقابلة تمام والناس محترمة.. لكن استلمت العربية زى ما هى بالظبط..!!!!
رجعت للمهندس وقلتله و بعد ما جرب العربية معاى تصوروا رد قال لى ايه...؟؟ قال تصدق انا بسمع نفس الصوت ده فى عربيتى A620 و عمرة ما ضايقنى ...!!!!
بالله عليكم أرد أقول ايه؟؟
المهم قال نفس الكلام المعتاد ان العيب فى جودة الخامات المستخدمة والكاوتش اللى حوالين الزجاج
وانه ما عندوش حل للحكاية دى وممكن اروحلهم فى أبورواش علشان يشوفوا حل...
وبصراحة يا جماعه انا هاموت من الغيظ .. فعلا العربية روعة وحاجة صغيرة زى دى مش عارفين يحلوها.. وكل الاعضاء فى المنتدى بيحذروا من أبورواش وبيقولوا العربية بتخل وتطلع زى ماهى...
بصراحة أنا مش عارف أعمل ايه..؟؟؟ يا ريت لو حد عنده حل يقول لى بسرعة...
و أخيرا اسف للاطاله..

[ash257]

روح أبو رواش وجرب مش هاتخسر حاجة لو ماتصلحتش مش هاتبوظ اكتر من كدة

[samehsalem]

نفس الحوار عندي يا باشا برده ولما رحت طومانباي المهندس طلع جرب معايا العربية وسمع الصوت قاللي ماشي هظبطهولك ورجعنا وقاللي خلاص اتعملت سالته هو من ايه قاللي حاجات كدة وتشحيم عفشة قلتله طيب شكرا ومشيت بالعربية الصوت فعلا راح يادوب وصلت لاشارة روكسي سمعت نفس الصوت والصوت فعلا جاي عندي من ورا بس مش قادر احدد منين ممكن حضرتك توصفلي الصوت عامل ازاي ..

[market_profile]

الحل معاهم الزعيق و التهديد بجهاز حماية المستهلك - يعني ايه عربيه جديده و يقولك في التوكيل مليش حل ليها و الكلام ده

[hemaa_82]

بصوا يا اخوانا ... انا احيانا بسمع صوت بس وانا بطلع و انزل الزجاج بس لما يكون مطين لان انا مبنضفش العربية الا نادرا ..... انما لما بنضف الزجاج بيبقا طالع نازل تمام .... انما يتهز مع المشي لا ....و المفروض ان علشان يطلع صوت يبقي الزجاج سايب ,هوا سايب فعلا....بيتهز تحت ايدك لما تجرب تهزه.....؟؟؟
بس انا قريت انك بتبقي قافل الزجاج ... يعني مبيت في الكاوتش بتاعه و محشور علي الاخر...غريبة دي


انا الكاوتش عندي كله داير مايدور طري ...انت عندك ايه النظام؟؟؟؟

[max_ziro]

مساء الخير على أعضاء أحلى منتدى سيارات .....
أنا من ملاك m11 .. استلمتها من 3 شهور وعاملة 6600 كم بالظبط لغلية النهاردة.
بصراحة يا جماعة رأيى فى العربية انها أكتر من ممتازة (على قد تمنها).. ومريحة جدا
فى السواقة وثباتها أكتر من رائع.. وبصراحة فضلت فرحان بيها جدا جدا لغاية من شهر
تقريبا.. كنت ماشى وقافل زجاج الابواب ومشغل التكييف فى طريق مش متسفلت كويس
وبدأت اسمع صوت رجرجة فى الزجاج.. المهم قلت بسيطة ورحت أعمل صيانة 5000 فى
أبوغالى طومانباى... المهندس حاول يقنعنى انه مافيش حاجة.. ولما أصريت جرب العربية معاى وفعلا قال لى كلامك صح بس بصراحة مش هنقدر نحل المشكلة دى .. لازم تروح ابوالفتوح اللى فى جسر السويس.. بعد كام يوم صوت الزجاج زاد وبقى مضايقنى جدا.. رحت جسر السويس وقلتلهم على المشكلة .. المهم المقابلة تمام والناس محترمة.. لكن استلمت العربية زى ما هى بالظبط..!!!!
رجعت للمهندس وقلتله و بعد ما جرب العربية معاى تصوروا رد قال لى ايه...؟؟ قال تصدق انا بسمع نفس الصوت ده فى عربيتى a620 و عمرة ما ضايقنى ...!!!!
بالله عليكم أرد أقول ايه؟؟
المهم قال نفس الكلام المعتاد ان العيب فى جودة الخامات المستخدمة والكاوتش اللى حوالين الزجاج
وانه ما عندوش حل للحكاية دى وممكن اروحلهم فى أبورواش علشان يشوفوا حل...
وبصراحة يا جماعه انا هاموت من الغيظ .. فعلا العربية روعة وحاجة صغيرة زى دى مش عارفين يحلوها.. وكل الاعضاء فى المنتدى بيحذروا من أبورواش وبيقولوا العربية بتخل وتطلع زى ماهى...
بصراحة أنا مش عارف أعمل ايه..؟؟؟ يا ريت لو حد عنده حل يقول لى بسرعة...
و أخيرا اسف للاطاله..

ياباشا عن تجربة توكيل مصر اسماعيلية
المنايف يعنى احسن ما فيهم فية مهندش قمة فى الادب و الزوق هوا صحيح على قد حالة و عامل زى الورشة انما المهندس الى هناك قمة فى الزوق و بيراعى ضميرة بشكل غريب
ياباشا لو محتاج تروح انا فاضى حضرتك شوف وقت فاضى و انا اروح معاك و انشاء الله يبقى كلة تمام ..

[emad7759]

نصيحه لله اشتكى فى حمايه المستهلك

للان مشكلتك مش هتتحل الا لو اشتكيت فى حمايه المستهلك


انا عربيتى مخلصتش الا لما اشتكيت فى حكايه الكستهلك

[ahmeddarhos]

نفس الحوار عندي يا باشا برده ولما رحت طومانباي المهندس طلع جرب معايا العربية وسمع الصوت قاللي ماشي هظبطهولك ورجعنا وقاللي خلاص اتعملت سالته هو من ايه قاللي حاجات كدة وتشحيم عفشة قلتله طيب شكرا ومشيت بالعربية الصوت فعلا راح يادوب وصلت لاشارة روكسي سمعت نفس الصوت والصوت فعلا جاي عندي من ورا بس مش قادر احدد منين ممكن حضرتك توصفلي الصوت عامل ازاي ..

الصوت عندى يا باشا عبارة عن رجرجة.. عارف صوت الزجاج بتاع شباك البيت لما تقفله جامد هو نفس الصوت اللى باسمعه بس على أخف حبتين.. وظاهر عندى أكتر فى الزجاج الامامى ..لكن الخلفى صوت بسيط جدا ما باسمعوش الا لو ركزت معاه..

بصوا يا اخوانا ... انا احيانا بسمع صوت بس وانا بطلع و انزل الزجاج بس لما يكون مطين لان انا مبنضفش العربية الا نادرا ..... انما لما بنضف الزجاج بيبقا طالع نازل تمام .... انما يتهز مع المشي لا ....و المفروض ان علشان يطلع صوت يبقي الزجاج سايب ,هوا سايب فعلا....بيتهز تحت ايدك لما تجرب تهزه.....؟؟؟
بس انا قريت انك بتبقي قافل الزجاج ... يعني مبيت في الكاوتش بتاعه و محشور علي الاخر...غريبة دي


انا الكاوتش عندي كله داير مايدور طري ...انت عندك ايه النظام؟؟؟؟

بص يا هيما... انا مع الطلوع والنزول مافيش صوت خالص... الصوت بيكون ظاهر أكتر وانا قافل الزجاج تماما وبيقل شويه لما يكون مقتوح شويه .. والمهندس قال لى يومها ان الصوت تقريبا هو هو بس دوشة العربيات هى اللى بتخليك تحس انه قل شويه.. الكاوتش اللى حواليه طرى .. بس أنا سمعت رأيين فى الموضوع ده.. واحد صاحبى ( ومهندس تكنوسيرفيس برده) ان الكاوتش لازم يتغير..!!!
و واحد تانى رأيه ان المكنة بتاعة الزجاج عاوزة تنضيف..!!
بصراحة انا مش حابب أروح أبو رواش خالص وبفكر أسأل على واحد بتلع زجاج بره يكون كويس و أصلحها عنده.... ايه رأيك؟؟؟؟

ياباشا عن تجربة توكيل مصر اسماعيلية
المنايف يعنى احسن ما فيهم فية مهندش قمة فى الادب و الزوق هوا صحيح على قد حالة و عامل زى الورشة انما المهندس الى هناك قمة فى الزوق و بيراعى ضميرة بشكل غريب
ياباشا لو محتاج تروح انا فاضى حضرتك شوف وقت فاضى و انا اروح معاك و انشاء الله يبقى كلة تمام ..

يا باشا كتر ألف خيرك... بصراحة أحلى حاجة فى المنتدى ده ان الناس كلهم محترمين ومتعاونين جدا... انت لو ماعندكش مانع ممكن نروح أى وقت.... ولو تحب نأجلها شويه لغاية ميعاد الصيلنة الدورية مافيش مانع ( انا عامل 7000كم)..

نصيحه لله اشتكى فى حمايه المستهلك

للان مشكلتك مش هتتحل الا لو اشتكيت فى حمايه المستهلك


انا عربيتى مخلصتش الا لما اشتكيت فى حكايه الكستهلك

معلش ممكن أعرف مشكلة عربيتك كانت ايه؟؟؟
ويا ترى انت شايف ان مشكلتى تستاهل أروح حماية المستهلك ...
ومعلش ممكن أعرف حضرتك قدمت الشكوى ازاى بالظبط .. يعنى على الموقع بتاعهم ولا رحت الجهاز.. وهو عنوانة ايه علشان انا ما اعرفوش


و أحب اقوللكم ان انا متشكر جدا جدا ياجماعة على الردود وربنا يوفقنا جميعا..
و أخيرا أنا عندى اقتراح يا ريت توافقه عليه.. ان احنا كل ملاك ال m11 على المنتدى نحدد ميعاد ومكان نتقابل فيه كلنا ونتعرف على بعض بحيث ان لو حد عنده مشكلة نحاول نساعده فيها كل واحد برأيه.. وتيقى معرفة خير ان شاء الله..
أخوكم د/ أحمد حسين درهوس

[ahmeddarhos]

مساء الخير يا شباب ... أنا بفكر اشوف حد يكون بتاع ازاز عربيات شاطر وأصلح العربية عنده وخلاص لأنى بصراحة مش متحمس لموضوع التوكيل ده ومش عارف موضوع جهاز حماية المستهلك ده فين وازاى..؟؟؟؟
انا بصراحة زهقان جدا.... يا ريت لو حد يعرف صنايعى شاطر يقوللى عليه...
والف شكر....

[hemaa_82]

الفكرة بس ان الازاز لما بيكون مقفول بيكون محشور في جواناته فصعب انه يتهز ....!!! فاهمني؟؟؟؟

ممكن طب تجرب و الازاز مقفول تحاول تهزه فوق وتحت وبرضه حاول تهزه لجوة و برة .... لو حسيت باي بوش بالنسبة لجوة و برة يبقي كاوتش.... انما لو بيتهز لفوق و تحت"اتجاه الحركة الطبيعي" تبقي المكنة عايزة ظبط او تغيير

[ahmeddarhos]

انا امبارح كنت فى سبرا ولقيت واحد بتاع ازاز قلت أسأله...
المهم الراجل ركب معاى العربية وقعد يخبط عاى الازاز ويهزه جامد وهو مقفول...
ومرة واحده لقيته مركز قوى وحاطط ودنة على الباب وقاللى ... ان الصوت جاى من ورا التنجيد بتاع الباب مش من الأزاز نفسه.. و ده غالبا فى مشكلة فى المكنة.. وقاللى انت لازم تروح التوكيل علشان لو حد اشتغل فيها بره ممكن يبوظ التنجيد.. أنا شكلى كده هتوكل على الله و هاروح ابورواش الاسبوع الجاى.....
دعواتكم...

[hemaa_82]

ربنا يكرمك ان شاء الله .... بس شفت؟؟؟؟؟ عمل زي مكنت بقولك

[teha]

انا عندي نفس الصوت

انا عندي نفس الصوت بالظبط بس حكايت معاه كالتالي :

بعد ما اشتريت العربية باسبوع كدة غالبا اخدت مطب او لا مش عارف لقيت صوت التزييق اللي في الازاز ده فقلت يمكن من العفشة و خليني في صيناعة ال1000 اسالهم و اشوف ايه نظامه .

رحت صيانة الالف و قالولي مفيش حاجة كل حاجة راكبه زي الفل جرب كدة بعد ما ربطنا العفشة وبعدين لو في حاجة نشوفها في صيانةال 5000.

انا علطول بروح مركز الصيانة الل في طريق مصر اسماعيلية بس يعتبر عند اسماعيلية مش عارف ده اللي انت تقصدوه و لا لأ .

المهم مشيت بعد صيانة الالف و بعدها بشوية لقيت الصوت زي ما هوه بالضبط المشكلة ان الصوت بيطلع في الاماكن اللي مش مرصوفة كويس اما لو طريق حلو مبيطلعش .

استنيت و رحت صيانة ال 5000 و قلتلهم على الصوت قالولي طيب ده هيحتاج ساعتين عشان هنفك الابواب بالكامل عشان نعرف الصوت منبن قلت لا خليها بعدين و بصراحة خفت اطلع من الموضوع ده بمشاكل اكبر من المشكلة بتاعت التزييق.

الصوت بقة بيطلع منين ، الصوت بيطلع من الجلد مش من الفرش اقولك ليه يا باشا .
لان الصوت مش بيطلع الا لما يكون الازاز لامس الجلد الملفوف اللي في اعلى الباب وعلى كلامك انك لو نزلت الازاو سنة صغيرة بتلاقي الصوت يروح او يقل .
وبعدين جرب و انت فاتح الازاز اصلا اضغط على الجلد بايديك كان الازازاللي بيضغط عليه هتسمع نفس الصوت بالضبط .
الموضوع كله ان الجلود ديه من الحاجات المصرية اللي بتتعمل في مصر و طبعا مادام التقفيل مصري يبقى ممكن او لابد تلاقي حاجات شبه كدة .
انا الصوت مدايقني جدا بس مع الكاسيت بقيت بنفضله .
لو لقيت حل للموضوع ده قلي الله يكرمك لان ديه هيه بس الحاجة اللي مزعلاني من العربية بس
و حاسس اني مشتريش عربية تقفيل مصري تاني على الفكرة المشكلة من انها صيني المشكلة انها تقفيل مصري بس غير كدة العربية مية مية و الحمدلله .

[ahmeddarhos]

انا عندي نفس الصوت بالظبط بس حكايت معاه كالتالي :

بعد ما اشتريت العربية باسبوع كدة غالبا اخدت مطب او لا مش عارف لقيت صوت التزييق اللي في الازاز ده فقلت يمكن من العفشة و خليني في صيناعة ال1000 اسالهم و اشوف ايه نظامه .

رحت صيانة الالف و قالولي مفيش حاجة كل حاجة راكبه زي الفل جرب كدة بعد ما ربطنا العفشة وبعدين لو في حاجة نشوفها في صيانةال 5000.

انا علطول بروح مركز الصيانة الل في طريق مصر اسماعيلية بس يعتبر عند اسماعيلية مش عارف ده اللي انت تقصدوه و لا لأ .
المركز اللى رحته اسمه تكنوسيرفيس فى جسر السويس.. و هم ناس مقابلتهم كويسة جدا بس حسيت انهم مش فاهمين حاجة ..

المهم مشيت بعد صيانة الالف و بعدها بشوية لقيت الصوت زي ما هوه بالضبط المشكلة ان الصوت بيطلع في الاماكن اللي مش مرصوفة كويس اما لو طريق حلو مبيطلعش .
هو ده نفس اللى بيحصل معاى بالظبط...

استنيت و رحت صيانة ال 5000 و قلتلهم على الصوت قالولي طيب ده هيحتاج ساعتين عشان هنفك الابواب بالكامل عشان نعرف الصوت منبن قلت لا خليها بعدين و بصراحة خفت اطلع من الموضوع ده بمشاكل اكبر من المشكلة بتاعت التزييق.

الصوت بقة بيطلع منين ، الصوت بيطلع من الجلد مش من الفرش اقولك ليه يا باشا .
لان الصوت مش بيطلع الا لما يكون الازاز لامس الجلد الملفوف اللي في اعلى الباب وعلى كلامك انك لو نزلت الازاو سنة صغيرة بتلاقي الصوت يروح او يقل .
فعلا الصوت بيكون ظاهر والازاز مقفول ولو مفتوح شوية بيقل .. بس لسه موجود.. والمهندس قاللى يومها ان الصوت هو هو بس دوشة الشارع هى اللى بتغطى عليه..!!!!!
وبعدين جرب و انت فاتح الازاز اصلا اضغط على الجلد بايديك كان الازازاللي بيضغط عليه هتسمع نفس الصوت بالضبط .
الموضوع كله ان الجلود ديه من الحاجات المصرية اللي بتتعمل في مصر و طبعا مادام التقفيل مصري يبقى ممكن او لابد تلاقي حاجات شبه كدة .
انا الصوت مدايقني جدا بس مع الكاسيت بقيت بنفضله .
نفس اللى باعمله بالظبط ... انا على طول مشغل الكاسيت علشان ما سمعوش وبالذات لو قافل الازاز ومشغل التكييف..
لو لقيت حل للموضوع ده قلي الله يكرمك لان ديه هيه بس الحاجة اللي مزعلاني من العربية بس
و حاسس اني مشتريش عربية تقفيل مصري تاني على الفكرة المشكلة من انها صيني المشكلة انها تقفيل مصري بس غير كدة العربية مية مية و الحمدلله .

بص أنا بصراحة بحب العربية دى جدا وفعلا لو هم راعوا ضميرهم شوية فى التجميع هتبقى تحفة... بس نعمل ايه هى دى مصر ..!!!!
اللى انا ناوى أعمله يا باشا انى هتوكل على الله و أروح أبو رواش و مش هسيبهم غير لما يتصرفوا .. العيب من الازاز ,, من المكنة ,, من الكاوتش ... ماليش دعوة .... ولو مااتصلحتش كويس هأروح على جهاز حماية المستهلك عدل....
لو تحب نظبط معاد و نروح مع بعض أبورواش مافيش مشاكل ...
و ربنا يوفقنا جميعا..

[teha]

ماشي والله اتشرف طبعا اني اروح معاك بس انا خايف يجوا يصلحوها يبظولي حاجة تانية اكبر بكتير .
بس المبدا نفس مش مرفوض اننا نطالب بحقنا و نشوف يمكن يجبولنا ابواب جديدة :)