التيجو عاملة اية معاكم بعد استخدام فترات طويلة ؟

[pro_samir]

سلام عليكم

في واحد صاحبي واكل دماغي علي عربية جيب وكان بيقول علي التيجو

بس انا مكنتش مرتاحلها لكونها صيني لكن لما قريت شوية ملاقيتش مشاكل عامة في العربية غير موضوع التقفيل وتحديدا الأبواب

لكن السؤال : إية أخبار العربية دي بعد استخدام فترات طويلة ؟ وهل بتفضل ماسكة نفسها ولا بتتبهدل بسرعة زي أي حاجة صيني وتتفكك من بعضها وتخبط وترزع ؟

شكرا

[Ghost2]

والله للأمانه .. انا العربية عامله معايا 900 كيلو .. مفيهاش اي كلام .. غير موضوع الموتور سحبه مش اوي بعد ال 120 .. وناس كتير هتستغرب اني عملت كده في التليين .. بس انا بفتح البستم الاخير عشان انزل رايش الموتور كله في الزيت بحيث اني لما اغير زيت تبقى المكنه نضيفه تمام .. بس هي عشرة على عشرة .. ومن الاخر العربية عامله 83 الف يعني مينفعش نقارنها بالكيا كارينز والتيريوس .. لانهم في الخامات هيفرقو .. وفي السحب هيفرقو .. وبالتالي في السعر هيفرقو كتير اوي ..وتقبل فائق تحياتي

[attiahf]

الحمد للة العربية عاملة معايا حوالى 700كم ومش بطالة هى المشكلة فى التقفيل والفتيس تقيل حبتين والكلام دة بيتحل فى صيانة 1000كم
بالنسبة لمعدل استهلاك البنزين فلسة ما اقدرش احكم عليها بس علشان العربية تقيلة فمعدل الاتسهلاك هيكون عالى حبتين
بخصوص الشد والجرى ...فانسى لان العربية مش بتاعة الحاجات دى خالص
وغير ما ذكرت فالعربية مناسبة جدا لاحتياجتى فى حدود المبلغ المدفوع

[pro_samir]

والله للأمانه .. انا العربية عامله معايا 900 كيلو .. مفيهاش اي كلام .. غير موضوع الموتور سحبه مش اوي بعد ال 120 .. وناس كتير هتستغرب اني عملت كده في التليين .. بس انا بفتح البستم الاخير عشان انزل رايش الموتور كله في الزيت بحيث اني لما اغير زيت تبقى المكنه نضيفه تمام .. بس هي عشرة على عشرة .. ومن الاخر العربية عامله 83 الف يعني مينفعش نقارنها بالكيا كارينز والتيريوس .. لانهم في الخامات هيفرقو .. وفي السحب هيفرقو .. وبالتالي في السعر هيفرقو كتير اوي ..وتقبل فائق تحياتي

شكرا للرد يابوحميد وربنا يباركلك فيها

موضوع الجري اثناء التليين مفيهوش مشكلة علي فكرة ، لكن أهم حاجة ان ميكونش في حرق مفاجئ ولا برضو فرامل مفاجئة

يعني اجري لكن التسارع يكون تدريجي

اللي قالقني منها بس يا تري هتعمل اية مع الوقت وطول مدة الأستخدام

ومعليش هبقي اتقل عليك لو صاحبي دة حب يتفرج علي العربية

اشوفك علي خير المقابلة القادمة ان شاء الله

الحمد للة العربية عاملة معايا حوالى 700كم ومش بطالة هى المشكلة فى التقفيل والفتيس تقيل حبتين والكلام دة بيتحل فى صيانة 1000كم
بالنسبة لمعدل استهلاك البنزين فلسة ما اقدرش احكم عليها بس علشان العربية تقيلة فمعدل الاتسهلاك هيكون عالى حبتين
بخصوص الشد والجرى ...فانسى لان العربية مش بتاعة الحاجات دى خالص
وغير ما ذكرت فالعربية مناسبة جدا لاحتياجتى فى حدود المبلغ المدفوع

شكرا للرد ، وبالفعل العربية ملهاش منافس في رينج السعر دة

[Ghost2]

أنا تحت امرك يا ريس في اي وقت

[attiahf]

اخبار موضوع الفتيس اية معاكم
تقيل برضة والا دى مشكلة فردية

[kimocyc]

اخبار موضوع الفتيس اية معاكم
تقيل برضة والا دى مشكلة فردية

باشا.. روح التوكيل واطلب ضبط دواسة الدبرياج ، وزيادة زيت الفتيس.. وتشحيم عصا الفتيس وكلوا تمام انشاء الله

[adelkhalil]

انا عامل بيها 36000 والعربية ممتازة اهم حاجة الاهتمام بيها وعمل الصيانة باهتمام

[attiahf]

باشا.. روح التوكيل واطلب ضبط دواسة الدبرياج ، وزيادة زيت الفتيس.. وتشحيم عصا الفتيس وكلوا تمام ان شاء الله

متشكرين جدا وربنا يسهل وينفذوا الكلام دة احسن الفتيس مضايقانى جدا

[kesmat]

السلام عليكم ورحمة الله وبركاته

خوانى الأعزاء بعد أذنكم لى تقرير خاص عن السيارة التيجو ،

* بالنسبة لرأى الشخصى بان هذة السيارة فوق الممتازه وهذا خاصة بالمقارنه لسعرها عن باقى السيارات فى نفس الفئة ( على فكرة كنت أملك سيارة تيجو 1600 موديل 2010 وكنت عامل بيها 3200 كم ولكن للأسف بعتها لظروف خاصة ) .
1- بالنسبة لموضوع تقل الغيار فى الفتيس وده بيحصل فى الأول والثانى دون باقى الغيارات ، فهذه المشكلة تنتهى عند صيانه 1000 كم نهائيا .
2- بالنسبة لموضوع السحب فانا لى رأى مخالف مع الأخوه ، فيجب الألتزام بموضوع التلين أى لا يجب أن تتخطى سرعة 100 فى 1000 كم الأولى وهذا هام جدا وبعد ذلك جرب سرعة السيارة بعد الصيانه الأولى فأن السيارة كانت تتواصل فى السرعة حتى 160 ، 170 على طريق السخنة بدجة أنى كنت أستغرق مده 35 دقيقة من البوابة الى البوابة الأخرى ، أى أن سرعة الماتور والسحب جيد جدا .
3- لاكن كانت لى شكوى فى أن السيارة عن التسارع بسرعة 160 ويكون فى مطلع يتم خفض السرعة لتصل الى 140 وكان الموضوع سبب لمضايقتى جدا ولكنى سالت فى التوكيل ده مجرد ظبط فى الرشاشات وينتهى ولكنى بعت السيارة قبل أن أقوم بعملية الظبط .
4- السيارة فى المجمل ممتازه لأنها عالية والصالون واسع جدا الشنطة ل مثيل لها .

والله أنا فى حيرة بعد مابعت السيارة لأن أن شاء الله بعد فترة قصيرة هاشترى سيارة مرة اخرى ومش لاقى سيارة بنفس الموصفات ونفس الأمكانيات وبنفس السعر .

ولكن المهم من ذلك هو أن يكون استمرار جوده هذة السيارة على مدار الأستخدام لسنوات وليس لأول سنه أوسنتين .

ملحوظة :
أنا كنت بالأمس شفت سيارة صينى تنتج حديثا بمصر وعن طريق شركة كبرى من شركات السيارات وكان السعر لها 130000 وهى 2000 سى سى مانيوال ولكن بمقارنة التقفيل الداخلى لها وبين التيجو فان التيجو هى نمرة 1 بمراحل ونقول عمار يا أبو الفتحو على ضرب السوق بالعربية التيجو . وده برغم كان لى شكوى فى تقفيل سجادة ارضية الصالون ولكنها تكسب .

ارجو أن أكون افدت بشى ,أنا تحت أمركم فى أى استفسار .
وأسف على الأطالة .

[pro_samir]

ولكن المهم من ذلك هو أن يكون استمرار جوده هذة السيارة على مدار الأستخدام لسنوات وليس لأول سنه أوسنتين .

للأسف دة السؤال اللي محدش هيعرف اجابتة غير بمرور الزمن

شكرا للمعلومات

[amir]

ممم كلام جميل
بس اللي بيفكر في التيريوس علشان العلو عن الارض و المطبات و خلافه
و في نفس الوقت الكاش مش مساعد علي التيريوس
هل احط التيجو في حساباتي؟
و اخبار العفشه و استهلاك البنزين ايه
و مفيش خبر علي 1600 اوتوماتك؟
اصلي راكب اوتوماتك و اكيد التغيير للمانيوال تاني حاجه مش هعملها الا لو ال 2000 سي سي تستاهل ان الواحد يفكر فيها و بالمناسبه ايه اخر الاسعار حاليا؟

[said.d.y]

السلام عليكم ورحمة اللة وبركاتة،
انا معايا التيجو 2000 اتوماتيك منذ1/1/2009 وعامل بيها حوالى 14000كم، وسافرت ورحت وجيت وافتريت وحملت وكبست وطلعت ونزلت، والعربية زى الفل،وبتسحب وثابتة، مفيهاش عيوب الا ال بتظهر نتيجة التقفيل المحلى وبالنسبة لسعرها حكاية، وطبعاً الهيركبها بعد اى عربية عادية هيحس بفرق فى الخشونة وصوت الموتور واستهلاك البنزين ، بس دة طبيعى بالنسبة للاستيل دة من العربيات (suv)،وبمقارنتها بالمثيل(سوزوكى فيترا)ولما بتكون بنفس سعة الموتور والمواصفات - طبعاً السوزوكى كاسم وجودة اعلى لاكن موش بالدرجة اليكون فيها فرق السعر اكتر من 130%
يعنى التيجو ب105 الف تكون السوزوكى ب130-140 بالكتير، لاكن فوق ال210 الف ، موش قوى كدة، التيجو تكسب بصراحة، واى استفسار انا فى الخدمة

[fgfg1975]

السلام عليكم ورحمة اللة وبركاتة،
انا معايا التيجو 2000 اتوماتيك منذ1/1/2009 وعامل بيها حوالى 14000كم، وسافرت ورحت وجيت وافتريت وحملت وكبست وطلعت ونزلت، والعربية زى الفل،وبتسحب وثابتة، مفيهاش عيوب الا ال بتظهر نتيجة التقفيل المحلى وبالنسبة لسعرها حكاية، وطبعاً الهيركبها بعد اى عربية عادية هيحس بفرق فى الخشونة وصوت الموتور واستهلاك البنزين ، بس دة طبيعى بالنسبة للاستيل دة من العربيات (suv)،وبمقارنتها بالمثيل(سوزوكى فيترا)ولما بتكون بنفس سعة الموتور والمواصفات - طبعاً السوزوكى كاسم وجودة اعلى لاكن موش بالدرجة اليكون فيها فرق السعر اكتر من 130%
يعنى التيجو ب105 الف تكون السوزوكى ب130-140 بالكتير، لاكن فوق ال210 الف ، موش قوى كدة، التيجو تكسب بصراحة، واى استفسار انا فى الخدمة

[amir]

انا نزلت شوفت التيجو ال 200 سي سي مانيوال بفتحه سقف
العربيه مع اني متحيز ليها من ناحيه السعر
الا اني كشيت منها قوي قوي لما شفتها و قلبت فيها كده علي خفيف
باب الشنطه تقيل بغباء و تقريبا علي مفصله واحده (اللي عرفت اشوفها علشان وضعيه العربيه في المصريه للسيارات كانت صعبه شويه)
طبعا القعده و راحه الكراسي في التنقل داخل البلد و علي طرق السفر مقدرش احكم
مساحه الشنطه كويسه و معقوله
بس لازالت كده التيريوس مش نافعه تفارق خيالي
و سمعت و الله اعلم ان موتور ال 1600 علي التيجو يادوبك ممشيها
طبعا انتو ادري مني
بس لو سعر الاوتوماتك ال 2000 سي سي ينزل شويه
التيريوس بادئه من 116 تقريبا
انا مستحرم علشان اركب عربيه suv اوتوماتك ادفع في التيجو ال 2000 سي سي 100 الف و شويه و اسيب التيريوس
علي فكره دي مناقشه مش هجوم علي التيجو
انا بس كنت مستني شكل داخلي احسن من كده شويه
و مستني ارائكم و ناقشاتكم مع عميق احترامي للصناعه الصينيه المتطوره (اللي ادتنا علي قفانا اللي اخر فرحتنا صناعه استيكه) و لابو الفتوح شخصيا بتميزه و ارتقائه بمستوي العربيات الصينيه اللي بيجيبها