الصيني والجدال عليه

[ALshahba]

فى ناس لسه عايشه فى الاحلام ان الصيني مش بيتباع
خليهم يحلمو الواقع غير كده

[attiahf]

المشكلة ان الشعب المصرى عاطفى مش بيحكم عقلة كويس
العربيات الصينى مش احسن حاجة فى السوق بس بقى الطلب عليها

[fgfg1975]

اشكر ردودكم و تعليقاتكم وأنا مش بهاجم السيارات الصيني ولا حاجة كل واحد يشتري اللي يناسبه حسب ظروفه بس انا شايف ان الناس اقبلت علي الصيني بسبب سعره المنخفض مش عشان الجودة يعني لو السيارات الصيني نزلت بسعر عالي هل حد هيقبل علي شرائها
انما العربيات الكوري دلوقتي بقت بسعر الياباني زي الكيا سيراتو مثلا اغلي او في نفس سعر الانسر او اقل شوية ومع هذا لها اعتمادية لأن جودتها خلت لها اعتمادية في السوق و اصبح لها سعر ومطلوبة
انا قصدي اقول ان مش الصينيين اللي يضحكوا علينا بشوية كماليات قليلا ما تستخدم و غالبا بتبوظ بعد فترة قصيرة في مقابل اني اركب عربية فراملها ممكن تبوظ وانا ماشي او الدركسيون ممكن يطلع في ايدي عشان سعرها رخيص انا قصدي من الموضوع ده ان اقول يا جماعة متتخدعوش بالكماليات اتأكد من الجودة الأول وبعدين الكماليات اللي دوشاكم دي المشكلة ان الكماليات اللي تعبة دماغكم دي معظم الناس مبتستخدمهاش كثير بس كل واحد بيحب يتفشخر بيها زي واحد شاري موبيل حديث يتفشخر بيه وممعاهوش فلوش يشحن رصيده
المهم انا بتمني للناس كلها كل خير وربنا يرزقهم احسن عربيات ويكعطيهم خيرها ويكفيهم شرها

احب اضيف لحضرتك حاجه انك الان بتشكر فى الكورى اد ايه ..... سنه 2002 كان محدش يسمع عن النوبيرا و انا جبتها و اثبتت معايا كفاءه كبيره ....كل ما اقصده انتظروا العملاق الصينى انه وصل بالفعل و التيجو تشهد
م/نبيل

[ehaballam]

اظن ان الا سبرانزا خلاص خرجت من زمااااااااااااااااااااااا ن من موضوع اثبا ت الكفاءه والا عتماديه والكلام الكبير ده كله الاسبرانزا خلا ص اصبح لها قا عده كبيره في السوق المصري واصبح لها زبونها اللي عايزها مينفعش ان الاخ صاحب المشاركه عايز يرجعنا ورا تاني 3 سنين في قصه اثبات الكفاه والتطوير والحا جات الغريبه دي ومش كل واحد عايز يروج لماركه معينه مفيش قدامه غير السبرانزا العربيه خلاص اثبتت كفاءه واعتماديه ومش محتا جين نعيد في القصص القديمه

صدقني أنا مش قادر ابطل ضحك.... حضرتك شايف إن هو خلاص السبت كفاءته ..... واعتمادية كمان ... مبروك عليك ...

[ehaballam]

اشكر ردودكم و تعليقاتكم وأنا مش بهاجم السيارات الصيني ولا حاجة كل واحد يشتري اللي يناسبه حسب ظروفه بس انا شايف ان الناس اقبلت علي الصيني بسبب سعره المنخفض مش عشان الجودة يعني لو السيارات الصيني نزلت بسعر عالي هل حد هيقبل علي شرائها
انما العربيات الكوري دلوقتي بقت بسعر الياباني زي الكيا سيراتو مثلا اغلي او في نفس سعر الانسر او اقل شوية ومع هذا لها اعتمادية لأن جودتها خلت لها اعتمادية في السوق و اصبح لها سعر ومطلوبة
انا قصدي اقول ان مش الصينيين اللي يضحكوا علينا بشوية كماليات قليلا ما تستخدم و غالبا بتبوظ بعد فترة قصيرة في مقابل اني اركب عربية فراملها ممكن تبوظ وانا ماشي او الدركسيون ممكن يطلع في ايدي عشان سعرها رخيص انا قصدي من الموضوع ده ان اقول يا جماعة متتخدعوش بالكماليات اتأكد من الجودة الأول وبعدين الكماليات اللي دوشاكم دي المشكلة ان الكماليات اللي تعبة دماغكم دي معظم الناس مبتستخدمهاش كثير بس كل واحد بيحب يتفشخر بيها زي واحد شاري موبيل حديث يتفشخر بيه وممعاهوش فلوش يشحن رصيده
المهم انا بتمني للناس كلها كل خير وربنا يرزقهم احسن عربيات ويكعطيهم خيرها ويكفيهم شرها

صديقي taf
والله أنا بقالي كتير بهاتي في الموضوع ده ... والحمدلله كونت سمعة كويسة هنا في المنتدى ... فـأول ماأنا آجي حتلاقي في ناس انسحبت من النقاش ... ماعلش بس والله لسة واخد بالي من المشاركة
أما موضوع العربية الصيني .. فـحضرتك حتسمع كلام كتير من عينة .... على اد فلوسنا ... وال كماليات كميلة... وأثبتت كفاتها ...ومصر ماينفعش فيها غير كده ... وأول ماتتكلم في ارقام وحقايق ...حتلاقي كلام بتاع إنت متحيز ضد الصيني وإنت مش موضوعي
وبتهاجم وخلاص .... فـكبر دماغك
لينا اخواتنا هنا في المنتدى بقوا صينين أكتر من أهل الصين نفسهم ... و ناس كتيرة عندها حساسية من أي حد يتكلم في العربية دي ....
وللاسف حاقولهالك بصراحة .... أي حد كان بره مصر ... أو ساق عربية محترمة جوه مصر حيقول عربية تعبانة ... بس المشكلة إن أغلب اللي جايبه العربية ماكانش عندهم عربية ...أو كانوا راكبين 128 ولا شاهين ولا أي عربية تعبانة أو حتى كوري ...اللي برده هم فاكرين إنه اثبت نفسه .. وبيقولوا إنه من 20 سنة ماكانش في كوري ...شوف الكوري عامل مبيعات اد ايه في مصر وكإن الدنيا مفيهاش غير مصر .... يعني الناس اللي في مصر هم اللي خبراء عربيات وباقي الدنيا بهايم ....فـطبعا الصيني بكمالياته وحركته بالنسبة ليهم نقلة.... يا راجل ده لو حد فيهم ساق بيجو 504 ماكانش فكَّر يقعد في العربية أساسا ...وده مش عيب إن الواحد يبقى عنده عربية قديمة ..أو يبقى زيي معندوش عربية ... لا الناس تفتكر إني من علية القوم ولا حاجة .... وعلى فكرة موضوع التاكسي ده جه لإن الحكومة حطت 2 من ال 6 أنواع في الاحلال و تجديد صيني ... وكان قصاد لانوس وال فيرنا وال لادا و البيجو وكلهم ماعدا البيجو الناس خلاص زهقت منهم ... والبيجو قسطتها عالي ....

وعلى العموم ...أنا جيت يا ولاد .... اللي عايز يمشي يمشي ... أما أنا فقاعد....

[ALshahba]

فعلا الاسعار بتلعب دور كبير جدا فى البيع سواءا كانت سيارات او اي منتج تاني,,, وعلشان كده كل حاجه وليها زبونها
بس انا مش عارف هو الغيظ ليه من الصيني !!!! مع اني شايف انواع كتيره من ماركات مشهوره مليانه مشاكل والناس مابتتكلمش!!!! طبع هيا اذواق وطبعا امكانيات
ودمتم سالمين

[hugan]

الله يبارك فيك والحمد لله اني قدرت اخليك تضحك وتنبسط انا يا اخي با اقول علي اللي انا شايفه ومجربه والناس كلها شيفاه لو العربيه وحشه ومفيهاش اعتماديه ما كانتش نجحت انا لسه مشارك في موضوع بيتكلم عن نفس المشكله انا با اشتغل مقاول في الديكورات حاجه اسمها السقف المعلقه وش عايز اقوللك العربيه بتشتغل ازازي يعني بتا خدها من الشرق للغرب وكتبت ان ليا صديق بيشتغل في نفس المجال وهو كان من الناس الا واءل اللي حجزوا العربيه عارف عامله معاه كام 170000 كيلو في 3 سنين من شرم لمرسي علم لمطروح والعربيه زي الفل وكفاتءه غليه في الشغل انا مش عارف ليه عندنا حب ان احنا نبخس كل شيء جيد حقه لو العربيه دي كان عليها اي ماركه تانيه ذات ال سماء العريقه كنتوا قاتوا طبعا دي عربيه ذات كفاءه واعتماديه اللي خلاكم تقولوا علي الفيرنا اللي معاش ما تجيش في ال516 حاجه مع الا عتذار لملاكها انها عربيه ما لهاش حل وبتطير كمان يا راجل حرام عليك

[ALshahba]

الله يبارك فيك والحمد لله اني قدرت اخليك تضحك وتنبسط انا يا اخي با اقول علي اللي انا شايفه ومجربه والناس كلها شيفاه لو العربيه وحشه ومفيهاش اعتماديه ما كانتش نجحت انا لسه مشارك في موضوع بيتكلم عن نفس المشكله انا با اشتغل مقاول في الديكورات حاجه اسمها السقف المعلقه وش عايز اقوللك العربيه بتشتغل ازازي يعني بتا خدها من الشرق للغرب وكتبت ان ليا صديق بيشتغل في نفس المجال وهو كان من الناس الا واءل اللي حجزوا العربيه عارف عامله معاه كام 170000 كيلو في 3 سنين من شرم لمرسي علم لمطروح والعربيه زي الفل وكفاتءه غليه في الشغل انا مش عارف ليه عندنا حب ان احنا نبخس كل شيء جيد حقه لو العربيه دي كان عليها اي ماركه تانيه ذات ال سماء العريقه كنتوا قاتوا طبعا دي عربيه ذات كفاءه واعتماديه اللي خلاكم تقولوا علي الفيرنا اللي معاش ما تجيش في ال516 حاجه مع الا عتذار لملاكها انها عربيه ما لهاش حل وبتطير كمان يا راجل حرام عليك

الحمد لله طلعتني من مود مش حلو الي استرخاء
ردك حلو ومنطقي
بس الراجل ده جامد اوي عمل ب 516 فى 3 سنين بس 170000كم ده فاحتها
ياريت تنقلنل ايه اللي غيرو اوالمشاكل اللي واجهتو والمميزات اللي شافها.. ولا بلاش الممميزات لحسن يقولو منحاز .. خليها العيوب كفايه

[hugan]

ايوه فاحتها ولحد الان والمميزات اظن الكل عارفها والعيوب والله تقريبا مفيش اللي موجوده في اي عربيه واقرا المشاركه اللي ليا في موضوع الصيني والماليزي وبعدين انت حضرتك من ملا ك العربيه علشان تقدر تحكم عليها فعلا وقوللي انت راكب ايه علشان نعرف امكا نيات السياره اللي انت راكبها

[ALshahba]

بصراحه انا كنت من ملاكها سابقا لانها مش معايا راحت فى الحادث بتاعي وقلت الكلام ده فى مشاركات تانيه
لكنها كانت معايا قبل كده زي الفل فى الصالون والموتور والامكانيات وان كانت بعض الامكانيات كانت تعبتني شويه زي التكييف كان هواه قوي وتبريده عادي....ولمنه اتصلح واصبحت تلاجه..... والانذار علق معايا يعني كان بيفتح ويقفل عادي جدا بس ساعات بيشتغل من غير صوت ... بس بصراحه راح لوحده مش عارف ايه اللي حصل
لكن عمر ماحصل حاجه معايا فى العفشه ولا ربطها الا فى 1000 كيلو الاوائل فقط مع طرقي يعني وعره شويه

[wael17]

انا معايا ابيرانزا من 2007 و بصراحة كنت متردد جدا قبل ما اشتريها بس للاسف كنت طالع من حادثة كبيرة ضاعت فيها عربية كيا ريو و اتباعت خردة و كنت داخل علي جواز و في الظروف دي كانت السبيرانزا لسه نازلة ب 63 الف بس بجميع الكماليات و حجمها كبير في نفس الوقت كانت اللانوس و الفيرنا فوق ال 70 الف...يعني اشترتها و ايدي علي قلبي وكل يوم الصبح كنت باخاف وانا بافتح الباب الاكرة تتطلع في ايدي عشان صيني....
دلوقتي فات 3 سنين و الضمان خلص و عملت بها 70 الف كيلومتر...وناوي ابيعها و اجيب حاجة الماني
خلال 3 سنوات تعرضت للاعطال الاتية:
-التكيف ضعف بعد كام شهر من شرائها و تم تصليحه في التوكيل و الصيف اللي بعده توقف عن التبريد تماما و في التوكيل قالولي السربنتينة باظت و هابعملوا اوردر شراء...القصة دي خلصت في شهرين و كان الصيف في اوخره...يعني انا قضيت صيف 2008 مولع جوه عربية موديل 2007 و تكلفت السربنتينة 800 جنيه تحملها التوكيل
-كانت بتتاخر في الدوارة لما تكون باردة و تكركر لما اطفيها و قلتلهم علي العيب ده في صيانة ال 50 الف قالولي صلحناه و طبعا مش باعرف اتاكد و انا هناك لان العربية لازم تكون بارده و طبعا تاني يوم الصبح العيب كان موجود بس في صيانة ال60 الف صلحوه
-دلوقتي بتعمل صوت صفير الصبح (سير دينامو) و بيروح بعد 5 دقائق
-مرة الاكره الخارجية اتكسرت و التوكيل عمل اوردر ووصلت بالسلامة بعد شهر و نص
-التوكيل سيء جدا و محتاج عشان الصيانة تفضي نفسك خالص و تاخد اجازة من الشغل...انا ساكن في اكتوبر و بعمل كليوات كتيرة و ميعاد الصيانة بيجي كل شهرين و باكره اليوم بتاع الصيانة...و كمان في صيانة ال 30 الف و ال60 الف العربية لازم تبات عندهم و سالت ناس عندها هيونداي و تويوتا قالولي عمرهم ما سابوا عربيتهم في الصيانة...طبعا لو مش معايا عربية تانية هتبقي مشكلة
-اخويا عنده سبيرانزا نفس الموديل و اشتراها في نفس اليوم معايا...جابت سير كاتينة قبل ماتكمل 20 الف كيلو...طبعا اتصلحت في الضمان بس ليه يعني؟؟
-سمعت شكاوي كتير منها بس في ناس مبسوطة منها وده معناه انها زي البطيخة ممكن تطلع كويسة و ممكن يكون فيها عيوب صناعة رهيبة...
-رغم كل ده انا شايف ان عربيتي كويسة بالنسبة لسعرها...و مش زعلان قوي (هو بس صيف 2008 اللي طالع من نافوخي)

المميزات:
-كماليات مش موجودة في عربيات يتعدي سعرها 100 الف جنيه
-عند مقارنتها بالفيرنا و الافيو و الانوس استطيع ان اوكد انها الافضل لان معظم هذه السيارات بها عيوب و اعطال و لكن السبيرانزا تتفوق من حيث الحجم و الكماليات و السعر (انا لحقتها ب 63000)
-تحملت مشوار يومي 6 اكتوبر -القاهرة لمده 3 سنوات...قيادة مريحة...ثبات...نجوت من عدة حوادث بفضل فرامل abs اللي بتكلبش العربية في الارض ..باستثناء التكييف عمرها ما عطلت مع اني مش من الناس اللي بتخللي بالها و تحافظ علي العربية و عمري ما فتحت الكبوت اكشف علي زيت ولا ميه ...باسوق و بس لغاية ميعاد الصيانة (يعني مهمل قوي)

------------
الخلاصة: العربية مش وحشة بالنسبة لسعرها و احسن من الفيرنا و اللانوس و افيو (انا كان عندي لانوس 99) بس برده من الظلم مقارنتها بسيارات يابانية و كورية من فئة اعلي

[bahaaallam]

الكلام دا كله بثبت ان السوق المصري غير كفء، لما تتباع السيارة عشان فيها كماليات مش لاساسيات لا يمكن الاستغناء عنها ، تبقى وجهة نظرى صح ، ضيق فى الافق عند الشراء وتركيز على الكماليات لا اكثر

[hemaa_82]

الكلام دا كله بثبت ان السوق المصري غير كفء، لما تتباع السيارة عشان فيها كماليات مش لاساسيات لا يمكن الاستغناء عنها ، تبقى وجهة نظرى صح ، ضيق فى الافق عند الشراء وتركيز على الكماليات لا اكثر

لولا اختلاف الازواق لبارت السلع :)

[ehaballam]

-كماليات مش موجودة في عربيات يتعدي سعرها 100 الف جنيه

نفسي أسأل السؤال ده من فترة ...ايه هي الكماليات اللي أنتم قصدكم عليها.....يا ريت حد من ملاك العربية يفيدني بقائمة بالكماليات دي.... وأنا أكون شاكر

[hemaa_82]

نفسي أسأل السؤال ده من فترة ...ايه هي الكماليات اللي أنتم قصدكم عليها.....يا ريت حد من ملاك العربية يفيدني بقائمة بالكماليات دي.... وأنا أكون شاكر

ايه العربيه اللي:-
ميني هاتش باك
1300 cc
4 ازاز كهربا
بور
تكييف
كاسيت ي دي
شبورة قدام و ورا
انذار و ريموت و ايموباليزر
جنوط سبور
غير 113؟؟؟؟؟؟؟ و في رينج السعر لحد 60 الف حتي

عندك حتي التو و بيكانتو و i10 مافيهمش كتير من الحاجات دي و اغلي بفرق ملحوظ
ده حتي العربيات اللي اكبر زر الفيرنا و الانوس و الافيو مافيهمش كتير من الحاجات دي ... هما بس اكبر حجما و موتورا

عندك 516 مثلا ؟؟؟؟

لما تحطها جنب اعلي حاجة في الفيرنا و الانوس و الافيو ؟؟؟؟؟ فرق سعر كام؟؟؟؟
طب هيه اكبر ولا لا ؟ اثبت ولا لا ؟ فراملها abs ebd
كفاية ان توحة بالرغم من كل عيوبه اجبر نفسه ان كل عربياته تكون abs abd زجاج كهربا كامل ....
مش بيتكلم معاك في ازاز عادي كنوع من الاوبشن ....؟؟؟؟ ولا يقولك جنوط حديد ؟؟؟؟ولا فرامل العربية عادية و ينزلك في سعرها مبلغ و قدره ....

كلهم بيلكلو في اموالنا .... و لما هتشتري الاغلي هايتاكل منك اكتر ..... محدش في مصر هايديك عربية و يكسب قليل ....
ببساطة شديدة انا لو معايا اجيب مرسيدس مش هاجيبها علشان الدوله هتاكل جمارك و الوكيل هيضرب في جيبه قد كدة ... و كل ما العربية رخصت كل ما كان الهامش اللي مضروب ارخص ....

ماينفعش يبقي معايا 20000 و اروح اتداين ب مية الف علشان اركب عربية و في الاخر كله هايوصلني مع اختلاف الاداء

ماينفعش واحد ارتضي بالقليل و رضي بعيوبه علشان يقدر يصون حرمة اهله مثلا نقعد ننغص عليه حياته يا اخوانا علشان ركب صيني ...

انا الحمد لله و الله العظيم ما بتضايق من اي كلمة قلتها يا ايهاب ... و عارف انت نفسك في ايه و عارف ان غرضك المصلحة ... بس بصلها زي ما بقولك كدة .... زي ما انت بتكلم اللي ممكن يضغط علي نفسه و يجيب حاجة اعلي او اضمن زي ما انت شايف ... في غيرة يا دوب هايدفع مقدم و يحلها ربه في الاقساط و هايجيب 113 و تقوم انت جاي تقعد تقول دي زباله ؟؟؟

الصح "علي الاقل في وجه نظري" يبقي الكلام ان والله يا اخوانا العربية دي فيها كذا و كذا و كذا و فيها عيوب كذا و كذا و كذا و برضه الا من رحم ربي ... جايز انا اجيبها تطلع فله " و ده بيحصل لاي عربية , و ليا صديق جاب النترا "كوري علي ابوه" و المتور جاب زيته كله من جوان عازل" ....و في الاخر اديله نصيحة ان هيه بكذا و لو تقدر تزود كذا هتاخد زيادة كذا و برضه هتتنازل عن كذا

انما افضل اقول دي زفت دي بربع جنيه دي ماخدهاش لو هايدفعولي فلوس ..ماشي دي ارائك بس مش هيه دي اللي هاتخلي النصيحة اللي انت عايز توصلها تجيب نتيجة

و خليك فاكر " ولو كنت فظًّا غليظ القلب لانفضوا من حولك" ولا ايه ؟؟؟؟


يا اخوانا الاختلاف لا يفسد للود قضية ..... افهموا بعض


الراجل بيحاول يوضح و معترف انه معندوش عربية ... هوا بس بيحاول يوضح نقاط الضعف علشان ينقل معلومة ....
وانت يا هوبة خليك حلو و بشويش ... بلاش انا قاعد واللي يمشي يمشي علشان لو بقيت لوحدك مايبقاش منتدي ... والا انت رأيك ايه؟؟؟؟