اوقفوا الانتخابات

[Abonora]

--نرجوا من الاستاذ بايو وقف الانتخابات لحين اشعار اخر --ولان هناك امور داخلية يجب مناقشتها اولا---وارجوا من جميع الاخوة التصويت الخاص بوقف الانتخابات --اللى نزلة الدكتور ايهاببدر

[محمد المرسي]

أ/حنيدى .. أنا لا أعرف لماذا إيقاف الترشيح وما هى هذه الأمور الداخلية التى يجب مناقشنها أولا .. ولماذا الآن .. سيدى الفاضل أنا لا أهتم كثيراً بمن الفائز لأنه من المفروض أن الفائز والخاسر والجميع أن يقف يد واحدة .. إلا إذا كان هنالك شئ جديد ..
فمن فضلك أشرحه لنا أو على الأقل أبعث لى على الخاص حتى أشارك برأى فى الأستفتاء اللى عامله د/إيهاب ..
وتقبل تحياتى ..

[Abonora]

انا بالفعل ارسلت لك رسالة خاصة وكمان رسالة للاستاذ--هشام

[محمد المرسي]

شكراً للأهتمام أ/جنيدي

[sh_masry]

اصدقائى ... اعلم اننى لست عضوا فى اسبرانزا و لا امتلك السياره و لكن لى رجاء بوقف الأنتخابات حيث اننى سوف اتكلم من منظور عام الا و هو :
ما ينفعش انى ارشح واحد عنده 19 سنه (بالرغم من تعاطفي معه) و يروح يكلم التوكيل بتاعكم على انه رئيس رابطه كذا علشان يهتموا بالعربيه بتاعتكم اللى فيها عيوب (و حتى ان كانت طفيفه فهى عيوب فى سياره زيرو ) و لازم من وقفه مع (التوكيل) وقفه قويه ........................
و برده ما ينفعش واحد زى الدكتور فلان او المهندس علان عنده 40 او 50 سنه يقول انا من رابطه كذا اللى رئيسها أ. امر و مش معقوله حد فى سن كبير كده مثلا يقول انا من طرف امر رئيس الرابطه ..... صح ؟؟؟
فعلشان تعملوا حاجه صح خللى واحد صح يمسكها علشان الموضوع تستفيدوا منه كلكم و مايتقلش لعب عيال ( و اسف فى لفظى الأخير) لأن الناس اللى فى التوكيل ممكن تقول كده , , و ده هايبقى فى سمعه الموقع ككل و سوف يذهب مجهود من قاموا بالموقع و من يحاول ان يؤدى خدمات عديده للموقع مثل ناس نعرفهم جميعا و بالأسم .
و ممكن تحطوا شرط من الشروط للمرشحين الا يقل سنه عن كذا ............
و قد ارسلت اليوم ظهرا رساله خاصه بهذا المعنى لأمر و انا لا اقول اى شئ من ورا ظهر اى حد ..................
و هذا رأيي اخذتم به او لم تأخذوا به و لكم جزيل الشكر و الأحترام .
a7'ookom
Sherif

[محمد المرسي]

أ/شريف أقدم تحياتي لك على أرائك مع ملاحظة أختلافى معك فى الرأى ...
أحب أن أوضح لحضرتك بعض الملاحظات على موضوعك ..
بالنسبة للسن الصغير فهذا ليس عيب فيه إنما أفكاره هى التى سيخدم بها الرابطة ... مع العلم أن المتبع فى جميع أنحاء العالم أعطاء الفرصة للصغير قبل الكبير ..
أيضاً لا ننسى أن الموضوع برمته المفروض إنه لا يتوقف على شخص إنما على المجموعة كاملة .. وأن عملية الأنتخابات هذه ما هى إلا محاولة مننا لبناء كيان قوى لنبدأ فى مواجهة أى عيوب محتملة فى السيارة ..

لك تحياتى وأحترامي على خوفك على مالكى السيارة والرابطة ..

أخوك محمد المرسي

[sh_masry]

أ.محمد المرسى كتب :

لك تحياتى وأحترامي على خوفك على مالكى السيارة والرابطة ..

و المنتدى ككل ......................... و يا بختك (طبعا فاهمنى ).

a7'ook
Sherif

[smir]

لماذا الشرح على الخاص لبعض الاعضاء دون الاخرين . لازم الشرح يكون للجميع .زى الانتخابات مكانت على الملأ يكون التاجيل على الملأ . وبعدين مش معقول يلا انتخابات وبعدها لأ بلاش انتخابات . كده الشكل مش ظريف .

[Dr Ahmed]

عموما الانتخابات بالصورة دى مش هتنفع أصلا لأنى متأكد ان عدد اللى هيصوتو هيكون غالبا أكتر من عدد أعضاء الرابطة

[ashraf_hisham]

والله يا شريف باشا أنت رايك على عينى وراسى بس ممكن أقول حاجه

والله عمرها مكانت بالسن فى حجات أهم ذى الأهداف والطموح والقدره على أثبات الذات

أما بالنسبه لنقطة التخوف من معاملة الأخرين مع صغر سنك فديه بتحكمها شخصية الفرد نفسه هو اللى بيفرض طريقته على الأخرين مدام أنه صاحب حق

وده مجلس إداره مش مطلوب من حد أنه يشتغل لوحده

[PAYOO]

تم غلق موضوع الأنتخابات بناء على رغبة بعض الأعضاء

وسوف يتولى الأمر الدكتور "إيهاب بدر" و الزميل "جنيدي" حيث أنهم من الأعضاء القدماء الذين أستحوذوا على حب وأحترام الجميع

وما يستقر عليه الأعضاء هو ما سيتم تنفيذه لذلك نرجوا التحلي بروح الديمقراطيه والالتزام بما سوف يستقر عليه الأمر في النهايه

[Emad]

بعد السلام والتحية

بعد حديثى مع كامل اللى اخيرا رد على تليفونة و فى ناس تانية كتير مرضتش علية و كانو عايزين منصب الرئاسة

امال لو كانت انتخابات لرئاسة جمهورية مش لرابطة سيارة

يؤسفنى ابلاغكم انكم بعد ما كنا وضعنا رجلينا على الطريق الصحيح وخطونا خطوة للاسف رجعتونا عشرة خطوات انا سايب المنتدى هنا اللى عملنا مشاكل و حساسيات بيننا وبين بعضنا ورايح لاصحابى و حبايبى هناك اللى كلنا سواسية هناك من كبيرنا لصغيرنا
هناك حبينا بعض وخفنا على بعض وكان هدفنا واحد وتكاتفنا مع بعض على اللى يغلط فينا او فى سيارتنا اما هنا احنا اصلا منعناهم من الدخول ومسكنا احنا فى بعض

هناك كان انا و ابن عمى على الغريب اما هنا للاسف
ارجو ان تكونو فهمتونى
انا رايح على كونتكت
contactcars

وشكرا


Emad Osman
A5 : Sky Grey
Nasr City
Speranzawy Only Without No 10

[Abonora]

سؤال بسيط للاستاذ شريف المصرى-و حضرتة كتب وقال (((( ده هايبقى فى سمعه الموقع ككل و سوف يذهب مجهود من قاموا بالموقع و من يحاول ان يؤدى خدمات عديده للموقع مثل ناس نعرفهم جميعا و بالأسم .)))
اية اللى ممكن يضر الموقع ككل لو كان هناك مرشح سنة صغير---وهل ترى انة يوجد من يحاول ان -يودى بالمجهود المبذول من قبل القائمين عن العمل ؟؟؟؟؟ --وفعلا انت لا تتكلم من وراء ظهر احد بدليل انك لما كنت بتهدد امر فى التليفون اتكلمت عادى ---وقلت لة انك فضلت تشتكى للادارة -افضل ما تجيلة البيت وتعملة مشا كل --طبعا اللى بيحصل دة مالهوش دخل بالسيارة علشان ما ترجعش وتقول ان احنا ما بنستحملش كلام عنها او نقد ---لا --اللى بيحصل دة حاجة تانية---