خلاص انا اشتريت اسبيرانزا a516

[the_bird5]

انا الحمد لله ربنا كرمنى واشتريت عربية a516 انهارده بعد الجدل الكتير والتفكير عليها اشتريت واحدة مستعملة فريكا دواخل وخوارج رشه رفرف يمين بره بس عاملة 29800 كيلو بس الحالة العامة دهان وعفشة صالون جيدا جدا الحمد لله جربت العربية لقيتها احسن مما تصورت
المهم الحمد لله
المشكلة اللى مستغربلها ان الريموت بتاع العربية مش شغال اما سألت صاحبها قالى اما يجى وقت الصيانة الريموت بيفصل انا مش عارف الكلام ده مظبوط ولا لأ يا ريت اعرف الاجابة وكنت عايز اعرف تكلفة صيانة ال 30000 تتكلف كام
واخيرا نسألكم الدعام والبركة

[the_bird5]

طيب كنت عايز اعرف هو لو انا قفلت بالمفتاح المفروض الانذار يشتغل وينور ولا ميشتغلش الا بالريموت

[bedo_15]

اولا مبرك يا باشا
ياريت تقللنا مديل كام عامله كام علشان انا كمان ناوى ان شاء الله
ايه كانت ملاحظاتك وانتى بتشتريها يعنى عملت ايه بالظبط
والف مبروك تانى مره

[ALshahba]

انا الحمد لله ربنا كرمنى واشتريت عربية a516 انهارده بعد الجدل الكتير والتفكير عليها اشتريت واحدة مستعملة فريكا دواخل وخوارج رشه رفرف يمين بره بس عاملة 29800 كيلو بس الحالة العامة دهان وعفشة صالون جيدا جدا الحمد لله جربت العربية لقيتها احسن مما تصورت
المهم الحمد لله
المشكلة اللى مستغربلها ان الريموت بتاع العربية مش شغال اما سألت صاحبها قالى اما يجى وقت الصيانة الريموت بيفصل انا مش عارف الكلام ده مظبوط ولا لأ يا ريت اعرف الاجابة وكنت عايز اعرف تكلفة صيانة ال 30000 تتكلف كام
واخيرا نسألكم الدعام والبركة

اولا مبروك عليك وربنا يحفظهالك
ثانيا ده كلام مش صحيح الريموت لازم يكون شغال انا كان معايا اختها زمان وعمر ما الريموت وقف وماشتغلش.... ياترجع للصاحبها الاصلي ويغيروا علي حسابو او تروح معاه للتوكيل ويكشفولك عليه وانت تتحمل مصاريف الكشف (معلش) وهو التصليح
ثالثا تمن صيانة 30000 يتكلف كتير حوالي : 1700 - 2000 جنيه

ياريت تقولينا عملت فلوس كام ولونها ايه
ودمت سالما

[ALshahba]

طيب كنت عايز اعرف هو لو انا قفلت بالمفتاح المفروض الانذار يشتغل وينور ولا ميشتغلش الا بالريموت

لا مايشتغلش الا بالريموت

[the_bird5]

متشكر على الردود
العربية موديل 2007 لونها دهبى عملت 45500
بس الحمد لله العربية بكيسها لسه

[the_bird5]

على فكرة الريموت بينور اما تطغط عليه بس مفيش استجابة

[max_ziro]

ممكن تكون الحجارة بتاعت الريموت عايزة تتغير ولله اعلم ..
الف مبروك يباشا ربنا يباركلك فيها ..

[the_bird5]

الحمد لله الريموت اشتغل
العضو lakany
بعتلى الرسالة دى جربتها والحمد لله اشتغل
ادخل المفتاح فى الكنتاكت تم اضعط على زرار فتح الباب فى الريموت ثم افتح الكنتاكت بدون تدوير و انت ضاغط لمده ثلاث ثوانى ثم دور السياره و انت ضاغط على الزر لمده ثلاث ثوانى ثم اترك الزر و بطل السياره و جرب المفتاح و ابقى قلى على النتيجه

[epico]

دعاء السفر
روى مسلم في صحيحه عن ابْنَ عُمَرَ أَنّ رَسُولَ اللّهِ صلى الله عليه وسلم كَانَ إِذَا اسْتَوَىَ عَلَىَ بَعِيرِهِ خَارِجاً إِلَىَ سَفَرٍ، كَبّرَ ثَلاَثاً، ثُمّ قَالَ: سُبْحَانَ الّذِي سَخّرَ لَنَا هَذَا وَمَا كُنّا لَهُ مُقْرِنِينَ* وَإِنّا إِلَىَ رَبّنَا لَمُنْقَلِبُونَ. اللّهُمّ إِنّا نَسْأَلُكَ فِي سَفَرِنَا هَذَا الْبِرّ وَالتّقْوَىَ. وَمِنَ الْعَمَلِ مَا تَرْضَىَ. اللّهُمّ هَوّنْ عَلَيْنَا سَفَرَنَا هَذَا. وَاطْوِ عَنّا بُعْدَهُ. اللّهُمّ أَنْتَ الصّاحِبُ فِي السّفَرِ. وَالْخَلِيفَةُ فِي الأَهْلِ. اللّهُمّ إِنّي أَعُوذُ بِكَ مِنْ وَعْثَاءِ السّفَرِ، وَكَآبَةِ الْمَنْظَرِ، وَسُوءِ الْمُنْقَلَبِ، فِي الْمَالِ وَالأَهْلِ". وَإِذَا رَجَعَ قَالَهُنّ. وَزَادَ فِيهِنّ: "آيِبُونَ، تَائِبُونَ، عَابِدُونَ، لِرَبّنَا حَامِدُونَ".

[the_bird5]

بتهيألى السبب ان التردد بتاع الريموت كان عايز يتظبط مع جهاز الانذار

[ابوهاشم]

الف مبروك
ربنا يباركلك فيها ويكفيك شرها

[ALshahba]

ماقلتلناش
بتعمل كام معاك فى الصفيحه...او لكل لتر كام كيلو
ياريت تفيدنا بخبرتك فى سيارتك

ودمت سالما

[heshammorsy]

ألف مبروك ياباشا و ربنا يبارك لك فيها و ياريت تخليك معانا على طول و تقول لنا عاملة اية معاك علشان ناوى أشترى واحدة زيها و جزاك اللة كل خير

[ALshahba]

بضم صوتي لصوت الاستاذ
heshammorsy
وياريت تفيدنا لاني انا كمان بفكر فيها فى الموديل الجديد بتاعها