رجاء من ملاك m11 ابداء الرأى فى هذه المشكلة

[ahmedbndk]

السلام عليكم ورحمة الله وبركاته
املك سيارة m11 وهى الان عاملة 3200 كم منذ ان استلمت السيارة وأنا اسمع صوت يشبه حاجة بتلؤ (كأنك معك علبة بلاستيك فارغة وداخلها علبة أخرى أصغر تتحرك يمينا ويسارا) او خبطة خفيفة (بحاول أوصف الصوت على قدر المستطاع) فى حالة المرور على أرض غير ممهدة أو عند وجود نقرة فى الأرض
مع العلم أن هذا الصوت يظهر مع آى ارض غير ممهدة فقط(وما أكثرها فى مصرنا الحبيبة) ولا يظهر مع المطبات العادية
ذهبت الى التوكيل أكثر من مرة واليوم حاول المهندس هناك إقناعى أن هذا الصوت طبيعى جدا فى السبيرانزا لان المساعدين بتوعها من النوع القائم على ضغط الهواء وليس الزيت وهذا النوع من المساعدين يجعلك تشعر بانتقال الصوت اليك ولكن ما يميزه طول عمره الافتراضى
السؤال الان الى ملاك ال m11 ومن يمتلك الخبرة الكافية فى مثل هذه المشكلة هل بالفعل يظهر هذا الصوت معكم فى الحالة السابق ذكرها ( أرض غير ممهدة او نقر فى الأرض ) أم أن اتعرض لاشتغالة كبيرة
فى انتظار ردودكم على وأشكركم مقدما على المشاركة
أخوكم أحمد

[3ateef]

فى انتظار العمدة وباقى الاخوة....

[ahmeddarhos]

حضرتك وصفت الصوت بدقة.... لكن ممكن تقول انت بتحس الصوت جاى منين... يعنى من الخلف و هل بيقل وانت قافل الازاز ولا العكس....
انا معاى m11 عامله 8000 كم وعندى نفس الصوت بس بييجى عندى من الازاز يعنى بيكون مصدرة باب العربية ولسه مستنى اروح ابو رواش فى الصيانة علشان يشوفوا المشكلة فة مكنة الازاز ولا الكاوتش اللى حوالين الازاز..
لكن ما عدا ذلك العربية أدائها أكتر من رائع....

[khashem]

هل اللقلقة دى جاية من الدركسيون

[hugan]

يا باشا ده النقراللي في علبه الدركسيون لان العمود غير مبطن وما لوش حل والعيب ده بردو مو جود في البروتون وما لوش حل وتم تلا في العيب ده في مو ديلا ت 2010

[hemaa_82]

بص هوه احنا لازم تتعب معان لغاية ما نقدر نوصل و ان شاء الله مافيش حاجة ...

لازم تجاوب علي اللي سالك ..الصوت من فين؟؟؟
بتحس بيه في ايدك ولا لا؟؟؟
بتحسه من قدام ولا من ورا ...
الارض مكسرة علي خفيف "زي عين القط كدة" ولا مطبات جامدة بتخلي العربية تطلع و تنزل"بلاعات او كسور في الارض" ؟؟؟؟؟

.......

بص هوه طبيعي جدة لو العربية ماشية و نزلت في بلاعة بفردة واحدة المساعد بيتفتح علي فجأة و العجلة بتتخبط في الارض جامد و طبيعي انك تسمع و تحس بالصوت في الدريكسيون لو كانت عجلة امامية او تحس بهبدة من ورا لو كانت عجلة خلفية .....بس ده في الهبدات المفاجئة .....

انما لما تمشي فيي حته مكسرة اكيد بتمشي بشويش .. انا عن نفسي بمشي علي الاول و بكون محمل فرامل فمبحسش بهبدات قوي .... بيبقي عندي صوت صوصوة خفيف من ورا علشان انا المفروض اربط العفشة و اغسل العربية من تحت علشان انا مغسلتهاش من يوم ما اشتريتها :)


جرب برضه تغير ارتفاع الدريكسيون و شوف هتفرق ولا لا.....احيانا بيكون وضعه بيخليه مش مرتاح فبيخبط .....


حاول برضة تحدد انو عجلة لمل بتتخبط بتعمل الصوت ....ده لو قدرت

.....
بالنسبة لمعلومة المساعدين زيت علي هوا فهي صحيحة ... و صوتهم بيكون فعلا اعلي علشان صوت ضغطت الهوا ..بس بيكونو انعم و احسن في التعامل و العمر ان شاء الله

[hemaa_82]

متنسوش يا اخوانا ان عربياتكوا وزنها تقيل بالنسبة لغيرها و انها جنوط 16 فطبيعي جدا تحسوا انها اتقل "حتي في الباور" و اخشن علي الارض" علشان الكاوتش low profile مقاس 55 " ....

مش اي صوت تحسوا يبقي غلط ... ما العربية بتمشي تهرس في الطوب و التراب ...المهم ميبقاش صوت من العفشة او صوت حاجة مفكوكة لا قدر الله....


تمنياتي بدوام الصحة والرضا للجميع ان شاء الله

[samehsalem]

نفس الصوت اللي حضرتك وصفته موجود عندي ومش قادر احدد جاي منين بالظبط بس هو تحت العربية من الخلف ولكن منين ده اا مش عارفه لسة بس في الصيانة الجاية هعمله انشاء الله ومش همشي الا لما يتعمل عشان انا مينفعش ابقي راكب زيرو وفي صوت في العربية بجد حرام غير كدة العربية كويس جدا وزي الفل الحمد لله بس اللي عامل مشاكل في العربية انها تجميع مصري فقط لا غييييييييييييييييييييييييير.

[aboomarahmad]

السلام عليكم ورحمة الله وبركاته
املك سيارة m11 وهى الان عاملة 3200 كم منذ ان استلمت السيارة وأنا اسمع صوت يشبه حاجة بتلؤ (كأنك معك علبة بلاستيك فارغة وداخلها علبة أخرى أصغر تتحرك يمينا ويسارا) او خبطة خفيفة (بحاول أوصف الصوت على قدر المستطاع) فى حالة المرور على أرض غير ممهدة أو عند وجود نقرة فى الأرض
مع العلم أن هذا الصوت يظهر مع آى ارض غير ممهدة فقط(وما أكثرها فى مصرنا الحبيبة) ولا يظهر مع المطبات العادية
ذهبت الى التوكيل أكثر من مرة واليوم حاول المهندس هناك إقناعى أن هذا الصوت طبيعى جدا فى السبيرانزا لان المساعدين بتوعها من النوع القائم على ضغط الهواء وليس الزيت وهذا النوع من المساعدين يجعلك تشعر بانتقال الصوت اليك ولكن ما يميزه طول عمره الافتراضى
السؤال الان الى ملاك ال m11 ومن يمتلك الخبرة الكافية فى مثل هذه المشكلة هل بالفعل يظهر هذا الصوت معكم فى الحالة السابق ذكرها ( أرض غير ممهدة او نقر فى الأرض ) أم أن اتعرض لاشتغالة كبيرة
فى انتظار ردودكم على وأشكركم مقدما على المشاركة
أخوكم أحمد

السلام عليكم:
ا/أحمد أنا معايا التيجو لكن موضوعك شدني لأنه كان عندي خبطة أول مااستلمت العربية في العجلة الشمال ورا والحمد لله اتحلت
مع احترامي لكل الردود لكن الأفضل انك تعمل الآتي:
1- تروح مركز ابو الفتوح جسر السويس بمدينة قباء تسأل على المهندس خالد غنيم مدير الورشة راجل محترم جدا وتشرحله وأكيد أكيد هتلاقي الحل ان شاء الله
2- لو ماكانش...وانت راجع عدي على مركز ابوغالي بشارع طومان باي جوار السوق في سراي القبة واسأل على المهندس مصطفى (مدير الورشة) وبردو هيفيدك ان شاء الله
وياريت تطمني

م.ياســر

[samehsalem]

في طومانباي ما حلوش حاجة انا عندي نفس الصوت ومهندس ياسر ومهندس علي هناك برده ما وصلوش لحل واخر مرة قلت للمهندس علي قاللي في الصيانة الجاية هتتعمل انشاء الله..ومستني لما اشوف

[aboomarahmad]

في طومانباي ما حلوش حاجة انا عندي نفس الصوت ومهندس ياسر ومهندس علي هناك برده ما وصلوش لحل واخر مرة قلت للمهندس علي قاللي في الصيانة الجاية هتتعمل انشاء الله..ومستني لما اشوف

السلام عليكم:

ياصديقي المهندس علي جمعه ماسك الإستقبال والمهندس ياسر نبيل مدير المركز لكن مش محتك أوي بالعربية زي المهندس مصطفى...مش هيخسر حاجة اللي يسأل
وعموما اللي أحسن منهم كلهم خالد غنيم في ابوالفتوح قباء
الحقيقة ده اللي حللي مشكلتي الأول....وربنا يوفقكم جميعا

[ahmedbndk]

اولا أحب أشكر كل الأخوة الأعزاء اللى ردو وبيحاولو يساعدونى فى فهم وحل المشكلة
ثانيا بالنسبة لمصدر الصوت بيكون جاى من الأمام بحس أكتر انه جاى من تحت رجلى ناحية الدبرياج بتاع العربية لو النقرة ناحية الشمال ولو النقرة فى الأرض من ناحية الليمين بحس بيها جاية من ناحية الليمين ولو العربية عدت على النقرة بالفردتين فى وقت واحد زى مكان حفر قديم واتسفلت بيبقى الصوت من الناحيتين الأمامين لكن مبحسش بيه فى عجلة الدركسيون
الوصف السابق هو ده احساسى بمكان الصوت وزى موصفته أكن حاجة بتلؤ مش صوت خبطة بمعنى خبطة,
الصوت بيظهر لما يكون فيه عدم تساوى فى الأرض انا مش بتكلم على أرض مكسرة او مدغدغة لكن حضراتكم عارفين انك ممكن تبقى ماشى وفجأه تلاقى الأرض قدامك بقت مستوى نانى مثل وجود حفر واتردم عليه او نقره فى الأرض وما أكثرها يعنى الطبيعى بتاع شوارع مصر
اللى بيخلينى أحس أن الصوت ده مش طبيعى أن أى عربية سقتها قبل كده مكنش فيها الكلام ده (لانوس,ياريس,شاهين) لكن أنا مش عايز أغلط الغلطة الشهيرة وأقارن عربيتين ملهمش دعوة ببعض علشان كده كان سؤالى لملاك ال m11 ولمن يملك خبرة فى هذه المشكلة بالطبع
حقيقة كلام المهندس شككنى شوية وحسسنى أن ممكن يكون ده الطبيعى بسبب نوع المساعد لكن أنا عايز اتأكد من الناس الجميلة اللى معاها العربية ديه
مرة تانية بشكر كل اللى اهتمو وردو عليا فى المشكلة وفى انتظار سماع ردودكم لغاية منوصل ان شاء الله لإجابة شافية من رأى الأغلبية
مستنى ردودكم

[medoragab]

عندي نفس المشكلة مع المطب الصغير او الطوبة الصغيرة و في التوكيل قالولي الموديل دة كدة علبة الدريكسون مش مبطنة

[ahmedbndk]

اشكرك على ردك يا سيد ميدو لكن ممكن تحكيلى أكتر على ايه اللى بيقابلك بالضبط وبتحس بيه عامل ازاى
وفى انتظار باقى المشاركات