وقفة لمن يملك m11

[medoragab]

يسم الله الرحمن الرحيم
مش حطول عليكم
اولا - الموضوع خاص لمن يمتلك السيارة m11 فقط
ثانيا - برجاء الجدية

----------------------------------

انا امتلك السيارة من شهر 11 -2009 وعامل بيها 10250 كيلو تقريبا
ولي صديق اشترها في 12 -2009 وعاميل بيها 7500 تقريبا

وكل ما يلاقي فيها مشكلة يجري عليا يجرب عربيتي و انا كذلك
وغير لما بروح التوكيل بلاقي نفس المشاكل في نفس الموديل
-------------------------------------------------------------------------
المهم اكتشفت العيوب المشتركة في الموديل m11 وهي
1- تسفيق او سكة في الموتور وهذا العيب خطير جدا علي الموتور "الموتور مصمم علي اوكتين 93 ودة غير موجود في مصر "
2- اصوات غريبة وغير مفهومة المصدر من الخلف " مشاكل في العفشة وتأفيل الشنطة "
3- تزيق الزجاج " التافيل من الداخل سيئ"
4- سحب الخامس ضعيف جدا -- والعيب دة ممكن يعدي
5- نقرة في الدريكسيون -- "علبة الدريكسيون غير ممبطنة "
6- عيب في كل العربيات ومحدش واخد بالة خالص كل العربيات الي جربتها حوالي 6 عربيات لقيت العيب ظاهر فيها ----> البلي الامامي خشن يمين وشمال
بمعني امشي جنب الرصيف علي التاني واقفل جميع الزجاج ما عدا الزجاج بتاعك حتسمع صوت احتكاك معدن بسيط و بيظهر خالص في الملفات بشرط تكون قريب من الرصيف عشان الصوت يرد عليك
7- صوت الباور عالي و شفت بعض العربيات بيسرخ جامد اوي -- "مش في كل العربيات"
---------------------------------------------------------------------------
المطلوب :-
----------
كل من يمتلك m11 يدخل ويسجل مشاركة ب تاريخ الشراء و عدد الكيلو متر و متفق معي علي العيوب او لا
لو اتفقنا علي العيوب دي مش شرط كلها بس انا مع تجربتي اراهن علي كل العربيات فيها نفس العيوب
لية :-
عربيتي و عربيت صحبي و مفيش مرة اروح فيها التوكيل غير لما اجرب عربية واحد وبلاقي فيها كل العيوب دي و صاحب العربية بيتفق معايا علي نفس العيوب

المهم نتفق ونكون يد واحدة ونتفق علي سبيل لحل مشكلتنا لان فعلا لو المشاكل دي اتحلت العربية دي حتكون افضل عربية في مصر

ممكن نجتمع ونروح الادارة في القاهرة او نروح حماية المستهلك

ياعني يد الله مع الجماعة و ايد لوحدها متسأفشي


ولو حد يعرف اي حد عندة m 11 يبلغة عشان نبقي مجموعة كويسة


يارب نكون ايجابيين ونعمل حاجة

[ash257]

ربنا يستر
هو أنا مش من ملاك العربية بس نفسي اجيبها بس بصراحة كدة خفت .. بس سؤال مش المفروض أنه نفس الماتور بتاع a516

[khashem]

خالد هاشم
تاريخ الشراء 23-11-2010
الكيلو 7200
نعم أتفق معاك و أزيد فى الموضوع ألى كتبتة M11 report على المنتدى

[khashem]

أسف 2009 جدا

[medoragab]

ربنا يستر
هو أنا مش من ملاك العربية بس نفسي اجيبها بس بصراحة كدة خفت .. بس سؤال مش المفروض أنه نفس الماتور بتاع a516

بص اخي الفاضل العربية فوق الممتازة ولو قرنتها باي عربية في نفس الفئة السعرية هيا تكسب طبعا ولكن الحلو ميكملمشي انا لو رجعت ورا حجبها بردة لان انا جربت كل انواع العربيات الي زيها في السعر انا عامل تقرير بكدة
انا بقول لو ضغطنا علي التوكيل وصلح العيوب دي حتبا افضل عربية بلا منازع

[medoragab]

خالد هاشم
تاريخ الشراء 23-11-2010
الكيلو 7200
نعم أتفق معاك و أزيد فى الموضوع ألى كتبتة M11 report على المنتدى

جذاك الله خيرا أخي khashem علي المشاركة
ارجو ارسال تلفونك برسالة لي لكي اتواصل معاك ---الرجاء لمكن سيشارك معنا ان يرسل لي تلفونة برسالة لكي اتواصل معة
كدة بقينا ثلاثة انت وانا وصحبي
عاوزك لو تعرف حد من ملاك نفس الموديل حتي لو معندوش نت و كمبيوتر اقنعة بالمشاركة واكتب بيناتة
عاوزين نزيد نوصل ل 30 عميل او اكتر عشان نعرف نضغط عليهم


ممنوع الكتابه باللون الأحمر

مشرف الساحه

[khashem]

مستنى تلفونك فى أى وقت

[OSHA]

اتفق معاك فى كل العيوب باستناء التصقيفه ايدى على كتفك

[hemaa_82]

يسم الله الرحمن الرحيم



-------------------------------------------------------------------------
المهم اكتشفت العيوب المشتركة في الموديل m11 وهي
1- تسفيق او سكة في الموتور وهذا العيب خطير جدا علي الموتور "الموتور مصمم علي اوكتين 93 ودة غير موجود في مصر "..........بجد يا اخوانا مش عندي..... و متنسوش ان ده هوه هوه متور ال516 و محدش قال عليه كدة ..... واالله العظيم الحمد لله عربيتي مبتسقفش
2- اصوات غريبة وغير مفهومة المصدر من الخلف " مشاكل في العفشة وتأفيل الشنطة ".....العفشة اللي ورا بتبدأ تصوصو لو مشيت كل يوم في جمال عبد الناصر علي الاقل اعمل 3000 كيلو ..... تربيط بس بيحلها .... مع مراعاة للامانة لو مشيت في حتت طبيعية الموضوع بيعد 4 او 5 الاف كيلو مش عايزة تربيط ......و الحمد لله مفيش اصوات مريبة غير محددة
3- تزيق الزجاج " التافيل من الداخل سيئ"......بيعمل عندي كدة لو مش مغسول ...التراب بيدخل علي الكاوتش و يفضل يعمل زي صوت لما تكون بتمضغ اكل و فيه رمل او تراب...مع النظافة مفيش اي شكوي
4- سحب الخامس ضعيف جدا -- والعيب دة ممكن يعدي ...حسب تجميعك
5- نقرة في الدريكسيون -- "علبة الدريكسيون غير ممبطنة "...ممكن ...بس مش علي الهادي .. و مش في اي مطب ...في الرزع الجامد بس...عربيات كتير قوي كده علي فكرة
6- عيب في كل العربيات ومحدش واخد بالة خالص كل العربيات الي جربتها حوالي 6 عربيات لقيت العيب ظاهر فيها ----> البلي الامامي خشن يمين وشمال...."مش موافقك في دي خالص :)
بمعني امشي جنب الرصيف علي التاني واقفل جميع الزجاج ما عدا الزجاج بتاعك حتسمع صوت احتكاك معدن بسيط و بيظهر خالص في الملفات بشرط تكون قريب من الرصيف عشان الصوت يرد عليك
7- صوت الباور عالي و شفت بعض العربيات بيسرخ جامد اوي -- "مش في كل العربيات" .... الله ينور .... عندي الحمد لله عادي
---------------------------------------------------------------------------


يارب نكون ايجابيين ونعمل حاجة

انا بقي عندي سؤال اخر ...... مين اشتري من ابوغالي و عنه المشاكل دي كلها ؟؟؟؟؟؟؟

عايزين نعرف اللي عنده المشاكل دي كلها اشتري من فين علشان نقدر نشوف اذا كان في حد من الموزعيين او منافذ البيع بيتساهل في مراقبة الجودة ....

انا اشتريت العربية من ابو غالي عاملة 30 كيلو علي ما اذكر علشان جبهالي من العبور ماشية .... كان فيها نص التنك بنزين و الحمد لله زي الفل .....

كله يشارك يا اخوانا ...
ما استحق ان يولد من عاش لنفسه فقط ....

ربنا يكون في عونا كلنا ان شاء الله

[medoragab]

انا بقي عندي سؤال اخر ...... مين اشتري من ابوغالي و عنه المشاكل دي كلها ؟؟؟؟؟؟؟

عايزين نعرف اللي عنده المشاكل دي كلها اشتري من فين علشان نقدر نشوف اذا كان في حد من الموزعيين او منافذ البيع بيتساهل في مراقبة الجودة ....

انا اشتريت العربية من ابو غالي عاملة 30 كيلو علي ما اذكر علشان جبهالي من العبور ماشية .... كان فيها نص التنك بنزين و الحمد لله زي الفل .....

كله يشارك يا اخوانا ...
ما استحق ان يولد من عاش لنفسه فقط ....

ربنا يكون في عونا كلنا ان شاء الله

شكرا يا استاذ احمد علي مشاركتك واقدر هذا
انا مستلم عربيتي عاملة 25 كيلو تقريبا

ملحوظة انا مشفتش عربية لحد دلواتي مفهاش السكة دي خالص عربيتي و عربية صحبي و 6 عربيات في التوكيل ممكن بتكون متأل رجل شوية علي البنزين
المهم مهما يكن لابد وان تشارك معنا و نقابل لعرض وجهات النظر و منتظر رقم تلفونك في رسالة كي اتواصل معك
شكرا لك

[medoragab]

كدة ولله الحمد اصبحنا خمس اشخاص

فين الناس فين اصحاب m11

[ashraf005]

تاريخ الشراء 26/1/2010
العداد 950 كيلو
مكان الشراء المصرية للسيارات
العداد كان عامل 65 كيلو

أتفق معك فى العيوب التالية

1- تسفيق او سكة في الموتور "أول مرة حاطيط بنزين 90 وكانت بتسقف كتير وبعد اما فضيتها وبدأت احط 92 بدأ يروح تقريبا ما باسمعوش إلا لما أغلط واقف وامشى على التانى مثلا"
2- اصوات غريبة وغير مفهومة المصدر من الخلف " لسة بادئ عندى موضوع الصوصوة ده"
5- نقرة في الدريكسيون -- "علبة الدريكسيون غير ممبطنة "
7- صوت الباور عالي "بس ماعرفش لانى ما قارنتوش مع حد تانى"

واحب أزود إن حساس النور مش شغال مش عارف ليه "هل ممكن من التراب" فلو حد يعرف مكانه فين يقوللى عيه

مع العلم إنى تقريبا لسة ما جبتش الخامس علشان لسة فى التليين
تانى حاجة دى أول عربية لية ولسة باتعلم السواقة كمان وفى حاجات كتير الواحد لسة مايعرفهاش "دا حتى الواحد خدله خبطتين واحدة قبل الترخيص والتانية لسة النهاردة فى الفانوس الورانى يمين"
تالت حاجة سفريات العمل كتيرة بسيارات الشركة "فمش عارف اخد راحتى فى السواقة مع العربية"

حد يعرف حد بيعمل وش فانوس ويتكلف فى حدود كام.

[medoragab]

الحمد لله بقينا 6

[ahmeddarhos]

أنا معاك قلبا وقالبا فى الموضوع ده...
انا اشتريت العربية تقريبا 17/11/2009
من ابوغالى موتورز و كانت عامله 95كم وعاملة لغاية دلوقت 8270كم
متفق معاك فى الاصوات مجهولة المصدر اللى جاية من الخلف....
صوت رجرجة فى الازاز بتاع الابواب الاربعة....
صوت كركرة فى الموتور أحيانا.. وعلشان أكون أمين مش قادر أحدد اذا كان عيب من الموتور ولا من السواقة.. لأنى مش حريف سواقة...
وأحب أضيف كمان انى غيرت البوجيهات على 8200كم لانها اتحرقت.. مش عارف ازاى...!!!

تليفونى 0103719436
اخوك د/ أحمد حسين

[ahmad--ezzat]

ياريت الناس تحط فى بالها ان العربيه لا هيا باسات ولا c280 ولا حاجه من دول....
فئه العربيات بتاعتنا دى لازم الواحد بتغاضى ويكبر الدماغ...يعنى انا عندى حجات بطنشها....دة مش معناه اننا نسكت....بس العربيات دى كده واللى مش عاجبو ميشتريهاش