ميعاد الاجتماع الخاص بالرابطه الاحد 20\5 الساعه 8 م

[kamatchodj]

بناء على دعوه استاذ كامل للاجتماع

ادعوا سيادتكم للاجتماع يوم الاحد 20\5 الساعه 8 مساء

بفندق الواحه اول طريق مصر الاسكندريه الصحراوى

وانا عازم الكل بس شرفونا

الموضوع هام وبرجاء عدم التخلف للاهميه

الاجتماع قاصر فقط على مالكى وحاجزى الاسبرانزا واعضاء الرابطه

[kamatchodj]

على الساده مالكى وحاجزى الاسبرانزا اعضاء الرابطه

المشاركه بالموضوع لمعرفه العدد التقريبى للحضور لعمل الترتيبات اللازمه

[abou_sama]

مجهودرائع يا استاذ وائل
وشكرا مقدما

[kamatchodj]

الشكر لله من قبل ومن بعد

شكرا لك على اهتمامك....

يسعدنا ويشرفنا تواجدك معنا

ونرجوا حضورك الاجتماع

[محمد المرسي]

أ.وائل كنت أفضل أن يكون هناك أستفتاء على الميعاد لأن البعض لن يستطيعوا الحضور ..
وبالنسبة لى لن أستطيع الحضور وكنت أفضل يوم الثلاثاء أو الأربعاء ..
على العموم إذا أجتمعتم بدونى فأنى أوافق على ما تقرروه ..
وتقبل تحياتى ...

[kamatchodj]

كنت أفضل أن يكون هناك أستفتاء على الميعاد لأن البعض لن يستطيعوا الحضور

يا استاذنا...... ليك حق والله

بس احنا فى اشد الحاجه للاجتماع سريعا

للتعارف ومناقشه امورنا الهامه

[Abonora]

لو هناك ميعاد اخر تفضلوة --لازم تبلغونا--ونشوف الميعاد المناسب--للجميع--شكرا ليك استاذ وائل مصطفى وشكر للمهندس كامل ابو شهد-

[kamatchodj]

اذا كان فيه ميعاد اخر مافيش مشكله

بس خللوا بالكم ان فيه اجتماع اخر يوم 25 الجمعه لنايل موتورز

[kamatchodj]

جدول الاعمال الخاص بالرابطه

1- التعارف بين الاعضاء ( من فضلك اكتب اسمك ورقم تليفونك وايميلك ورقم شاسيه عربيتك فى ورقه بيضاء لاعداد قاعده بيانات الاعضاء) من فضلك احضر معك مايدل على حجزك للعربيه او رخصه العربيه ( تكفى صوره ضوئيه)

2- ماذا تريد من الرابطه.... مقترحاتك وافكارك..... ورقه مستقله

3- بماذا تسطتيع ان تخدم الرابطه................ ورقه مستقله

4-تحديد ميعاد محدد للمقابه الدوريه للاعضاء

اذا كان هناك شىء اخر تريدون اضافته ........ برجاء التنويه عنه لاضافته الى جدول الاعمال

مع تحيات وائل عطيه وامر يحى ووائل مصطفى

[عبدالرحمن]

كان نفسى اكون موجود معاكم
بس والله الامتحانات على اخرها و ربنا يعديها على خير الحاجة تانية ميكانيكا

لحسن دى رخمت قوىىىى ( سنة مملة والله )

ادعولى يا جماعة

[kamel mahmoud kamel]

انا طبعا موافق على الأجتماع بما انى من طلب ذلك بس المكان كده بعيد اوى يا وائل مينفعش نقرب المسافات شويه
خاصة ان حضور امر و وائل عطية ضرورى و كذلك الاستاذ عمرو سامى و كل دول ساكنين فى الناحية التانية و انا معاهم الناحية التانية برضه و اظن ان فى ناس كتير كده علشان كده لازم الناس تتقترح المكان المناسب و الميعاد المناسب لحضور اغلب الاعضاء اذا امكن.

لذا اقترح ان كل عضو يريد الحضور يبعت رسالة تحتوى على اسمه و رقم العضويه فى الرابطه و المكان و الزمان المناسب له علشان كل الناس تبقى شايفه اختيار المكان سيتم بناء على ايه، و بعد كده نحاول نشوف ايه اقرب مكان للجميع او للأغلبيه و نحدد الميعاد و ربنا يوفق انشاء الله .

م/ كامل محمود
اسبرانزاوى رقم 3

[sh_masry]

بدون ما حد يزعل منى ...... يا جماعه ارجوكم التزموا بمكان محدد و كله يوافق عليه حتى لو فى بلاد واق الواق ما كل الأشخاص هنا معاهم عربيات و انتم بتعملوا حاجه لصالحكم يعنى لو فى اخر الدنيا ده لصالحكم فى الأخر ,,,, انتم مش هاتقابلوا علشان تهزروا او تتفسحوا انتم ههتقابلوا علشان تحلوا مشاكل بتواجهكم كلكم .......
نفسى حتى ان مجموعه تتوحد تحت كلمه واحده و تحت ريس واحد يقول الميعاد الساعه كذا فى الحته الفلانيه نقول كلنا طيب .... لأن عمر ما الكل هايبقى راضى و اكيد ما الكل هيوافق على نفس الكلام ..... و انسوا بقى موضوع الديمقراطيه دى لأن احنا مش بتوع ديمقراطيه بجد و مانعرفهاش و دايما الديموقراطيه عندنا تهريج و هزار و لكن لابد ان نتحكم بالحديد و النار من ديكتاتور قوى .

مش عارف بقول كده ليه بس انا اسف لو ضايقت حد .

a7'ookom
Sherif

[محمد المرسي]

أ.شريف داشماً أرائك حادة أوى علينا أحنا يا أسبرانزوية ... ههههههههههههههه طبها بهزر
بالنسبة لموضوع المقابلة فالأقتراح الحاص بالمهندس كامل ليس فقط لمالكى السيارة ولكن أيضاً للحاجزين ...
وبالنسبة لموضوع الديمقراطية أدينا بنحاول أن جميع الأطراف تكون مرضية وأكيد أول مهيكون فى رئيس للرابطة سيظهر الديكتاتور بداخله (على اساس المتهم مدان إلى أن يثبت العكس) ..
وتحياتي لك ..

[sh_masry]

أدينا بنحاول أن جميع الأطراف تكون مرضية

عمر ما اى حد او اى منظومه هاتعرف ترضى جميع الأطراف , فيه مثل بتقول الناس مش عاجبها رزقها بس عاجبها مخها و ده يدل على ان كل واحد فيه حاجه بيفكر فيها شايف ان هى الصح و عايز ينفذها حتى و لو على حساب الكل .
و انا بتكلم كده علشان انا صعبان عليا انكم عايزين تعملوا حاجه و تفشل من قبل المحاوله حتى , بغض النظر عن الأسبرانزا بس انا نفسى ان يبقى فيه مجموعه ليهم ريس واحد بيتكلم عن لسان الناس كلها و يحقق نتايج للناس كلها علشان هما معاه و بيساندوه فيما يقول و يفعل و يقفوا جنبه لأنه لو لوحده عمره ما هايعمل حاجه و لو اتفرقتم برده مش هاتعملوا حاجه .
و لازم تطالبوا بحققم صح علشان تحموا نفسكم و تحموا غيركم و تحموا اللى هايشترى بعدكم .

a7'ookom
Sherif

[Abonora]

استاذ شريف المصرى نصائحك غير مجدية ومضيعة للوقت ياريت تشوف موضوع تانى تتكلم فية --لان الناس اللى سيادتك بتعطيهم من وافر تجاربك - بيفهموا كويس وقادرين على ادارة شئونهم---وبيقولولك شكرا --اذا كان عندك شك فيما اقول انة شبة احساس جماعى--فانا على استعداد لعمل استفتاء بين اعضاء الرابطة اذا كانوا يريدون تدخلك معهم او لا يريدون فيما يخص شئون الرابطة او اجتماعاتهم او مقابلاتهم--