عندى استفسار بسيط وارجو المساعدة

[ahmedmagdy]

السلام عليكم ورحمة الله وبركاته
انا احمد مجدى من دمياط الجديدة وبصراحة انا ياجماعة اعجبت جدا بفكرة المنتدى دى وكمان الرابطة وبعتبرها فكرة عبقرية جدا ولو انى مش عضو من اعضاء الرابطة لسه ولكن ده للاسف لان انا لسه لم امتلك العربيةرغم انى معجب بيها جدا وبامكانياتها ولكن باذن الله هنجيبها قريب وعشان كده انا كنت بتمنى انى انضم للرابطة قريب ان شاء الله بس بعد مانجيبها.على العموم انا بس كان عندى استفسار بسيط بخصوص A620 وهو هل متاح انظمة قسط ولا لا وان كان متاح انظمة قسط فلو ممكن تقولوها عليها لى ومنين هل من عند ابو الفتوح ولا من بره وايه الانظمة المتاحة لو على 5 سنين مثلا؟
وارجو انكم تقبلونى عضو فى المنتدى بتاع الوزة زى ماسميتوها (وعلى فكرة الاسم ده عاجبنى برده ) ويمكن باذن الله قريب اكون عضو فى رابطة ملاك اسبيرانزا الرائعة
وارجو انى اشوف ردودكم واجاباتكم المفيدة فى اقرب فرصة لانكم زى ماشفت فى المنتدى نشيطين جدا وبتردوا على اى استفسار .
وعلى فكرة انا معجب برده جدا بفكرة الاجتماعات والانتخابات جدا.
وارجو انى مكونش ازعجتكم وطولت عليكم.
وشكرا مسبقا على اضافاتكم الرائعة .
وانا فى انتظار اجاباتكم للمساعدة. وشكرا.

[kamatchodj]

اهلا بيك يا عضو الرابطه مستقبليا

ابوا الفتوح لايبيع بالتقسيط

ولكن ممكن تقسط عن طريق اى معرض او بنك

ربنا يبارك لك مقدما على العربيه يكفيك شرها ويسد ما عليك

[محمد المرسي]

مرحباً بك أ.أحمد فى منتداك ... والرابطة ستكون سعيدة بأنضمام عضو جديد لها ..

أما بالنسبة لموضوع القسط ...
فى معرض فرست كار وده موزع رسمي للسيارة ومن الممكن تجيبها من عنده عن طريق التقسيط بالسعر الرسمي وهذا المعرض بالحجز ..
أما لو عايز تجيبها فورى ففى معارض كتير تبيعها أيضاً عن طريق القسط بس بسعر أغلى من التوكيل ..

ومرحباً بك مرة آخرى ...

[Abonora]

اهلا وسهلا بحضرتك--معاك وزة ولا لسة ح تحجز او لسة ح تستلم --فى كل الاحوال اهلا وسهلا بيك استاذahmedmagdy

[ahmedmagdy]

مرحباً بك أ.أحمد فى منتداك ... والرابطة ستكون سعيدة بأنضمام عضو جديد لها ..

أما بالنسبة لموضوع القسط ...
فى معرض فرست كار وده موزع رسمي للسيارة ومن الممكن تجيبها من عنده عن طريق التقسيط بالسعر الرسمي وهذا المعرض بالحجز ..
أما لو عايز تجيبها فورى ففى معارض كتير تبيعها أيضاً عن طريق القسط بس بسعر أغلى من التوكيل ..

ومرحباً بك مرة آخرى ...

ألف شكر ليك يا اخ محمد على الرد السريع على سؤالى وعلى ذوقك العالى وكرم اخلاقك
وطبعا الرابطة منورة دايما باصحابها وباذن الله انضم للرابطة قريب وطبعا سعادتى انا هتكون اكتر بانضمامى للرابطة وكمان لامتلاكى الاسبيرانزا
ولكن بعد اذنك ممكن استفسر يعنى ايه التقسيط بالسعر الرسمى لانى مش فاهم قصدك وكمان فين المعرض ده
وارجو انى مكونش بتقل عليك لو طلبت رقم التليفون بتاعهم لو كان موجود معاك ومرة تانية بشكرك على ردك عليا

[ahmedmagdy]

اهلا بيك يا عضو الرابطه مستقبليا

ابوا الفتوح لايبيع بالتقسيط

ولكن ممكن تقسط عن طريق اى معرض او بنك

ربنا يبارك لك مقدما على العربيه يكفيك شرها ويسد ما عليك

الف شكر للاخ kamatchodj على الرد السريع والدعاء اللطيف وباذن اله تكون فرصة واتعرف على كل اهل المنتدى واصحابه

[kamatchodj]

ان شاء الله تكون عضو فعال لخدمه الرابطه

[ahmedmagdy]

اهلا وسهلا بحضرتك--معاك وزة ولا لسة ح تحجز او لسة ح تستلم --فى كل الاحوال اهلا وسهلا بيك استاذahmedmagdy

الف شكر ليك يا استاذى الفاضل وباذن الله يفضل منتدى ناجح ونشيط زى ماشفت فيه واللى شجعنى على الانضمام للمنتدى وباذن الله الرابطة قريب

[محمد المرسي]

أشكرك أ.أحمد ..
بالنسبة لموضوع السعر ...
السعر فى التوكيل 107900 جنيه
السعر خارج التوكيل مش عارف بس هو بيزيد بنحو 5000 جنيه وأنت طالع يعنى على حسب المعرض واللون .
بالنسبة لموضوع المعرض فهو موجود فى المهندسين -10 ش زمزم _ ت:3353976 -3382189
ربنا يوفققك ..
وتقبل تحياتى ..

[ahmedmagdy]

أشكرك أ.أحمد ..
بالنسبة لموضوع السعر ...
السعر فى التوكيل 107900 جنيه
السعر خارج التوكيل مش عارف بس هو بيزيد بنحو 5000 جنيه وأنت طالع يعنى على حسب المعرض واللون .
بالنسبة لموضوع المعرض فهو موجود فى المهندسين -10 ش زمزم _ ت:3353976 -3382189
ربنا يوفققك ..
وتقبل تحياتى ..

الف شكر ليك يا استاذ محمد على اهتمامك ومساعدتك واتمنى انى مكونش تقلت عليك وعموما هكلمهم ان شاء الله واشوف النظام عندهم ايه وشكرا على المساعدة مرة تانية

[baher]

A620 وهو هل متاح انظمة قسط ولا لا وان كان متاح انظمة قسط فلو ممكن تقولوها عليها لى ومنين هل من عند ابو الفتوح ولا من بره وايه الانظمة المتاحة لو على 5 سنين مثلا؟

بس ياسيدي انا كنت عايز اشتريها واقسطها برده عملت جوله ولقيت الاتي
كل المعارض بتحسب ليك العربيه على سعر 118 الف الا عيسى بيحسبوه ليك على السعر الرسمي 108 الف وبتحجزها عادي خالص وتقسطها من ساعه متستلمها انا شفت ان عيسى احسن واحد

[ahmedmagdy]

الف شكر ليك يا استاذ باهر على الافادة والكن عندى سؤال نظام التقسيط هيبقى ازاى عند عيسى يعنى المقدم كام والقسط على كام سنة والقسط الشهرى كام وهل ممكن ادفع مبلغ اعلى من المقدم اللى بيحددوه مثلا واقلل القسط وكده يعنى ؟
ارجو الافادة ان كانت عندك اى معلومات وشكرا مسبقا

بس ياسيدي انا كنت عايز اشتريها واقسطها برده عملت جوله ولقيت الاتي
كل المعارض بتحسب ليك العربيه على سعر 118 الف الا عيسى بيحسبوه ليك على السعر الرسمي 108 الف وبتحجزها عادي خالص وتقسطها من ساعه متستلمها انا شفت ان عيسى احسن واحد

[ahmedmagdy]

بس ياسيدي انا كنت عايز اشتريها واقسطها برده عملت جوله ولقيت الاتي
كل المعارض بتحسب ليك العربيه على سعر 118 الف الا عيسى بيحسبوه ليك على السعر الرسمي 108 الف وبتحجزها عادي خالص وتقسطها من ساعه متستلمها انا شفت ان عيسى احسن واحد

وعندى استفسار تانى بعد اذنك بالنسبة للمعارض اللى بتحسب السعر على 118 هل مثلا بدفع جزء من 118 دول مقدم والباقى بقسمه على عدد شهور القسط بس ولا هيتم اضافة فوايد اخرى غير ال10 الاف الزيادة دول مش فاهم قصدك وارجو التوضيح وشكرا مرة تانية على المساعدة