لقـــــــاء التيجاويـــــــة

[aboomarahmad]

السلام عليكم:

أخواني التيجاوية واللي نفسهم فيها.....إيه رأيكم ننظم لقاء يجمعنا كلنا نتعرف فيه على بعض ونتبادل فيه الآراء والإستفسارات وبالمرة اللي نفسه في العربية يتعرف عن قرب أكتر عليها
الحقيقة انا لمست الموضوع ده مع أصحاب الm11وغيرهم في العربيات التانية
أولا ناخد الآراء بالموافقة من عدمه وبعدين ننظم المكان والميعاد.........منتظر الردود

م.ياســــر

[evram]

موضوع جميل انا معيا 516 و نفسي اشوف التيجو و اركبة للفرجة و اعرف عالية ولا لا لاني عايز اغير العربية و خايف منة و حاسس انة لاتمط بصلة للجيب و واطية عايز اشوفة انا اشجع الموضوع دة

[amir]

ياريت بجد
ده انتو فعلا محتاجين مقابله و تتجمعو كده و انا اعمل تقييم لعربياتكم عربيه عربيه

[aboshahd50]

انا لسه شاري تيجوا من 5 ايام وياريت يكون في معياد مقابله

[amir]

طيب هل ممكن تتعمل قبل عيد ميلاد المنتدي خصوصا انه اتأجل؟

[emad7759]

ولله ياريت تتجمعو وتعملو زينا كده وتشوفه عربيتكم فيها ايه

اكيد لمل تعمله مقابله هتكتشفه حجات فى العربيه وتبقا على الطبيعه

وربنا يوفققم

[helfoll]

انا حجزت التيجو ال 1600 وان شاء الله أستلمها كمان 3 أيام وطبعا موافق على ذلك

[attiahf]

فكرة رائعة...موافق
ممكن نعمل رابطة ايضا على Facebook

[amir]

فكرة رائعة...موافق
ممكن نعمل رابطة ايضا على facebook

هو انت مستقل المنتدي ولا ايه؟؟؟
انتو بس حد فيكو يعمل موضوع لحصر ملاك التيجو في المنتدي زي المعمول في قسم النيسان
انا كنت هاعمله ليكو بس اتكسفت اكون من غير ملاكها و اعمل موضوع احصائي عن ملاكها في المنتدي
و بكره تشوفو عددكو كام
ده تحت البيت بقي في 3 تيجو ولا اربعه و اتنين تيريوس
ال 4 *4 اعلن الغزو!!

[aboomarahmad]

ياريت بجد
ده انتو فعلا محتاجين مقابله و تتجمعو كده و انا اعمل تقييم لعربياتكم عربيه عربيه

السلام عليكم:
والنبي انت عسل يا دكترة..يا بتاع التقييم انت .انا عامل الموضوع ده مخصوص عشان اللي زي حضرتك اللي نفسهم فيها بس بيقدموا رجل ويأخروا رجل
وايه حكاية عيد ميلاد المنتدى دي انا معرفهاش....عموما انا شايف اقبال شديد على الموضوع ده
فياريت بسرعة نحدد المكان والموعد بس ياريت يكون قبل 25 ابريل او بعد 10مايو لأني طالع عمرة ان شاء الله (بفكر أطلع بالتيجو عشان أكيد العوازل بس خايف أوصل على الحج)
بجد....اقتراحتكم للمكان والموعد
ايه رأيكم في دار من دور القوات المسلحة وليكن جاردنيا اللي في اول طريق السويس لأنه فيه امامه مكان كبير للركنة وكمان قريب من الدائري للي هاييجي منه بدون الدخول لوسط البلد والزحمة وبيدخل مدنيين ب5ج بس......يللا بسرعة ردوا عشان لما اطلع العمرة ادعيلكم
وانت يادكتور امير متكسفش من الحصر انت اصلا واحد مننا وانا هخليك تروح بعربيتي يومها وتسيب الصني ان شاء الله........... والله أعلم

أخوكم م. ياســـــــــر

[amir]

لا تعليق
و موافق علي المكان
اثبتو انتو بس علي الزمان

[aboomarahmad]

و موافق علي المكان
اثبتو انتو بس علي الزمان

السلام عليكم:
ايه رأيكم في الخميس القادم 22 ابريل؟؟؟؟؟
الموافق يقول ولو جمعنا عدد كبير في ال4 ايام اللي فاضلين يبقى ماشي اونأجلها للسبت 24ابريل؟؟؟؟
ياللا مفيش حد تيجاوي وللا ايييييه؟؟

[evram]

يا جماعة انا نفسي اشوف التيجو 2000 و 1600 و اتفرج و اجرب بس مش هيناسبني غير يوم جمعة او احد و ياريت يكون مكان قريب شوية

[Hegazio]

انا موافق علي الفكرة
بس قريب قوي المواعيد دي .. انا رأيي نخليها الجمعة بعد الصلاة يوم 30 ابريل أو 7 مايو

[aboshahd50]

موافق علي المكان
اثبتو انتو بس علي الزمان