اما انا بقى فمش عارف اصوت...........عماد

[Emad]

بعد السلام والتحية

بعد حديثى مع كامل اللى اخيرا رد على تليفونة و فى ناس تانية كتير مرضتش علية و كانو عايزين منصب الرئاسة

امال لو كانت انتخابات لرئاسة جمهورية مش لرابطة سيارة

يؤسفنى ابلاغكم انكم بعد ما كنا وضعنا رجلينا على الطريق الصحيح وخطونا خطوة للاسف رجعتونا عشرة خطوات انا سايب المنتدى هنا اللى عملنا مشاكل و حساسيات بيننا وبين بعضنا ورايح لاصحابى و حبايبى هناك اللى كلنا سواسية هناك من كبيرنا لصغيرنا
هناك حبينا بعض وخفنا على بعض وكان هدفنا واحد وتكاتفنا مع بعض على اللى يغلط فينا او فى سيارتنا اما هنا احنا اصلا منعناهم من الدخول ومسكنا احنا فى بعض

هناك كان انا و ابن عمى على الغريب اما هنا للاسف
ارجو ان تكونو فهمتونى
انا رايح على كونتكت
contactcars

وشكرا


Emad Osman
A5 : Sky Grey
Nasr City
Speranzawy Only Without No 10

[محمد المرسي]

مش عارف أقولك أيه أ.عماد ...
أنت جيت على الوجيعة ..
بس أعذرنى أ.عماد أنت موقفك ده (متزعلش منى) فيه سلبية بعض الشئ ... بالخصوص لتركك المنتدى ... لأن لو واحد أو اتنين وحشين فهذا لا ينطبق على الجميع ..
ثم يا أستاذى الفاضل فيه حديث للرسول يقول (ألتمس لأخيك سبعين عذراً) ...
طبعاً أنا معرفش خلفيات عن علاقتك بمن ذكرت .. وهل بينكم إتصالات من قبل ولا لأ ...
وإذا كان فيه حد زعلك فحقك عليا ...
والله أنا لو شايف أنى ممكن أعمل حاجة للرابطة عمرى متأخر .. لكن لظروف عملى وأقامتى شبه الدائمة بالسويس .. تجعلنى بعيداً عن عنكم لأن معظم الموجود بالرابطة بالقاهرة أو الأسكندرية ... وبرضه أنا مش ساكت بحاول أعرف الناس بالمنتدى وقيمته الكبيرة ... وأيضاً إذا رأيت أحد بالسويس راكب السيارة بعرفه بالمنتدى والرابطة ...
وعلى كل حال أنت حر طبعاً فى قرارك .. على الرغم من محبتنا لوجود أمثالك معنا ...
وتقبل تحياتي ...

[Dr Ahmed]

يعنى اللى عايز يمشى ماهو حر..

انما يعمل اعلان فى كل الرسائل يبقى قصده ايه؟؟؟ ما هو يا إما قرر يمشى فيمشى بدون زفة أو عايز يناقش مشكلة يبقى مش يقول أمشى.. يناقش المشكلة!!!

[محمد المرسي]

فى الحقية يا د/أحمد أنا مش عارف ليه الرسايل دى كلها ...
وهو كان موضوع وخلص ..
ومش محتاج على رأيك الزفة دى كلها ...

[Abonora]

يا جماعة لا تظلموا الرجل --المهندس عماد عثمان وكابتن فريق بترول اسيوط الاول لكرة القدم --لة حق ان يغضب --عندما يرى كل ما يحدث حولة من انشقاق داخل اعضاء الرابطة ولانة حاول الاتصال بالاستاذ امر اكثر من مرة ولم يرد --ونفس الشىء حدث مع الاستاذ كماتشيوا ولكن هذة المرة كانت مع الاستاذ المرشح الثانى للرائاسة وائل عطية ولم يرد الاستاذ وائل عطية على الاستاذ كماتتشيو----اعتقد --يا كابتن عماد انها عصبية ملعب ونحن فى طريقنا لحلها --ولكن بهدوء وبدون زفة--

[Emad]

ماشى يا استاذ جنيدى احترافك بالخارج اعطاك خبرة امتصاص اللى اقدامك حتى مع اهمية المباراة. تحياتى لك

الى الاستاذ محمد المرسى و استاذ احمد
انا من اول الناس بتوع الرابطة ويمكن كلامى قليل جدا بس دة مش زفة زى ما ذكرتم انما هو مجرد عتاب لناس للاننا بقالنا 9 شهور مع بعض

احنا مجموعة واحدة من ساعت ما كان الاجتماعات يحضرها سبعة اشخاص و احنا عارفين بعض كويس

على العموم تشرفت بمعرفتكم
وشكرا

[محمد المرسي]

أ. عماد أرجو منك أن لا تغضب على كلمة زفة ...
وفى الحقيقة لعدم وجودك بشكل دائم جعلنى لا أعرفك ..
وبصراحة لى لوم عليك لأنى كان لي تعليق على كلامك فى اول المشاركة .. وفيها كنت بحاول تهدئتك .. وجبت الحق عليا ..
حتى لا تتركنا وترحل ...
على العموم أنا آسف لو كام كلامى زعلك ... وسعيد بمعرفتك ...
وتقبل تحياتى ...

[PAYOO]

إلى الكابتن العزيز عماد

أنا بصراحه كنت عاوز أسئلك سؤال من فضلك ؟

أيه دخل المنتدى في مايقوله الأعضاء وطريقة حوارهم وطرقة تفكيرهم والخلافات التي تظهر من حين للاخر بين الأخوه ؟ وسريعا ما تعود المياه إلى مجاريها مره أخرى بفضل المحبه والجدعنه المصريه إللي كلنا بتحلى بها

أعتقد أن Nile Motors به من النزاهه والحياديه ما يكفي ليجعلك تشيد به وأكبر دليل وجود أعلانك في أكثر من موضوع ولم يتدخل أحد من الإداره لحذفه (وأعتقد في أي منتدى أخر كان الموقف سيتغير) ولكننا نؤمن إيمان مطلق بالحريه في التعبير عن الأراء ولا نحجر على أحد مطلقا

كل ما أطلبه فقط من حضرتك هو عدم الأغراق في الأعلان للهجر والرحيل (أو أي أعلان أخر) فقد قمت حضرتك بكتابة هذا الأعلان في أكثر من مداخله والأن تفتح له موضوع مخصوص .... فرفقا بنفسك وبالأعضاء فهذا بيتك ونحن أخوتك وأهلا بك في أي وقت يا كابتن

[Emad]

اشكركم جميعا و لكن هذا كان مجرد عتاب للناس
ويفهموه اكتر الناس القدامى اللى عملوا اول وثانى مقابلة للرابطة وتحياتى للجميع واكل احترامى للقائمين على هذا الصرح العظيم
وشكرا لكم جميعا مع اعتذارى للجميع


Emad Osman
A5 : Sky Grey
Nasr City
Speranzawy No 10