بعيدا عن المهاترات والكلام الكتيييييييييييييييييير ارجو الرد للافادة وشكرا

[eng_yeso]

يا جماعة انا بصراحة ومن الاخر عجبانى جدا التيجو الجديدة ال 1600 وعايز اشتريها وبصراحة لما دخلت على المنتدى توهت من كتر الكلام بين معارض ومؤيد فارجو رجاء خاص جدا ان يرد على فقط من هم بالفعل اشترو هذة السيارة وملاكها فعلا ويقولو رأيهم وعن تجربة شخصية مش مجرد هجوم وكلام وخلاص . يعنى ببساطة ردكم دة هيتوقف علية اذا كنت اشترى او لأ فارجو من سيادتكم افادتى فى هذا الموضوع ولكم جزيل الشكر والاحترام
( بالمناسبة انا شوفتها امبارح عند ابو الفتوح بتاع المعادى وهى حاليا ب 83 يا جماعة )
فى انتظار ردود حضارتكم

[khaledmaher]

ابحث داخل قسم الاسبرانزا فى المنتدى وهتلاقى كل الاجابات اللى انت عايزها ... موفق ان شاء الله

[eng_yeso]

الف شكر يا استاذ ماهر على الرد بس زى ما قولت انى فعلا قريت كتير فى المنتدى بس الكلام الكتير توهنى فعايز خلاصة الكلام والتجربة الفعلية من ملاك العربية نفسهم مش كلام وبس

[kholio2005]

حضرتك ممكن تدخل على اللينك ده فيه تقييم للعربية عن تجربة

http://www.nilemotors.net/Nile/103690-a.html

[said.d.y]

يا جماعة انا بصراحة ومن الاخر عجبانى جدا التيجو الجديدة ال 1600 وعايز اشتريها وبصراحة لما دخلت على المنتدى توهت من كتر الكلام بين معارض ومؤيد فارجو رجاء خاص جدا ان يرد على فقط من هم بالفعل اشترو هذة السيارة وملاكها فعلا ويقولو رأيهم وعن تجربة شخصية مش مجرد هجوم وكلام وخلاص . يعنى ببساطة ردكم دة هيتوقف علية اذا كنت اشترى او لأ فارجو من سيادتكم افادتى فى هذا الموضوع ولكم جزيل الشكر والاحترام
( بالمناسبة انا شوفتها امبارح عند ابو الفتوح بتاع المعادى وهى حاليا ب 83 يا جماعة )
فى انتظار ردود حضارتكم

بص ياباشا، من الاخر كل ما هتسأل كل ما هتوة اكتر،،،،
لان المركبوهاش بيقولوا وجة نظرهم من غير تجربة
والى ركوبوها بيقولوا وجة نظرهم من خلال تجربتهم الشخصية، وممكن متكنش متفقة مع كل ملاكها
ملخص الموضوع من رأى الشخصى
علماً بانى مجرب التيجو ال2000 اتوماتيك منذ 1/1/2009 وحتى الان، ومبسوط منها جداً
استخر اللة وتوكل على اللة واشترى ال1600 وموش هتندم ان شاء اللة
مشاكلها الظهرت حتى الان(وموش مع كل واحد) محدودة وبسيطة وموش قاتلة، وبعيدة عن عنصر الامان فى السيارة (فرامل /اتزان،،،،،،،،،،،،،،،،،)
والصيانة والضمان مقبولة واحسن من مراكز كتيييييييييير فى مصر
وفعلاً انتى راكب عربية باكتر من المدفوع فيها،
ولو فكرت هتلاقى بالسعر دة انتى محصور فى (لانوس/فيرنا/لوجان) طبعاً عن تجربتى التيجو افضل بكتير
على فكرة ان لما اشتريتها ومكنتش كتير زى دلوقتى مقولتش لحد ولا خت رأى حد وقبلت المغامرة
وكانت ناجحة والحمد اللة

[hugan]

بص ياباشا، من الاخر كل ما هتسأل كل ما هتوة اكتر،،،،
لان المركبوهاش بيقولوا وجة نظرهم من غير تجربة
والى ركوبوها بيقولوا وجة نظرهم من خلال تجربتهم الشخصية، وممكن متكنش متفقة مع كل ملاكها
ملخص الموضوع من رأى الشخصى
علماً بانى مجرب التيجو ال2000 اتوماتيك منذ 1/1/2009 وحتى الان، ومبسوط منها جداً
استخر اللة وتوكل على اللة واشترى ال1600 وموش هتندم ان شاء اللة
مشاكلها الظهرت حتى الان(وموش مع كل واحد) محدودة وبسيطة وموش قاتلة، وبعيدة عن عنصر الامان فى السيارة (فرامل /اتزان،،،،،،،،،،،،،،،،،)
والصيانة والضمان مقبولة واحسن من مراكز كتيييييييييير فى مصر
وفعلاً انتى راكب عربية باكتر من المدفوع فيها،
ولو فكرت هتلاقى بالسعر دة انتى محصور فى (لانوس/فيرنا/لوجان) طبعاً عن تجربتى التيجو افضل بكتير
على فكرة ان لما اشتريتها ومكنتش كتير زى دلوقتى مقولتش لحد ولا خت رأى حد وقبلت المغامرة
وكانت ناجحة والحمد اللة

+111111111111 كلام مضبوط
سؤال التيجو ال2000 اللي مع حضرتك دفع خلفي ولا امامي للاهميه

[attiahf]

زى ما قال الاعضاء السابقين العربية فى المجمل حلوة وتؤدى الغرض فى حدود المبلغ المدفوع واغلب المشاكل خاصة بالتقفيل وجزء كبير منها يتحل فى صيانة الالف
ربنا يكرمك ومتنساش الاستخارة

[eng_yeso]

يا جماعة بجد انا عاجز عن الشكر انتم بجد ناس متعاونين ومحترمين بجد ودة بجد منتدى محترم جدا ربنا يجازيكم خير والف شكر ليكم كلكم وفى انتظار باقى اراء الاعضاء المحترمين من ملاك السيارة

[eng_yeso]

اية يا جماعة فين باقلا ملاك السيارة؟؟؟؟؟؟؟؟؟؟؟

[hugan]

المنتدي المهجور يظهر المهاجمين اقتنعوا انه مفيش فايده

[esam722]

على فكرة انا لسة عامل صيانة 1000كيلو من يومين (تيجو 1600)
العربية ممتازة من حيث الشكل والعلو عن الارض وده مهم جدا فى شوارع بلدك ولكن ........
التقفيل فى مصر وانت فاهم بقى يعنى الابواب عايزة عافية شوية علشان تتقفل .غطاء الاستبن مش بيقفل بالكامل حاولت فى مركز الخدمة علاج الموضوع ده وفشلوا وحسيت الموضوع دة عادى فى العربية دى لانى بالصدفة شفت عربيتين فيهم نفس المشكلة منهم عربية زيرو لسة معلقتش نمر
المشكلة التانية انهم فى مركز الخدمة (ابوغالى طومان باى )يحسسوك انك انسان ساذج لما تيجى تكلمهم عن اى ملاحظة وتحس انك مش فاهم حاجة
المهم العربية فى المجمل ممتازة وخصوصا بالنسبة لسعرها وسيبك من اللى يقولك ابعد عن الصينى على فكرة مش كل الصينى وحش المشكلة عندنا فى بعض المستوردين اللى بيستوردو حاجات رديئة علشان رخيصة ولكن فية بعض السيارات محترمة وياريت نكون ربع الصين فى الصناعة

[said.d.y]

على فكرة انا لسة عامل صيانة 1000كيلو من يومين (تيجو 1600)
العربية ممتازة من حيث الشكل والعلو عن الارض وده مهم جدا فى شوارع بلدك ولكن ........
التقفيل فى مصر وانت فاهم بقى يعنى الابواب عايزة عافية شوية علشان تتقفل .غطاء الاستبن مش بيقفل بالكامل حاولت فى مركز الخدمة علاج الموضوع ده وفشلوا وحسيت الموضوع دة عادى فى العربية دى لانى بالصدفة شفت عربيتين فيهم نفس المشكلة منهم عربية زيرو لسة معلقتش نمر
المشكلة التانية انهم فى مركز الخدمة (ابوغالى طومان باى )يحسسوك انك انسان ساذج لما تيجى تكلمهم عن اى ملاحظة وتحس انك مش فاهم حاجة
المهم العربية فى المجمل ممتازة وخصوصا بالنسبة لسعرها وسيبك من اللى يقولك ابعد عن الصينى على فكرة مش كل الصينى وحش المشكلة عندنا فى بعض المستوردين اللى بيستوردو حاجات رديئة علشان رخيصة ولكن فية بعض السيارات محترمة وياريت نكون ربع الصين فى الصناعة

كلام جنابك فى المليان ياباشا، وبالنسبة لموضوع الابواب، بتريح((موش كتير)) مع الوقت والضبط،اما غطاء الاستبن، كان عندى نفس المشكلة لدرجة انى شلتة عشان خفت ليقع، وفى مركز تكنو سرفيس ركبوة مظبوط واصبح فى مكانة تمام 100% ((وطبعاً موش عارف لغاية دلوقتى بيركب ازاى)).
اما بالنسبة لملاحظاتك ومركز ابو غالى، اعتقد لو حضرتك تعبت شوية ورحت مركز للابو الفتوح ومع الاسرار والمتابعة هيحلوهالك كلها او على الاقل معظمها ان شاء اللة.

[attiahf]

مضبوك الكلام ومع الوقت الابواب حتريح وتبقى "معقول" وبالنسبة لغطاء الاستبن حتلاقى سهم على الغطاء وعلى مكان التركيب فى العربية فحاول تخليهم اقصاد بعض وان شاء اللة يركب كويس معاك
حاول تروح مركز خدمة تانى ذى تكنوسيرفيس يمكن تلاقى الموضوع احسن من ابو غالى
ومبروك على العربية

[pmosalm]

العربية كويسة و الصيانة بتعتها محترمة جدا و ادائها معايا زى الفل وعلى فكرة انا معايا تيجو 1600 مانيوال جميع الكماليات بقالها 8 شهور وكفاية يا سيدى السنة اللى فاتت رابع رالى الفراعنة

[egypt0777]

انت معاك 80 الف

هات اوبترا او نيسان صنى

بالسعر ده

عشان عربيات ابو الفتوح ده زى البطيخة ( يا قرعة , يا حمرة)

و انت مش عاوز تخاطر بفلوسك خليك فى اللى توكيله محترم