ملخص مقابلة السبت 8-5 -2010 لملاك m11

[medoragab]

ياريت اللى مش واثق فى كلامنا يشيل الموضوع خالص من دماغة أو يشرفنا فى أى مقابلة تانى علشان تبقى كل حاجة قدام عنيه....!!!!!!!!!

أشفقت عليك يا دكتور احمد والله من كتر الكلام عمتا احنا وضحنا كل حاجة
أخر الكلام :-
مفيش عربية مظبوطة و تطلع السكة و مفيش حاجة اسمها غلطة من رجلي
الي يقول كدة يبقي ميعرفشي ياعني اية سكة متور فميفتيش كتير عمال علي الفاضي

يا ريت يا جماعة نبطل النقاش دة ونركز في الي حنعملة الي عاوز يشارك يشارك والي مش عاوز يا ريت ميشاركشي في الموضوع دة

عشان نستريح شوية من الفتاوي الفظيعة من اصحاب الخبرات الي فاهمين اكتر من مهندسين التوكيل

[samehsalem]

يا باشا انا مش بنفتي وياريت الاسلوب يبقي احسن من كدة انا بتكلم عادي باسلوب كويس ومش بفتي وبقول اللي عندي في العربية ...وعموما ربنا يوفق ويهدي الجميع للخير

[medoragab]

انت كدة اكيد عايش في مصر

يا باشا انا مش بنفتي وياريت الاسلوب يبقي احسن من كدة انا بتكلم عادي باسلوب كويس ومش بفتي وبقول اللي عندي في العربية ...وعموما ربنا يوفق ويهدي الجميع للخير

يا استاذي الفاضل انا موجهتش لك الكلام تحديدا انا بكلم بإسلوب عام عشان الناس الي مش عاجبها كلام مهندس الصيانة وبتعدل علي كلامة
ياعني كبير مهندسي الاستقبال لما يعترف بوجود عيب في كل العربيات و تطلع ناس تقول لا بالله عليك دي مش افتي
طيب تسميها اية خبرة زايدة او تسميها اية ؟؟؟
لما يكون رئيس الاستقبال في كل من تكنو سيرفس الاسكندرية و عيسي طنطا و ابوراش القاهرة يقولو نفس الكلا يبقي اية بس اةةةةةة
المهندسين الي في التوكيل يروحو و الناس دي تيجي مكانها و يحلولنا المشكلة

اةةةةة يا بلد


احنا كدة بقي اكيد في مصر

[emad7759]

ياريت يامحمود انتا والدكتور احمد تريحو نفسكم شويه اللى عايز يصدق يصدق واللى مش عايز هوه حر فى دماغه

وزى مانا قلت انا مش هضبط رجليه لانى مش بطلع على الغيار التالت


فااللى عايز يشارك معنا اهلا بيه واللى مش عايز برده اهلا بيه بس ياريت يسبونا فى حلنا وميلعبوش فى دماغ الناس اللى نويه تشترى

العربيه ويقولو انها مفهاش عيوب لان العربيه فيها عيوب تصتيع وده اعتراف من مدير صيانه مركز ابو رواش

وهو المهندس احمد وده كان امام الشرطه والناس الموجوده


وحسبنا لله ونعم الوكيل فى اى حد يوقل غير الحق

[max_ziro]

ياخبر منيل غيرت الزيت برة والعربية عاملة 4000 كيلو
كدة العربية برة الضمان ولا حول ولا قوة إلا بالله ياعني لو حاجة باظت في العربية حتروح التوكيل وحتدفع فلوسها
الصيانة في التوكيل غير مكلفة علي الاطلاق اول مرة مجاني لية بس كدة


حاجة كمان مهمة انت اكيد حطيت للماتور 4 كيلو زيت زي اي عربية و للعلم العربية بتاخد 5 كيلو زيت ياعني كدة الماتور ممكن يضيع منك

حاول تروح التوكيل وتحاول تتكلم معاهم او تجيب واسطة عشان تحاول يدخلو العربية داخل الضمان

ربنا معاك

متقولش انك غيرت زيت اصلا عشان متخرجش برا الضمان
و لما تروح قلهم عايز اعمل صيانة عادى جدا
و متقلقش محدش هيعرف حاجة ..

[medoragab]

بصراحة أنا مستغرب من رد حضرتك جدا....
هيما عمل دعاية مجانية لأبوالفتوح و زى ما قلت فى ناس كتير خدوا قرار شراء العربية من كلامه.. و أنا واحد من الناس دى.. طبعا دى مش مسئوليته...
بس حضرتك لما تتكلم كلام حلو عن العربية و ناس اشترتها و بدأت تظهر فيها مشاكل و يكلموك علشان ياخدوا رأيك فى اللى حصل معاهم.. و انت ماتردش على حد..
يبعتولك رسايل على الموبايل طالبين رأيك,,, تقوم تقول على المنتدى معلش أصل موبايلى مابيقراش عربى...
يحددوا معاد مقابلة و يكلموك بأخوة علشان تيجى,,, برضه ماتحضرش...
يحطوا موبايلاتهم على المنتدى و يقولولك لما ظروفك تسمح كلمنا.. ماتعبرهمش..
بالله عليك انت لو مكان الناس دى هتضايق ولا لأ....

يا سيدى الفاضل ده الواحد لما بيصدق حد يطلب منه خدمة و يكون يقدر يعملها..
و احنا كل اللى طلبناه فى الأول كان مجرد مناقشة مشاكلنا بحكم انه من أوائل الناس اللى اشتروا العربية,, و واضح من كلامه انه عنده خبرة كويسة فى العربيات.. فكنا معتقدين ان كلامنا معاه ممكن يفيدنا اننا نلاقى حلول للمشاكل دى ...
لكن تخيل انت كده ان حد بيبخل عليك بمجرد مكالمة تليفون للمساعدة..

احنا الحمد لله استفدنا كتير من المناقشة على المنتدى.. و كفاية ان الواحد اتعرف بناس محترمة و عندها اصرار غريب انها تاخد حقها....
و المناقشة اللى مفتوحة دلوقت للناس اللى عندها مشاكل و بس .. و اللى ماعندوش مشكلة ربنا يباركلة يا سيدى و مش مطلوب منه غير انه يدعى لنا بالتوفيق..

لكن ماينفعش انه يقول فى مشاركة ( الحمد لله يمكن علشان أنا بأتقى ربنا و ربنا عالم بسريرتى ماخزلنيش فى العربية)....!!!!!!
بذمتك ده كلام يتقال فى موضوع الناس اللى مشاركة فيه كلها عندها مشاكل فى عربياتها..

والله يا دكتور كلام يكتب بماء الدهب

[hemaa_82]

بشويش يا اخوانا "اخوانا مش اعداءنا"

اولا قبل اي شئ السلام عليكم و رحمة الله و بركاته "سلام هه.. علشان احنا كلنا هدفنا واحد اللي هوه اقصي انتفاع من الفلوس اللي طالع عنينا فيها"
انا عن نفسي سالف الفلوس و بسدها علي 4 سنين بدل القسط والفوائد مش جايبها ببلاش ... و اكيد مش هسكت علي حقي و حق ولادي في فلوس بتطلع من لحمي الحي و من قوت بيتي....
و اكيد مش هستني حد يقولي كدة صح و كدة غلط و ده طبيعي وده مش طبيعي لان و لله الحمد ربنا كرمني ببعض العلم و بعض التمييز ففي حاجات اقدر افهمها و الاحظها و حاجات لا بحتاج مساعدات من متخصصين ....

ياباشا ازاي هو نفس موتور 516 ويبقي في عيب التسقيف لو هو هو نفس الموتور يبقي مفيش تسقيف...كدة اكيد المشكلة في حاجة تاني ومهندس الاستقبال قالك الكلام ده وخلاص عشان يشيل المسئولية من عليه..عموما انا مستني اعرف اللي هيتم واكيد يهم كل واحد هنا انه يعرف هيحصل ايه بس انا العربية معايا ومش بشتكي ف حاجة منها خالص الا الصوت اللي من تحت العربية بس...وانا واثق من كلامي..وقلت الكلا ده بدل المرة الف..بلاش تقفلوا الواحد من العربية وخلاص لو في مشكلة نحلها مش نفضل نتخانق مع بعض عالفاضي...وربنا يوفق الجميع وكل واحد عنده مشكلة يقدر يحلها من غير مشاكل ان شاء الله

المتور نفس المتور فعلا و بنفس الرقم الكودي للمتور و الفتيس بس مغيريين في ال ECU سوفت وير و ده ممكن يعمل مشكله لو في غلط ف البرنامج المحمل علي العربية .... و كتير عربيات بتروح يعدلوا برمجتها في توكيلات كتير ... و من باب العلم بالشئ للمثال امير و جوزيف بيغيرو البرامج لعربيات كتير و اشهر مثال الانسر البومة ... التغيير ده بيغير في الخلط لنسب الهوا مع البنزين في الانجيكشن علشان يقدر يزود القدرة للمتور بدون تدخل ميكانيكي

اما نقطة مهندس الاستقبال فاكيد مش محتاج الفت انتباه حضراتكم ان احنا في مصر و ممكن يكون خريج خدمة اجتماعيه" و ده مييعيبوش كشخص" و مالوش في العربيات بس هوه شخص يقدر يفهم الشكوي و يتعامل مع العميل customer service specialist و اكيد مش اي حاجة يقولهالي هقولو امين ....

ده غير ان الحمد لله في راجل زيي مبيعانيش من الحوارات اللي داير عليها الكلام فبيونسني في الردود .... الف شكر يا ابو samehsalem

يامحمود ابراهيم باشا لو بصيت فى بعض مشاركاته هتجد انه بيناقض تفسه

مره يقول اتها لما ميكنشى ضابط رجليه باسك ولما يضبك رجله ماتسكش فى الاخ هيما ربنا يباركله فى عربيته

التوكيل اعترف بعيوب العربيه ومازال هو يجادل ان مفيش حاجه من دى فى عربيته فربنا يبارك فيها ليه

بس لاسف انه اقنع ناس معاها العربيه انها مفهاش حاجه والناس اقتنعت

بكده وبقو يضبطو رجليهم كنهم طلعين على الغيار التالت مش الاول


وربنا يبارك لكل اللى مقتنع بى العربيه

كوني بناقض نفسي بقي مش عارف مش حاسسني كده ... لان لو اللي انا فكرة مظبوط انا كنت قولت ان العربية مبتسكش ولا بتسقف اللهم الا لو طالع و محمل و مشغل تكييف و مش مركز في النقلة"رفعت دبرياش بسرعة قوي و بعدين لحقتها بنزين كبس فطبيعي لازم تسقف لانها مكنة اولا و اخيرا مبتفهمش التعامل الغير صحيح" -- نفس الكلام بيحصل لما بسوق الكيا السبكترا بتاعت اختي , البروتون ويرا بتاعت اخويا , الفيرنا بتاعت اختي , ال 28 بتاعت الحج , الاكسنت القديمة بتاعت صديق , ال132 بتاعت صديق , الخ الخ الخ --

اما بقي " اقنع ناس معاها العربيه انها مفهاش حاجه والناس اقتنعت" كون ان حد اقتنع يبقي جرب و فهم انما لو جرب و مفهمش و اقتنع يبقي هوه في حاجة غلط مش فيا انا :)

كون اني بجادل بقي .... انا مش بجادل . انا باقر بحالة عربيتي بس....

الأخ الفاضل.. ممكن أعرف ليه ردودك كلها فيها شىء من الحدة والعصبية دايما...
احنا مش ناس دخلاء ولا عاوزين نشوه سمعة عربية كويسة.. العربية فعلا عاملة زى بيت جحا ( أنا بتكلم عن عربيتى ) كل لما أحس انى لقيت الطريق مفتوح قدامى,, بعد شوية الاقى باب ازاز فى وشى قفله تانى....
سيادتك انا شارى عربيتى فى شهر 11/2009 يعنى من 6 شهور.. و لو حضرتك تحب هأوريك عدد ايصالات الصيانة اللى معاى.. و بحسبة بسيطة هتلاقينى باروح مركز الصيانة كل شهر اما للصيانة أو أعطال مفاجئة.. و لسه فى حاجات ما اتصلحتش...
أنا احترمت رد الأخ هيما جدا فى ان الموضوع مايهموش قوى لأن الحمد لله عربيته كويسة..
و حضرتك برضه عربيتك كويسة... فبيتهيألى المفروض ان تفاصيل المقابلة ماتهمكش قوى..
فالمفروض انك بدل ما تحتد علينا .. أولا تحمد ربنا على عربيتك ( ربنا يحفظهالك)..
و ثانيا تدعى لنا بالتوفيق...
احنا ماقلناش التفاصيل المملة حفاظا على جدية الاجراءات .. و قلنا كل لما نتقدم خطوة هنقول يا جماعة احنا النهاردة عملنا كذا و كذا..
سيادتك عارف ان المنتدى من أشهر منتديات السيارات فى مصر.. و كل توكيل عنده ناس دايما بتدخل عليه وتبلغهم بالأخبار و رد فعل الناس.. و أنا واحد من الناس جالى مكالمتين على التليفون من ناس بتدعى ان عندهم العربية .. و من خلال المكالمة أقسم بالله العظيم انى متأكد انهم حد من التوكيل.. لأن المكالمة كلها كانت واخدة شكل التحقيق...
و فى الاخر لو الموضوع يهم حضرتك قوى .. الحكاية مش هتكلفك أكتر من مكالمة تليفون لأى واحد من الأخوة الأفاضل و هو هيقولك على كل التفاصيل...
لكن مش منطقى اننا نتقابل مرة واتنين و ناس تيجى من البحيرة وكفر الشيخ و نروح نتسحل فى عز الحر فى أبورواش ونتخانق.. و حضرتك زعلان ومستغرب اننا محتفظين بالتفاصيل مؤقتأ!!!



يا عم محمود كبر دماغك....

بص يا أخ هيما... زى ما قلتلك قبل كده مواضيعك الكتييير على المنتدى عن العربية كان له دور فى ان ناس اشترتها من بين عربيات كتير كانت بتفكر فيها...
و اللى احنا مستغربينة فعلا مش موضوع ان عربيتك كويسة ولا أى حاجة من دى....!!!!!
الحاجة فعلا اللى استفزت ناس كتير ان مع بداية ظهور مشاكل عند بعض الملاك ناس كتير كلموك علشان يناقشوا معاك الحاجات لأنك شارى العربية قبلهم و ممكن يستفيدوا منك...
و انت مابتردش على حد و لما عرفت من خلال المنتدى انهم كلموك كتير برضه مافكرتش تكلم حد...!!!!!!!!!

انت مش ان الحكاية دى غريبة شوية و كمان مستفزة.. الناس دى ماكانتش عاوزة منك حاجة غير النصيحة و المشورة و بس ..( كان الله فى عون العبد ما دام العبد فى عون أخيه )

هى دى النقطة اللى مزعلة الناس منك و بس.. لكن اوعى تفتكر ان فى حد زعلان علشان انت عربيتك كويسة ولا مش كويسة.. الحاجات دى أرزاق من عند ربنا.....

و بعدين انت كاتب فى ردك ان ربنا كرمك علشان بتحاول تتقى ربنا... يا سيدى ربنا يزيدك..
بس أحب أقولك انى أنا كمان ولله الحمد بأتقى ربنا.. بس عربيتى فيها مشاكل.. و الحمد لله المؤمن دايما مصاب..

أنا لما اتصلت بيك يوم مقابلة حديقة الأزهر و قلت ان عندك ظروف .. قلت ربنا يعينك..
لأن كل واحد فعلا ممكن تحصل عنده ظروف تمنعه من الخروج,, لكن ماتمنعوش انه يرد على الناس فى التليفون أو على الأقل يكلمهم لما وقته يسمح...!!!!!!!!

"ماتمنعوش انه يرد على الناس فى التليفون"طب اشمعني رديت عليك و مردتش علي حد ؟؟؟؟؟ انا مش لازم افضل احلف ان ظروفي في الشغل مش مساعداني اني ارد كتير علي التليفون و معظم الوقت مبردش
الاجازة انا بسيب فيها التليفون في شقة و بعد في شقة تانية"بروح اهرب عند ابويا لان محدش متخيل كمية المكالمات لان شغلنا 24 ساعة و مفيش اجازات للشركة
ثم اني رديت عليك فعلا ... ولا انا اعرفك مثلا و بطنشهم ؟؟؟ ولا من الاساس ليه انا رديت عليك؟؟؟؟؟؟محدش فكر يسأل السوأل ده ليه؟؟؟ ولا انا المفروض لو مشغول ولا ورايا حاجة اسيب كل حاجة و اقعد مقطوع للتليفون؟؟؟؟؟
"لى الأقل يكلمهم لما وقته يسمح" انا لو كلمت اللي بيكلموني مش هلاحق لان كل شركتي بتكلمني 24 ساعة و مستحيل لصلا الاحق اتكلم لان بيكون عندي علي الاقل 40 او 50 missed calls و اكيد مش هكلم كل اللي معرفش نمرته لان ده خراب بيوت

يا باشا انا اسلوبي عادي ومفيش حدة ولا حاجة خالص بس انا شايف هجوم عالعربية بطريقة غريبة انا ولا من التوكيل ولا عندي مصلحة من حاجة انا شاب عادي عندي 22 سنة ..لكن انا بقول اللي انا شايفه ممكن حضرتك تفهمني ازاي هو نفس موتور 516 وفي عيب السكة ده الكلام يتعقل برده..ممكن يكون في عيب تاني هو اللي عامل كدة في العربية زي الكهربة او طقم الدبرياج لكن ازاي الموتور...وانا مش بقولك ان التسقيف مش بيحصل معايا ..بيحصل فعلا بس كل فين وفين وبرده انا بحسها بسبب رجلي والله وانا بتكلم بصراحة معاك عشان انا دافع فلوس في العربية زيك بالظبط ولو ليما حق لازم ناخده بس من غير خناق مع بعضنا وتريقة علي بعض...وربنا يوفق كل واحد بيدور علي حقه ويوصله ان شاء الله

متقولش من رجلك علشان هيتقالك لا رجلك سليمة و العربية هيه اللي بايظة

ياريت يامحمود انتا والدكتور احمد تريحو نفسكم شويه اللى عايز يصدق يصدق واللى مش عايز هوه حر فى دماغه

وزى مانا قلت انا مش هضبط رجليه لانى مش بطلع على الغيار التالت


فااللى عايز يشارك معنا اهلا بيه واللى مش عايز برده اهلا بيه بس ياريت يسبونا فى حلنا وميلعبوش فى دماغ الناس اللى نويه تشترى

العربيه ويقولو انها مفهاش عيوب لان العربيه فيها عيوب تصتيع وده اعتراف من مدير صيانه مركز ابو رواش

وهو المهندس احمد وده كان امام الشرطه والناس الموجوده


وحسبنا لله ونعم الوكيل فى اى حد يوقل غير الحق

الحاجة الوحيدة اللي عايز اعرفها - قتل الفضول هرة - ايه حكاية الشرطة دي و اتمني متقولوليش مالكش فيه ...

و اخيرا والله العظيم ما احمل للجميع غير كل ود و تقدير ... بس مش المفروض اني اغير الواقع اللي انا شايفه و حاسه مهما كانت الضغوط لاني كده بادخل نفسي في حكم شاهد الزور .....و اقتبس "وحسبنا لله ونعم الوكيل فى اى حد يوقل غير الحق"

تولع العربيات والموتسكلات يا جدع اللي هتعمل مشاكل مابين الاخوات


سلام عليكم

[medoragab]

اقتباس
المشاركة الأصلية كتبت بواسطة hemaa_82




ليه بقي مش مصدقين ان ممكن تعدي عربيات حساسها سليم ؟؟؟؟؟

--------------------------------------------------------------------------------------------------------------------------


يا استاذ ابراهيم انت قلت بعضمة لسانك ان العربية سعات بتسأف منك علي الاول لو مش ظابت رجلك
انا بقولك بالدليل ان كدة العربية مش مظبوطة ومفيش حاجة اسمها ظبطة رجل و الموضوع دة يدل علي صحة كلامي
الموضوع الاول http://www.nilemotors.net/Nile/62136-a.html (ما هو حساس التسقيف) (ما هو حساس التسقيف)
الموضوع الثاني
http://www.nilemotors.net/Nile/325-a.html (ظاهرة الصفع(التسقيف): الاعراض والأسباب) (ظاهرة الصفع(التسقيف): الاعراض والأسباب)
مفيش عربية مظبوطة وتطلع صوت التسأيف علي السرعة الاولي
خلص الكلام كفاية مجادلة وانت اعترفت بالعيب
خلاص خلص الكلام برهن علي كلامك بالدليل ان كلامك مظبوط ان يكون في عربية مظبوطة وتسأف علي السرعة الاولي
منتظر الرد بالديل

[hemaa_82]

اقتباس
المشاركة الأصلية كتبت بواسطة hemaa_82




خلص الكلام كفاية مجادلة وانت اعترفت بالعيب
خلاص خلص الكلام برهن علي كلامك بالدليل ان كلامك مظبوط ان يكون في عربية مظبوطة وتسأف علي السرعة الاولي
منتظر الرد بالديل

مش عارف ليه بتكلمني كده :) .... في حين اني دايما بحاول اكلمك بهدوء....
تقول مجادلة وان انا اعترفت ... هوه في ايه؟ هيه جريمة ؟؟...... اي عربية ممكن تسقف لو عملت wrong gearing .... بالذات early shifts ... و علشان ده مخصوص بيعملو الحساس بتاع منع التصفيق .... علشان يساعدك مش علشان ينقل هوه لانها مش اوتوماتيك :)

بكرر ده مش عيب لان العيب هوه الحاجة الموجودة و المتكررة في الظروف القياسية "ممكن فعلا تكون عندك و عند غيرك عيب مبقولش لا"...

بمعني .. انقل غلط" و المفروض ان الكلمة دي مش محتاجة توضيح" ممكن تسقف .. تبطل .. تنتش .. حسب وضع الغلط المزكور ...
بنزين زيادة قبل رفع الدبرياش لازم تنتش"وقبلها لازم صوت عالي و غلط علي مجموعة الدبرياش"
بنزين زيادة بعد رفع الدبرياش بفترة لازم تسقف" و غلط علي المتور و القواعد نتيجة ما يطلق عليه"تنخيع" .....و ممكن نفس الموضوع لو نقلت لترس اعلي علي سرعة منخفضة....... و الموضوع ده بلذات متكرر الحدوث لحديثي العهد بالقيادة نتيجة عدم التمرس" و الله العظيم مش قصدي حد"
لو سبت دبرياش منغير متلحق تدوس بنزين لازم تبطل

اعتراف ايه بقي و دليل علي ايه....؟؟؟.... انا مبقولش ان عربيتك مفيهاش مشكلة لان اكيد حضرتك ادري بعربيتك .. انما انا برضو ادري بعربيتي و الحمد لله :)

[medoragab]

مش عارف ليه بتكلمني كده :) .... في حين اني دايما بحاول اكلمك بهدوء....
تقول مجادلة وان انا اعترفت ... هوه في ايه؟ هيه جريمة ؟؟...... اي عربية ممكن تسقف لو عملت wrong gearing .... بالذات early shifts ... و علشان ده مخصوص بيعملو الحساس بتاع منع التصفيق .... علشان يساعدك مش علشان ينقل هوه لانها مش اوتوماتيك :)

بكرر ده مش عيب لان العيب هوه الحاجة الموجودة و المتكررة في الظروف القياسية "ممكن فعلا تكون عندك و عند غيرك عيب مبقولش لا"...

بمعني .. انقل غلط" و المفروض ان الكلمة دي مش محتاجة توضيح" ممكن تسقف .. تبطل .. تنتش .. حسب وضع الغلط المزكور ...
بنزين زيادة قبل رفع الدبرياش لازم تنتش"وقبلها لازم صوت عالي و غلط علي مجموعة الدبرياش"
بنزين زيادة بعد رفع الدبرياش بفترة لازم تسقف" و غلط علي المتور و القواعد نتيجة ما يطلق عليه"تنخيع" .....و ممكن نفس الموضوع لو نقلت لترس اعلي علي سرعة منخفضة....... و الموضوع ده بلذات متكرر الحدوث لحديثي العهد بالقيادة نتيجة عدم التمرس" و الله العظيم مش قصدي حد"
لو سبت دبرياش منغير متلحق تدوس بنزين لازم تبطل

اعتراف ايه بقي و دليل علي ايه....؟؟؟.... انا مبقولش ان عربيتك مفيهاش مشكلة لان اكيد حضرتك ادري بعربيتك .. انما انا برضو ادري بعربيتي و الحمد لله :)

يا استاذي الفاضل كلامك علي عيني وعلي راسي طيب كدة مردتشي علي سؤالي بتسأف علي السرعة الاولي لية منك وانت بتقول انها سليمة ؟؟؟؟؟؟

والتقرير الي انا بعتهولك بيقول مفيش عربية سليمة تسلأف علي الاول

[hemaa_82]

انا زعلان منك


اقتباس
المشاركة الأصلية كتبت بواسطة medoragab




اي كلام
ياعني اية الكلام الي انت بتقولة

انا باعتلك رسالة متسجلة عندي علي الميل الخاص بالمنتدي
ودي نصها

شكرا استاذ هيما
بتصل بيك الموبايل مغلق
انا رقمي

بتاريخ 1-4-2010
الساعة 4-28 مساء

بعد الرسالة دي اتصلت بيك خمسين مرة ومفيش فايدة


المطلوب اية ابعتلك حوالة بريدية برقم الموبايل بتاعي ولا ابعتة علي يد محضر

[hemaa_82]

الحوار مش المفروض يكون كدة خالص...

علي فكرة انا المفروض اكون سايق لبيتي ان شاء الله بس قاعد علشان ارد عليك ... و اخرتها الاقي اسلوب الحوار كده؟؟ مش هقولك غير شكرا

[emad7759]

يامحمود ابراهيم بيزعل من الكلام

ياخى ابراهيم المهندس المسؤل عن الصيانه فى ابو الفتوح

اعترف بان العربيه فيها عيوب ولايمكن تصليحها فى التوكيل

وبدليل انهم بدؤ يغيرو الدنمو فى العربيات

فربنا يحفظلك عربيتك


وكلامه
وحسبنا لله ونعم الوكيل فى اى حد يوقل غير الحق

انا لم اقصد احدا بها مش عارف انتا اختها عليك ليه

وموضوع اللى حصل فى التوكيل ده من غير زعل

ده يخص الناس اللى عندهم مشاكل فى العربيه فقط

واللى عربيته زى الفل فهو خارج الموضوع

فايريت محدش يزعل ياناس منا

وياسيدى ربنا يحفظلك عربيتك من كل شر ومن كل العيوب

[medoragab]

الحوار مش المفروض يكون كدة خالص...

علي فكرة انا المفروض اكون سايق لبيتي ان شاء الله بس قاعد علشان ارد عليك ... و اخرتها الاقي اسلوب الحوار كده؟؟ مش هقولك غير شكرا

مالة اسلوب الحوار لما تقولي ابعتلي رسالة عشان اخد بالي
وأكون بالفعل باعتلك رسالة علي الميل وعلي الموبايل و رنيت عليك بعديها خمسين مرة والدكتور احمد انت مسجل رقمة وكلمتة بردة بيرن عليك و مبيتعبروش
وفي الاخر تقولي اسلوب الكلام و ربنا يسمحك

طيب يسمحني علي اية

يارب يسمحنا كلنا

[hemaa_82]

مالة اسلوب الحوار لما تقولي ابعتلي رسالة عشان اخد بالي
وأكون بالفعل باعتلك رسالة علي الميل وعلي الموبايل و رنيت عليك بعديها خمسين مرة والدكتور احمد انت مسجل رقمة وكلمتة بردة بيرن عليك و مبيتعبروش
وفي الاخر تقولي اسلوب الكلام و ربنا يسمحك

طيب يسمحني علي اية

يارب يسمحنا كلنا

احنا كده قفلنا الموضوع ده ولا ايه يا ابو حنفي ؟؟؟