أحصاء عام بخصوص اسبيرانزا 620

[Dr MNM]

بعد اذنكوا ارجوا من كل من يمتلك اسبيرانزا 620 ( فقط من يمتلكها او كان لة تجربة فعلية و لمدة كافية) ان يساعدنى فى عمل تقييم شامل و موضوعى للعربية
اولا: التصميم الخارجى و الخامت مثل الطلاء الجنوط الكاوتش الفوانيس ونسبة اعطال الفوانيس الاشارات و نسبة اعطال الاشارات
ثانيا: التصميم الداخلى بشكل عام مدى جودة الخامات تعليق او بوظان اى موشرات او عدادات او حتى ازرار داخلية بنسبة تقريبية اد اية يعنى جودة خامات الكراسى و تقفيل الابواب جودة الكاسيت الدى فى دى السماعات تديها تقييم عام بنسبة كام فى المية
ثالثا:جودة الموتور و تسارعة و اداءة فى السرعات العالية سحبة و مدى سخونتة صوتة بعد فترة من الاستخدام تديلوا نسبة اد اية
رابعا : اداء الفرامل و اية بى اس و اى بى دى و لو لا قدر اللة لو كان حدث تصادم اد اية فى رايك نسبة تحمل السارة بردوا كنسب مئوية
دة استطلاع راى موضوعى و عام و ارجوا من المشاركين الموضوعية التامة لان فى ناس هتشوفة و على اساسة هتبنى وجهة نظرها انا نفسى هاقدر اقيم عربيتى من وجهة نظر مستخدمين اخرين علشان لو فى مشاكل استع ليها

[masryxt]

متابع باهتمام

[Dr MNM]

حاجة غريبة و اللة يعنى مافيش حد معاة اسبيرانزا 620 يعيب عليها حتى امال اية الاراء اللى كنت بشوفها دى

[evram]

بصراحة العغربية شكل و كل حاجة جميلة بس انا خايف منها يعني انا والدي قالي اديلك الر 516 و اجيب واحدة 620 بس انا خايف تتطلع وحشة

[egypt0777]

ابعد عن العربية ده مع انها حلوة للاتى:
1- انها من ابو الفتوح --- و تغور اى حاجة من وشه.
2- سعر اعاده البيع بتعها واقع جدا ينزل النص.
3- سمعت معلومة من واحد فى التوكيل ( ان لم اتكد منها ) ان ابو الفتوح نزل سعرها زيرو ل 86 الف عشان الناس تشتري المخزون بتاعه عشان هو حيبطل يصنعها

[Dr MNM]

الى الزميل egypt0777 كلامك كلة صح بس انا واضح فى طلبى انا بسال على تقييم فعلى و عملى و بالنسب المئوية حسب تقديركوا للعربية من غير قصة انها صينى و حكاية 2000 سى سى و الضريبة و الوكيل انا بسال على العربية فى حد ذاتها تقييمها تفصيلا و اجمالا من وجهة نظر عملية

[egypt0777]

لو استبعدت الحجات اللى انا قلتها و ان حيركب فيها قطع اصليه مش المضروبه بتاعت الزفت ابو الفتوح

ده عربية جميله جدا جدا

[Dr MNM]

شكرا على رايك البناء بغض النظر اذا كان يمدح العربية أو يعيبها المهم النقاش يبقى عملى و عقلانى و موضوعى و شكراا ليك تانى و اتمنى مشاركات اكتر يا شباب

[faragalla]

بصراحه انا معايه بقالها 3 اشهر فمقدرش احكم على كل اللى قلته
انما هيا عربيه حلوه على قد فلوسها انا اشتريتها موديل 2008 ب 65 الف جنيه لو بالمبلغ ده مفيش اي عربيه محترمه تعرف تركبها بالكتير تجيب عربيه مستعمله موديل 1998 يعنى 10 سنين فرق
بس كمان لازم تكون عارف انك راكب عربيه صينى مش مرسيدس يعنى لو حاجه باظت متعيطش و تقول دى عربيه زى لزفت و انا غلطان انى اشتريتها لا انتا ممكن اللى يبوظ تغيره بحاجه اصلى متسوبيشى جالنت بس .
انا اول ما اخدتها غيرت اربة المياه فى التوكيل ب0 7 جنيه لان السن بتاعها كان بايظ وكمان غيرت الثرموستات بتاع كوعة المياه لانه كان بيعلق
والعربيه ماشيه معايا زى الفل و مفيش مشاكل.
بس فيه عيب ان العزل الداخلى للاصوات الخارجيه وحش على السرعات العاليه بعد 120 كم بتحس بالهواء بيصفر من الابواب و من فتحة السقف بسيط
والفرش الداخلى حلو مش وحش بس بيحتاج نضافه كتير علشان لونه فتح و مفيش حاجه م الزراير بايظه و الكاسيت شغال كويس و صوته حلو

و فى النهايه القرار ليك انك تشترى او لا

[Dr MNM]

[QUOTE=faragalla;3872692042]بصراحه انا معايه بقالها 3 اشهر فمقدرش احكم على كل اللى قلته
انما هيا عربيه حلوه على قد فلوسها انا اشتريتها موديل 2008 ب 65 الف جنيه


شكرا على رايك بس ممكن اعرف هية عاملة كام كيلو لما اشتريتها لان انا لما جيت اشتريها استعمال كان موديل 2007 ب 68 الف و مالقيتش خالص موديل 2008 او موديل 2009 و تقييمك ليها اية بعد سنتين استعمال مع صاحبها يعنى حاسس ادائها قل بنسبة اد اية عن الزيرو علشان نعرف هى عربية ممكن تكون معمرة و لا متصلبة

[faragalla]

كان عامله 80 الف كيلو و دلوقتى عامله92 الف و ا زى ما قلتلك هيا حلوه على قد فلوسها و الاداء بتعها زى الفل مقلش و لا حاجه و كل حاجه شغاله
ولو هتشترى حاول تفاصل على قد ما تقدر لانك عند البيع هتتقطع فصال يا معلم ينى موديل 2007 اخرك فيه 60 الف و لو اقل يبقى احلى و احلى
وانا على فكره بعمل 200 كم فى اليوم تقريبا

[ALshahba]

هل فعلا فيه اي تعديلات في موديلات 2010

[ALshahba]

فى اخبار انها حتوصل ب 80 الف جديده بس لسه حتأكد
وعايز اعرف من حضراتكو يا مالكي الموديل ده,
1- استهلاكها داخلي وخارجي قد ايه؟ بالتكيف ومن غير ؟
2- قطع غيارها منتشره بره التوكيل ؟ وفين ؟ وتقريبا بكام؟
3- اعطالها متكرره ولا لأ ؟
4- الحالة العامه للكفائه ؟
برجاء لا تنسوني

[moody102010]

صينى بس أول سحبه ليها حلوه

[ansa3a]

لى صديق معاه موديل 2007 من الزيرو وهى معاه وحسب كلامة معايا بيشكر فيها بس انا ركبتها لقيت سحبها ضعيف برده زى 516 رغم انها 2000 سى سى

وحجمها الكبير شوية اظن لا يناسب الكثير وخصوصا سكان القاهرة

بس بالنسبة لسعرها من وجهة نظرى جميلة ومحترمة اوى بس هى مش شبابية من وجهة نظرى وطبعا استهلاكها للبزين زى اى عربية 2000 سى سى عالى شوية