العروسة وصلت !!

[Abonora]

استاذ هشام النجار الف مبروك علي العروسة ( الوزة ) ربنا يملاهالك بركه ان شاء الله ويهبك خيرها ويكفيك انت واهلك شرها

بالنسبة لموضوع السحب فده راجع لان غيارات العربية روحها طويلة ( اقصي عزم عند 4500 لفه ) وديه ميزة اكتر من كونها عيب خاصة في السيارات العائلية ولاستخدام المدينة بشكل ابسط انا مثلا عربيتي علي العكس الغيار روحة قصيرة يعني لازم انقل كتير لوما بيبقي الموتور عصبي كده بيوصل لاقصي عزم بسرعة يعني هو اداء رياضي اكتر

اما الوزة فموترها هاديء وسلس بس عايز تصبر علي الغيار ( وتستمتع بيه ) يعني من اول 2000 لحد 3500 RPM في المتوسط بالشكل ده هتستفيد من الغيار الاستفاده المثلى وكمان هتنقل علي الغيار اللي بعده والعربية فيها عزم كفاية تسحب


اخيرا اجل موضوع السحب ده خاااااااااااااالص لحد ما تخلص ال1000 كم الاولي وبعدها اسحب وشد بالعربية بعد 4000 RPM لRPM 5000 وانت هتحس بسحبها بس مش قبل اول 1000 كم


بما انك كاتب انك طالع من شاهين يبقي كمان خد بالك العربية ملهاش صوت وده هيخليك متحسش بالتسارع بتاع الموتور فخلي رجلك حساسة شوية علي الاكسليراتور وقدر ابعاده بذياده لانها اكبر من الشاهين ومش واضحة زي الشاهين

والف مبروك مره تانية

[baher]

الف مبروك وربنا يديك خيرها ويقيك شرها وتكون وش السعد عليك

[ooo]

السلام عليكم ورحمة الله وبركاته.
فعلا يا استاذ هشام انا لا اقصد احد معين بكلامي عن النقد. بس انا كل ما ادخل موضوع
اجد نقد نقد للسيارة وشعوري فعلا الضيق لدرجة اني في وقت ما قررت التخلص من السيارة بالبيع
ليس بسبب مساويء فيها . ولكن بسبب كثرة الكلام عن العيوب الي ان حسم الموضوع زوجي
وقال لي ان العربية مية مية وما يهمكيش اي نقد وطبعا رأيه مهم جدا بالنسبة لي لأنه اولا زوجي
ثانيا لأنه احيانا يأخذ الأسبرانزا لقيادتها لكي يقول رأيه فيها بصراحة .
انا علقت هنا علي موضوع الفرش لأني استغربت كثيرا جدا فعلا كيف يكش الفرش ؟؟؟؟؟؟؟
وخصوصا ان السيارة لسة جديدة بالأسواق اكيد حصلت حاجة غلط عند غسل الفرش ادت الي
هذه النتيجة .
وشكرا لكم .
مبروك عليك السيارة استاذ هشام وفعلا اللون الأسود جميل جدا في الأسبرانزا وكان نفسي
اشتريه بس المشكلة ان سيارة زوجي سوداء فقلت لابد من التغيير.


اسبرانزاوية رقم 28

[sokasoon]

والله يا جماعة مش عارف اذا كان غسلو بالمياه ولا لا

بس اللى انا شوفتو ان الصالون منكمش خالص ومخادع الرأس مش مستوية مش عارف ليه

وممكن يكون غسله بحاجة تانية والله اعلم وده سبب فى ان الصالون بقا بالشكل ده

[fady]

الف مبروك و ربنا يملاها خير و يبارك لك فيها ان شاء الله
enjoy it :)

[هشام.النجار]

استاذ هشام النجار الف مبروك علي العروسة ( الوزة ) ربنا يملاهالك بركه ان شاء الله ويهبك خيرها ويكفيك انت واهلك شرها

بالنسبة لموضوع السحب فده راجع لان غيارات العربية روحها طويلة ( اقصي عزم عند 4500 لفه ) وديه ميزة اكتر من كونها عيب خاصة في السيارات العائلية ولاستخدام المدينة بشكل ابسط انا مثلا عربيتي علي العكس الغيار روحة قصيرة يعني لازم انقل كتير لوما بيبقي الموتور عصبي كده بيوصل لاقصي عزم بسرعة يعني هو اداء رياضي اكتر

اما الوزة فموترها هاديء وسلس بس عايز تصبر علي الغيار ( وتستمتع بيه ) يعني من اول 2000 لحد 3500 RPM في المتوسط بالشكل ده هتستفيد من الغيار الاستفاده المثلى وكمان هتنقل علي الغيار اللي بعده والعربية فيها عزم كفاية تسحب


اخيرا اجل موضوع السحب ده خاااااااااااااالص لحد ما تخلص ال1000 كم الاولي وبعدها اسحب وشد بالعربية بعد 4000 RPM لRPM 5000 وانت هتحس بسحبها بس مش قبل اول 1000 كم


بما انك كاتب انك طالع من شاهين يبقي كمان خد بالك العربية ملهاش صوت وده هيخليك متحسش بالتسارع بتاع الموتور فخلي رجلك حساسة شوية علي الاكسليراتور وقدر ابعاده بذياده لانها اكبر من الشاهين ومش واضحة زي الشاهين

والف مبروك مره تانية

الله يبارك فيك وشكراً على الكلام المفيد ده
أنا قرأت في الكتالوج بالفعل عن السرعات اللي أنقل عندها الغيار وهي أكتر بكتير من اللي بعمله في الشاهين
بس أحب أوضح انا يظهر إني مش فاهم كويس موضوع السحب أنا لا أقصد به الشد والجري بل إستجابة العربية للضغط على البنزين
أخيراً أنا لسه مطلعتش من الشاهين هي موجودة لكن أنا ووالدي واحد :)
أتمنى والله إني أقدر اعملكم أي حاجة للمساعدات والنصايح اللي بستفيد بها منكم

[هشام.النجار]

أستاذ باهر , الأستاذة ooo , الأستاذ فادي
الله يبارك فيكم جميعاً وربنا لا يجعلها فتنة لنا ويجعلنا نستخدمها في الخير

[e1a2f]

الف مبروك ربنا يبارك لك فيها ويديك خيرها ويكفيك شرها -
الخلاصة حافظ على سيارتك في تستاهل وتمتع بقيادتها على فكرة انا قبلها مثلك كان عندي شاهين
لا وجهة للمقارنة بينهم وميزتها عن باقي السيارات الجديدة بعد كل مميزاتها المذكرة والمعروفة هي ارتفاعها عن الأرض يعني مش حتحس بفرق كبير عن الشاهين بالرغم من ان الشاهين اعلى ولكن ارتفاع خذة السيارة يفي جداً بالغرض وزيادة
والف مبروك