إعـــــــلان

Collapse

.

,
See more
See less

للإفادة فقط مميزات وعيوب ال m11 (على ملاك السيارة المشاركة للأهمية)

Collapse
X
 
  • Filter
  • الوقت
  • Show
Clear All
new posts

  • للإفادة فقط مميزات وعيوب ال m11 (على ملاك السيارة المشاركة للأهمية)

    السلام عليكم ورحمة الله وبركاته
    أعلم أن الكثيرين تكلموا فى عيوب ومميزات ال m11 لكن الكلام بقى كتير والناس اتلخبطت وأصبح من يرغب فى شراء السيارة لا يعرف هل هى سيارة جيدة أم لا
    وحتى نفيد بعضنا البعض قررت طرح هذا الموضوع وأرجو من الأخوة الأعزاء الألتزام بالاتى (حتى نحقق الغرض ونفيد الجميع ) :
    1- جميع من يملك السيارة ال m11 يجب عليهم المشاركة
    2- عدم الدخول فى مهاترات وردود لا تفيد نريد من كل واحد منا أن يعرض وجهة نظره الشخصية وتجربتة العملية بالنسبة للميزات والعيوب
    3-على كل من يبدى الرأى أن يوضح لنا سابق خبرته فى السواقه من حيث (عدد سنين السواقه بالأضافة الى السيارات التى ركبها من قبل)
    4- هل السيارة يتم ركوبها بصفة مستمرة أم على فترات والمقصد من السؤال هل هى ملك خاص لك أم أنه يشاركك أحد فى ركوبها (بالبلدى كده رجليك فيها على طول أم على فترات)
    سأبدأ بنفسى لتقديم النموذج المطلوب فى ابداء الرأى

    1- عدد سنوات السواقة 8 سنوات
    2- السيارات التى تعاملت معها من قبل ( لانوس- فيات 128 - شاهين - ياريس )
    3- بالنسبة للسيارة فهى ملك لوالدى ولذلك فأن ركوبى لها يكون على فترات

    - بالنسبةم للميزات من وجهة نظرى
    1-تصميم خارجى رائع يجذبك إلى السيارة بشدة بينما التصميم الداخلى فهو أروع من الخارجى وأعتقد أنها أجمل من العديد والعديد من سيارات عديدة ( صالونها أجمل من الصنى, اللانسر , اليارس , الالنترا,الانوس, الاكسنت , الافيو , الاوبترا)
    2- كرسى السيارة ممتع للغاية فى الركوب والسواقة فيشعرك أن السيارة فارهة للغاية (وكأنك أحد البشوات بتوع زمان )
    3-ثبات السيارة على الطريق أكثر من رائعة
    4- الفرامل جيدة جدا
    5- سحب السيارة ممتاز وخاصة مع تشغيل التكييف لا يشعرك بأى فرق لقوة موتور السيارة 1600 cc &
    118 hp
    6-قوة التكييف غير طبيعية وكأنه تكييف خليجى وليس لمصر

    -بالنسبة للعيوب
    1- مع أى ريجة فى ألارض أو أرض غير ممهدة تشعر بوجود صوت أسفل السيارة من الأمام كأن المساع بيخبط أو الوصف الأدق أكن حاجة بتلؤ أو أكن حاجة مفكوكة
    ( التوكيل بيقول أن هذا ليس عيبا وأن ذلك يحدث نتيجة أن المساعد غاز وليس زيت) هذا هو رأى التوكيل لكن فى الحقيقة أنا غير مقتنع بهذا الكلام ولكن للأمانة ليس عندى الخبرة الكافية للحكم على هذا الكلام ولكن بسبب أنى ركبت اللاانوس والمفترض أنها نفس نوع المساعد غاز ولكن عمرى ما سمعت هذه الأصوات لذلك فأنا أميل أكثر إلى عدم تصديق التوكيل وأنهم كذابين)
    2-صوت الموتور عالى نسبيا
    وأشكر الجميع مقدما على المشاركة والالتزام بالغرض من طرح الموضوع
    أخوكم م/أحمد شعبان

  • #2
    لا للبخل

    نداء الى عمالقة ال m11 من أمثال هيما وباقى الأعضاء بعدم البخل بالمشاركة حتى نحقق الأفادة للجميع أنا ملاحظ أن هناك 20 واد قرأو الموضوع بدون المشاركة برجاء عدم البخل على باقى الأعضاء حتى نستفيد جميعا

    Comment


    • #3
      استعنا على الشقا بالله....
      بص يا باشا...
      أنا بأسوق من 8 سنين.. و هى عربية واحدة اللى عندنا لانوس 2001... و الأم 11 دى أول عربية خاصة بى و أنا اللى سايقها على طول و عاملة دلوقت 13600كم..

      المميزات...
      1- تصميم خارجى تحفة.... تصميم داخلى فى منتهى الشياكة.. و خصوصا تابلوه العربية بحب شكله جدا..
      2- سواقة مريحة جدا.. سحب رائع.. ثبات ممتاز على السرعات العالية و فى الملفات..
      3-مجموعة من الأوبشنز تحسسك انك مش ناقصك حاجة فى العربية (غير انها تكون أوتوماتيك)..
      4- فرامل يعتمد عليها..

      العيوب..
      1- استهلاك بنزين عالى الى حد ما.. ( الصفيحة بتعمل من 200 الى 220 كم)..
      2- وجود صوت صوصوة بالعفشة مجهول المصدر والهوية ( بييجى من الخلف على اليمين).. و مش عارفين يعالجوه فى التوكيل..
      3- وجود صوت رجرجة فى الأزاز بتاع الأبواب و بيكون ظاهر جدا فى الطرق غير الممهدة.. (الصوت ده بيحسسنى انى راكب ميكروباص قديم)..
      4- وجود صفارة فى الفرامل تحتاج لتنضيف التيل باستمرار.... و بترجع تانى بعد اسبوع
      5- وجود مشاكل فى دينامو العربية و تم تغييرة بعد ما وقفت قصاد البيت يومين زى التمثال...
      6- وجود سكة أو تصقيف فى الموتور على الاول.. و بيقولوا الحكاية دى خطر على الموتور ( و أنا بصراحة مش عارف اذا كانت خطر ولا لأ)...
      7- توكيل زباااااااااااااااااااالة....


      كل دى ارائى الشخصية بعد سواقة مستمرة للعربية لمدة 6 شهور متصلة... و التى قد تختلف مع رأى الأعضاء الأفاضل..

      و لو الزمان رجع بى ...عمرى ما هأشترى العربية دى تانى..
      و الحمد لله الذى لا يحمد على مكروة سواه...

      Comment


      • #4
        السلام عليكم و رحمة الله

        أمري لله, أبتدي أنا و ربنا يستر علي اللي هيحصللي

        - أنا بأسوق من أكتر من 20 سنه
        - سوقت (بيجو 504, 128, لانوس. ريجاتا, تمبرا. برافا, تيدا و كرولا 2009)
        - أنا مهندس صيانة سيارات في شركة كبيره (300 سياره في الموقع اللي أنا فيه)
        - السياره M11 خاصه بي
        - السياره من بره شكلها شيك جدا في رأيي
        - الصالون من جوه شيك جدا و مريح. لكن يعيبه لون الفرش الفاتح (بيج) و خصوصا للي عنده أطفال زي حالاتي.كمان الكنبه الخلفيه مش واسعه أوي
        - إرتفاع السياره عن الأرض ممتاز (محكتش معايا في اي مطب و الحمد لله)
        - الكماليات اللي في العربيه ممتازهز
        - السياره ثابته في الملفات حتى على السرعات
        - صوت الكركره اللي بيحصل في أول طلعة العربيه أو لما تدوس بنزين بعد تهدية مطب على التاني (موضوع تسقيف و لا دبياج -ربنا يجعل كلامنا خفيف على الهدنه). من ساعة ما ضبط رجلي والمشكله إختفت
        - سحب المحرك فوق الممتاز (الغيار فوق 2000-2500 rpm زي معظم المحركات الحديثه التكنولوجبا)
        - في رأيي أحسن إختيار في حدود سعرها

        Comment


        • #5
          يا جدعان جننتونا نشترى و لا لا انا بجد محتااااااااااااااار زوجتى معاها سبرانزا a113 و ممتازة مفيش منها اى مشاكل و عاملة 5000 كيلو بقالها 10 شهور تقريبا و كماليات روعة انا معايا لانوس 1999 و بعتها و بفكر اجيب 516 ولا m11ولا تيجو طبعا كله هيقول تيجو بس التيجو دى مرتبطة بظروف فلوس معينة تجبلى لو مجتش يبقى الاولى يا التانية اعمل ايه بجد معايا فى حدود ال 75 الف ساعدونا افادكم الله

          Comment


          • #6
            يامسهل بص ياسيدى انا معايه العربيه ومشغلها نظام تاجير وزفف والحمد لله كل الى ركب العربيه شكر فيها وعلى فكره موجو د النترا -ولانسر الاقرش-وافيو-ولانوس-وسيراتو-بس من ساعت ماجبت العربيه m11الاقبال عليها كتير هيه والسيراتو ويمكن بتطلع اكتر من السيراتو والله النا س الى بتخدها خدتها اكثر من مره والحمد لله وبصراحه ومحدش يزعل من ملاك الافيو-واللانوس -والالنترا --بصراحه افضل فى الشكل والثبات وعلى فكره والله مش انا الى بقول الى ركبو العربيه بس بصراحه الحاجه الى خايف منها قطع الغيار لو انتشرت انسى العربيه دى وياريت مكنش طولت عليك سلام

            Comment


            • #7
              المشاركة الأصلية كتبت بواسطة ahmedbndk مشاهدة المشاركة
              نداء الى عمالقة ال m11 من أمثال هيما وباقى الأعضاء بعدم البخل بالمشاركة حتى نحقق الأفادة للجميع أنا ملاحظ أن هناك 20 واد قرأو الموضوع بدون المشاركة برجاء عدم البخل على باقى الأعضاء حتى نستفيد جميعا

              عمالقة مين يا مولانا ... اخجلتم تواضعنا .......كلنا اخوات و زي بعض :)

              اسف علي التأخير ... بس كنت في الساحل الشمالي و لسة راجع امبارح مساءا ...حتي وانا راجع و من بعد الرست ببتاع 30 كيلو لقيت واحد m11 و فضلنا ماشيين مع بعض بقيت الصحراوي لحد البوابات ......
              سلام للاخ اللي كان علي الصحراوي امبارح لو كان من قراء نايل موتورز :)


              نتكلم للعربية بقي .....

              في حدود تجربتي انا .....
              المساوئ :-

              شكمان بيزن "هيتغير علي الضمان"
              طنابير ضعيفة و تيل سئ" الطنابير علي الضمان بس التيل مهلكات "
              فرش فاتح"بيتوسخ بسرعة "
              ناقصة سماعتين "6 مش 8 زي الدعايا الغلط"

              اما بالنسبة للنقط التانية زي:-

              1.استهلاك بنزين عالى الى حد ما.. ( الصفيحة بتعمل من 200 الى 220 كم).....
              فانا راجع امبارح 240 كيلو بحوالي 16 لتر بنزين ....... العربية لحد 3500 لفة للمتور مبتهدرش بنزين ... الفكرة ان الاستهلاك لا يتم حسابه في سواقة وسط البلد ....
              امشي علي اي سرعة بس في طرق مفتوحة و احكم .....
              انا بفول العربية مرة كل 12 يوم "57 لتر" و بعمل متوسط في اليوم 55 كيلو داخل القاهرة .... بروح الشغل في 15 دقيقة و بروح نفس المشوار في ساعة و نصف
              يعني 16 لتر عملوا 240 كيلو صحراوي = 15 كيلو للتر
              57 لتر عملوا 650 كيلو داخل البلد = 11 كيلو للتر تقريبا


              2.وجود صوت صوصوة بالعفشة مجهول المصدر والهوية ( بييجى من الخلف على اليمين).. و مش عارفين يعالجوه فى التوكيل..
              لما بيربطوها بزمة بتروح ..... ربط برة علشان كلهم في التوكيل "الا من رحم ربي" عايزين الحرة بجاز وسخ.... و اغسل العربية من تحت كل فترة ... و يا سلام لو مع الغسيل تشحمها حتي لو بشحم اسبراي ....

              3.وجود صوت رجرجة فى الأزاز بتاع الأبواب و بيكون ظاهر جدا فى الطرق غير الممهدة.. (الصوت ده بيحسسنى انى راكب ميكروباص قديم)..
              طول ما الزجاج نضيف و مفيش تراب او رمل في الكاوتش عندي بتكون ملهاش ولا نفس ..... بس لما العربية بتتردم تراب و تفتح و تقفل الازاز بطلع صوت مع الفتح و القفل مش و هوه ثابت ... الحمد لله ....
              انا لسه غاسلها بايدي في الساحل جنب الشاليه ... و راشش مياة علي مجاري الزجاج من جوة و من برة و منضف الكاوتش بتاعه بحتة قطن و مدخلها في كل المزانق و بجد كأن العربية لسة واقفة في المعرض و الزجاج ملوش حس ....
              بس برضه نرجع نقول ان طالما الكاوتش بتاع التقفيل مصري يبقي ممكن يكون في لوطات شغل كان كاوتشها ناشف و ده يعمل اللي بيشتكي منه اخوانا .

              4. وجود مشاكل فى دينامو العربية و تم تغييرة بعد ما وقفت قصاد البيت يومين زى التمثال...
              لسة الحمد لله محصلتليش

              5. وجود سكة أو تصقيف فى الموتور على الاول.. و بيقولوا الحكاية دى خطر على الموتور ( و أنا بصراحة مش عارف اذا كانت خطر ولا لأ)...
              دي بقي معمول لها مواضييييييييييييييييييييييييع منفصله و لا يجوز الكلا فيها منعا للزعل .... بس لسه مستنين تصرف الوكيل مع الاخوة الشاكين .... بس الحمد لله معايا الدنيا مزبوطة

              6. توكيل زباااااااااااااااااااالة....
              انا بتعامل مع ابو غالي طمان باي .... والله مش وحشين بالمقارنة بخواتهم ... بس اكيد في توكيلات احسن ....

              7.
              مع أى ريجة فى ألارض أو أرض غير ممهدة تشعر بوجود صوت أسفل السيارة من الأمام كأن المساع بيخبط أو الوصف الأدق أكن حاجة بتلؤ أو أكن حاجة مفكوكة
              الحمد له مفيش ..الا لو ماشي بسرعة زايدة في طريق متبهدل خالص .... انما عين القط و المطبات اللي مكان مواسير الغاز و الكسور اللي في الشوارع مبطلعش صوت ....
              ممكن تهبد في مطبات طبعا بس اللي هيه اي عربية هتهبد فيها ... يعني مش اوحش السبكترا ولا الاوكتافيا .... بالعكس ممكن علشان لسه جديدة بحسها اهدي من الاوكتافيا بتاعت جوز خالتي

              اما المزايا بقي :-

              اوبشن فعلا فظيع .... كل اللي ناقصها ايه؟؟؟

              1. مرايات ضم كهربا
              2. باركنج سنسور
              3. ملتي فنكشن
              4. ESP تحكم الكتروني في الثبات
              5. فرش جلد
              6. زينون
              7.فتحة سقف
              8.DVD
              9.اير باجز
              10. و يا سلام بقي لو كانت بطير او تعوم او تمشي علي الحيطة علشان اللوجان متقرفناش :)

              انما العربية شكل ايه و اداء ايه و سرعة ايه و و بجد ربنا يبارك للجميع من ملاكها او من ملاك اي عربيات

              انما غير دول كله موجود .....
              و علي فكرة بسعرها بالنسبة لأداءها و كماليتها و خلال 8 شهور استخدام و 11 الف كيلو ..... مفيش عربية تتقارن بيها .....
              ولو اتكرر الزمن , و الله العظيم " ولا ليكو عليا حلفان" مجيب غير نقاوة ولا ارضي ليها بديل " الا لو سيفيك او بي اماية لان دول احلامي .. ربنا يحقق احلامنا جميعا ان شاء الله "
              [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

              Comment


              • #8
                كنت مستني كلام Hemaa
                أن العربيه معايا بقالها شهرين ونص
                وأنا بسوق بقالي 20 سنه رسمي (ولو جيت للحق 25)
                سقت قبل كده 124 وبولونيز وBMW و جاجوار بس مره واحدة وكانت أول مره أسوق أوتوماتيك
                وأول عربية بتاعتي كانت فيورا (سوبر فيورا)
                المزايا: بصراحة العربية بسم الله ما شاء الله ممتازة
                شكل خارجي وصالون وتابلوه
                والكراسي ممتازة (ولو أني غلطت غلطه عمري وكسيت الكراسي جلد بس مش بتاعها فبقت مش زي الأول)
                بصراحة بقيت عامل زي إبني الصغير بأتلكك علشان أروح بيها مشاوير.
                التكييف مابتحسش إن له أي تأثير على سحب العربية ويمكن كمان على استهلاك البنزين

                المشاكل:
                مشكلة تخبيط الزجاج
                مشكلة التسقيف (بس دي 100% ضبطة رجل) ودي الحمد لله راحت معايا دلوقتي
                أكلت بيها حفرة جامده شوية عملت لي خبطة في الجنط الأمامي
                ناقصها فتيس أوتوماتيك

                موضوع الأصوات اللي بتخبط واللي بتزيق والكلام ده الحمد لله مافيش عندي حاجة منها

                بصراحة لو ناوي تشتري توكل على الله

                وبعدين قبل أي خطوة صلي إستخارة
                أنا لما كنت ناوي أشتري عربية صليت الإستخارة على إني أجيب صنى وفجأة لقيت إتجاهي تحول 180 درجة لل إم 11 برغم إن زوجتي مابتحبش الحاجات الصيني بس دلوقتي بتموت في العربية دي (على فكره هي بتسوقها أكتر مني لأني بروح الشغل بعربية الشركة ومابرجعش قبل الساعة 6)
                معلش إتكلمت كتير بس بصراحة بحب العربية دي وبحب أتكلم عليها
                سلام

                Comment


                • #9
                  السلام عليكم ورحمة الله وبركاته
                  جزيل الشكر لكافة المشاركين بالرأى عن الـm11 وطبعاً مش عايز أقولكم أنا محتار أد أيه بسبب العربية دى لأن كل شئ فيها جميل وبعد ما كنت نازل أشتريها خلاص ولاد الحلال طلعوا فيها القطط الفطسانة وقرفونى منها وفعلا لغاية دلوقتى قاعد من عربية بقالى شهر لأنها مخيشه فى دماغى وعجبانى جدا بس ماضحكش عليكو فعلا أنا قلقان من خوازيق التقفيل المحلى والتوكيل الزبااااااااااااااااااااااااااااااااااااالة .. أفيدونى أفادكم الله

                  Comment


                  • #10
                    [QUOTE=waolaa;3872715838]السلام عليكم ورحمة الله وبركاته
                    جزيل الشكر لكافة المشاركين بالرأى عن الـm11 وطبعاً مش عايز أقولكم أنا محتار أد أيه بسبب العربية دى لأن كل شئ فيها جميل وبعد ما كنت نازل أشتريها خلاص ولاد الحلال طلعوا فيها القطط الفطسانة وقرفونى منها وفعلا لغاية دلوقتى قاعد من عربية بقالى شهر لأنها مخيشه فى دماغى وعجبانى جدا بس ماضحكش عليكو فعلا أنا قلقان من خوازيق التقفيل المحلى والتوكيل الزبااااااااااااااااااااااااااااااااااااالة .. أفيدونى أفادكم الله[/QUOTE

                    بص انا الحمد لله جت معايا سليمة .... بس في بعض الاخوة بيشتكوا من بعض العيوب بس برضه بيجزموا ان العربية برغم العيوب لسة برضه حلوة .....

                    استخير و استشير و توكل علي الله و هو الموفق للخير ان شاء الله
                    [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

                    Comment


                    • #11
                      شكراً ليك يا هيما على نصايحك الغالية لكل الزملاء وعموما أنا بإذن الله هأستخير المولى عز وجل وأتوكل على الله بس أنا مستنى معرض أتوماك لأنى سمعت من جوه التوكيل بالمعادى أن فيه مفاجأت فى الأسعار خلال فترة المعرض .. يا عالم ..

                      Comment


                      • #12
                        استعنا على الشقا بالله

                        الحمد لله انا بسوق بقالى اكثر من 26 سنه

                        والحمد لله انا سوقت عربيات كتير والعربيات اللى كانت عندى


                        مرسيدس 620 و بيجو 505 و اسكودا وتويوتا كورولا

                        وحبيبت قلبى الفيات ال132 اللى عمرها مازعلتنى فى يوم

                        نيجى الى مميزات العربيه

                        1- تصميم خارجى تحفة.... تصميم داخلى فى منتهى الشياكة.. و خصوصا تابلوه العربية بحب شكله جدا..
                        2- سواقة مريحة جدا.. سحب رائع.. ثبات ممتاز على السرعات العالية و فى الملفات..
                        3-مجموعة من الأوبشنز تحسسك انك مش ناقصك حاجة فى العربية

                        4- فرامل يعتمد عليها


                        نيجى الى العيوب

                        1- العربيه فيها عيب الزجاج وده مش عيب كاوتش زى الكل ماقال ده عيب مكن الزجاج لان الزجاج سايب فى المجارى اللى هوه ماشى فيها لان لو حد مسك الزجاج وهزه هيجد الزجاج مش سابت مكانه

                        2- وجود مشاكل فى دينامو انا شخصيا فصل منى والحمدلله انها روحتنى البيت وربنا يستر على باقى الاخوه اللى معاهم العربيه وميفصلشى منهم فى الطريق

                        3- وجود سكة فى المتور وده اعتراف منهم شخصيا فى التوكيل

                        وكان الرد ان العربيه مصممه على بنزين 93 مش92 مش ظبط رجل لان انا مش بطلع على الغيار الثانى علاشان اطبط رجلى

                        والغريب انى اكتشفت بالصدفه ان العربيه بتاكل كوتش من وره من الداخل وليس الخارج

                        4- ان العربيه كل ماتزيد السرعه الدريكسيون بيخف بدل مايكون تقيل

                        وده طبعا عيب يودى فى داهيه وربنا يستر علينا جميعا

                        5- وده اللى اهم ان والحمد لله ان جميع مراكز الصيانه والتوكيل معلاماتهم عن العربيه صفر

                        والحمدلله لو رجع الزمن من تانى ولله العظيم عمرى ماهفكر فيها تانى لااذا جبتها من الصين رئسا

                        ولا انصح احد بها الا اذا تم معالجه العيوب اللى بيها ويكون نزلت ليها قطع غيار فى السوق والتوكيل لان العربيه لغايه الوقت الحاضر ليس ليها قطع غيار لافى التوكيل ولا السوق

                        وربنا المستعان

                        [SIGPIC][/SIGPIC]

                        Comment


                        • #13
                          زيها زي اي عربيه في الفئه السعريه دي مميزات و عيوب
                          [CENTER][mtohg=null]http://upload.wikimedia.org/wikipedia/ms/f/f9/Ayat_kursi.png[/mtohg]
                          [/CENTER]
                          [SIZE=4][COLOR=RoyalBlue][B] [URL]http://www.mp3quran.net/basit_mjwd.html[/URL]
                          القران الكريم بصوت الشيخ عبد الباسط عبد الصمد

                          [/B][/COLOR][/SIZE][CENTER][SIZE=6][COLOR=RoyalBlue][B]143[/B][/COLOR][/SIZE]
                          [/CENTER]

                          Comment


                          • #14
                            ربنا يوفق الجميع
                            اشكر الكل على المعلومات القيمة
                            انا ان شاء الله ناوى اشتريها
                            هى مع واحد معرفة بعيدة ركبتها بالصدفة
                            وجهة نظرى
                            بعد سواقة 6 سنين ( ابتداء من مازدا 323 - ياريس - النترا الشكل القديم - بوما 1600 - ميجان 2 - اوكتافيا a5 )
                            العربية كما قال اغلبيه الاعضاء الشكل والكماليات تحفة
                            حكاية التسقيف ديه (سورى وجهة نظر)
                            وجهة نظرى انا بالميجان
                            لو طلعت خطف كدة بالمانيوال تسقف بسيط
                            كذلك اول لما ركبت الام بعد كدة جربت اتقل رجلى بسيط مفيش اى حاجة (مش امركة)

                            Comment


                            • #15
                              شكر خاص لكل من شارك وفى انتظار الباقى

                              شكر خاص لجميع الأعضاء ممن قاموا بالمشاركة وفى انتظار باقى المشاركات
                              طلب خاص: من حق الجميع أن يعلق كما يشاء ولكن أتمنى أن لا تكون هناك تعليقات خارج نطاق المميزات والعيوب حتى نحقق الغرض الرئيسى من هذا الموضوع
                              بعد ما يشارك جميع ملاك ال ’11 يمكن طرح موضوع جديد نناقش فيه المميزات والعيوب ومن يرغب فى الشراء أو عدم الشراء بعد ما تكون المعلومات أصبحت متاحة للجميع بشكل كبير
                              مرة أخرى بشكر كل اللى شاركو

                              Comment

                              Working...
                              X