إعـــــــلان

Collapse

.

,
See more
See less

الاسبيرانزا a113

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    الاسبيرانزا a113

    بعد حيرة شديدة فى اتخاذ قرار شراء سيارة جديدة كحال معظم الاعضاء هنا ... اشتريت اسبيرانزا A113 ... واليكم

    التفاصيل ..

    أنا امتلك سيارة ماتريكس .... ولكن زوجتى تحتاج سيارة صغيرة لكثرة مشاويرها .. حيث ان الماتريكس تكون معى

    دائما .. . لذا فقد رأت زوجتى انه لا بديل من شراء سيارة شخصية لها تكون صغيرة وبتفر فى شوارع مصر ...

    ( من حر مالها) ... وطبعا اخوكم الموضوع جه على هواه حفاظا على الماتريكس ... علشان الستات رجليهم تقيلة شوية على العربيات

    المهم ... بدأت رحلة البحث عن سيارة صغيرة وماتاكلش بنزين وتكون فيها الحد الادنى للآدمية ( يعنى مش توكتوك) ...

    قولت لها عليكى والماروتى ... حلوة وصغيرة وتعدى بيها من تحت عقب الباب ... وفعلا اقتنعت .. بس قالتلى المشكلة

    انى حاتسلق من الحر فى الصيف من غير تكييف ...

    قلت يبقى ممكن سوزوكى ألتو 800 مكيفة وحلوة بس أغلى 10000 جنيه ....

    قال لى ماشى مش مهم اتصرف وادبرهم .... ( ليه هوة مفيش رجالة فى البلد ) .... قولتلها خلاص دول هدية من عندى

    المهم من غير ما اطول عليكم ... قولت لها تعالى نروح معرض المصرية ونشوف كل العربيات هناك على الواقع .....

    روحنا معرض المصرية .... لقينا الماروتى ... ركبناها من جوة ... مفيهاش اى حاجة خالص ... حتى الكاسيت اللى هما حاطينه جديد شكله نكتة ....

    حاجة كدة على اد شريط الكاسيت بالظبط ... قالت لى لا لا لا لا

    رحنا على الراجل اللى واقف .... هية فين الالتو 800 ؟

    مفيش يا باشا خلاص وقفوها ....

    فيه بدلها دلوقتى السيلاريو اللى قدام حضرتك دى ....

    و بعد الفحص والمحص ماعجبتناش خالص ... ولقيناها غالية على اللى فيها

    قلت لها تعالى نشوف آخر حاجة ... سبارك شيفورليه .... برضه ما عجبتناش + توكيل منصور ذو الشهرة العالمية فى الغتاتة

    قلتلها شاكلنا كدة خلاص مش حانشترى حاجة .....

    واحنا خارجين لقينا ال A113 وشكلها جميل اوى ... بس انا كنت مستبعد الصينى خالص بصراحة ...

    قلنا نتفرج مش حانخسر حاجة .... ركبنا العربية لقيناها بصراحة رائعة من جوة بالنسبة للى شفناه فى العربيات التانية ... فول اوبشن بمعنى الكلمة :

    1- 4 زجاج كهرباء
    2- وحدة رفع زجاج للاربع ابواب (مش عندى فى الماتريكس)
    3- تكييف ممتاز
    4- مرايات كهربا
    5- انذار وسنتر لوك وريموت فى المفتاح
    6- عداد كمبيوتر للرحلة يبين لك سرعتك الحالية بتستهلك بيها بنزين اد ايه + عداد للرحلة
    7- فرامل ABS
    8- مساحة داخلية واسعة ( يعنى العربية بقت مش لزوجتى بس .. ينفع نركبها كلنا لأى مكان) انا وهى والاولاد
    9- أماكن تخزين ممتازة فى التابلوه وتحت كرسى السائق
    10- الكنبة الخلفية بتتلم بطريقة احسن من الماتريكس بتاعتى وبتدى مساحة اضافية للشنطة
    11- مساحات المطر متوفر فيها كل سرعاتها ... عندى غبور شايل الاوبشن ده هية سرعة واحدة بس
    12- راديو وكاسيت CD ام بى ثرى + USB
    13- مساحة مطر خلفية
    14- الفرش شكله شيك (بالنسبة لذوقى انا وزوجتى)
    15- متوفرة بأكثر من 13 لون
    16- مفيش حجز ... العربية بتتباع بالسعر الرسمى فى كل حتة

    المهم العربية عجبتنا جدا بكل الامكانيات دى فى عربية من الفئة دى + انها 1300 cc يعنى اقوى من زمايلها التانيين

    فتحت الكبوت .... بدون تفاصيل كتير حسيت ان العربية حلوة مش زى ما كنت متخيل عن الصينى وب 50000 جنيه .. يعنى ارخص من السيلاريو وال سبارك وفول اوبشن

    وفعلا استخرنا ربنا واشتريناها ( بس مش من المصرية) وبقالها اسبوعين معانا

    طبعا واحد حايقولى ... يا عم انت بتشترى كماليات ؟؟؟؟ المهم العربية عاملة ايه فى الشارع

    نكمل انطباعتنا عن العربية بعد القيادة الفعلية فى المرة القادمة ان شاء الله
    الكلمات الدلالية (Tags): a113, الاسبيرانزا
  • #2
    الف الف مبروك يا باشا
    وفعلا مشاع عن هذه السيارة أفضل الصيني

    بس سمعنا اكتر من حد هنا (بدون تجربة مني لكن باجماع اكثر من مالك علشان ماتقولش الراجل ده بيفتي) انها بتحتاج تغيير المساعدين الاربعة بنوع مونرو الالماني وتربيط عفشة كل 3 شهور على الاكثر وبرضه اتأكد من صحة الكلام ده

    ومرة تانية الف الف مبروك عليك وربنا يكفيك شرها

    Comment

    • #3
      واضح ان الموضوع مايهمش حد ... يبقى كفاية كدة

      رفعت الجلسة ... وننتقل الى جدول الاعمال


      المشاركة الأصلية كتبت بواسطة أبو صلاح مشاهدة المشاركة
      الف الف مبروك يا باشا
      وفعلا مشاع عن هذه السيارة أفضل الصيني

      بس سمعنا اكتر من حد هنا (بدون تجربة مني لكن باجماع اكثر من مالك علشان ماتقولش الراجل ده بيفتي) انها بتحتاج تغيير المساعدين الاربعة بنوع مونرو الالماني وتربيط عفشة كل 3 شهور على الاكثر وبرضه اتأكد من صحة الكلام ده

      ومرة تانية الف الف مبروك عليك وربنا يكفيك شرها
      الله يبارك فيك اخى الكريم .. فعلا العفشة ناشفة شوية

      Comment

      • #4
        اولا مبروك ياباشا ربنا يديك خيرها و يكفيك شرها
        طب اخبار قطع غيارها ايه و اسعارها ايه
        و التوكيل بتاعها
        [CENTER] [img3]http://www.wathakker.net/designs/images/7amla14.gif[/img3]
        [B][FONT=Arial][SIZE=4][URL="http://www.nilemotors.net/Nile/187496-a.html"]أرخص و أسهل تعديل[/URL][/SIZE][/FONT][/B]
        [SIZE=4][URL="http://www.nilemotors.net/Nile/147374-a.html"][FONT=Arial][COLOR=DarkRed][B]ازاي نحافظ على الفتيس الاوتوماتيك[/B][/COLOR][/FONT][/URL][/SIZE]
        [FONT=Arial][SIZE=4][COLOR=Blue][B][URL="http://www.nilemotors.net/Nile/182370-a.html"]كيف تختبر مكونات السيارة-الجزء الأول[/URL]
        [URL="http://www.nilemotors.net/Nile/185560-a.html"]كيف تختبر مكونات السيارة-الجزء الثاني[/URL][/B][/COLOR][/SIZE][/FONT]
        [/CENTER]

        Comment

        • #5
          مبروك عليك العربية ... كان معايا اختها وبعتها بعد سنة ونص استعمال ... ياريت متعتمدش على صيانة ابو الفتوح وفى اقرب وقت تروح لصانيعى كويس يربطلك العربية كلها اى مسمار فيها يتربط ويراجع على الشكمان كلة من ورا الموتور ومن تحت ومن عند علبة البيئة ... لآنهم للأسف مبيربطوش العربية كويس وبتبتدى تعمل مشاكل بعد كده بسبب المسامير المفككة دى ... ومتنساش تخلى العجل نيتروجين هيفرق معاك فى حكاية العفشة الناشفة
          ربنا يديلكم خيرها ويكفيكم شرها
          [CENTER][SIZE="3"][B]لازم يكـــون عنــــدك حنكــــة؟؟؟[/B][/SIZE]
          [SIZE="3"]إلا هـــو يعنـــى ايـــة حنكـــة!!!![/SIZE]:Oc_sun1[1]:[/CENTER]

          hamdymsr سابقا

          Comment

          • #6
            go ahead
            waiting for your feedback about the car

            Comment

            • #7
              الف مبررررررروك
              اختيار موفق ان شاء الله
              ربنا يديك خيرهاويكفيك شرها
              وفي انتظار التقرير انشاء الله
              [CENTER]لو رُزق العبد الدنيا بما فيها ، ثم قال : الحمد لله لكان إلهام الله له بالحمد أعظم نعمة من إعطائه الدنيا ، لأن نعيم الدنيا يفنى ، وثواب الحمد لله يبقى .[/CENTER]

              Comment

              • #8
                الف الف مبروك ... وياريت تقدم لنا تقرير كامل عنها لإني بفكر فعليا إني أشتريها ... يبقى جزاك الله خيرا .
                [SIZE=5][COLOR=#000000]أنا لا أعطي مفتاحين لأحد :[/COLOR][/SIZE]
                [SIZE=6]مفتاح سيارتي ......[/SIZE]
                [SIZE=6]ومفتاح قلبي .......[/SIZE]

                Comment

                • #9
                  يظهر أن الأخ صاحب الموضوع زعل لأننا ردينا على موضوعه بعد مده .... ولا أيه ياجماعه؟
                  [SIZE=5][COLOR=#000000]أنا لا أعطي مفتاحين لأحد :[/COLOR][/SIZE]
                  [SIZE=6]مفتاح سيارتي ......[/SIZE]
                  [SIZE=6]ومفتاح قلبي .......[/SIZE]

                  Comment

                  • #10
                    المشاركة الأصلية كتبت بواسطة bassemali مشاهدة المشاركة
                    يظهر أن الأخ صاحب الموضوع زعل لأننا ردينا على موضوعه بعد مده .... ولا أيه ياجماعه؟

                    لا يا باشا ربنا ما يجيب زعل ... بس حسيت ان الموضوع مش مهم ... علشان كدة مادخلتش هنا من مدة ... مع ان العربية منتشرة جدا فى الشوارع

                    Comment

                    • #11
                      المهم العربية بقالها معايا حوالى عشرين يوم

                      بصراحة لم يظهر فيها حتى الاآن اى عيب من العيوب اللى كنت بقراها هنا من بعض الاعضاء ... يعنى مثلا :

                      1- اتقال ان التقفيل الداخلى وحش وفيه فواصل فى التابلوه : اطلاقا التابلوه جميل ومتناسق ومتقفل كويس جدا

                      2- اتقال ان الزجاج الكهربا تقيل وساعات بيعلق : بصراحة فوجئت بقوته وسرعته فى الطلوع والنزول

                      3- اتقال ان العفشة ناشفة : فعلا العفشة ناشفة .... حاجرب موضوع النتروجين ده واشوف النتيجة .... بس الموضوع مش شاغل دماغى اوى

                      4- التكيف بتاعها ممتاز

                      ولسة كل ماجرب حاجة حاقول عليها بكل صراحة وامانة

                      Comment

                      • #12
                        الف مبروك على العربيه

                        وربنا يباركلك فيها ياريت حضرتك توفينا بكل التفاصيل عن العربيه علشان بفكر فيها

                        وراى ان العربيه رائعه قيمه مقابل فلوس

                        مبروك مره تانيه
                        [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

                        Comment

                        • #13
                          مبروك عليك يا حج .. وان شاء الله ربنا يبارك فيها

                          Comment

                          • #14
                            المشاركة الأصلية كتبت بواسطة أبو صلاح مشاهدة المشاركة
                            الف الف مبروك يا باشا
                            وفعلا مشاع عن هذه السيارة أفضل الصيني

                            بس سمعنا اكتر من حد هنا (بدون تجربة مني لكن باجماع اكثر من مالك علشان ماتقولش الراجل ده بيفتي) انها بتحتاج تغيير المساعدين الاربعة بنوع مونرو الالماني وتربيط عفشة كل 3 شهور على الاكثر وبرضه اتأكد من صحة الكلام ده

                            ومرة تانية الف الف مبروك عليك وربنا يكفيك شرها
                            مبروك لصاحب الموضوع عليه العربية المحترمة بجد الـ a113 والاخ ابو صلاح العربية اغيرلها مساعدين امتى هى دلوقتى عاملة 17000 كيلو ولسه عاملها الصيانة فى السويس عند التوكيل ولاحظت لو اخدت مطب هوا بحس ان العربية حاجة رنت فيها لو كونى يبقى احسن ولا ايه بس فى منه الاورجنال بتاعها وانا زودت العربية نيتروجين حسيت بفرق بسيط وانا رشيت العربية من تحت بالكامل بالعازل فى مطة البنزين ب 135 جنيه اسبراى عامل زى القطران بس حلو ومكنة الزجاج الامامى بتعلق ومبتطلعش للاخر الا لما احركها بسيط اما على الطريق زى الفل ودى كل ملاحظاتى عليها .
                            [FONT=Comic Sans MS][SIZE=4][CENTER][SIZE=5]

                            [/SIZE][/CENTER]
                            [/SIZE][/FONT]

                            tamergalal سابقا

                            Comment

                            • #15
                              الف مبروك عليك وربنا يكفيك شرها
                              [SIGPIC][/SIGPIC][SIZE=3][COLOR=#68d122]من اهم انجازات مبارك :
                              توحيد المصرين على كلمة حسبى الله و نعم الوكيل
                              [/COLOR][/SIZE]


                              محمد العصار

                              Comment

                              السابق 1 2 template التالي
                              Working...
                              X