اسشارة فنية من اصحاب الخبرة فى التعامل مع التوكيلات

[mohamedashry]

السلام عليكم

انا مالك للاسبيرانزا m11 من حوالى 5 شهور والسيارة عاملة حوالى 6200 كيلومتر ... المهم..حصل لى موقف عند صيانة 5000 من شهر و كنت باعملها فى طومان باى و اخبرتهم ان فى هواية تكييف مش بتخرج هوا وفى صوت من ناحية العجلة اليمين المهم انهم بعد القيام بالصيانة اخبرونى انهم مش هايقدرو يحلو مشكلة التكييف حاليا لانهم لسة مفكوش التابلوه بتاع العربية من قبل و كاوتشة الكوبلن الخارجية الشمال محتاجة تتغير و مقطوعة وهى مش موجودة عندهم...قلت طب و انا اعمل اية...قالولى اتصل بباقى الفروع اسئل عليها و لو لقيتها روح وهم هايخلصوك.....طبعا دوخت على مالقيتها لحد ما لقيتها عند فرع تكنوسيرفس جسر السويس...بعد كدة حجزت تانى وانتظرت حتى اخر اليوم واخيرا دخلت العربية الصيانة و قلتلهم على عيب فى عدم خروج الهواء من هواية تكييف معينة المهم قالو ماتقلقش هانظبط كل حاجة...بعد ماستلمت العربية لقيتهم مدفعينى فلوس كتير كل حاجة طب و اية فايدة الضمان دة؟...وكمان لقيت مشكلة التكييف زى ما هى ومن قرفى وتعبى ماكنتش قادر اقاوم فمشيت.....المشكلة الرهيبة انى بعد اسبوع لقيت صوت من ناحية الكوبلن اليمين ومش عارف اعمل اية...هل القصة هتتعاد تانى وبرضة مش هاستفيد من الضمان ...انا بيتى اتخرب....انا عاوز اراءكم الموضوعية يمكن استفيد من خبرتكم...وشكرا جزيلا لكم

[karimashry2006]

مش عارف اقولك اية...ربنا يكون فى عونك انا حالى مشابة ليك....ا

[odaoda]

هقول اية
حسبى الله ونعم الوكيل
يا جماعة معظم الاعضاء هنا بيشتكوا من العربية
حل من اتنين يا ابو الفتوح يوقف انتاجها يا الناس تبطل تشتريها ومش يتوهموا
روح يا باشا زعق واشخط فيهم شخطتين كدة وقلهم مش دافع دة فالضمان وزعق واعمل محضر كمان
وهما يقولولك اتفضل يا افندم وتحت امرك وهنغيرلك الى انت عاوزة
ناس معندهاش ضمير
ربنا يعينك ويباركلك فعربيتك وتبقى دى اخر المشاكل

[emad7759]

حسبنا لله ونعم الوكيل فيهم

وامهم ياباشا

اولا انتا المفروض مكنتش دفعت ولا جنيه ليهم

وحاليا انتا دفعت فلوس ومعك الفاتوره

خد الفاتوره مع دفتر الضمان ورح على حمايه المستهلك واشتكيهم

هناك واحكى على اللى حصل فى العربيه

لان الناس دى لاعندهم ضمير ولا عندهم تقوه

ناس لاتخاب ربنا وحسبنا لله ونعم الوكيل فيهم


ولو انتا عايز تعمل محضر ليهم اعمل محضر نصب فى القصم اللى هما تابعين ليه


وان شاء لله يرجعوه الفلوس اللى هما خدوها منك


لان اللى حصل ده انهم معنهمشى ضمير خالص


وانت مجرد ماتشتكى فى حمايه المستهلك هتجد تلفونك تحول الى سنترال


من كثره التلفونات اللى هتجيلك


وربنا يوفقق وتاخد حقق من عنيهم


وعلاشان النا اللى عماله تقول انها عربيه كويسه وتوكيل كويس يشوف اللى بيتعمل معنا

[karimashry2006]

والله انا كمان كنت مبسوط بالعربية اول ماشتريتها بس فى خلال 3 شهور بس نجح ابو الفتوح انة يكرهنى فيها و فى عيشتى كلها

[mosamer]

والله انا كمان كنت مبسوط بالعربية اول ماشتريتها بس فى خلال 3 شهور بس نجح ابو الفتوح انة يكرهنى فيها و فى عيشتى كلها

ليه خير ايه اللى حصل

[emad7759]

ليه خير ايه اللى حصل

اللى حصل ابتد مشوار العزاب ياقلبى والمشاكل اشتغلت

[odaoda]

اللى حصل ابتد مشوار العزاب ياقلبى والمشاكل اشتغلت

وضحلنا طيب ولا اية

[mosamer]

اللى حصل ابتد مشوار العزاب ياقلبى والمشاكل اشتغلت

خير يا عمده

[emad7759]

والله انا كمان كنت مبسوط بالعربية اول ماشتريتها بس فى خلال 3 شهور بس نجح ابو الفتوح انة يكرهنى فيها و فى عيشتى كلها

وضحلنا طيب ولا اية

انا كنت برد بدل الراجل اللى ابو الفتوح كرهه فى العربيه بس مش هوه اللى كرهه العربيه لوحده ده الكل

كرهها

خير يا عمده

انا كنت برد بدل الراجل اللى ابو الفتوح كرهه فى العربيه بس مش هوه اللى كرهه العربيه لوحده ده الكل

كرهها

انا والحمد لله عربيتى الام الشقيه لسه لم يتم الافراج عنها من عند ابو الفتوح


االظاهر ان ابو الفتوح بعت الصين يعملى طابلوه عموله ولسه مش لقين حد يعمله


وانا ان شاء لله هروح يوم الاحد الجاى علاشان اعمل ليهم محضر على وقفه العربيه عندهم واشتكى بالمره فى حمايه المستهلك اللى فى القريه الذكيه

وربنا المستعان فيهم وحسبنا لله ونعم الوكيل فيهم

[egypt0777]

معلش و بدون زعل

احنا نستاهل بصراحه

لاننا روحنا خاطرنا بفلوسنا فى عربيات ابو الفتوح اللى عملها فينا حقل تجارب

فعلا غلطة عمرى انى ما كملتش على ال 70 الف اللى دفعتهم فيها و رحت جبت حاجة الناس مجرباها او على الاقل لو فيها عيب يتصلح مش يتمطوح

[emad7759]

معلش و بدون زعل

احنا نستاهل بصراحه

لاننا روحنا خاطرنا بفلوسنا فى عربيات ابو الفتوح اللى عملها فينا حقل تجارب

فعلا غلطة عمرى انى ما كملتش على ال 70 الف اللى دفعتهم فيها و رحت جبت حاجة الناس مجرباها او على الاقل لو فيها عيب يتصلح مش يتمطوح

ولله صدقت القول احنا الى نستاهل

[karimashry2006]

اخر حاجة حصلت لى ان المراية الجانبية عندى اتكسرت من فترة وسألت عليها قالولى مش موجودة,,,طيب هاتيجى امتى....قاللولى منعرفش طب سعرها كام....منعرفش ....طيب بتيجى حتة واحدة ام اجزاء عشان انا الزجاج بس هو اللى تكسر....منعرفش....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟.......امال مين اللى يعرف انا....؟؟؟؟؟؟؟؟؟؟؟؟؟؟؟ المهم اخر الكلام نصحونى اروح لواحد بتاع زجاج و افصل حتة مراية عندة مؤقتا....واحمد ربنا ان باقى المراية سليمة..وابقى اتابع معاهم أخر اخبار وصول المرايات!!!!!!!!!!!!!!!!!

[hemaa_82]

نصيحة ....

مش اي مراية عادية ..... اشتري مراية عربية جامبو من ام 17 جينية و خلي بتاع الزجاج يقص منها علي قد الكف بتاع مرايتك علشان تبقي كويسة

التقعيرة بتاعتها تمام .... انما المراية العادية هتخليك مبتشوفش حاجة من الطريق

[attiahf]

نفس الحوار معايا فى التيجو ومطلعين عنيا علشان علبة دركسيون ومشاكل فى العفشة والمساعدين.... وبعت شكوى لحماية المستهلك وغالبا كمان يومين هاعمل محضر ولول ملقتيش فايدة مفيش غير المحاكم اللى ابو الفتوح متعود عليها
انا فعلا غلطان انى صدقت ان ممكن عربية صينى تبقى كويسة بسبب التوكيل الزبالة
يا ريتهم جابوا العربية من برة ومكانوش قفلوها فى مصر كان ممكن العربيات دى تعمل شغل احسن
وحسبى اللة ونعم الوكسل