سؤال عن m11 و بجد محتاج رايكم جدا

[casper_Dj30]

انا اخويا معاة m11 من حوالي 8 شهور عامل بيها 15000 كيلو محصلش فيها حاجة غير ان المراوح بيتاعت الريداتير هيست ووديها التوكيل اللي علي الصحراوي قالو ان علبة الفيوزات بتهرب
و غيروها و استلمها تاني يوم و المرايات اللي عندة واحد ابن حلال سرق الزجاج بتاعها و مش موجودة في التوكيل بس دي ليها حل سهل برة
المهم دلوقتي انا معايا عربية لانسر 1998 اتوماتيك و اخويا بيقولي خد عربيتي و هات عربيتك و مش هياخد مني فرق فلوس
علي فكرة هو عايز يعمل كدة لانة من هواة التغير يعني مغير عربيات كتير لغاية دلوقتي منها نوبيرا و لانسر و سيراتو و كلهم كان جايبهم زيرو و بيقولي انا حاسس العربية دي كويسة فمستخسرها في البيع انا اول مرة احس اني دافع فلوس وواخد بيها امكانيات
تفتكرو ااقبل العرض دة و لا لأ
هل العربية اللي معايا افضل ؟؟؟؟؟؟
انا عجبانيي m11 جدا
بس بصراحة لما قلبت هنا في المنتدي قلقت جدا من كذا حاجة يعني و الاخص الاخص موضوع الدينامو و الكمبيوتر اللي بيبوظ مرة واحدة دة
فمحتاج رايكم معايا (و بالاخص ملاك m11)
و اسف لو كنت طولت عليكو بس فعلا رايكم يهمني و شكرا

[casper_Dj30]

الوووووووووووووووووووووووووووووووو

[evram]

بص خدة منو بس لما تبوظ رجعه

[emad7759]

لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالا

لالالالاتغير عربيتك ابعد عن الام وغنى

[casper_Dj30]

يا جماعة اثتنين بس اللي ردوا عليا ما كنش العشم (مع كامل احترامي و تقديري للرد علي الموضوع)
انا بجد محتاج رأيكم اللي بناء عليه هيكون عامل مهم جدا في اتخاذ قراري
و شكرا ليكم مرة تانية

[pharonicking]

ابعد عن الصينى وغنى له" وافضلوا اخوات احسن متخليش الصينى يفرق بينكوا"""
اوعى تبدل""

[hemaa_82]

استخير و توكل علي الله ..... الكريستاله اللي معاك بقالها 12 سنة علي الارض ......

اهم حاجة لو انت من بتوع صيني لا يبقي متفكرش اساسا .... انما لو انت عادي يبقي تستخير و ربنا يهديك للخير ان شاء الله ....


.......

بالنسبالي حتي الان انا واللي اعرفهم علي الحقيقة "في نطاق العمل و الصداقة و الجيرة" مفيش شكاوي جوهرية من "113 & 516 & m11"

113 عفشة ناشفة و بس
516 بصراحة ال 3 الي اعرفهم مبيشتكوش من حاجة "همه عارفين ان علبة الدريكسيون بتخبط من قبل ما يجيبوا العربية و هيه دي بس اللي عندهم"
ال m11 معايا واحد في الشغل جايبها و موريها الويل .... قالبها عربيات متصادمة و عمال يخبط في الاوتوبيسات .... كسر المريات و جرحها داير ما يدور بس معنوش شكوي من السيارة

بس علي الصعيد الاخر اديك شايف ابو عمدة و دكتور احمد مترأسين المتضررين ......

اهم حاجة انك تستخير علشان ربك يباركلك

[ezzatfox]

مبدئيا انا معنديش ثقة فى الصينى .. بس لو انا مكانك هحسبها كويس
دلوقتى عربيتك كبيرها قوى 50000 الف
و الام 11 لو حبيت ترميها هتجيب مش اقل من 55000 الف جنية
دة غير ان عربية احوك انت عارف اية اللى فيها و ضامن انها مش مقلوبة و لا مشيسة
رأيى توافق بس الموضوع لو هيجيب مشاكل بعد كدة يبقى ملوش لازمة

[casper_Dj30]

متشكر لردكم يا جماعة
بس علشان تبقوا معايا في الصورة و تفهموا كل اللي في دماغي
هو اخويا هياخد عربيتي يبيعها و يجيب عربية تانية دة انا متأكد منة
و استحالة انا و اخويا نزعل بسبب عربية دي بردة حاجة مفروغ منها
و العربية اللي معاة واضح انها كانت من اوائل انتاج m11 فتحس العربية معمولة بمزاج شوية مفيهاش عيوب من اللي حضراتكوا بتقولوا عليها اللهم احيانا بسمع تزييق ورا شوية و نقرة علبة الدركسيون لما تمشي في حتة مكسرة
بس اللي انا خايف منة في m11 حاجتين
1- قطع الغيار الغير موجودة خارج التوكيل (و في التوكيل احيانا اة و احيانا لا) و اقصد بقطع الغيار المرايات و الاكصدامات و الصاج لاني عارف ان الموتورة هو هو 516 فقطع غيارة سهلة و موجودة
و يا تري بردة عافشتها زي 516 ولا لأ مش عارف لاني اعرف ان 516 بيركبلها عفشة لانسر و دة شئ هايل الحقيقة
2- لو اتزنقت و عايز ابيع العربية في اي وقت انتوا عارفين ان الانسر و بالذات الموديل اللي معايا سهل جدا بيعة في اي وقت ......لكن الاسبرانزا بصراحة مش عارف سوقها اية بس بردة انا عارف ان كدة انا واخدها بسعر لقطة
انتوا كدا عرفتوا النقطتين اللي في دماغي اية و تقدروا تصححوهالي او تأكدوهالي لان انتوا طبعا ادري مني لانكم راكبين اسبيرانزا
و بالنسبة لعربيتي انا كنت بفكر في بيعها و تغيرها بس قولت استني شوية علشان داخل في موضوع شقة ادعولي فيها
فهيبقا عليا اقساط فقولت بلاش ادخل في قسطين فخويا لما شاف كدة قالي خلاص خد عربيتي و هي لسها فيها ضمان و تأمين و بكدة تبيقي مش محتاج تغير العربية قبل سنتين ثلاثة و خليك في باب واحد بس
علي فكرة انا لما كنت هغير العربية كنت هجيب 516 زيرو يعني انا مش من اللي بيقولوا عليهم ضد الصييني بس هجيب ال 516 علشان النقطتين اللي كنت كتبهم فوق مش اكتر
و بشكركم مرة تانية لسعة صدرتكم و اسف لو كنت طولت عليككوا

[evram]

بص لو العربية بقاله سنة ولا حاجة و مظهرش فية حاجة يبقي مفيهاش مشاكل خدة بالنسبة لقطع الغيار اة صعبه برة التوكيل بس موجودة جواة العفشة بصراحة مفتيش لاني معرفش

[ahmeddarhos]

العربية دى بجد مواقفها بايخة جدا....
اللانسر اللى عندك انت حفظتها و عرفتها كويس ... لكن الأم11 مشاكلها بتظهر فجأة و بدون سابق انذار.. و الحمد لله المشاكل ساعات بتتحل .. لكن هتيجى فى الاخر هتلاقى فى تبادل أدوار بينك وبين العربية.. يعنى انت جايب عربية علشان توفرلك وقت و راحة بال .. ممكن لاقدر الله تلاقى العكس .. انك على طول شايل هم العربية و الوقت اللى بتضيعه عند الوكيل لأنك مش هتلاقى حد برة التوكيل يفيدك

يعنى نصيحة لوجه بلاش ...

[egypt0777]

ابعد عن ابو الفتوح و غنيله