قطع غيار "شيري" غير مطابقة للمواصفات

[TeGo]

قطع غيار "شيري" غير مطابقة للمواصفات

الأحد، 18 يوليو 2010 - 11:58


شعار شركة شيري الصينية
قررت وزارة التجارة والصناعة، شطب شركة (Cherry Automobile co.ltd) المنتجة للمساعدين في سيارات "شيري"صينية المنشأ، من سجل الفحص الظاهري للرسائل المستوردة.

جاء قرر الشطب لتكرار رفض العينة التي أجريت عليها الفحوصات المعملية وثبوت عدم مطابقتها للمواصفات خلال شهر مايو الماضي.حسب صحيفة "المصري اليوم" الأحد.

ومن جانبه، أعلن المهندس محمد شفيق، رئيس الهيئة العامة للرقابة على الصادرات والواردات، استمرار فحص جميع الشهادات للشركات المستوردة من الصين للتأكد من صحتها.

وأشار إلى أن الهيئة أجرت فحصاً معملياً على عينة عشوائية من صنف "مساعدين سيارات" واردة من هذه الشركة وتم رفضها لعدم المطابقة المعملية.

المصدر * * * * *

[ahmeddarhos]

الله أكبر ...
ظهر الحق و زهق الباطل ....

[egypt0777]

اهو جاء الحق

احنا ما بنقلش حاجة من عندنا ولا بنفترى على العربية ولا بنقول اى كلام وخلاص

فعلا مشكلة الاسبرانزا حاجة واحده بس

قطع الغيار و مكونتاها المجمعة للعربية

يعنى لو الشحنات ده دخلت كانت ركبت فى العربيات

والناس الغلابه --- حتشترى العربيات

و بعد ما نشترى العربية --- نلبس فيها

و بعد ما نلبس فيها ---- يقعد التوكيل يقنع فينا انه ده الطبيعى بتاع العربية

و نعد فى خناقات معاهم و نخش مع بعض فى شكاوى لحماية المستهلك

لحد اما الضمان يخلص

ومين اللى كسب --- طبعا ابو الفتوح الحرامى عمال بفلسنا يجوز و يصور هم فيديو

و مين اللى خسر -- طبعا احنا - الناس الغلبانه اللى حاطت تحويشه عمره فى العربية

سبحان الله انا فعلا لما قرات الخبر فى المصر ى اليوم النهارد قلت نفس الكلمة

الله اكبر --- فعلا يمهل ولا يهمل

[M.almaghraby]

ممممممممم طلعت عربية فشنك يعني

[emad7759]

الحمد لله ظهر الحق

فين الناس اللى بتقول عربياتنا حلوه

دلوقتى يجى واحد ويقول الخبر ده كذب


زى اللى بيقول ان كل المشاكل اللى فى العربيات دى مشاكل فرديه


والحمد لله ان ظهر الحق

ولله المستعان فيهم

[egypt0777]

الله امال فين تعليقات الناس بتاعت كله تمام و ميه ميه

[emad7759]

الله امال فين تعليقات الناس بتاعت كله تمام و ميه ميه

لسه جين فى الطريق وهناخد كلام ضض الكلام وسيتم تكذيب الخبر


لاتتعجل واصبر شويه وهتشوف

[OSHA]

كله بيتغر فى الضمان وكله تمام با مهللتيه

[evram]

انا بقي مش هقول كلوة تمام و هقول الخبر صحيح ميه في الميه بس هقول فعلا لو بصيت لعربيتي او لعربيت اي بنيادم اسبرانزا يبص علي مشكلتهوة في العفشه هيلاقي المساعدين يعني فعلا المساعدين وحشه انا مقولتش حاجه و الحل البديل و الاحسن تبديل المساعدين ب مساعدين لانسر

[mallnetegy]

يا جماعه الموضوع مش خناقه

الموضوع ببساطه شديده ان المشكله مش فى المنتج الصينى ، المشكله فى المستورد المصرى ونظام السوق المصرى

الصين متقدمه عننا بمراحل بدليل

معظم ان مكنش موبيلات نوكيا كلها صينى

معظم او كل اللاب توب تبع hp صينى

مشكلتنا كلها فى المستورد المصرى ونظم الرقابه على السوق والواردات

وان كان فيه عيب فى الاسبيرانزا فده عيب التجميع المصرى وطلبات المستورد المصرى ليس اكتر

كمان المستورديين ولان العربيه لازم تبقى رخيصه فيجبلك مساعديين بدل ما تعيش كذا سنه لا حلو سنه واقلب

كمان الخبر صحيح ميه فى الميه بس هو مذكرش مين المستورد هل هو فعلا ابو الفتوح ام مجموعة تجار ارادوا ان يكسبوا من الانتشار الفظيع للسياره

كمان لو تلاحظ الخبر بيتكلم عن المساعديين بس وان المساعديين اترفضت اكتر من مره يعنى ده يدل ان الموضوع يقاله فتره وان اكيد كان تم استيراد قطع غيار اخرى بجانب المساعديين لم يتم رفضها ، يعنى مش كل قطع الغيار وحشه والا العربيه كانت وقفت من اول كام شهر


لو تفتكروا ان اللى كان بيشترى عربيه شاهين زيرو ( وانا باكد تانى كلمة زيرو ديه ) كان بيغيرلها اربع مساعدين بعد الشراء على طول ، يا ريتنا نكون احنا بس نص التكنولوجيا فى الصين .


الخبر ده يسعدنى جدا كمالك للسياره ، بالرغم من انى مستاء جدا انى اشتريت اسبيرانزا مش علشان هى عربيه وحشه بالعكس بقالها معايا سنتين مش عاوز اقر عليها بس ، ولكنى مستاء من نظرة المصريين لكون انها صينى

اما بالنسبه للاخوه اللى داخلين فى صراعات مع مالكى السياره فانا عاوز اقول كلمه بسيطه جدا ، واحد راح اتجوز واحده من موزمبيق وهو سعيد معاها جدا !! ايه المشكله طالما انه عجباه ومريحاه وموفيه كل طلباته ؟

واحد ممعهوش يجيب عربيه ب 100 الف ولقى العربيه ديه وفيها كل ما يتمناه اى شاب بالسعر ده

ايه المشكله ؟


العيب فى اننا بندى الاسبيرانزا اكبر من حجمها سواء من مالكى السياره او من غيرهم


انا عاوز اقولكم انا يمكن استعمالى ليها خفيف بس يوم ما باركبها بتعامل معاها بغل شديد وبقرص عليها جامد وباكل مطبات بالعمد طالما انا فى فترة الضمان لانى الحمد لله بعرف اخد حقى كويس .

يا مالكى الاسبيرانزا انتوا معاكوا عربيه رخيصه وكويسه مش وحشه لا تتحدثوا عنها اكنها المانى او خلافه

اما بالنسبه للاخوه المهاجمين للعربيه باعتبارها صينى وخلاص فادعى ربنا بس ان بكون عندنا مصنع واحد فقط محترم زى الصين

لان الماهجميين للسياره عمرك ما هتجبرنى اشترى دايو او فيرنا طالما انا دماغى فى الاسبيرانزا

اما بالنسبه للمشاكل الفرديه للسياره فديه مشاكل فرديه بتحصل مع احسن السيارات انا نفسى اول ما جبتها التبلوه فصل كل حاجه وعلشان انا فاهم ان ده عيب تقفيل مصرى وان العيب مش خطير وانه مجرد فيوز مزعلتيش ولا غيرت رأى فيها

واحد صحبى كان عاوز يشترى ماتريكس مرديش يجيب زيرو لانها مصرى الكلام ده كان فى 2009 لان كل الزيرو كان تقفيل مصرى وفيه مشاكل وجاب واحده مستعمله موديل 2007 باين علشان كورى



بس كده حبيت بس اوضح وجهة نظرى وانا متابع اصلا معاكوا لكنى نادرا من اشراك .

[Hegazio]

معلش بس هو ايه اللي قال ان الخبر له صلة بأبو الفتوح أصلا ؟
الموضوع له صلة بقطع غيار CIG اللي هو سعودي وكيل شيري .. زي ال QQ , A11
اما ابو الفتوح فاسمه اسبرانزا و الشركة الأم اللي بيجيب منها Cheryinternational مش Chery automotive
و بعدين لو حد اشتري مساعد و طلع بايظ ... ما بيتغير .. مانا زميلي مغير علبة دركسيون في سيراتو ف أول صيانة !
اهدوا و استهدوا بالله

[esam722]

[QUOTE=mallnetegy;3872865247]


اما بالنسبه للاخوه اللى داخلين فى صراعات مع مالكى السياره فانا عاوز اقول كلمه بسيطه جدا ، واحد راح اتجوز واحده من موزمبيق وهو سعيد معاها جدا !! ايه المشكله طالما انه عجباه ومريحاه وموفيه كل طلباته ؟

واحد ممعهوش يجيب عربيه ب 100 الف ولقى العربيه ديه وفيها كل ما يتمناه اى شاب بالسعر ده

ايه المشكله ؟

فعلا اية المشكلة انا حاسس ان الوضوع بقى اهلى وزمالك اللى زعلان من الصينى واجع دماغة لية ومصمم يهاجم العربيات الصينى حتى اخر نفس ياريت ميشغلوش بالهم اوى كدة

[egypt0777]

و بعدين لو حد اشتري مساعد و طلع بايظ ... ما بيتغير .. مانا زميلي مغير علبة دركسيون في سيراتو ف أول صيانة !
اهدوا و استهدوا بالله

انت حضرتك وصلت الرساله اللى عاوز اوصلها للناس

علبة الدريكسيون اتغيرت فى اول صيانة

مش كل مره تروح ربطولك العلبة و يقلك كله تمام و هى اصلا كده

عرفت الفرق بين ابو الفتوح و توكيل الكيا

ناس محترمة