زينون وسنسور بارك لل m11

[meedoo69]

السلام عليكم
ركبت سنسور بارك صينى وزينون شبوره ماركه spy اوروبى للسياره عند ادريان مدينه نصر بصراحه ناس محترمين وتركيبهم زى الفابريكه اى استفسار انا فى الخدمه

[engahmedsamy]

مبروووووووووووووك و ياريت الاسعار

[teha]

هل في لعب في الضفيرة و لا لأ عشان السنسور يعني الكلام ده يخرجنا بره الضمان .
و ياريت برده الاسعار و معلش عنوان ادريانو ده بالضبط.

[meedoo69]

السلام عليكم
سعر السنسور بالتركيب 250 ج
سعر الزينون k8000 لمبه h7 شبوره 400 بالتركيب ضمان 6 شهور
عنوان ادريان مدينه نصر : طريق النصر امام شركه النصر للسيارات

[meedoo69]

لا يوجد لعب فى الضفيره بالنسبه للسنسور التوصيل على لمبه المارشدير و الزينون لا يوجد قص فى الاسلاك التوصيل على الفيش الاصليه
الاسعار دى بعد الفصال الاصليه 500 للزينون و 300 للسنسور
اسال على مطراوى وقوله من طرف صاحب الاسبيرانزا m11 الرمادى ده فنى ممتاز فى التركيب

[hemaa_82]

طب و جربت الزينون ؟؟؟ فارش علي الارض ولا بيعمي الناس؟؟؟؟ مهوه كدة مش راكب قدامه عدسة فايه النظام مع الرؤية و مع العربيات المقابلة ؟؟؟؟؟

[meedoo69]

هيما باشا يسعدنى ردك على مشاركتى لانك من الاسباب بعد الاستخاره اللى خلتنى اجيب الجميله m11
انا ركبت الزينون فى الشبوره عشان ميعميش الناس ويفرش على الارض بس اعتقد لو ركب فى العالى او الواطى هيضايق الناس بس النور هيبقى اوضح بكتير

[hemaa_82]

هيما باشا يسعدنى ردك على مشاركتى لانك من الاسباب بعد الاستخاره اللى خلتنى اجيب الجميله m11
انا ركبت الزينون فى الشبوره عشان ميعميش الناس ويفرش على الارض بس اعتقد لو ركب فى العالى او الواطى هيضايق الناس بس النور هيبقى اوضح بكتير

اخجلتم تواضعنا



اخيرا واحد مبيحسبنش ربنا فيا ... و كأني انا شريك توحة :)

مباركة عليك ان شاء الله و ربنا يكفيك شر المكتوب