عايز مسااعدة في مقااارنة

[sh_masry]

يعنى انت بتعتبر ان الأسبرانزا ممكن تقارنها باللانسر 1600 و الألانترا 1600 و الفيرنا 1600 و و و و جميع فئات ال 1600 ؟؟؟؟ هههههههههه يا راجل حرام عليك .... ده ظلم كبير اوى للعربيات ال 1600 هههههههه و الله العظيم خليتنى اموت من الضحك , يا عبد الرحمن انا بشترى عربيه مش ارض ازرع فيها بطاطس هههههههههههه
و بعديت بتقولى مصايب فى الفيرنا .... طيب انا ماشى معاك واحده واحده ..... ايه المصايب الميكانيكيه اللى فى الفيرنا ؟؟؟ مافيش , طيب بص لمصايب الأسبرانزا الميكانيكيه هاتلاقى بلاوى .(موتور بيقال انه 1600 و لا يقارن بأى موتور 1300 حتى - abs مابيشتغلش صح , اختراع صينى و قالوا عليه abs - عيب فى الفتيس - رجه قويه فى قاعده الفتيس - رجه فى قواعد موتور العربيه - علبه دريكسيون بايظه - باور بايظ )
نيجى لمشاكل التقفيل بالنسبه للفيرنا فيها مشاكل تقفيل بسيطه و محلوله عند غبور , نبص للأسبرانزا تلاقى البلاستيك بتاع التابلوه سايح من الشمس - خامه البلاستيك فى العربيه خامه ردئيه جدا و بعيده كل البعد حتى عن خامه تابلوه الفيرنا اللى تعتبر مش كويسه بس بجنب الأسبرانزا قويه جدا )
فى الأخر هو مثل صغير ( اللى مايشوفش من الغربال يبقى اعمى ) و مبروك عليك .
a7'ook
Sherif

[وائل عطية]

يعنى انت بتعتبر ان الأسبرانزا ممكن تقارنها باللانسر 1600 و الألانترا 1600 و الفيرنا 1600

بص ياشريف وبدون تحيز الاسبيرانزا أقل بفارق خبرة ملحوظ عن اللانسر الـ 1600 لا جدال في ذلك
وتتفوق على اللانسر الـ 1300
وتتفوق بمراحل ولا يجوز أصلاً مقارنتها بتلك المجهولة الهوية المسماة فيرنا
وبحسابات ميكانيكية وعملية معقدة بعض الشيء مع أخذ تحايل ونصب شركة هيونداي في تزوير سعة محركات سياراتها، أجد أنها على نفس الدرجة التقييمية مع الإلنترا بل تتفوق عليها في فارق السعر وفي سعر إعادة البيع، لأني أعلم إن إعادة بيع الإلنترا منخفض جداً كما تعلم وهو السمة المميزة للكوري إجمالاً
صباح شريف :lol: :lol: :lol:

[محمد صبري ابراهيم]

يا أستاذ وائل أنا هنا هاسرد بعض الحقائق عن الالنترا

أولا : الالنترا الجديدة ديه اسمها برة النترا 4
و اللي قبلها 2001 - 2006 النترا 3
و اللي قبلها النترا 2
و هكذا حتى النترا 1

لحد ما نزلت الالنترا 3 ، كانت الالنترا بتعاني من بطء في التسارع و ردائة خامات التقفيل

من أول النترا 3 ، هيونداي بداءت تحسن في الجودة فيها و قامت بتطوير الماتور قليلا لتحسين موضوع التسارع (يعني العربية مارت بالمراحلة الطبيعية لتطور أي عربية ، اللي بعض الأعضاء بينكروها بالنسبة لبعض العربيات الأخرى)

نيجي لنقطة الفئة
الالنترا تنتمي لفئة السيارات الاقتصادية الرخيصة في الخارج، بمعني "ما تشتريهاش غير لو معامعكش أكتر من تمنها"

نيجي لنقطة السعر
الالنترا 3 برة بتتباع في حدود من 10000 إلى 11000 دولار (و ده موديل 2006) أي ما يعادل 57000 جنية هنا في مصر (المفروض طبعا)
الالنترا 4 برة بتتباع في حدود 13000إلى 14000 دولار (و ده موديل 2007) أي ما يعادل 75000 جنية هنا في مصر (المفروض طبعا)

لما نقارن الالنترا 3 بالاسبيرانزا
تلاقي ان الاسبيرانزا بالنسبة للسعر تبداء من 12000 دولار أي ما يعادل حوالي 68000 جنية هنا في مصر، و ده قريب جدا من سعرها في مصر (وديه ميزة، إني بركب عربية تمنها هو هو في أي حتة في العالم، مش بشتريها هنا بالغالي و برة هي أرخص من كدة)

بالنسبة للماتور
لسة لم يختبر و لم يتضح معالم عمرة الأفتراضي، و لكن أنا شخصيا يكفيني و يعطيني ثقة في هذا الماتور(و ده رأيي الشخصي) إن شركة زي فيات (شركة أروبية عريقة جدا) هاتنزل عربياتها المتقفلة في الصين بهذه المواتير، و من ثم ستقوم بعد ذلك بإنزال هذا الماتور في عربيتها ال Brava
و ده رابط للكلام ده
الرابط

بالنسبة للفرامل ال ABS
فا فرامل ال ABS في الاسبيرانزا هي من ماركة Delphi و هي شركة مقرها أمريكا و لها أكثر من 10 فروع على مستوى العالم و مقرات إقليمية، و ليست كما أفتى بعض الناس إنها إختراع صيني و سموه ABS، , و ده رابط للشركة (للإضطلاع لمن يهمه الأمر )
الرابط

بالنسبة للفئة
هي نفس الفئة، فئة العربيات الاقتصادية الرخيصة في الخارج، إللي بردة "ما تشتريهاش غير لو معامعكش أكتر من تمنها"

فبالتالي لو أنا جيت أتكلم مع أي حد و أقوله إن الاسبيرانزا ما ينفعش أقارنها بالالنترا أكيد هايضحك عليا

ليه؟؟؟؟؟؟؟؟؟؟؟؟؟؟

لأن ديه 1600 و ديه 1600
السعر، الاتنين في نفس الفئة السعرية
ديه عربية رخيصة و ديه عربية رخيصة (برة مصر طبعا، لأن هنا الوكلاء بتضحك على الناس من الآخر و بتبعلوهم الحاجة بسعر عالي أكتر من قيمتها الفعلية، مش في العربيات بس، لأ في كل حاجة)
طول قاعدة العجل في العربيتين تقريبان زي بعض، مما يعني إن فئة الصالون بالداخل هي هي.

بس ممكن أقول إن الالنترا علشان أقدم مرت بمراحل تطور أكتر من الاسبيرانزا فهي ممكن تكون أكثر استقرارا، ممكن تكون مشاكلها اتعرفت و بقت محددة، ممكن تكون خامات التابلوة أحسن أو أوحش كدة، لكن أقول "لا تقارن" ده كلام بجد غريب و غير موضوعي بالمرة و يحتاج الكثير و الكثير من المراجعة، علشان يكون كلام منطقي و يلتفت إليه و يسمع

و ده رابط بيشرح معلومات عن مراحل تطور الالنترا
الرابط

بالنسبة بقى للفيرنا

فبجد لا تعليق، العربية ديه بجد أنا مش لاقيلها كلمة أوصفها بيها، غير إنها حركة حلوة و زكية من غبور للوقوف أمام اللانوس بعد ما قضت تماما على الأكسنت (ممكن نسميها إفتكاسة)
ماتور أكسنت بتعديلات بسيطة جدا جدا جدا
شاسية غير معروف
حتى شكل المقصات الخلفية مختلف عن أي مقصات في أي عربية مطبقة نظام تعليق McPhrson هي فعلا كل عجلة منفصلة، بس المقص فيه تقوص غريب!!!!!!!!!!!! و بصراحة لا أعرف المساعد بيربط فين في المقص
صالون عااااادددييييييييييييييييي جدا جدا صالون اللانوس و عدادتها أحلى منها بكتييييررر (مسألة أذواق) و ده رأيي الشخصي.
وزن العربية خفيف حوالي 1110 كجم و هو ده سبب التسارع الجامد إللي في الأول، لكن العربية بعد كدة بتتكشف على السرعات العالية لمسافات طويلة (حيث الأداء إللي بجد و العمر الافتراضي)، حيث يجب أن تقرص على العربية علسان تجمع في سرعة عالية، و بالتالي ما تقدرش تمشي بيها كدة (140 - 160 كم مثلا) لفترة ساعتين مثلا متواصل، لأنك قارص على الماتور، لازم تهدي سرعتك شوية (ده طبعا لو كنت عايز تحافظ على الماتور و تطول عمرة، أما لو عايز تجري جامد و خلاص فا دوس , و العربية هاتقبل)

[ehabbadr]

تم عمل copy للموضوع فى تقييمات الاعضاء للاسبيرانزا
شكرا أستاذ محمد على المجهود

[ahmednagy]

شكرا يا م.محمد صبري و انا بجد باحييك لردك على المشكيكيين فى السيارة و مهاجمتها و نقدها عمال على بطال و اليقول لك اجيب 128 و مجيبش اسبرانزا

و بخصوص الفرنا او الماتريكس انا معرفش حد جابها حديثا غير و بيشتكى منها و كمان النيو اكسنت و كلوهم بيتجماعوا على حاجة وحدة و هى سوء خدمة غبور و ان ا عربية بتروحلو بترجاع زى ما هى و مبيتعملش فيها حاجة و اعتقد ان معظم مالكى هيونداى عرفين كدة عن غبور

[محمد صبري ابراهيم]

بالنسبة للفيرنا أنا معاك

بالنسبة للماتريكس، بصراحة انا شخصيا ما سمعتش حد خالص إشتكى منها، اللهم إلا مرة واحد قالي عفشتها ضعيفة شوية بالنسبة لشوارعنا و بصراحة الله أعلم

بالنسبة للنيو أكسنت، ليس لدي أي معلومات حتى الآن عنها و لكن هاحول أعرف إن أمكن إن شاء الله


بالنسبة لغبور، فحدث و لا حرج و الحكايات كتير كتير كتير

[وائل عطية]

موضوع هايل يا محمد
برافو عليك
بس إنت نسيت توضح سعر إعادة البيع
يعني بمنتهى البساطة كده نقول لواحد معاه إلنترا 2006 مثلاً بيع عربيتك اللي بـ 90000 وأنا هابيع عربيتي اللي بـ 60000 ونشوف النسبة المئوية للخسارة : طبعاً باستقراء السوق نقول إن عربيتي الاسبيرانزا على أقل تقدير هانجيب المبلغ اللي أنا دفعته فيها كامل، أما الإلنترا هاتخسر حوالي 20 % من قيمتها
يبقى مين اللي انضحك عليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[محمد صبري ابراهيم]

والله يا أستاذ وائل

سيبنا من حتة مين إللي إنضحك عليه
أنا هاقول ديه مسألة أذواق و كل واحد حر

بس لو كنا هانتكلم بقى عن الخبرة أو قراءة للسوق، فأنا بجد لا يمكن أدفع في عربية هنا في مصر 100000 و انا عارف إنها برة مصر في كل حتة في العالم تساوي مثلا 70000

إحنا هنا مستولى دخلنا لا يسمح بإني أشتري عربية تصنيفها برة متوسط أو تحت المتوسط برقم زي ده

انا لو وصلت لل 90000 جنية مش هافكر مرتين ، يا أروبي يا ياباني و بردة هايبقى صعبان عليا فرق السعر ما بين برة و هنا

[وائل عطية]

انا لو وصلت لل 90000 جنية مش هافكر مرتين ، يا أروبي يا ياباني و بردة هايبقى صعبان عليا فرق السعر ما بين برة و هنا

تمام وهو ده اللي أنا قلته
أنا شايف لو هاعلى بالسعر يبقى أستبعد الصيني والكوري مع بعض وطبعاً يتقدم الخيارات الأوربي والياباني
إنما أدفع 100000 في عربية سعرها الطبيعي 70000 وكمان في تزوير في سعة موتورها ..دا يبقى شيئ مش طبيعي !!!

[ahmednagy]

بالنسبة للنيو اكسنت انا اخذتها من معرض و روحت رخاصتاها و رجعت لفيت بيها (السيارة بتاعت واحدة قريبتى) بصراحة السيارة حلوة و نعمة بس لاحظت ان السيارة عفشتها مش قوى و كمان وانا بستلمها اعادوا بتوع المعرض يقولولى ماتغير رائيك السيارة مش ثابتة بعد ال 120(كانوا فكرنها ليا) فسئالت قريبتى وانا عارف سواقتها قليتلى انها مش هتجيب بيها ال 120 اصلان بخصوص مشاكلها غير العفشة بعد اسبوع السنتر و الانذار باظو و بيفتاح و يقفل لوحدة دا غير ان المسوجر بتاع الباب الاودام يمين معلق و مكانش عايز ينزل و اعت اكتر من ساعة احاول فية و الباب الاودام شمال مكانش بيقفل من برة كمان فى مشكلة فى الطنابير و هى دى نفس المشكلة السمعت عنها فى الفيرنا بالذات ثم الماتريكس و اخيرا الانترا و باردوا ؤاحت التوكيل 4 مرات العربية طلعت زى ما هى و معملوش حاجة دا غير انها اتحكت فى الباب هناك و اتخنقت معاهم و صالحوها با بولش

دا غير الفيرنا ال معا قريبتى التانية و معا انها موديل 2004 1600 قبل محال الفيرنا يتبهدل كدة العربية حصل فيها مشاكل غريبة شوية الكولية بتاع خرطوم الردياتر اتقطم مريتين و دا بعد ما راحت الصيانة باسبوع و العربية طبعا عطلت بيها ودا غير ان العربية حتى الان بتبطل منها حتى و انت ماشى على 60 70 تلاقى العربية مرة واحدة بطلت و كهربة العربية مش مظبوطةو بردوا موضوع الحدفةو الرجرة و هما بيقولوها عيب الكاوتش و الكاوتش مكاملش 22000 و تروح لبتاع الكاوتش يقولاها سليم دا عيب الطنابير و عملت مشاكل كتير فى التوكيل و العربية باتيت هناك كذا مرة بس كل دا بردوا مفيش فايدة الفيها هوا الفيها

[محمد صبري ابراهيم]

أستاذ أحمد

شكرا جزيلا على هذه المعلومات


و بجد لا تعليق

نيو أكسنت:
تقفيل كوري
مكونات كوري
و إللي يزعل، عربية مستوردة ب 77000
"بخصوص مشاكلها غير العفشة بعد اسبوع السنتر و الانذار باظو"،

"ؤاحت التوكيل 4 مرات العربية طلعت زى ما هى و معملوش حاجة دا غير انها اتحكت فى الباب هناك و اتخنقت معاهم و صالحوها با بولش"
العربية إتحكت في التوكيل !!!!!!!!!!!!!!!!! و كمان صلحوها ب بوليش !!!!!!!!!!!!!!!!!!!!!!!!!!! لا تعليق على التوكيل




الفيرنا 1600:
تقفيل مصري
مكونات مصري و كوري
" الكولية بتاع خرطوم الردياتر اتقطم مريتين و دا بعد ما راحت الصيانة باسبوع"
كولي راديتور يقطم مرتين في اسبوع !!!!!!!!!!!!!!!!!!!

"تلاقى العربية مرة واحدة بطلت و كهربة العربية مش مظبوطةو بردوا موضوع الحدفةو الرجرة و هما بيقولوها عيب الكاوتش و الكاوتش مكاملش 22000 و تروح لبتاع الكاوتش يقولاها سليم دا عيب الطنابير و عملت مشاكل كتير فى التوكيل و العربية باتيت هناك كذا مرة بس كل دا بردوا مفيش فايدة الفيها هوا الفيها"ده إللي بنقولوا من الصبح على الحدفة و الرجرجة و عدم الثبات و التوكيل




على فكرة انا سردت ما قاله أستاذ أحمد لتوضيح إن لكل عربية عيوب و لكل توكيل زلات و سقطات

بس العيب بجد إن عربية بقالها سنتين في السوق و لسة بتطلع فيها رجة و مشاكل طنابير و حدفة و مابتتحلش
و العيب بردة إن عربية زي النيو أكسنت تكون عربية ليها تاريخ و جاية من شركة لها تاريخ و يحصل فيها كل ده

على الأقل الاسبيرانزا كل مشاكلها التي قال عنها الملاك (عن تجربة حقيقية) التوكيل اعترف بيها و اتحلت من شهر 4 اللي فات قبل ما يمر على العربية 7 او 8 شهور في الشارع المصري العتيد

هناك بعض المشاكل الغريبة و التي أخبر عنها الأعضاء في سياراتهم ، هي ديه اللي غريبة و ممكن كانت السيارات ديه هي اللي فيها المشكلة والله أعلم كيف تجمعت كل المشاكل ديه في عربية واحدة!!!!!!!!!

إحنا دلوقتي اللي مسجل في الرابطة تخطي ال 66 عضو ، إتنين بس و نضيف ليهم استاذ VIP إللي كان في كونتاكت إللي إشتكوا من تجميع المشاكل الغريبة ديه في عربياتهم
يعني النسبة 3/66 = 4% فقط من حجم ملاك السيارة على هذا المنتدى فقط ، و أنا هنا بردة ما حسبتش و مجمعتش عدد الناس اللي اعرفهم خارج المنتدى و مبسوطين بالعربية، لو جمعتهم النسبة هاتنزل لحوالي 2% إن مكانش أقل

مع العلم إن حسب معلوماتي ان ال A516 لحد دلوقتي اتسلم منها في حدود 3000 عربية ماشية في الشارع (رقم غير مؤكد، استنتجتة من معرفة عدد العربيات التي احتاجت للتعديل قبل إنتاج شهر 4)
لو المشاكل بالحجم ده و بالفظاعة ديه كان مراكز الصيانة هايبقى عندها ضرب و خناق و زعيق و ده إللي مش حاصل، و كل لبيب بالإشارة يفهم

[3mr Farrag]

الخلاصــــــــــــــــــــــه علشان بقي الحوار ده طول اوي

و ياريت يا استاذ شريف تركز معايا بالذات :lol:

انا عن نفسي من الناس ولا بتحب الصيني ولا الكوري و بالاخص الهيونداي
شركه زبالــــــــــــــــــــــــه بجد...مش علشان معايا اكسنت اللي فيها عيوب الدنيا بقول كده
بس ده عن كلام ناس صحابي معاهم هيونداي...فيرنا علي النترا و كوبيه
يعني محدش عنده حجه بقي ....
نيجي مثلا للالنترا بتاعت استاذ شريف :lol:
من غير زعل انا شايفها حرام ادفع فيها الفلوس ديه....و عن تجربه العربيه معجبتنيش ...هي احلي حاجه فيها بصراحه قعدتها بس....اما النعومه فا مش نعمه ذي الياباني خالص ...و من ناحيه السحب ..اللنسر احسن منها
نيجي بقي لكلام صاحبها...بيروح التوكيل يجي كل 3 اسابيع :?
و غير تيل الفرامل يجي 3 مرات .....و مره شد بالعربيه مع واحد العربيه جابت زيت موتور و لما داس فرامل الفرامل باظيت من بعديها ...غير كان كل شويه بمشكله و كان بيروح التوكيل......
يعني عربيه عايزه اللي يحسس عاليها...و لو دوست عاليها شويه تفتح بقها

يعني يا استاذ شريف حضرتك مش اللي جايب من الاخر و اللي راكب العربيه اللي مافيهاش عيب

عايز تكلم في الكوري اخرك تتكلم علي الكيا بس

طيب و الله احيانا بخاف اقرص علي العربيه و بحس انها هتتفكك

اقولك علي حاجه يا استاذ شريف.....ذي ما حضرتك قلت لاصحاب الاسبرانزا انهم كان اخرهم راكبين 128 علشان كده فاكرين الاسبرانزا حلوه........
انا بقول كده علي اللي راكب هيونداي....غير اللي بيعترف و يقول عيوبها

[محمد صبري ابراهيم]

كلام حضرتك يا أستاذ عمر كلام منطقي جدا و يحترم تماما

كل عربية ليها عيوب ، صيني، كوري ، أي حاجة

و كل الصيني و الكوري ينتمي لنفس الفئة في التصنيف في جميع أنحاء العالم (عربيات متوسطة أو تحت المتوسط)

و يجب أن نعترف جميعا بده و نتعايش معاه من غير ما ندفن راسنا في الرمل

العربية ممكن تكون فيها عيوب، و ماله ما هو على قد فلوسها، إنما أدفع 90000 ألف و لا 80000 و في الآخر أقعد جنب العربية في التوكيل و مش بس كدة، أتخانق علشان أخد حقي!!!!!!!!!!!!!!!!!!!!!!!!!!!!!!!!!!!!!!

لأ دا أنا أدفع 60000 و أتعامل مع العربية على قد فلوسها و مستواها، و أكون كمان مبسوط بيها ، عربية زي ال 128 مش احسن عربية و لكنها زي ورقت البوسطة لو عايز تبعها هاتبعها و تكسب كمان

لازم نبص للأمور من زاوية أوسع شوية و نحط كل حاجة في مكانها الطبيعي و الصحيح

[محمد صبري ابراهيم]

كلام حضرتك يا أستاذ عمر كلام منطقي جدا و يحترم تماما

كل عربية ليها عيوب ، صيني، كوري ، أي حاجة

و كل الصيني و الكوري ينتمي لنفس الفئة في التصنيف في جميع أنحاء العالم (عربيات متوسطة أو تحت المتوسط)

و يجب أن نعترف جميعا بده و نتعايش معاه من غير ما ندفن راسنا في الرمل

العربية ممكن تكون فيها عيوب، و ماله ما هو على قد فلوسها، إنما أدفع 90000 ألف و لا 80000 و في الآخر أقعد جنب العربية في التوكيل و مش بس كدة، أتخانق علشان أخد حقي!!!!!!!!!!!!!!!!!!!!!!!!!!!!!!!!!!!!!!

لأ دا أنا أدفع 60000 و أتعامل مع العربية على قد فلوسها و مستواها، و أكون كمان مبسوط بيها ، عربية زي ال 128 مش احسن عربية و لكنها زي ورقت البوسطة لو عايز تبعها هاتبعها و تكسب كمان

لازم نبص للأمور من زاوية أوسع شوية و نحط كل حاجة في مكانها الطبيعي و الصحيح

[sokasoon]

والله العظيم العيوب اللى فى الاكسنت والفيرنا عرفتهم قبل ما اشترى اللانوس زيروو


وكنت فعلاا بفكر اشترى الفيرنا زيرو باردوو بس لما عرفت عيوبها من اصحابها


استبعدتها خالص واشتريت اللانوس زيرو والله العربية تمام وشغالة 10/10


ولحد دلوقت ماعملتش فيها الهوى رغم دلوقت لو جيت قارنت وفكرت


تشترى فيرنا ولا لانوس هتقول فيرنا والسبب اللى مش منطقى ان الدايوو انتاجها اخر سنة السنة دى


وطبعا مافيش عربية من غير عيوب


ولاكن فى عربية عيوبها بتظهر بسرعة وعربية لا وعربية عيوبها معقولة وعربية لا