تحذير عند الذهاب الي الصيانه

[evilwizard]

ياريت اي واحد يكون عنده مشكله و يروح الصيانه يتاكد ان المشكله اتصلحت لان امبارح في صيانه الالف كان عندي كام مشكله منهم ان النور الواطي في الفانوس الشمال مرمي علي تحت اوي.
واحد من البشوات اللي شغالين هناك كتب المشاكل في ورقه وكل حاجه تمام وبعد ما خلص سألناه كل حاجه تمام والنور اتظبط ؟ قال ايوه اتظبط
وطبعا لان احنا كنا الصبح مكنش ينفع نتاكد من كلامه . المهم بالليل واحنا بنجرب النور لاقيناه زى ما هو متصلحش ويمكن كمان اتنيل اكتر
في الاخر انا كنت عايز انضم للرابطه . المفروض اعمل ايه؟
احب في الاخر ابعت سلام لكل اعضاء المنتدي وخصوصا : ا/جنيدي و م/امر و م/كامل


م/محمد ناجي

[e1a2f]

اتفق مع سيادتك في هذا الموضوع وسبق ان نشرت تحذير بهذا الخصوص
واهلا وسهلا بك

[Abonora]

اهلا بحضرتك -- وانا وامر وكامل والجميع بيرحبوا بيك -بالنسبة للااشتراك فى الرابطة طبعا اهلا وسهلا -لا يوجد اى مانع ولكن هناك بعض الامور التى يجرى الان الانتهاء منها وبعدها سوف نحيطك علما بكل التفاصيل ----و بالنسبة لمشكلة التوكيل --يا ترى اتصلت بيهم ولا عملت اية لان مفروض ترجعلهم وتبلغهم بكل شىء -- وياريت تقولنا عملت اية--واى فرع فيهم --

[evilwizard]

شكلك كده يا ا/ جنيدي نسيتني :|
عموما انا طبعا اتصلت بيهم وقلتلهم الكلام ده مينفعش ودلوقتي انا اعرف ازاي ان باقي المشاكل اتحلت او حتي الزيت اتغير وللا لا . فقالولي تعالي في اي وقت عشان تصلح النور . امما لو عايز اتاكد ان كل حاجه اتعملت وللا لا اروح بعد اسبوعين

م/محمد ناجي

[Abonora]

مهندس محمد ناجى حبيبى والله وحشتنى جدا --ابدا انا لم انساك ولكن-evilwizard---هى اللى مكنتش واخد بالى منها--عموما حصل خير --ونورتنا يا باشا--وبعدين دة انا وامر وكامل صحابك--روح سجل نفسك بقى فى الرابطة --انا لسة شايف واحد متسجل من شوية --ح تلاقى الموضوع بتاع التسجيل --فى رسالة لامر فوق --اسمة رابطة الاسبيرانزا --بسم الله ----ما تغيبش بقى يا محمد-

[evilwizard]

الله يخليك وبجد والله كلكم واحشني واتمني اشوفكم قريبا ان شاء الله
هحاول ان انا مغيبش بس والله انا هبدا امتحانات يوم السبت القادم
ادعولي

م/محمد ناجي

[Abonora]

ربنا معاك وبالنجاح انشاء الله--ح ننتظرك بعد انتهاء فترة الامتحانات--وسلم على اخوك كتير :P