عداد السرعة فلى ال 516 وفهمونى لو سمحتم دة وهم ولا حقيقة

[MOMODENGER]

جماعة اولا السلام عليكم انا معايا العربية التى جننت العقول a516 وانا بقول كدة على سبيل التريقة لانها بالفعل جننتنى وكل يوم ليها مشكلة بس انا النوبة دة مشكلتى غريبة وهية انا عداد السرعة بيشتغل شوية ويرجع لما اطفى العربة واشغل تانى يشتغل المهم غيرت الحساس وبردة مفيش فايدة يعنى اتكلفت على الفاضى المهم امبارح شلت الفيشة بتاعة الحساس ولا قيت شى غريب جدا وهو ان العداد بردة شغال مع ان المفروض ان انا كدة لاغيت العداد .


ارجو من الاخوة تفسير الحالة الغريبة دى وكمان ارجو منهم تشفولى حل لانى بجد تعبن والحمد لله كل كل شئ

[Adham]

اية تانى من المشاكل قابلك من السيارة اللي جننت العقول ؟

[egypt0777]

اكشف عليه بالكمبيوتر احسن

عشان لو فيه حساس بايظ حيبان على الجهاز

[evram]

ده مشكله في العداد عايز سوفت وير و عمل كده عندي و تلاقي العداد بيطلع و ينزل لوحدوة و شغال و حاجات غريبه ده سوفت روح لواحد بتاع عدادات

[MOMODENGER]

الاخ افرام عاوز اعرف اخد منك اد اية بتاع العدادات وهوة فين لانى رحت للسيد احمد مهران وهو غير الحساس ولكن لاسف ما فى فايدة

[Adham]

انزل الحرفيين
روح ورا الجامع و اسأل على ورشة خالد كوستا

دة متخصص عدادات من سنين, كانت ورشتة الاول في جسر السويس ورا جنينة العرب و اصلا دة تربية و تعليم ورشة كوستا اللي في شامبليون

[evram]

اخد 120 جنيه و ده ايل انا روحتلوة في شارع احمد سعيد و راجل نضيف اوي و بيقف عندوة عربيات عاليه ده كانت واقفه تويتا كرولا و بي ام اخر موديل و بقولوة دي فيه مشاكل عدادات قايل دي فيه نصايب انت كده اسهل بكتير

[abdelrasoule]

عمل كده عندى وسبته وبعت العربية

[MOMODENGER]

عمل كده عندى وسبته وبعت العربية

انا كمان هبيع العربية بسببة ولا سباب اخرى كتيرة اوى فى الصينى ابو بق مفتوح اسف على المصطلحات بس انا تعبت

[Adham]

انا كمان هبيع العربية بسببة ولا سباب اخرى كتيرة اوى فى الصينى ابو بق مفتوح اسف على المصطلحات بس انا تعبت

انت راجل محترم

و صراحتك دي بجد نحترمها لأن كل اللي راكب عربية بيشكر فيها كأنها بنتة مهما كان فيها من عيوب و بيغالط و يقاوح و كأنها عندة فرخه بكشك, لدرجه تخالف العقل و المنطق, من عينة انة يقولك انها صالونها احسن من البي ام و ان صاجها اقوى من اللادا و ان موتورها احسن من موتور الفرنا و ان شكلها اشيك من اللانسر, بجد مش ممكن كم المغالطات اللي الواحد بقى بيسمعه من الناس, بجد أحييك و أحترم صراحتك جداً, ربنا يباركلك و يعوضك خيراً منها

[pharonicking]

مع احترامى لملاك العربيات الصينى الاغنياء اللى فلوسهم كتير
معلش استحملوا اكيد انتو عارفين ان دة حيحصل بعد فترة من استعمال العربية
ربنا معاكو

[MOMODENGER]

انت راجل محترم

و صراحتك دي بجد نحترمها لأن كل اللي راكب عربية بيشكر فيها كأنها بنتة مهما كان فيها من عيوب و بيغالط و يقاوح و كأنها عندة فرخه بكشك, لدرجه تخالف العقل و المنطق, من عينة انة يقولك انها صالونها احسن من البي ام و ان صاجها اقوى من اللادا و ان موتورها احسن من موتور الفرنا و ان شكلها اشيك من اللانسر, بجد مش ممكن كم المغالطات اللي الواحد بقى بيسمعه من الناس, بجد أحييك و أحترم صراحتك جداً, ربنا يباركلك و يعوضك خيراً منها

اسال الله ان يتقبل دعاءك وانا يبارك لى ولك ويعوض علية والحمد لله وحدة.