عظيم النيران من مستصغر الشرر m ولعت

[augast]

يا جماعة محتاج مساعدتكم كالعادة
يوم الاحد الظهر عربيتى ولعت وهى راكنة فى الجراج
بسبب شوية عيال بيلعبوا بالصواريخ

المهم علشان انا عملت محضر وهنزل اجيب صورة منه دلوقتى من نيابة 6 اكتوبر
انا مأمن على العربية اعمل ايه بالظبط

بجد انا محتاج المساعدة يا جماعة مع العلم بالتلفيات
اكصدام خلفى - شنظه على الصاج - الزجاج الخلفى فرقع - فانوس شمال خلفى - جزء من الرفرف الشمال و السقف

قدر الله و ما شاء فعل النار كلت العربية من ورة وسرحت شمال شوة بعيد عن التانك

انا مش عارف اعمل ايه دلوقتى اروح فين انا ورايا على طول
فرست كار وده عملت فيه صيانة الالف
ولا لازم ابو الفتوح ولا ايه
ولا اصلحها فين والحاجات دى موجودة ولا لئة وبكام لانى يعلم ربنا انا محتاج العربية اد ايه الفترة اللى جاية

[augast]

[hemaa_82]

لا حول ولا قوة الا بالله ......
المفروض ان اي مركز معتمد يقدر يتصرف بنفسه في قطع الغيار .... بس الفكرة لالزم تشوف الاول التأمين علشان لازم يصدق بالموافقة علي التكلفة قبل الاصلاح بدل ما تدفع انت

كان الله في العون .....


بس يا ريت لو شرح اكتر هو ازاي حصل الكلام ده

[kamalsalem]

لا حول ولا قوة الا بالله... ربنا يعينك ان شاء الله.. كلم شركة التأمين واسألهم ايه الاجراءات دلوقني

[egypt0777]

روح ابو رواش عشان هناك مخزن قطع الغيار للعربيات ولو فيه حاجة ناقصة ممكن يتصرفوا فيها غير فرست كار

[amrnagy]

لازم التامين يعاين وبعد كدة انت ممكن توديها التوكيل
ربنا معاك وان شاء الله تخلص علي طول

[medo2o1o]

3 عربيات فى المنتدى فى 3 ايام هو فى ايه احنا اتحسدنا ولا ايه
ربنا يعوض عليك

[aftr]

الف سلامه معلش وان شاء الله ترجع واحسن من الاول عليك على التامين الاول واعمل محضر بس شوف التامين الاول

[hugan]

ربنا يعوض عليك وترجع احسن من ا لاول
الصواريخ ممكن تولع في العربيه كده
حاجه غريبه بجد
ربنا يعينك

[evram]

ماهو يا باشا مش اي صواريخ ده في دلوقتي صواريخ زي الدناميت و ممكن تفجر

[ahmeddarhos]

ربنا يعينك على هذا الابتلاء.. و ان شاء الله تتصلح وترجع زى الأول و أحسن...
بس نصيحة لوجه الله سيبك من فرست كار و المراكز المعتمدة و ماتروحش غير أبورواش... رغم كل المساوىء و الزحمة بس بصراحة هو المكان الوحيد اللى الناس فيه فاهمين شوية...
ثانيا قطع الغيار للأم11 بالذات مش موجودة غير هناك ,, فبدل ما تعطل نفسك فى مركز معتمد لغاية لما يوفروها روح هناك أحسن..

و ان شاء الله ترجع تستمتع بعربيتك تانى...

[augast]

اشكر شعوركم
الموضوع بالتفصيل ان العيال ولاد الحلال بيلعبو بالصواريخ فبدل ميخلصو الكبريت ولا الولاعة قامو مولعين فى شوة اش
ورا العربية انا كان عندى كافر واتر بروف ( بتاع المرسيدس ) مسكت فية النار بسرعة وحصل اللى حصل

المهم ربنا يحاسب كل مهمل وكل ظالم وكمان يحاسب اللى بيتاجرو فى الصواريخ واللى صنعوها
انتو شايفين ان ابو رواش افضل اوك
لاصحاب الخبرات محتاج اعرف الوقت و التكلفة التقريبية والعربية هتتعاب ولا لأ

[hemaa_82]

هتبقي رشه برا بس .... و طالما كده كده العربية ماشية الحمد لله و مفيش اضرار داخلية هتبقي كأنها رشة نضافة .... ربنا يعديك علي خير ان شاء الله

[wisambasha]

3 عربيات فى المنتدى فى 3 ايام هو فى ايه ا

يكونش في حد بيراقب المنتدي وكل يوم بيولع في عربية احد الاعضاء

يعني نشيل الاستيكر من علي الازاز ونلغي العضوية ولا ايييييييييييييييه؟؟؟

ربنا يعينك علي هذا البلاء

[evram]

مين تاين عربيتوة ولعت يا جماعه