كل الى معاة الداهية a516

[MOMODENGER]

اسف لانى غصب عنى بقول عليها الداهية بس دة لسبب وهو انتى بشوف منها الويل وانا لية معاها كل شوية مشكلة اخرها ان العربية بتدور بالعافية وكمان بعد ال 3.5 rpm بحس انها بتتخنق وانا مغير كل الفلاتر والسيور والكاتية والزيت والبوجيهات وسلول البوجيهات وسوالى يا هنا هل تاخير الدوارة لية علاقة بالخنقة ؟ والسوال التانى اعمل اية فى تاخير الدوارة لانة ممكن يبوظ المارش ؟ واروح لمين عشان انا واللة تعبيت وانا كنت بحب العربية اوى اوى ودة الى مصبرنى عبيها

[m_elkhishin]

ممكن يكون الخنقة وتأخير الدوارة بسبب ضعف في طلمبة البنزين أو انسداد في خط البنزين

[MOMODENGER]

اشكرك جدا على الرد وتفتكر انسداد البنزين دة لية حل ؟

[dramir1]

ممكن تكون البوابه عايزه تتنضف...روح لميكانيكي شاطر قوله اكشفلي على دورة البنزين ونضفلي البوابه...وطمنا عملت ايه

[evram]

لسه كنت عايز اسال حضرتك في الموبيل السحب عامل ايه لو ضعف و في تاخير في الدوارة ده يا باشا بعد سوال المهندس بتاع محل قطع الغيار دي طرمبه البنزين

[TAMERHASSAN]

بص يا باشا انا عربيتى عملت كدة قبل العيد مبدرش علي طول بطىء في السحب وخاصه على النقله التانيه وال ار بى ام بيعلى بصعوبه اولا اكشف على الطرمبه البنزين بتغيرها بواحده استعمال وجرب لو لم يحدث تغيير رجعها وخد فلوسك وفهمه ان العيب مش منها زي اللى حصل معايا ثانيا والاهم نظف حساس الكرنك وشوف طنبوره الكرنك هل محتاجه تغيير لانها مسؤله عن دوران العربيه مع المرش ممكن يكون عليها تراكمات

[MOMODENGER]

معلشى فين حساس الكرنك واية تقصد بالتراكمات الى علية

[TAMERHASSAN]

انا عندي في النوبيرا بيمر عليه سير الدينامو وهوا عباره عن ترس امامه حساس (يشبه القلم الرصاص) ممكن تكون اتربه او زيوت عليه انت روح لميكانى شاطر وقله على الموضوع ده وعلى فكره لما بتشغل التكييف العربيه سحبها بيقل خالص

[MOMODENGER]

شكرا انا باذن المولى هروح يوم الجمعة واكشف على الطرمبة بس عاوز افهم حاجة انا غيرت الpump بتاع الطرمبة انت شايف ان كدة كفاية ولا اكشف على اية تانى

[ahmad--ezzat]

اجرى ارميها للتوكيل واعمل مشكله...التوكيلات مبتجيش غير بالزعيق وقله الادب اسألنى انا

[MOMODENGER]

انا مش بروح التوكيل الزبالة دة وعلى فكرة العربية دة كلها مشاكل صدقونى ومحدش يجربها ولا يشتريها النوبيرا بعينها ولا اية

[TAMERHASSAN]

انا معرفش موضوع الطرمبه بصراحه بس اعمل حضرتك زى منا وصفتلك وربنا يهديك لما هو خير

[TAMERHASSAN]

النوبيرا عربيه ممتازه ايه رائيك فى الفيرنا انا عايز اجيب واحده

[MOMODENGER]

اعتقد ان النوبيرا اروع من الفيرنا لانم الفيرنا ناس كتير مش بيشكرو فيها

[egypt0777]