فيوز الولاعة فى516

[alfyfouad]

النهارده صلحت فيوز الولاعة لأنه كان محروق من شهر
و قولت أصور مكانه علشان أعضاء المنتدى اللى بيحبوا يصلحوا الأعطال البسيطة بنفسهم
و الصورة مرفقة
ملحوظة
الفيوز فى الصورة مفكوك
يعنى مكانه فاضى

سعر الفيوز فى شارع دمشق 15 جنية

[aftr]

هو نفس فيوز m11 اصل الولاعه مش شغاله وشكر المعلومه القيمه دى

[egypt0777]

الله ينور عليك

شكرا على المعلومة

[alfyfouad]

هو نفس فيوز m11 اصل الولاعه مش شغاله وشكر المعلومه القيمه دى

للأسف مش عارف
لكن الفيوز من فوق بلاستيك شفاف بيبان اذا فيه قطع فى السلك اللى جوه
يعنى ممكن تشوف الفيوزات كلها و هى راكبه بدون ما تفكها من مكانها

الكهربائى طلع عينه لغاية ما وصل له
و كان هيفك علبة الفيوزات اللى تحت التابلوه من جهة السواق
لكن الحمد لله جت سليمة
علشان كده قولت ممكن حد غيرى يستفيد بالمعلومه

و كمان ممكن أى حد بصلح عربيته يصور لنا القطع اللى بتتغير و مكانها فى العربية علشان كلنا نستفيد

[alfyfouad]

الله ينور عليك

شكرا على المعلومة

يا باشا أشكرك على مرورك
أنا عارف أنك ضد العربية دى
و قريت تعليقاتك لما كنت بأفكر و قبل ما أشترى العربية
و مع ذلك أشتريت العربية

مشاكل العربية هى الأتى :-
1- التوكيل زبااااااااااااالة
2- العربية صينى يعنى ماتتوقعش أداء عربية مرسيدس
3- عفشة زى الزفت لكن بتتصلح بملليم (خارج التوكيل)
4- بريستجها زفت طبعا لأن معروف أن سيادتك راكب عربية صينى و مش قادر تشترى عربية غالية

مزايا العربية
1- كل الكماليات اللى تتخيلها اللى مش موجوده فى أى عربية تمنها لغاية 100 ألف جنية
2- العربية من الفئة الكبيرة فعلا (طول و عرض و أرتفاع)
3- أداء العربية راائع جدا و سرعتها عالية جدا جدا (لكن مافيش سرعة تجميع)
4- أستهلاك معقول للبنزين
5- ثبات العربية على الطريق رااااااائع
6- قطع غيارها موجوده فى السوق و رخيصة جدا بالمقارنة بأى عربية تانية (البركة فى التاكسيات)
7- صالون و تابلوة أكتر من رائع

ده تقييم محايد للعربية عن تجربتى الشخصية و دون التأثر بكلامك أو كلام الناس اللى بتأييد العربية و من أولهم الأستاذ / افرام

[kh952]

الف الف الف الف شكر على هذه المعلومة
تصدق بالله كانت عندى المشكلة دى فى a516
وروحت التوكيل واخذ حوالى ساعتين وبردو معرفهاش وفى الاخر عملى سلكة خارجية واخذ حوالى 100 جنية
اية رايك ياباشا فى المصيبة دى
وللعلم بعد ما قرات حل المشكلة هنا لاقيت الفيوز فعلا فية قطع