516 بعد تجربة سنوات بكل حيادية وشوية اعجاب

[ALshahba]

مش حطول كتير ,لكن باختصار انا كانت معايا وطبعا عملت حادث بيها خطير زي اللي شايفينه فى الصوره والحمد لله الحمد لله خرجت منها سليم
كنت جايبها مو2007 والحادث كان فى 2009 والتأمين اخد العربيه واداني القيمة التعويضيه ومن ساعتها وانا مش معايا عربيه لظروف سفري المتقطع ودلوقت بفكر فى عربيه تانيه وبجد حابب جدا 620 وببعد عن 516 للتغيير مش اكتر , واحب اضيف انها عربيه جيده جدا وقويه جدا ومحتاجه تعديل للفرامل مع abs لان من غيره فراملها حديد
وانا كنت ناوي اشتري ميجان مستعمله او كليو جديده او 620 لان كلهم في حدود 80الف وانا يا جماعه بقالي كزا يوم بقرأ فى صفحات الرينو بالنوعين دول, والمشاكل كتير جدا فيهم وصحيح انها كلها بتتصلح ولكن تمنها غالي جدا والتقليد بتاعهم اغلي من الاسبيرانزا ,طبعا فارق الفرنساوي عن الصيني, لكن يا جماعه بكل حياديه العربيه دي مش وحشه اوي زي ما الناس بتشتكي لان الانواع الاخري ومن ضمنها الاوربي مشاكله كتيره اوي وغالي جدا ولكن الناس بتبلعله الزلط لان اسمه "اوروبي"
وبقول لحضراتكم هاتو اي عربيه في الفئه السعريه دي وقارنوها باي اسبيرانزا حتلاقو الاسبيرانزا افضل, ولا انكر ان فيها عيوب تنرفز والتوكيل بيخنق الناس
معلش طولت بس حبيت الخص لكم نجربتي مع الاسبيرانزا والتفكير فى الميجان والاختلافات اللي قابلتني (مع اني لسه بفكر فى الميجان) الاقي ان الاسبيرانزا تعد افضل عربيه فى سعرها ومركز لابأس به فى سعتها اللتريه وجيده جدا فى اسعار قطع غيارها

تقبلوا مروري

[esam722]

اولا شكرا على التقرير الممتاز دة وفعلا ال516 عربية ممتازة انا معايا التيجو 1600 واخويا لسة جايب ال516من اسبوع من حيث التابلوة والتقفيل الداخلى ال516 تكسب لكن التيجو مختلفة طبعا لان كل سيارات الصالون بغض النظر عن اختلاف الماركات تحس انهم واحد بس التيجو تشد النظر دة بالاضافة للامكانيات وبسعر النيو اكسنت والافيو وال516 تتفوق عليهم فى الكماليات ده الكورى يارجالة بيعتبر الساعة من ضمن الكماليات شوفت البخل ساعة ب50 جنية من الكماليات اسف للاطالة

[amrfox2002eg]

شكرا للتقيم الجميل ونقل التجربة الرائع

[ALshahba]

شكرا يا جماعه علي تعليقاتكم الجميله
لكن انا بصراحه فى جعبتي الكثير والكثير عن السيارات الاخري ومن ضمنها الياباني والاوروبي لاني كما تعلمون بدور فى الفئات الاخري وبحاول اترك سوق اسبرانزا شويه....الاقي ان اغلب السيارات الاخري فيها نفس المشاكل واكتر وهي سيارات عمرها فى الاسواق يتعدي العقد الثالث والاسبيرانزا (بجميع انواعها) لاتتعدي بضع سنوات والهجوم عليها لاينقطع
ولذلك بقول لكل الذي لايحب هذه السياره او الصيني العام....رجاءا لاتفكر فى نوعية هذه السيارات واذهب لما ترتاح له من اوروبي او اسيوي واشتري مايحلو لك منه واترك اهل الصيني لما هم عليه ولا تبالغ فى التعليق الشديد علي الصيني

تحياتي

[ALshahba]

اولا شكرا على التقرير الممتاز دة وفعلا ال516 عربية ممتازة انا معايا التيجو 1600 واخويا لسة جايب ال516من اسبوع من حيث التابلوة والتقفيل الداخلى ال516 تكسب لكن التيجو مختلفة طبعا لان كل سيارات الصالون بغض النظر عن اختلاف الماركات تحس انهم واحد بس التيجو تشد النظر دة بالاضافة للامكانيات وبسعر النيو اكسنت والافيو وال516 تتفوق عليهم فى الكماليات ده الكورى يارجالة بيعتبر الساعة من ضمن الكماليات شوفت البخل ساعة ب50 جنية من الكماليات اسف للاطالة

شكرا جدا لحضرتك
ولعلمك انا من خطتي ...التيجو بكل انواعها

لاتنسانا من نقل خبرتك مع التيجو بكل حياديه

[sedmam]

كلام جميل بس فعلا عايزين حد يقول كلمة واحده نشتريها ولا لا علشان فى تناقد فى كل الكلام عايزين راي قووووى

[medo99_pc]

توكل على الله واشتريها
وان شاء الله مش هتندم

[ALshahba]

سألت فى التوكيل عن 516 الجيده وقالو لي ان العفشه اصبحت معدله واخف بقليل من سابقها لتلائم الزبائن مع الحفاظ علي ثبات السياره

وتقديري ان من يريد شرائها فليتوكل علي الله ويشتري ولا يتردد وايضا لا يتوقع فيها انها خرافيه او يتحدي بها السيارات الاوروبيه
ولكن سيتمتع بها ويشعر فيها بالجديد والراحه

والله الموفق

[ahmed1981]

ألف شكر على التقرير المفصل

[madinabaza]

انا ناوي ان شاء الله اشتري عربية يا جماعة وانا دلوقتي محتار بين ال516 وبين النوبيرا او الشوما تنصحوني بايه؟؟

[ALshahba]

انا ناوي ان شاء الله اشتري عربية يا جماعة وانا دلوقتي محتار بين ال516 وبين النوبيرا او الشوما تنصحوني بايه؟؟

توكل علي لله وخذ 516 موديل2011 لما فيها من كماليات اعلي واقل سعر

[mmmmgogommmm]

اشترى 516 على بركة اللة ------انا كنت كارهها ولما اشترتها حبيتها --ناعمة سلسة موتور قوى--جسم قوى--فخمة---توكل على اللة 2011 ناعمة

[madinabaza]

اشترى 516 على بركة الله ------انا كنت كارهها ولما اشترتها حبيتها --ناعمة سلسة موتور قوى--جسم قوى--فخمة---توكل على الله 2011 ناعمة

بس انا مش هقدر اجيب 2011 انا ممكن اجيب 2008 او 2009 كويسة الموديل ده ولا في عيوب ؟؟لاان انا مش معايا غير من 45000 ل 50000