Tweet
انا الحمدلله جبت تيجو 1600 بعد استخارة الله سبحانه و تعالى و سؤال كثير من ملاكها و الان عملت الالف كيلو و العربية ممتازة جدا بصراحة الحمدلله ربنا يبارك فيها و يكفينا شرها معنديش اى مشاكل فيها غير حاجتين اولا صوت تزييقة فى الدبرياج بيروح و يجى ودى غالبا السوستة عايزة تتشحم كويس لانها كانت عندى قبل كده فى الالنترا نفس المشكلة اما الحاجة التانية هو ماكينة رفع الازاز لما بقفل الريموت و يكون الازاز مفتوح مبيقفلش الا لو فضلت دايس على الريموت على الرغم من ان عربية زوجتى اسبرانزا a113 ومع ذلك الزجاج كله بيترفع لوحده بمجرد قفل الريموت فانا مش عارف هل ده تصميم التيجو ولا ماكينة الرفع عايزة تظبيط عشان اظبطها فى صيانة الالف فياريت اصحاب التيجو يفيدونى فى الموضوع ده اما عن العربية فانا شايف ان موديل 2011 من حيث الفرش جلد ممتاز الكاسيت رائع و سماعات محترمة جدا طارة الدركسيون برضه متبطنة ممتاز الفامية كمان بيقلل من حرارة العربية جدا مشكلة قفل الابواب محلولة فى موديل 2011 الابواب ممتازة العفشة رائعة و تزييق الكراسى برضه متظبط فى الموديل الجديد بصراحة العربية ممتازة و الله نصيحة لوجه الله اللى معاه فلوس ميضيعهاش فى عربيات فوق ال 100 و متستاهلش بدون ذكر اسماء عشان محدش يزعل منى لان بامانة التيجو عربية هى الافضل فى فئتها و سعرها على الاطلاق عربية فوق الممتازة فى ناس كانت بتشتكى من ضعف التكييف و انا فعلا حسيت بده فى الاول بس طلعت مش واخد بالى انى ادوس على زرار الدايرة المغلقة للتكيف لكن لما دست عليه حسيت انى فى تلاجة والله و اتحدى اى واحد يتحمل المروحة على اكثر من الدرجة التانية فى عز الحر و الا هيتلج وعلى فكرة انا عشت فى الكويت و ركبت عربيات هناك مبنشفهاش فى مصر و عارف التكييف الخليجى و اقولكم التكييف فى التيجو جيد جدا مش هنقول جبار زى الخليجى لكن بالنسبة لجو مصر الذى لا يقارن بالحليج جيث الحرارة 57 فى الصيف يعتبر مثالى لجو مصر
-
-
للاسف وحدات الرفع في الاسبرانزا غااااااااااااااااااابيه اوي في الموضوع دا لازم تغير وحدات الرفع
انا معايا ال 516 و جايبها من واحد كان مغيرلها وحدات الرفع و صدقني بتفرق جامد يعني ممكن تقفل العربيه و تنسي الزجاج مفتوح او حاجه زي كدا -
ربنا يباركلك فيها رش اسبراى w40 ده بيعمل تشحيم بس على شكل سائل و ادعيلى _ ب 20 ج فى اى محطة بنزين و هو مستورد مش مصرى الزجاج انا فى راى ان الاوبشن ده ممتاز عشان ان سعات بحب اسيب الاولاد فى العربية و بقفل اللوك عشان محدش ينزل من العربية -- وطبعا الزجاج لا يقفل و اضمن ان مفيش حد حيتخنق فى العربية و سعات ادوس على الريموت فاقفل الزجاج كله لحد النص و ارفع ايدى الزجاج يقع == يعنى امان للاولاد == فده بالنسبالى ميزه حلوه قد لا يراها احد تانى ممتازة حاول تستمتع بعربيتك ولا املك لك غير ربنا يباركاك فيها و يكفيك شر ابو الفتوحComment
-
egypt0777 والله يا باشا هو الازاز مفهوش حاجة مش محتاج تشحيم هو مفيش منه اى صوت اطلاقا بس كل اللى كنت عايز اعرفه ان الاوبشن نازل كده ولا هو المفروض بيقفل لوحده لان عربية زوجتى 113 و بيقفل لوحده رغم انها اسبرانزا فئة اقل و على كلامك فعلا الاوبشن كده يبقى افضل بس انا كنت خايف ان طول الدوسة على الريموت تبوظهComment
-
اسف لو حضرتك تقصد الدبرياج ارش السائل ده فين بالظبطComment
-
بالضبط انا كان عندى صوت و رشيته على دواسة الدبرياج من فوق على السوست و المفصلات الللى ماسكة الدبرياج وكله تمامالمشاركة الأصلية كتبت بواسطة drmoag مشاهدة المشاركةComment
-
لا تخاف ان شاء الله مش حيبوظ و استمتع بالابوبشن ده وعلى فكرة مدى الرموت كبيرالمشاركة الأصلية كتبت بواسطة drmoag مشاهدة المشاركةComment
-
ممتاز يا باشا نجيب السائل اليوم باذن الله من اى محطو نجربهComment
-
دائره التكييف المغلقه
صح[SIGPIC][/SIGPIC] ياتقول كلام في محله يا تقول حلو ياحلو
[url]/photos/a.879931698703941.1073741827.879900435373734/879931905370587/?type=1[/url]Comment
-
الف شكر يا باشا egypt0777 تم شراء w40 وفعلا الدبرياج مبقالوش صوت خالص شكرا جزيلاComment
-
ايوه .. وحدة الرفع عندي لازم تفضل دايس
هو موديل 2011 نزل رسمي؟ يعني مكتوب في الرخصة 2011 ؟
انا شفتها بس قالولي لسه علي اخر الشهر .. بس ملفهاش حاجة عن اللي نزلت في 2010 ( ام زجاج فيميه زي بتاعتي لأن نزلت دفعة ف أخر 2009 عادي ب 80000 )
بالمناسبة سعرها اتغير؟ ولا لأ؟[FONT="Comic Sans MS"][B]To Get The Best In Life
You Have To Start With Yourself
And Do Your .. BEST :B4_033:[/B][/FONT]Comment
-
hegazio ايه باشا مختفى فين دانا كنت مستنى تباركلى من فترة بس انت مكنتش فى المنتدى والله دانا جبتها من كلامك عليها بس بصراحة حاسس انى احسنت الاخاتيار بس ياباشا هى فى الرخصة 2011 بس هى نسخة 2010 مفيش اى فرق خالص انا جبتها قبل العيد بيوم واحد ده كان اول يوم تنزل برخص 2011 انا جبتها من التلبانى الموزع المعتمد لابو الفتوح زى ابوغالى على 82000 هو الراجل عمل واجب فى الف جنية عشان معرفة والدى اديته الفولس وتانى يوم جبهالى من المصنع لان مفيش فى المخازن 1600 لان عليها طلب كبير اما ابوغالى قاللى تحجز و تستلم بعد 3 اسابيع المهم ان سعرها فى التوكيل زى ماهو 83000 بس فى معارض بتزود 500 جنيه من ساعة ما نزلت 2011 و الف شكر على سؤالك يا باشاComment
-
الف مبروك يا جميل
عقبال ما تعمل زيي بقي
عتب حصيرة ( زي بتاع اللاند كروزر ) دفندر و هوك خلفي ( بلاش أمامي عشان المرور ) فرش جلد ....
ضروري تروح محطة بنزين ( سيبك من ابو الفتوح ) نزل زيت الفتيس كله ( عشان تخلص من أي رايش ) و حط جديد ( موبيل 80-90 ) زي بتاع ابو الفتوح ( حتلاقي الزيت كان ناقص !)
فك بإيدك غطا قاعدة الفتيس ( سهلة ما تخافش ) و ضيف حاجة زي STP oil treatment عشان تسهل حركة العصاية
خلي حد ينفس العجل ( عالأخر ) و يزوده نيتروجين ( من مكنة نضيقة ) .. ولو اني مش مقتنع بس بالمرة
و ربنا يبارك لك[FONT="Comic Sans MS"][B]To Get The Best In Life
You Have To Start With Yourself
And Do Your .. BEST :B4_033:[/B][/FONT]Comment
-
hegazio علم يا باشا و جارى التنفيذComment
Comment