سؤال بخصوص التيجو

[amm70]

ماهو الفرق بين التيجو 2010 و2011
اوتوماتيك 2000
وهل الاسعار كما هي ومن اين تنصحوني بالشراء
وشكرا

[drmoag]

زى ما هى يا باشا و مفيش اى فرق غير عتب و اكصدام امامى لو عايز تضيفهم ب 2500 جنية و دول مبيتثبتوش على الرخصة فمرضتش اركبهم غير كده العربية نفس العربية بس زادت 500 جنية فى بعض المعارض فقط لكن التوكيل سعره ثابت

[amm70]

الف شكر ياباشا وبارك الله لك فيها
ياريت تبقي تقولي رايك في العربيه بعد الاستخدام

[said.d.y]

زى ماقال صديقنا العزيز ، مفيش اى فرق
والعربية معايا من 1/1/2009 وعامل بيها 23 الف كم، وهى عربية جيدة جداً فى المجمل وليست ممتازة
وعيبوها محدودة وموش قاتلة، واغلبها نتيجة سوء التقفيل والعفشة ناشفة شوية.
وبالنسبة لسعرها فانتى راكب قيمة اعلى من المبلغ المدفوع.
ويفضل لو مفيش فرق فى السعر تشتريها من ابو الفتوح
واى استفسار انا تحت أمرك، ولو عاوز تجرب العربية قبل ما تشتريها أهلاً بيك وحدد الوقت والمكان ال يناسبك

[mkamel52]

أنا لا أنصحك بالشراء , نصيحة.. جربها وبعدين قرر ، ماتفرحش إنك عايز عربية عالية وبس ولا قيتها فى التيجو ،صدقنى .. جرب تسوقها 100 متر بس وبعدين قرر .. لا مؤاخذة ياجماعة محدش يزعل منى لأنها معايا وأنا محبط منها ومن ثقل حركتها

[attiahf]

لو الموضوع الفلوس هو الفيصل فمفيش غير العربية دى فى الفئة المطلوبة
بس لو الفلوس مش مشكلة عندك اختيرين بس اعلى شوسة
1- يابانى: دايهتسو تريوس
2- اوربى: رينو داستر

والاسعار بالنسبلهم متقاربة بس يمكن الرينو داستر لسة جديدة بس اعتقد انها احلى واحدة (العربية عاملة حوالى 114 الف للجر الخلفى)