####### دليل أعطال التيجو #######

[EhabVet]

السلام عليكم ورحمة الله وبركاته
إخواني الأعزاء .. طبعا كلنا شايفين التناقض التام في الكلام عن العربيات الصيني بشكل عام والاسبرانزا وبالذات التيجو بشكل خاص
كل ما يدخل واحد محتار يسأل عن التيجو .. بدل مايوصل لحل يزداد حيرة على حيرته
والسبب إن في ناس عمالة تشتم عمال على بطال بدون تجربة
وناس منحازة زيادة عن الازم وبترد على الناس التانيين
يقوم التانيين ردين على الأولنيين .. والأولنيين ردين على رد التانيين ........ وهكذا .. لحد ما الكل تاه في وسط هذه الصراعات
حتى اللي عايز يتكلم بحيادية بيقول وجه نظره الشخصية ومن خلال تجربته مع عربيته فقط
لكن الناس عايزين أكتر من كده
عايزين نظرة عامه ومنظمه على المشاكل اللي قابلت ملاك التيجو في عربياتهم
عشان نقدر ناخد انطباع عام عنها
عشان كده أعجبت جدا بفكرة أحد الأخوة وهو الأخ أبو مروان اللي اقترح عمل دليل شامل ومنظم لأعطال التيجو زي اللي معمول في أقسام تانية زي الدايو مثلا وناجح جدا هناك
ويكون الموضوع بمشاركة الأخوة ملاك التيجو إن كل واحد قابلته مشكلة يذكرها كالآتي:

موديل السيارة:
أول يد - أو ثانى يد ..... الخ:
عدد الكيلو مترات:
وقت العطل (اذا امكن):
السعة اللترية:
وصف المشكلة أو العطل :
تكلفة الاصلاح :
تكلفة قطع الغيار ان وجدت :
تحديد مكان الاصلاح (خاصة اذا كان خارج التوكيل):
هل تم الاصلاح ام مازالت المشكلة قائمة:

ثم يذكر أي ملاحظات أخرى يحب أن يضيفها
فياريت ملاك التيجو يكونوا ايجابيين أكتر ويشاركوا في هذا الموضوع حتى تعم الفائدة على الجميع
وجزاكم الله خيرا جميعا
وخصوصا صاحب الفكرة أخونا أبو مروان
وبانتظار مشاركتكم


د. أيهاب

[EhabVet]

انتو فين يا أهل التيجو
ولا مشاركة لحد دلوقتي ؟؟؟
أكيد حاجة من اتنين
يا إما نايمين في الخط
يا إما التيجو بقى عربية معجزة ومحصلش فيها أعطال مع حد منكم لحد دلوقتي !!!!

د.إيهاب

[atefadel]

انا كان نفسي حد يرد عليا في هذا الموضوع من سنة قبل شراء الصني سوبر صالون

[menaash]

معايا التيجو 1600 من 8 شهور عاملة 10000 العربية جميلة جدا بالنسبة لسعرها وهذا سبب انتشاراها وليس الوكيل . لان هو ده العيب الرئيسى . مراكز الصيانة وعدم توفر قطع الغيار فبها . طلمبة الباور باظت عندى عند 4000 كيلو ولغاية النهاردة مفيش طلمبة باور واحدة لدى السيد الوكيل المحترم ومراكز صيانته العديدة . والعديد من شكاوى قطع الغيار فى الضمان يمكن لاى احد سماعها بنفسه من اصحابها لو عمل زيارة لأى مركز خدمة وتحاور مع اصحاب السيارات الموجودين . الخلاصة وعن تجربة ان اللى يشترى العربية يعتبر ان ليس لها ضمان (زى المستعمل) وعند الحاجة للصيانة يتعامل مع ورشة محترمة غير مراكز الخدمة التى لاتحترم وعودها والتزامتها ولا تحترم العميل اصلا.
لان اعتقد ان شعار ابو الفتوح هو ... لا لاحترام العميل واللى اشترى من عندنا ملوش ضمان عندنا



ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة