نبتدى البداية العملية

[RAAFAT10]

طبعا كان من الملاحظ فى معظم المشاركات عن العربية هو النقد والشك فى أعتماديتها من كل النواحى بالرغم من وجو د يعض المميزات عن عربيات أخرى .عموما أعتقد جة الوقت لكى نتعدى هذة المرحلة وندخل فى المرحلة العملية المفيدة لأنى أستنتجت من كل المشاركات أن العربية معقولة زى أى عربية ليها مميزاتها وعيوبها ومش وحشة , وأعتقد أن جة الوقت للأنتقال للمرحلة العملية وهى تبادل الخبرات فى أسباب الأعطال وكيفية أصلاح الأعطال البسيطة ومعرفة أسبابها ,على الأقل عند الذهاب الى أى ميكانيكى نبقى عارفين أية المشكلة وحلها أزاى حتى نتجنب أعمال الصيانة الخاطأة اللى ممكن الميكانيكى يتسبب بها وكمان مابيقاش الواحد مسلم نفسة لحد يلعب بية ونتحرر شوية من سيطرة التوكيل ونقرر أمتى نروح التوكيل وأمنى نوديها لمكانيكى عادى ونبقى عارفين اللى بيشتغل فى العربية بيشتغل صح ولا لأ , فممكن كل واحد قا بلتة مشكلة فى العربية يكتب بالتفصيل أية هى كانت المشكلة وكيفية حلها بالتفصيل أو ممكن واحد يدخل على النت ويبحث فى الأعطال ويكتب بحثة والمواقع التى تتعرض للسيارة من ناحية قطع الغيار وأصلاح الأعطال وفك وتركيب الأجزاء وغير ذلك وبمرور الوقت هتتكون لدينا موسوعة لأعطال العربية يتمكن الكثيرين من الأستفادة منها وفى نفس الوقت مرجع لهواة الميكانيكا لأصلاح أعطالهم بأيديهم وأنا واحد منهم ,
ولكدة بأعتقد كفابة اللى وصلنالة فى المرحلة الأولى ولو أتفقنا على المرحلة العملبة التانية أظن يدل ما كنا ندخل على قسم الأسبرانزا نلاقى مشاركة ولا أتنين هنلاقى عشرات المشاركات الممتعة ونتعرف على ناس أكثر وربما نحصل على كثير من الصداقات الجديدة التى ربما تدوم طول العمر . تحياتى لكم جميعا

[hugan]

المشكله انا في ناس كتير لسه مش عايزه تتخطي المرحله الاولي
وهي هل فعلا الاسبرانزا بجميع فئاتها عربيه ناجحه ولا لا
طبعا هما مش شايفين او مش بيمشوا في الشارع علشان يعرفو ان كانت نجحت ام لا
لكن كلامك صح
العربيه تعدت مرحله الانتشار والبدايه واصبح لها وجود
وتخطت مرحله نعم اولا من زمان
ومناقشه المشاكل والحلول الان هو الشيء الطبيعي والصح
الله ينور

[ahmedadel209]

طيب ايه راى حضرتك كمالك للاسبرانزا الرينو لوجان احسن ولا اسبرانزا 516

لانى محتار بين العربيتيتن و مش عارف اختار

[hugan]

والله يا خي
انا مش هاقدر اقولك مين احسن
لكن اللوجان عربيه ليها اسم
طبعا رينو اسم عريق وكبير
لكن ليها مشاكلها الكتير
والمنتدي مليان من قطع غيار المرتفعه الاسعار جدا
الي التكنولو جيا المعقده
وفي ناس بتحبها وانتشرت هي الاخري
الحكم حسب الهوي وانت ميال للوجان ولا اسبرانزا
في رائي الشخصي انا
الا سبرانزا افضل

[egypt0777]

للعلم اللوجن ده مش رينو ده الداتشيا بتاعت رومانين

وبصراحة لو حالة ال 516 متجمعة بضمير واحد يعرف ربنا و يوحده

يبقى اللوجن ده كبرها علاقة تتعلق فى مراية صالون ال 516

[RAAFAT10]

هو فعلا الكلام دة صحيح لو العربية دى متقفلة صح ومتنفنشة بدرجة عالية تبقى مش ناقصها حاجة بس دى سمة الصناعة المصرية فى كل حاجة عدم التفنيش الجيد مع أنها حاجة مش صعبة ,ولا علشان هى للسوق المحلى فمش مهم الشعب واخد على كدة ومش بيعترض , يعنى ممكن نلاقى أهم شىء فى الصناعة الصينية هى التفنيش الجيد اللى يخلى المشترى يرجع يشترى نفس السلعة بالرغم من عمرها القصير بس فى مقابل كدة بيدهالك يسعر رخيص يتناسب مع سعرها

[medo99_pc]

كلام تمام ونفسى فيه من زمان عشان فعلا كل ما ادخل على معظم المواضيع الاقى شيتمة وسب فى العربية للصبح وناس ببتريق وناس مش عاجبها وهكذا ..

وممكن عشان كده ناس كتير عندهم العربية ومش بيكتبوا فى منتدى الاسبيرانزا عشان جالهم احباط من منظر المشاركات وكلام السادة الأعضاء الأفاضل


ممكن نبدأ

[rzk]

اهو دة كلام الناس العاقله العربيه انتشرت واصبح ليه اسم فى زمن قليل وكفايه بقى كلام لا يودى ولايجيب المهم حد يعرف ميكانيكى كويس وكهربائى ايضا فى الاسكندريه لظروف الطوارى لا قدر الله

[RAAFAT10]

كدة يبقى الصح طالما العربية معانا نتعامل معاها بالطريقة العملية حتى ولو فيها عيوب هنتغلب عليها ومش هتعتبر مشكلة خصوصا هى عيوب مش جوهرية ومع, تبادل الخبرات ممكن نتجنبها ومتحصلش , فلو حد من أصحاب العربية القدامى يتفضل وما يبخلش علينا فى أنة يكتب تجربة يكون مر بيها فىأصلاح عطل قد واجهه حتى ولو كان بسيط وكيف قام بأصلاحة ,وأتعامل مع مين . ومين كان فاهم ومين كان مش فاهم وبيعمل شغل أى كلام علشان نتجنب الأخطاء , لأن ممكن الخطأ اللى يعملة حد مش فاهم يخليك تكرة العربية ومترجعش زى ما كانت ويكلفك فلوس كتير بدون لازمة وفى الأخر نجيب العيب على العربية فى حين أن السبب الرئيسى للمشكلة هو أساسا بسبب اللى أشتغل فيها وطبعا صاحب العربية لو ما عندوش خبرة عربيتة ممكن تتخرب أمامة وهو مش عارف حاجة .فأنا أدعوا كل أصحاب السيارة القدامى للمساهمة معنا فى أنشاء قسم خاص لأعطال ال 516 حتى يصبح لدينا مرجع لحلول الأعطال ,حتى على الأقل عند الذهاب الى الفنى تبقى عارف سبب المشكلة وأنت اللى تقلة الشغل اللى يعملة علشان نتجنب الأستغلال وزى ما أنتوا فاهمين أية اللى بيحصل من الميكانيكية . ودمتم على خير

[hzmmmk]

الدليل الشامل لاعطال 516

أنا شوفت فى قسم رينو لوجان الدليل الشامل لاعطال اللوجان ليه ما يعملش ملاك الاسبيرانزا دليل مثله
يعنى مثلا نوع العطل , مظاهر العطل, طريقة الاصلاح, تكلفة الاصلاح فى لتوكيل أو خارج التوكيل, أفضل ورش الصيانة و عناوينها, بدائل قطع الغيار من سيارات أخرى, تعديلات ترفع من كفاءة العربية

[mando06600]

السلام عليكم ورحمة الله وبركاته
الاخوة ملاك السيارة a516
انا اقرر شراء سيارة ولكم احترت فى هذا القرار بالنسبه للاسبرانزا
انا معى سيارة واحد صاحبى موديل 2007 بقالها يومين بجرب السيارة العجيبه دى علشان اقرر هل الاسبرانزا كويسه ولا لا
اولا هى من وجهة نظرى سيارة جميله عفشتها نشفة حبتين ولكن مريحه فى القياده باور اكثر من رائع والجميل ان صاحبى مركب فيها مثبت سرعة وده ممكن يكون كماليات جميله جدا لو نزلت معها فى الموديلات الجديده ومركب فيها كمان سبيكر فون وويرلس وده يديلك رفاهيه فظيعة بصوا من واقع تجربتى ليها اكثر العيوب اللى المفروض تخافوا منها سير الكاتينة اللى لو مش غيرته كل 10000كيلو هيتقطع وبالتالى هتضر تخش فى حوار صبابات وفك مكنه وهلم جر
ولكن نرجع ونقول المثل المشهور كل متحافظ على الحديده طول مالحديده تحافظ عليك
ثانيا الفتيس بيعض فى كل غيار والمارشديه تقيل شويه ولكن دى اشياء بعتبرها خفيفه
انا حاولت اعمل استفتاء فى الشارع المصرى
وجدت 70% بيشكروا فيها وهم طبعا من ملاكها
ونسبه 20%بيكرهوها كره العما لانها صينى ...............(مع ان الصين دوله ياريت نكون فى مثل تقدمها)
ونسبه 10% من ملاكها ايضا بتطلعلهم عيوب غريبه ................(وده من وجه نظرى قرف بكسر القاف)
المهم ان احنا هنا فى المنتدى الجميل ده انا قرات باب الاسبرانزا كاملا
وجدت تهكمات بدون ادله واعجاب ايضا بدون ادله
فارجو من حضراتكم ان ننظم احكامنا على هذه السيارة
بمعنى
السيارة جيدة؟ ونوضح جيدة لماذا
السيارة غير عملية ؟ لماذا؟
السيارة غير جيدة بالمرة ؟ لماذا
وطبعا الناس اللى معاها العربيه هى اللى نقدر ناخد منهم الحكم الجيد والناس اللى متمتلكهاش رايهم على راسنا من فوق
يعنى ناخد الموضوع كانه استفتاء
وارجو من القائمين على المنتدى الاكثر من رائع ان هو بعد اخذ 100تقييم للسيارة يعملنا احصائيا بشكل رسم بيانى
على مدى اعجاب الناس اوكرههم للسيارة والله الموفق ان شاء الله

وابداء باول تقييم لهذه السياره فهى بنسبه 80% جيدة
وياريت المشاركه اللى بعدى يحط تقييمه وهكذا لكى نستطيع ان نحكم على هذه السياره ولكم جزيل الشكر
وبحترم راى الناس الافاضل الموجوده هنا طبعا وياريت نشوف بعض الحلول للمشاكل اللى انا ذكرتها

[rzk]

تقييم ممتاز

كلامك كدة عين العقل وانا شخصيا من محبى هذه السياره واعطيها ايضا 85%:b4_007:

[loveknight]

80%