شركة شيري تقبل التحدي

[ashraf yassein]

تحياتي الى الاخوه الاعضاء المحترمين
شركة شيري قبلت التحدي الحقيقي بكونها بدات في تسويق السياره شيري (إيستار) بالسعوديه-هي النموذج لاسبيرانزا 620 المصري- وطبعا اقصد بالتحدي هنا لأن من لم يعرف اجواء الخليج لايعرف معني التحدي درجة حرارة فوق 45 درجة اكثر من 9 شهور بالسنه وبين سيارات معظمها ياباني او امريكي ومع حدوث الطفره الحاليه بالخليج -مع ارتفاع سعر البترول- فمعظم السيارات هنا احدث الموديلات.
المواصفات:1-محركان سعة 2 أو2.4 لتر
2-ناقل اوتماتيكي 3-فرامل ABS ووسائد هوائيه اماميه
4-مكيف بتحكم اوتماتيكي 5-مقاعد من الجلد الفاخربتحكم كهربائي
6-3شاشات مع مبدل لعشرة اسطونات DVD
7-نظام الملاحه GPS
8-كاميرا مع حساسات خلفيه
9-ستاره خلفيه كهربائيه
** مواصفات إختياريه
وقد اتصلت بالوكيل هنا للسؤال عن السعر فكان(68000ريال سعودي)اي حوالي103.360 جنيه مصري
مع ضمان 5 سنوات أو 150000كم //ضمان إعادة الشراء// نظام الاستبدال
ووكيلها بالسعوديه الشركة الاولى للسيارات
فما هو رايكم ؟ مع مراعاة انها تصنع بالكامل بالصين وكذلك الجمارك هنا بالسعوديه تكاد تكون معدومه

ولكم جزيل الشكر

[Hosam]

الخبر صحيح و سمعت به من كام يوم .. وهذا اكبر دليل على ثقة شركة شيرى فى منتجها
أضف الى ذلك ان معامل الامان للسيارة عالى جداً حتى يمكنها المنافسة مع عمالقة السيارات التى تسير بالسعودية.

[e1a2f]

سيارة جميلة وتستاهل وتتفوق وتقدر على التحدي والمكسب كمان

[ايهاب]

اين الاخوة--بتوع حماية المستهلك؟

هو انتوا مش خايفين علي اخوانكم في السعودية والا اية
اعتقد الناس دي عارفة تشتري اية وتركب اية --والا برضوا عايزين اوصياء عليهم
يارب العربية تنجح عندهم --خلينا نرتاح من الجدل دة
dr/ehababdelhafeez

[ashraf yassein]

Re: اين الاخوة--بتوع حماية المستهلك؟

هو انتوا مش خايفين علي اخوانكم في السعودية والا اية
اعتقد الناس دي عارفة تشتري اية وتركب اية --والا برضوا عايزين اوصياء عليهم
يارب العربية تنجح عندهم --خلينا نرتاح من الجدل دة
dr/ehababdelhafeez

اطمئن يادكتور ايهاب: الوكيل هنا احدي شركات مجموعة الحكير ودي مجموعه كبيره جدا
بالاضافه الى ان مصرف الراجحي -بالطبع الاسم ده لوحده ثقة الثقة هنا- شريك بالشركة الاولي للسيارات والتي هي مناطه بتسويق السياره

ولك خالص تحياتي

[matrix_rashed_8]

على فكره السعوديين بيحتقروا الكورى
ما عا دا السيارات الكبيرة منه مثل السوناتا
و الاوبيروس فما بالك بالصينى
ما اعتقدش ان العربيه دى حتمشى عندهم
و بعدين اللى راكب هوندا او كامرى 2003
حيبيعها عشان يركب صينى
انا عارف انها عربيه كويسه
بس كده شيرى دخلت فى خط انتاج مش بتاعها
العربيات اللى فى دول الخليج هى خبره سنين من التجربه
و مع ذلك مع السرعات العاليه فى طرق السعوديه
و الحرارة و تشغيل التكييف الدائم
بتظهر فيها مشاكل ماليهاش حل
فما بالك بالصينى
و بعدين الخليجيين عندهم قدره رهيبه على اختبار السيارات
و بيعمله فى العربيات بلاوى فالراى الاوا و الاخير حيكون ليهم
اما نشششششششششششششششششوووووووووف

[TAREKSHEIR]

أعتقد ياجماعة إن كلمة الصينيون قادمون دى غلط والصحيح بتاعها
الصينيون قدموا بالفعل .
وعقبال المصريين .