بعض المشاكل فى التيجو ارجو المساعدة

[flight_angle]

الحمد لله اشتريت تيجو 1600 وعاملة 1000 وان شاء الله رايح صيانة الالف
بس عندى شوية ملاحظات عايز اسال عنها
اولا عندى زرار فى التابلوة جنب الولاعة مكتوب عليه security وفية لمبة حمرا بس مش بتنورمش عارف ده بتاع ايه ؟؟؟؟؟؟؟ ودورت فى الكتالوج مالقيتهوش ........

ثانيا لمبة الشبورة الخلفية اليمين مابتنورش ؟؟؟ وشوفت عربية واحد صاحبى جايبها فى نفس التوقيت معايا لقيت فيها نفس المشكلة ؟ ولما سالتة قالى انه شاف كذا عربية وبرضة اللمبة الشمال بس هى اللى بتنور .. فهل ده طبيعى؟؟؟؟؟

ثالثا زرار مصابيح الشبورة الخلفى مابينورش اللمبة الا لما اشغل زرار المصابيح الامامية الاول ... فهل ده طبيعى ؟؟؟؟؟

رابعا عداد المسافات عندى فيه 3 حاجات الساعة الرقمية فى اليمين لاعلى وجنبها رسم زى الساعة اللى بعقارب وفى الاسفل عداد المسافات لكن فى الكتالوج مكتوب انة بيبقى فوق عداد للمسافة المقطوعة فقط ودا مابيظهرش عندى فهل هذا هو الطبيعى ؟؟؟؟؟؟؟ وكيف احدد المسافة المقطوعة ؟ وكيف اضبط الساعة لانى مش عارف خالص لان مافيش غير زرار واحد اعتقد انه بتاع مسح عداد السرعة ؟؟


خامسا عند نقل السرعة للتانى والتالت بحس ان الفتيس بيعض معايا .... فهل دا طبيعى ولا انا مش محدد مسارات كل نقلة ؟؟ لانى مثلا مش متعود عليها ؟؟ ولا دة عيب فيها؟؟

سادسا التزييق الواضح فى العفشة ودا مش بيظهر غير فى السرعات البطيئة او فى الارض الغير ممهدة والمطبات ؟؟؟؟؟؟؟؟

ارجو الافادة من حضراتكم

وهل فى صيانة الالف اقولهم على الحاجات دى كلها؟؟؟
وهل هتتصلح ولا هى مشاكل عامة فى التيجو؟

اسف على الاطالة وارجو سرعة الرد وجزاكم الله خيرا

[aboomarahmad]

بسيطة ان شاء الله

[QUOTE=flight_angle;3873215464]الحمد لله اشتريت تيجو 1600 وعاملة 1000 وان شاء الله رايح صيانة الالف
السلام عليكم: ألف مبروك وربنا يكفيك شرها ويعطيك خيرها

بس عندى شوية ملاحظات عايز اسال عنها
اولا عندى زرار فى التابلوة جنب الولاعة مكتوب عليه security وفية لمبة حمرا بس مش بتنورمش عارف ده بتاع ايه ؟؟؟؟؟؟؟ ودورت فى الكتالوج مالقيتهوش ........
الكتالوج ضعيف جدا...لا تعتمد عليه
اللمبة دي بتنور لكن لما تقفل العربية بالريموت وبتدي فلاش ينور ويطفي لمبة انذار يعني

ثانيا لمبة الشبورة الخلفية اليمين مابتنورش ؟؟؟ وشوفت عربية واحد صاحبى جايبها فى نفس التوقيت معايا لقيت فيها نفس المشكلة ؟ ولما سالتة قالى انه شاف كذا عربية وبرضة اللمبة الشمال بس هى اللى بتنور .. فهل ده طبيعى؟؟؟؟؟
ها ها ها....كنت عامل زيك كدة وبعدين اكتشفت ان اللمبة التانية دي مش لمبة أصلا!!!!! دي عاكس للضوء ليس إلا


ثالثا زرار مصابيح الشبورة الخلفى مابينورش اللمبة الا لما اشغل زرار المصابيح الامامية الاول ... فهل ده طبيعى ؟؟؟؟؟
طبيعي وفي كل العربيات التيجو بإعتبار انه لو في شبورة لزما وحتما هتحتاج الإتنين

رابعا عداد المسافات عندى فيه 3 حاجات الساعة الرقمية فى اليمين لاعلى وجنبها رسم زى الساعة اللى بعقارب وفى الاسفل عداد المسافات لكن فى الكتالوج مكتوب انة بيبقى فوق عداد للمسافة المقطوعة فقط ودا مابيظهرش عندى فهل هذا هو الطبيعى ؟؟؟؟؟؟؟ وكيف احدد المسافة المقطوعة ؟ وكيف اضبط الساعة لانى مش عارف خالص لان مافيش غير زرار واحد اعتقد انه بتاع مسح عداد السرعة ؟؟
بص يا صديقي:
عداد المسافات اللي تحت الساعة ده بتاع المسافة الكلية للسيارة االي عماتها من ساعة ماخرجت من مصنعها..
مكان الساعة ده بيظهر فيه نفسه عداد الرحلات وبيظهر فيه استهلاك البنزين/100كم والتقليب بين المعلومات دي عن طريق الزرار اللي بتقول عليه....وظبط الساعه بيكون من هذا الزرار لما بتجيب على الساعة انك تضغط عليه لمدة3ثواني مثلا مستمر تلاقيها تنور وتطفي وتظبط برده من الزرار بالضغط عليه لحين الوصول للوقت المطلوب......
خامسا عند نقل السرعة للتانى والتالت بحس ان الفتيس بيعض معايا .... فهل دا طبيعى ولا انا مش محدد مسارات كل نقلة ؟؟ لانى مثلا مش متعود عليها ؟؟ ولا دة عيب فيها؟؟
معلش اللي معايا اتوماتيك لكن معلوماتي ان العيب ده نتيجة نقصان زيت الفتيس وبيظبطوه في صيانة الألف....بسيطة ان شاء الله

سادسا التزييق الواضح فى العفشة ودا مش بيظهر غير فى السرعات البطيئة او فى الارض الغير ممهدة والمطبات ؟؟؟؟؟؟؟؟
بردو ده شغل صيانة يعملوه في الألف
عموما الجماعة في تكنوسرفس محترمين وان شاء الله يحلوا كل ده لأنها مشاكل معتادة ومش ضخمة......والله أعلم

م.ياســــر

[flight_angle]

[QUOTE=aboomarahmad;3873215632]

الحمد لله اشتريت تيجو 1600 وعاملة 1000 وان شاء الله رايح صيانة الالف
السلام عليكم: ألف مبروك وربنا يكفيك شرها ويعطيك خيرها

بس عندى شوية ملاحظات عايز اسال عنها
اولا عندى زرار فى التابلوة جنب الولاعة مكتوب عليه security وفية لمبة حمرا بس مش بتنورمش عارف ده بتاع ايه ؟؟؟؟؟؟؟ ودورت فى الكتالوج مالقيتهوش ........
الكتالوج ضعيف جدا...لا تعتمد عليه
اللمبة دي بتنور لكن لما تقفل العربية بالريموت وبتدي فلاش ينور ويطفي لمبة انذار يعني

ثانيا لمبة الشبورة الخلفية اليمين مابتنورش ؟؟؟ وشوفت عربية واحد صاحبى جايبها فى نفس التوقيت معايا لقيت فيها نفس المشكلة ؟ ولما سالتة قالى انه شاف كذا عربية وبرضة اللمبة الشمال بس هى اللى بتنور .. فهل ده طبيعى؟؟؟؟؟
ها ها ها....كنت عامل زيك كدة وبعدين اكتشفت ان اللمبة التانية دي مش لمبة أصلا!!!!! دي عاكس للضوء ليس إلا


ثالثا زرار مصابيح الشبورة الخلفى مابينورش اللمبة الا لما اشغل زرار المصابيح الامامية الاول ... فهل ده طبيعى ؟؟؟؟؟
طبيعي وفي كل العربيات التيجو بإعتبار انه لو في شبورة لزما وحتما هتحتاج الإتنين

رابعا عداد المسافات عندى فيه 3 حاجات الساعة الرقمية فى اليمين لاعلى وجنبها رسم زى الساعة اللى بعقارب وفى الاسفل عداد المسافات لكن فى الكتالوج مكتوب انة بيبقى فوق عداد للمسافة المقطوعة فقط ودا مابيظهرش عندى فهل هذا هو الطبيعى ؟؟؟؟؟؟؟ وكيف احدد المسافة المقطوعة ؟ وكيف اضبط الساعة لانى مش عارف خالص لان مافيش غير زرار واحد اعتقد انه بتاع مسح عداد السرعة ؟؟
بص يا صديقي:
عداد المسافات اللي تحت الساعة ده بتاع المسافة الكلية للسيارة االي عماتها من ساعة ماخرجت من مصنعها..
مكان الساعة ده بيظهر فيه نفسه عداد الرحلات وبيظهر فيه استهلاك البنزين/100كم والتقليب بين المعلومات دي عن طريق الزرار اللي بتقول عليه....وظبط الساعه بيكون من هذا الزرار لما بتجيب على الساعة انك تضغط عليه لمدة3ثواني مثلا مستمر تلاقيها تنور وتطفي وتظبط برده من الزرار بالضغط عليه لحين الوصول للوقت المطلوب......
خامسا عند نقل السرعة للتانى والتالت بحس ان الفتيس بيعض معايا .... فهل دا طبيعى ولا انا مش محدد مسارات كل نقلة ؟؟ لانى مثلا مش متعود عليها ؟؟ ولا دة عيب فيها؟؟
معلش اللي معايا اتوماتيك لكن معلوماتي ان العيب ده نتيجة نقصان زيت الفتيس وبيظبطوه في صيانة الألف....بسيطة ان شاء الله

سادسا التزييق الواضح فى العفشة ودا مش بيظهر غير فى السرعات البطيئة او فى الارض الغير ممهدة والمطبات ؟؟؟؟؟؟؟؟
بردو ده شغل صيانة يعملوه في الألف
عموما الجماعة في تكنوسرفس محترمين وان شاء الله يحلوا كل ده لأنها مشاكل معتادة ومش ضخمة......والله أعلم

م.ياســــر

باشمهندس ياسر

مش عارف اشكر حضرتك ازاى فعلا اوضحت فاوفيت فعلا كنت قلقان من المشاكل دى
وخصوصا من تعليقات الناس السلبية على السيارة لكن دلوقتى حضرتك طمنتنى كتير
وان شاء الله لما اروح الصيانة هاقولهم على مشكلة التزييق فى العفشة ومشكلة عضة الفتيس
وان شاء الله يكون خير

بس ليه سؤال اخير ناس قالولى انى لو دوست على الزرار بتاع ضبط العدادات والساعة كدة هاصفر عداد السرعة وكده اخرج من التوكيل فهل ده صحيح؟؟؟

وفى الختام شكرا جدا لحضرتك

[hemaa_82]

[QUOTE=flight_angle;3873215792]

باشمهندس ياسر

مش عارف اشكر حضرتك ازاى فعلا اوضحت فاوفيت فعلا كنت قلقان من المشاكل دى
وخصوصا من تعليقات الناس السلبية على السيارة لكن دلوقتى حضرتك طمنتنى كتير
وان شاء الله لما اروح الصيانة هاقولهم على مشكلة التزييق فى العفشة ومشكلة عضة الفتيس
وان شاء الله يكون خير

بس ليه سؤال اخير ناس قالولى انى لو دوست على الزرار بتاع ضبط العدادات والساعة كدة هاصفر عداد السرعة وكده اخرج من التوكيل فهل ده صحيح؟؟؟

وفى الختام شكرا جدا لحضرتك

اللي بيتصفر عداد المشوار فقط... عدادا الكيلو الكلي عمره ما يتصفر من زراير ابدا ... لازم بتاع عدادات علشان تعرف تلعب فيه

متخفش و مش اي حد يهذي عليك تصدقه

و اللف ميروك عليك ان شاء الله

[flight_angle]

[QUOTE=hemaa_82;3873216453]

اللي بيتصفر عداد المشوار فقط... عدادا الكيلو الكلي عمره ما يتصفر من زراير ابدا ... لازم بتاع عدادات علشان تعرف تلعب فيه

متخفش و مش اي حد يهذي عليك تصدقه

و اللف ميروك عليك ان شاء الله

الاخ الكريم hemaa

جزاك الله كل خير شكرا لرد حضرتك واهتمامك

وربنا يجعلة فى ميزان حسناتك امين يارب

[rzk]

مبروووووووووك

[kimocyc]

الاخ الفاضل flight angel

مليووووووون مبروك للسيارة..

ثانيا.. خالص الشكر للمهندس ياسر والاخ هيما لاجاباتهم الوافية..

ثالثا.. بخصوص البند الخامس وهو عضة الفتيس.. حتقولهم عليه في الضمان وحتخليهم يكشفوا ع الزيت وكمان خليهم يعملوا رجلاش للدبرياج.. وهم حيفهموا ويضبطوا الموضوع..

ربنا يكفيك شر الطريق ويباركلك في التيجو

[flight_angle]

[QUOTE=kimocyc;3873218835]الاخ الفاضل flight angel

مليووووووون مبروك للسيارة..

ثانيا.. خالص الشكر للمهندس ياسر والاخ هيما لاجاباتهم الوافية..

ثالثا.. بخصوص البند الخامس وهو عضة الفتيس.. حتقولهم عليه في الضمان وحتخليهم يكشفوا ع الزيت وكمان خليهم يعملوا رجلاش للدبرياج.. وهم حيفهموا ويضبطوا

الاخ الكريم kimocyc

شكرا جزيلا على اهتمامك وردك على الموضوع

فعلا روحت صيانة الالف وغيرولى زيت وفلتر وربطولى العفشة
وقولتلهم على العضة فى الفتيس وفعلا كشفوا على زيت الفتيس لقيوة ناقص وزودوة لتر كامل
بس موضوع الرجلاش ده ماقولتوش ليهم فمش عارف هما عملوة ولا لا
بس يعنى ايه رجلاش للدبرياج؟؟؟ ياريت حد يفهمنى ؟؟

وازاى اعرف ان الدبرياج محتاج رجلاش ولا لا ؟؟

علشان اعرف العربية محتاجة ولا لا؟؟؟؟؟؟؟ واقولهم عليه فى صيانة ال5000 ؟؟؟

وفى الختام شكرا جزيلا

وعفوا على كثرة اسئلتى وطول بالكم فى الرد على استفساراتى

وجزاكم الله خيرا

[firstknight_eg]

الف مبروك والتيجاوية زادوا واحد

يا جماعة عايزين نعمل مقابلة لكل التيجاوية

[hemaa_82]

المقصود بالرجلاش هو تغيير مشوار الشئ..... بالبلدي كده يربط صامولة مشوار الهاند علشان تبقي اقوي و بدل متشدها 5 تكات تشدها تكتين .... كذلك الدبرياش علشان بدل متفعص الدواسة للاخر تضغط علي خفيف يفصل النقلة .... و هكذا