If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
السلام عليكم
حضرتك بقالك 3 ايام ما ردتش علي الموضوع و ما قولتش صلحو لحضرتك العربية و لا لأ
انا اصلي متابع حضرتك من المنتدي بتاع العربية التانية و كما تعرف ان سعرها زاد ف الواحد بقي هاراجع نفسو علي العربية دي تاني و يشوف اخبارها اية
و سوال صغير معلش
العربية من ورا الكنبة اللي ورا يعني واسعة ولا ضيقة لان احنا ساعات كتير بنقعد 4 ورا في كيا برايد و مزنوقين بس مش اوي ف دي بقي واسعة ولا لا مش لازم لل اربعة و لكن بوجة عام الكنبة الي ورا اخبارها اية
و ياريت حضرتك تقولي جبت العربية بكام بالظبط منين و دفعت كام ترخيص و تخليص ورق و كدا (يا ريت بعد اذن حضرتك كل سعر و جنبو دا بتاع اية )
انا عارف اني طولت علي حضرتك و الف شكر و ربنا يباركلك فيها
[CENTER][SIZE="3"][U][B]يا مصر قومي و شدي الحيل بدال ما اشد حيلي انا و اطفش :bye2: [/B][/U][/SIZE][/CENTER]
انا كنت النهاردة فى التوكيل و غيروا لى المساعد اليمين ورا ( ببلاش ) وبصراحة من غير مناهدة ..... المهندس هشام بصراحة فى غاية الذوق والامانة وشاب محترم جدا جدا جدا
بس وانا ماشى لقيت الصوت موجود تانى بس بنسبة أقل 50% بس المرة دى من قدام وواضح اننا لما كنا بنسمع الصوت من ورا
كان اساسه ان الصوت من ورا وقدام بس واضح ان المساعد اللى ورا يمين كان بايظ اكتر ( بصراحة معرفش كان فيه ايه - المهم انهم غيروه و خلاص ) وبصراحة الصوت راح خالص تقريبا من ورا
ولما كلمت المهندس هشام بعد ما مشيت بصراحة الراجل كان فى غاية الذوق و قاللى المهم ان الصوت اللى ورا راح ...... خد ميعاد الاسبوع اللى جاى و لما تيجى نشتغل فى المساعدين اللى قدام ومايهمكش حاجة
ده بالنسبة للصوت اللى كنت باسمعه
اما بالنسبة للعربية من روا ( الكنبة ) واسعة جـــــــــــــــــــــدا جـــــــــــــــــــــــــــــدا وحتى لو مرجع الكرسيين اللى قدام للأخر ( برضه اللى فى الكنبة حيبقوا مستريحين وعارفين يقعدوا كويس )
وبالنسبة انها تكفى 4 افراد ( اعتقد انها تكفى اوى ) بس على فكرة اى عربية مهما كانت واسعة المفروض ان ورا 3 افراد بس يا باشا _ ربنا يزيد و يبارك
أما بالنسية لسعرها :
انا جبتها من الوكيل ( وكيل فرعى من ابو الفتوح ) فرع اسمه ستار كار ( ناس فى منتهى الذوق بجد و محترمين فى التعامل )
وعلى فكرة لما الورق بتاع العربية اتأخر شوية ( أخدت النمر التجارية 5 أيام كاملين ) ببلاش او بمعنى أصح دفعت بصراحة 50 جنيه ذوقيا بس مش اكتر
وفى راجل اسمه أستاذ محمود ( راجل كبير فوق الخمسه والاربعين سنه ) راجل ذوق ذوق ذوق بجد ومحترم جدا وأمين جدا
من المعرض نفسه - عملتله توكيل رسمى عام وهو خلصلى كل حاجة بصراحة وحتى لما الورق اللى بييجى من ابو الفتوح ويروح للمرور اتأخر - الراجل كلمهم فى القاهرة و طلب منهم فاكس بالعربية بتاعتى بس عشان يخلصهالى و راح مرور ابيس و مرور محرم بيك عشان ياخد تأشيرة الترخيص و خلصلى الورق كله بصراحة ف 4 ساعات
اول حاجة الف شكر
لا والله اكتر من الف بكتيــــر
رد حضرتك دا انا هاستخدمو كمرجع ان شاء الله لو رسيت علي العربية دي
والمفروض الرد دا يبقي في موضوع منفصل لان دا مهم جدا لاي واحد رايح يشتري العربية
و بالنسبة ل موضوع 4 ورا ف دا بيبقي مش علي طول دا ساعت السفر مثلا او كدا .. هوا في عربية بتكفي 4 ورا (اربعة بالحجم التقيل ماشاء الله)
بس اعتقد انها كدا واسعة جدا
انا ناوي اروح اشوفها في المعرض ان شاء الله قريب بس لما اخلص امتحانات
و ربنا يبارك لحضرتك فيها و يبعد عنك شرها و تجيب احسن منها مية مرة باذن الله
بس هل حضرتك كدا جبتها ارخص من التوكيل ولا اية لان انا اعرف ان سعرها 62 و حضرتك بتقول جبتها ب61
دا فعلا صحيح يعني المعرض دا ارخص من التوكيل ولا اية
والف شكر مرة تانية و جزاك الله كل خير
[CENTER][SIZE="3"][U][B]يا مصر قومي و شدي الحيل بدال ما اشد حيلي انا و اطفش :bye2: [/B][/U][/SIZE][/CENTER]
اول حاجة الف شكر
لا والله اكتر من الف بكتيــــر
رد حضرتك دا انا هاستخدمو كمرجع ان شاء الله لو رسيت علي العربية دي
والمفروض الرد دا يبقي في موضوع منفصل لان دا مهم جدا لاي واحد رايح يشتري العربية
و بالنسبة ل موضوع 4 ورا ف دا بيبقي مش علي طول دا ساعت السفر مثلا او كدا .. هوا في عربية بتكفي 4 ورا (اربعة بالحجم التقيل ماشاء الله)
بس اعتقد انها كدا واسعة جدا
انا ناوي اروح اشوفها في المعرض ان شاء الله قريب بس لما اخلص امتحانات
و ربنا يبارك لحضرتك فيها و يبعد عنك شرها و تجيب احسن منها مية مرة باذن الله
بس هل حضرتك كدا جبتها ارخص من التوكيل ولا اية لان انا اعرف ان سعرها 62 و حضرتك بتقول جبتها ب61
دا فعلا صحيح يعني المعرض دا ارخص من التوكيل ولا اية
والف شكر مرة تانية و جزاك الله كل خير
اخوانى ..... تكملة لمشوارى مع الاسبيرانزا ومن منطلق الامانة انقل لكم يوم اخر من تجربتى مع التوكيل
( المحترم جدا جدا ) لحد دلوقت
زى مانتوا عارفين انا كنت حاسس بخبطة ورا و حاجة زى ماتكون بتلق ومش متثبتة كويس _ رحتلهم وفى تانى مرة بصراحة غيروا لى المساعد كله
( لانى قولتلهم انى حاسس بالخبط ده يمين ورا وطلع فعلا المساعد ضارب زيت )
غيروه ببلاش خالص ومن غير ولا كلمة بصراحة وف منتهى الذوق والادب
وانا ماشى من هناك حسيت بحاجة بتكركب من قدام يمين ( واضح ان الكركبة دى كانت موجودة من الاول و انا كنت فاكرها نتيجة الكركبة بتاعة ورا ) لان زى مانتوا عارفين العفشة كلها بتسمع مع بعضها
بس وضح ان الكركبة دى ملهاش علاقة بالمساعد اللى كان ضارب من ورا يمين
روحتلهم النهاردة وبصراحة مدير مركز الصيانة
( مهندس طارق ) راجل محترم جدا جدا جد استقبلنى فى منتهى منتهى منتهى الاحترام و الذوق والادب واساتأذنى انى اروحله الساعة واحدة الظهر لانى كنت ساعتها عندهم الساعة 9 الصبح وقولته ان العربية لسه عاملة 300 كيلو بس
قال لى : احنا معاك لحد 100000 كيلو وميهمكش حاجة احنا تحت امرك - تعال الساعة واحدة حاطلع معاك مهندس يشوف فيها ايه
رحتلهم الساعة واحدة الا ربع لقيته زى ماشوفته الساعة 9 الصبح و زى ماشفته المرتين اللى روحت فيهم هناك
( واقف وسط المركز مع المهندسين و الفنيين ووسط العربيات و الزباين وبيراقب و بيحل كل حاجة فى كل وقت و بمنتهى الهدوء )
دخلت له لقيته فاكرنى ومافيش دقيقتين كان مطلع معايا فنى و مهندس فى العربية و فضلنا نلف تقريبا ثلث ساعة فى الشوارع لانهم ماكانوش سامعين الصوتو كانوا على وشك انهم مش مصدقنى اساسا
انا كنت هادىء جدا معاهم بصراحة لانهم كانوا فى منتهى الاحترام و الادب ومازهقوش من اللف بالعربية عشان يسمعوا الصوت عشان يعرفو العيب فين
بصراحة - من خبرتى فى السواقة ( 20 سنة ) قولتلهم انا حاريحكم و اجيب معاكم من الاخر - الصوت هو هو لما يكون العيب فى الاسكاترة لانه بيسمع فى الدواسات و بدالات البنزين و الفرامل من تحت كأنه خبط تحت رجليا وقولتله عايز تعرف امسك ذراع الاسكاترة من تحت ( من على اليمين ) وانا حاحرك الدريكسيون و اخليك تسمع
وقولتلهم انا اسف انى باتدخل فى شغلكم بس ده احساسى من خبرتى فى السواقة واللف والقعدة من الميكانيكية لانى بحب اعرف العيوب بصراحة
وفعلا........................................ كان العيب فى الاسكاترة - كانت مبوشة و عايزة تتغير و فعلا راحوا جابوا المهندس بتاع الضمان جو مركز الصيانة عشان يشوف العيب بنفسه و فعلا.........................
قال لى العيب فى الاسكاترة و قال لى ان مافيش قطعة غيار موجودة النهاردة فى المركز و ان فيه عربية قطع غيار جاية النهاردة
وانى اكلمه بكرة عشان لو جت مع العربية ابقى اسيبلهم العربية بتاعتى يحلوها و يكربوا الاسكاترة الجديدة ويكشفوا على كل حاجة
وبصراحة .....................
مع ان المفروض ان عربية زيرو مايكونش فيها الكلام ده ......بس بصراحة برضه انا مش متضايق
لان معاملة التوكيل بصراحة حسستنى ان ليا ضهر وانى ورايا ناس بتفهم و محترمة و عندها استعداد تساعدنى لو عندى حق
خصوصا ان بصراحة العربية مافيهاش عيب غير حكاية كركبة العفشة دى من اول ماستلمتها وانا كنت فاكر بصراحة ان العملية تربيط عفشة و ماكنتش اعرف انها
( مساعد + سكاترة )
بس مش مهم طالما انهم غيروا المساعد فى منتهى اليسر و السهولة و ان شاء الله حيغيروا الاسكاترة و اتمنى انها تكون ف سهولة و يسر المساعد
وربنا يسهل ان شاء الله
موعدكم معى ان شاء الله بعد تغيير الاسكاترة
انا حبيت انقل لكم تجربتى خطوة بخطوة لانى بصراحة احب اقولكم ان العربية ممتااااااااااااااااااااااااااازة والله العظيم
بغض النظر عن حكاية المساعد و الاسكاترة دول لانهم نصيبى بس مش اكتر + خبرة العامل المصرى فى التقفيل
الاسكاترة هى اللى بتربط بين طارة الدركسيون عن طريق قطمة الدركسيون و بين العجلتين و اى بوش فيها بيسمع فى العفشة كلها من تحت رجليك وفى الدواسات و البدالات
Comment