كل شئ عن 620

[ALshahba]

اربة المياه

من حوالي 3 اسابيع تقريبا لقيت موضوع الحراره بيزيد فى العربية والحراره بترتفع مره وتنخفض تاني
وبعد ما فتحت الكابوت لقيت بعض اثار الميه تحت اربة الميه ..... قلت بس يبقي الحلوه عملتها
المهم فضلت ماشي بيها حوالي اسبوعين كده وعمال احطلها ميه من الفلتر علشان تقريبا كل مشوار بتفضي الميه اللي فى الاربة
وبعدين من اسبوع تقريبا رحت للتوكيل لانه جنب شغلي (وكنت ناسي :) ) رحتلهم وحكتلهم المشكله وقلتلهم "الحقوني العربيه حتولع مني اعمل ايه"
المهم دخلو العربية فحص وقالولي ان اربة الميه اتخرمت , وركبولي واحدة جديده علي الضمان وعبولي الاربه مياه خضراء كامله
التكلفه الاجمالية = صفر جنيه

والحمد لله ماشية زي الفل

[ALshahba]

البطارية

برضو من اسبوع لقيت البطاريه خسعت معايا وماباقتش بتقوم العربيه ... لكن بتقومها الصبح بس بالعافيه وبتفضل تعتل لحد ما تقوم والحمد لله بتقوم

(خاص لعمرو سبيد)
المهم رحت من يومين بالظبط اجيب بطاريه , وطبعا بعد لف ودوران علشان الاقي بطاريه نفس الحجم والسعه 75 امبير ..... مالقيتش , لقيت كله 62 او 65 او 70 امبير
ولكن الحمد لله ربنا هداني لواحد اسمه المتحده لقيت عنده بطاريه ACDeleco وكانت 74 امبير والعرض بتاعها اكبر سنتي واحد , المهم توكلت علي الله واشترتها وركبت وشغاله زي الفل

التكلفه: 530 جنيه + القديمة


ياريت يا جماعه تشاركونا لاني مش لاقي اي حد بيشارك خاااالص

[ALshahba]

ضرورى لكل اللى معاه 620
عايزكو تتأكدو لما بتدوسو فرامل مفاجئه بتحسو ان فى هوا بيمنع الدوسه
ضرورى جدا ياجماعه نجربو وتقولولى او حتى والعربيه واقفه واكبس فرامل جامد
تحس باللى قولته وبتسمع كمان صوت هوا ياريت تقولولى ضرورى

ايوه بحس بيها وبسمع صوت زي صوت الهوا كده ...... بس مافيهاش مشكلة خالص وبتمسك عادي جدا حتي ولو كنت سريع

[AMRSPEED]

أ - احمد عامل ايه فينك واحشنى والله
بالنسبه للبطاريه انا كمان غيرتها من اسبوع وجبت نوع تركى بس بيقولو حلو اسمه - هوجال
وسعرها 525 من غير القديمه و 74 امبير
سؤالى بالنسبه للتوكيل اللى بتروحو
هو مكانه فين ولو فى حاجه عايزه تتغير بيغيرها فى وقتها ولا بيحددلك يوم
ولازم تحجز ولا ايه
عشان عندى فتحه السقف بتجيب هوا على سرعات والمساعدين الخلفى بعد التغيير مش حلويين

[ALshahba]

أ - احمد عامل ايه فينك واحشنى والله
بالنسبه للبطاريه انا كمان غيرتها من اسبوع وجبت نوع تركى بس بيقولو حلو اسمه - هوجال
وسعرها 525 من غير القديمه و 74 امبير
سؤالى بالنسبه للتوكيل اللى بتروحو
هو مكانه فين ولو فى حاجه عايزه تتغير بيغيرها فى وقتها ولا بيحددلك يوم
ولازم تحجز ولا ايه
عشان عندى فتحه السقف بتجيب هوا على سرعات والمساعدين الخلفى بعد التغيير مش حلويين

الحمد لله كله تمام .... معلش مش بخش كتير هنا لاني مش بلاقي اي مشاركات غير مني ومنك وبس يمكن الايام دي فى بعض الاخوع شاركو ولكن بالقليل

مبروك علي البطاريه .... انا كنت حشتريها برضه التركي قبل اللي معايا وكانت كويسه بس لقيتها 70 امبير بس .... ولكن لقيت بطاريه كوري كويسه جدا وبيشكروا فيها بس بصراحه انا كنت مجرب قبل كده ال ACDelco وكانت جميله جدا فقلت اجيبها تاني

التوكيل اللي بروحه هو ابورواش ومكانه فى قبل بوابات طريق اسكندريه (بعد الرمايه-هرم) يمين بعد القرية الذكية, وبيغير الحاجه فى وقتها بس تجيله بدري وبياخد فى التغيير حوالي مش اقل من 2-3 ساعات علبال مابتخش فى دورك ولازم تحجز قبلها ماعدا الاعطال المفاجئه تخش بدون حجز
بالنسبة للمساعدين لو ان كنت مغيرهم علي الضمان تروح لنفس المكان وتقدم شكوتك ليهم او تاخد الورق بتاع التغيير وتروح لابو رواش وتشرح المشكله ويبصو عليها ... محترمين جدا

ان شاء الله انا عايز اجيب مساعدين مونرو بس قدام شويه ... لان اللي فيها كويسين

[AMRSPEED]

انا برضه ان شاء الله هجيب مساعدين مونرو امامى وخلفى بس برضه شويه كده
بالنسبه للبطاريه
انا مجبتش اى سى دلكو عشان ملقتش 75 امبير
وكمان ناس كتير بتقول ان هيا مبقتش زى الأول وبقى فى منها مرتجعات كتير
فجبت التركى دى وسعرها حلو و74 امبير
حتى قبل كده النور كان بيرعش فى البطاريه الأصلى حتى لما كانت سليمه
اصل انا مركب طقم صوت وزينون
بس الحمدلله ظبطت مع البطاريه الجديده
انا كنت عايز اروح ابو رواش عشان عندى فتحه السقف بتجيب هوا ويبصو كده على العربيه برضه

[ALshahba]

انا كمان عندي البطاريه 74 امبير والحمد لله شغاله كويس
اهلا بيك فى اي وقت .... تعالي ابورواش بس خد منهم معاد الاول للصيانة

[ALshahba]

استهلاك البنزين فى 620

السلام عليكم ورحمة الله وبركاته

طبعا عارفين ان الايام الاخيره اللي فاتت كان فيه مشكلة البنزين , وطبعا اغلبيتنا جري وفول العربيه , وانا كمان عملت كده وقلت اما استغل الموقف واختر استهلاك العربيه الايام دي قبل تغيير البوجيهات وتنظيف الرشاشات , وكانت النتيجة كالتالي :

تفويل 61 لتر .... ثم التفويل مره اخري عند 103 كم
وكان التفويل مرة اخري 12 لتر .... استهلاك 103كم = 8.5 كم/لتر
وبعد التفويل الثاني (اليوم) تم اضافة 57.7 لتر .... وكان الاستهلاك 487كم = 8.5كم/لتر
يعني تعمل 170كم فى الصفيحة 20لتر ...... لسه استهلاك عالي ... كانت بتعمل معايا زمان 10كم/لتر
ان شاء الله انظف الرشاشات واغير البوجيهات واخبركم بالجديد

ساوافيكم باخر الاخبار

[AMRSPEED]

غير البوجيهات وهتظبط ان شاء الله

[AMRSPEED]

مفيش اخبار عن وحده الرفع للزجاج

[mohahm1978]

مفيش اخبار عن وحده الرفع للزجاج

وحدة الرفع مركبها في ال4 زجاج
عند عمرو أوبشنز بس أنا مركب إنذار تاني و فصلت الأصلي

[AMRSPEED]

انت فين من زمان
انا رحت لكهربائيه كتير ومحدش عارف يوصلها بيقولولى عشان المفاتيح بتاعت الزجاج بتدى ارضى بس
ياريت تقولى وصلهم ازاى او عمل ايه قدامك عشان احاول اوصل لحل
وياريت تقولى جبت الوحده بتاعت الرفع بكام وتكلفه التركيب كام

[max_ziro]

يا راجل يا طيب أنا معليها بعد مقاسات هندسية عند عفشجي صديقي في منطقة ترسة في الهرم والعربية بقت أطرى في المطبات ولا زالت ثابتة وسواقتها جميلة وبحمل 7 أنفار وبسوق بأقصى سرعة

أما للأخ اللي عامل نفسو فاهم في كل حاجة فرجائي ليك لو إنت فاهم متسألش وسيب غيرك يستفيد وأنا مش مجبر أنقل خبرتي للناس ببلاش بس عشان أنا بحب الحاجة الصح للناس أولا أنا عندي 2 إسبرانزا ثانيا عربيتي لسه في الضمان و2010 وعاملة 17 ألف وأنا كان كلامي واضح مقلتلكش روح لمحلات قطع غيار وهات مساعدين تويوتا أو أولدزموبيل أو سلبريتي قلتلك روح لتاجر إختصاص مساعدين لأن المساعدين بتتباع بالمقاسات مش بإسم العربية وربنا يهديك يا راجل يا طيب وخليك إنت في التوكيل والمساعدين بتاعهم أبو 440 للجوز وسلامات ولو سمحت نقفل الكلام في الموضوع ده والسلام ختام

للاسف حضرتك فعلا مش فاهم
عشان المساعدين الغاز احسن من الزيت
الزيت طرى
لاكن قوة تحملة ضعيفة
الغاز ناشف و قوة تحملة عالية
و اى عفشة سبور بتكون غاز عشان بيدى ستابيلتى للعربية اعلى

[AMRSPEED]

ا- محمد ياريت تفيدنى فى حوار وحده الرفع اكتر

[mohahm1978]

ا- محمد ياريت تفيدنى فى حوار وحده الرفع اكتر

بص يا باشا
الأنذار عندي مغيره بواحد تاني و وصل عليه وحدات الرفع
زي ما بقولك معمول عند عمرو أوبشنز في المهندسين -سور نادي الترسانة
التكلفة بأمانة مش فاكر بس كله في حدود 500 -600 جنيه

و بخصوص المساعدين أنا غيرت الأربعة بمونرو و مش بطالين
و معاهم تيل الفرامل عند أحمد مهران و مش ناوي أروحله تاني و حكتب الموضوع بالتفصيل
بس مشغول شوية اليومين دول