إعـــــــلان

Collapse

.

,
See more
See less

كل شئ عن 620

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة alshahba مشاهدة المشاركة
    السلام عليكم ورحمة الله

    تم بحمد الله استلام السياره من مركز المتحده بسلام .......والحمد لله رجعت علي خير وفي افضل صحه

    شكر خاص لاخونا "احمد المشد" علي وقفته معايا طول المده اللي فاتت...فعلا تعرف الرجال بالمواقف

    ان شاء الله احكيلكو بالتفصيل اللي حصل

    فى امان الله
    حمد الله على السلامه
    :36_2_55[1]:

    Comment


    • سير كاتينه 620

      السلام عليكم ورحمة الله وبركاته

      اصدقائي الاعزاء .............. احب ان اوجه شكر كبير الي حضراتكم وكلماتكم الرقيقه فى عدة تعليقات لكم
      وشكر خاص لجاري الكبير اوي "احمد المشد"

      اسمحولي اسرد لكم المشكله من البدايه الى الحل النهائي

      بعد صيانة طرمبة البنزين يوم الجمعه وتم تركيبها وتجربتها يوم السبت ...... صباح اليوم التالي يوم الاحد كنت رايح الشغل الصبح ومعايا بنتي كانت رايحه اول يوم الامتحان
      المهم وانا ماشي ولسه طالع من البوابات لقيت العربيه فصلت مره واحده بدون مقدمات
      طبعا اول حاه شكيت فيها طرمبة البنزين انها قطعت تاني او خرطوم فصل ...... قعدت احاول ادور كزا مره
      المهم زقتها وركنت علي جنب والساعه 7:30 صباحا وهنا بدأت المحاولات الحقيقيه

      عمال افكر وافكر ومش عارف اوصل لحاجه ..... وماكنتش بدور الموتور كتير
      المهم بعد فك البوجيهات بدأت اشك فيها وحطيت احتمالات ان يكن في 2 بوجيه قاطعين مع بعض او الموبينا قاطعه .....بعد محاولات وفك وتركيب واعادة ترتيب البوجيهات والموبينا ...... نفس النتيجه
      طبعا او حاجه عملتها اني اختبرت طرمبة البنزين لقيتها بتجيب بنزين كويس وبدون مشاكل

      علي الساعه 12 الظهر كلمت والدي فى التليفون وقلتلو يجيبلى معاه طقم بوجيها من اي مكان حتي لو اسوأنوع مش حيفرق
      وطبعا زي ماوضحت ان المشكله كانت يوح الاحد وتقريبا كل الميكانيكيه وبتوع قطع الغيار وااكسسوار كلهم قافلين .......... المهم كان بيجيب بنتي من المدرسه وكان جمب توكيل فولفو اللي فى الدقي
      ودخل وسألهم واشتري طقم بوجيهات ....... وهو بيكلمني سمعت الراجل بتاع قسم قطع الغيار بيقول "خليه يشوف سير الكاتينه" .......... انا استبعدت الكلام نهائي لاني كنت عامل الصيانة فى معادها كالمعتاد وغير طقم كاتينه كامل من الاصلي مش السوقي ..... يعني الكاتينه المفروض تتغير علي 40 الف كم كناحية وقائية والكاتينه الاصليه بتقطع علي 60-70 الف كم
      المهم انا استبعدت الكلام ده وفضلت قاعد منتظر البوجيهات
      وبعدين قلت لنفسي " طيب وماله لما تشوف السير عامل ايه مش حيخسرك حاجه
      طبعا مكانه ضيق ومتعب ......... المهم قعدت افك مسمار مسمار بهدوء

      افاجأ ............. سير الكاتينه لافف علي بعضه ومقطوع
      سحبته براحه من مكانه وكنت حاسس اني خسرت كل حاجه فى العربيه من جمال
      واستغربت جدا جدا انه قطع ......لاني كنت عامل حسابي اروح اغير زيت فتيس وطقم كاتينه علي يوم الجمعه اللي بعديه مع اخويا احمد rabeet007 زي ماكنا متفقين ...... بالاضافه اني عامل 81 الف كم يعني حتي مايلحقش يقطع

      المهم بسرعه كلمت والدي وقلتلو يلف ويرجع تاني ويروح يرجع البوجيهات وشرحتلوا اللي شفتوا
      راح المركز ورجع البوجيهات وحكالهم اللي حصل
      وانا معاه علي التليفون سامع الراجل "الفني" بيقولوا خليه بس يجيبها احنا نشوفها
      قلتلوا لأ لازم يقولي التكلفه كام ولو تقريبي علشان اقرر اوديها ولا لأ ...... برضو قال نفس الحكايه اني اجيبها الاول وهما حيشوفوها .............. تقولش حيعملولها كشف بالسونار !!!

      المهم الساعه اصبحت 1:00 ظهرا ولقيت ساطحه واتفق معايا بعد محايلات علي 250ج من الهضبة الي الدقي وبدأ يرفعها ووديتها هناك
      وهناك قابلت المهندس المسئول ..... راجل انا عارفه من زمان ومحترم جدا
      قالي "قبلل ماتنزلها من العربيه ..... انت عارف حتتكلف كام" قلتلوا ايوه عارف انها كتير (علي اساس 1500 -200ج) قالي " انت متأكد انك عارف لانها حاجتها غاليه " قلتلوا عارف انها كتير كام يعني بالتقريب
      قالي حتتكلف حوالي "9-10 الف" انا جالي ازبهلال
      قالي لان حاجتها غاليه وميكانيكتها صعبه
      المهم انا من حرقت دمي كنت داخل اتخانق مع الشخصيه الغريبه اللي قالت "هاتها" الناس مسكتني وانا مسكت نفسي وحمدت الله .......... وقلت للراجل بتاع الساطحه وديني مكان ماجبتني
      واتكلفت زي الشاطر 500ج بدون ماصلح مسمار واحد .... الحمد لله
      المهم فى نفس اليوم خليت الساطحه تنزل العربيه عند ميكانيكي جمب البيت وديتهالو علشان يصلحها وحكيتلوا المشكله ....... وراح تاني يوم اشترا لي سير كاتينه للتجربه
      وبعدها قالي "للاسف لازم افك وش السلندر ويروح للخراط"
      طبعا انا كنت حاسس انه بيتكلم مع شخص تاني ......... عمري فى حياتي ماوصل بيه المرحله فى اي عربيه ركبتها الي هذا الحد ....... يعني ممكن كنت اقرأ الكلام ده علي النت او انصح بيه حد معين او اسمع عنه.......... لكن انا الي اكون الطرف الاساسي فى المشكله مش مسدأ نفسي
      وللاسف كان بيقولي (زي اغلبيه الميكانيكيه) اني اروح للخراط واخرطها واجيبهالوا ..... انا ماعرفش حد فى السكه دي وهو كمان مايعرفش حد ..... المهم اتفقت معاه اني حسحبها من عنده من غير زعل
      واخد مني 300 جنيه تمن فك وش السلندر

      وبعد مرور عدة ايام ...... يوم الخميس وديتها لحبايبنا بتوع مركز المتحده

      وبدأ الشغل فيها من تاني يوم
      وكان طبعا شغل كالاتي:
      - خراطة وش السلندر
      - تغيير طقم صبابات
      - جوان وش سلنر
      - جوان مانافول
      - معجون

      وبعد حوالي 4 ايام كانت خالصه ودارت وجاهزه للخروج
      وكانت التكلفه = 1670 جنيه
      (مش 9000 جنيه زي الباشاوات ماقالولي)
      وبالمره لانه مركز متكامل ......... خلتهم يدخلوها سمكره علشان كان عندي كام نقره وخدشه واكصدامين تعبوا واتكسر واحد منهم
      وغابت كتير فى السمكره حوالي 8 ايام عمل خلاف الاجازات ووقتي انا فى الاستلام

      والحمد لله خرجت كويسه واستلمتها يوم الخميس اللي فات 24-4-2014

      وكان الاجمالي 5000ج

      ولسه حغيرلها مياه ريداتير لان كل الميه وقعت طبعا وحاطولي مياه حنفيه للتجربه

      وانا حاليا فى فترة الاختبار
      والحمد لله علي كل شئ
      ربنا يحفظنا ويحفظكم من المشاكل المفاجئه

      فى امان الله جميعا
      [SIGPIC][/SIGPIC]قال الامام ابن القيم
      والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

      Comment


      • قدر ولطف
        انا مافهمتش السير قطع علي كام كيلو استهلاك
        فعلا المتحده انضف مكان لصيانه العربيه
        [SIGPIC][/SIGPIC] ياتقول كلام في محله يا تقول حلو ياحلو
        [url]/photos/a.879931698703941.1073741827.879900435373734/879931905370587/?type=1[/url]

        Comment


        • المشاركة الأصلية كتبت بواسطة hugan مشاهدة المشاركة
          قدر ولطف
          انا مافهمتش السير قطع علي كام كيلو استهلاك
          فعلا المتحده انضف مكان لصيانه العربيه
          السير قطع عند 81000 كم.......يعني عند معاد التغيير بتاعه
          ايه المواعيد المظبوطه دي :b4_237:
          [SIGPIC][/SIGPIC]قال الامام ابن القيم
          والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

          Comment


          • كنت فى اليكس والعربيه عملتها معايا مره واحده لقيت الريداتير اتشرخ والفرامل قفشت
            وفضلت 3 ايام اصح فيها وطلع عينى
            الأول رحت لبتاع الريداتير قالى هنغير الوش اللى فوق
            قولت اروح اسأل موجود ولا لا
            لقيت بتاع ال 516 اللى موجود المهم قولت الف شويه يمكن الاقى لل 620 لحد ما رحت لواحد وادانى العلبه اللى فوق وبيقولو عليها خزنه رحت لبتاع الريداتير قالى مش بتاعتها وطلعت بتاعت ال 516 ونفس المقاس بالظبط مع اختلاف حجات بسيطه المهم فك الريداتير عشان يركب
            وهو بيركب السنان بتاعه الريداتير اتقطمن منه قالى لازم تجيب واحد جديد نزلت رجعت الخزنه وجبت واحد جديد وسعره 475 جنيه وده الأصلى كان فى ب 350 جنيه مش اصلى المهم رحت وركبته واخد مصنعيه 60 جنيه بدوره الغسل بس بصراحه راجل حمار عشان بوظ الريداتير وخلصت الريداتير
            بعد كده رحت لميكانيكى فك الفرامل كلها
            طلع الطنابير عايزه تتخرط مع ان لسه جايبها جديده والتيل كان على الحم مع انه بقالو 4 شهور بس عشان كانت قافشه وخرطوم الخزنه كان مسدود وجبت واحد جديد
            سعر التيل 110 +الخرطوم 60جنيه +خراطه طنابير 40 جنيه + مصنعيه 60 جنيه والحمدلله خلصت بس يارب تكون كده تمام
            وبعد كده البطاريه باظت مع ان كنت جايبها من سنتين تركى بس واضح ان التركى ده وحش مش هجيبو تانى
            ولقيت زيت بينزل تحت العربيه طلعت ساعه الزيت وبردو مغيرها قريب بس مردتش اغيرها تانى الا ما اشوف حاجه يابانى بقى

            Comment


            • المشاركة الأصلية كتبت بواسطة AMRSPEED مشاهدة المشاركة
              كنت فى اليكس والعربيه عملتها معايا مره واحده لقيت الريداتير اتشرخ والفرامل قفشت
              وفضلت 3 ايام اصح فيها وطلع عينى
              الأول رحت لبتاع الريداتير قالى هنغير الوش اللى فوق
              قولت اروح اسأل موجود ولا لا
              لقيت بتاع ال 516 اللى موجود المهم قولت الف شويه يمكن الاقى لل 620 لحد ما رحت لواحد وادانى العلبه اللى فوق وبيقولو عليها خزنه رحت لبتاع الريداتير قالى مش بتاعتها وطلعت بتاعت ال 516 ونفس المقاس بالظبط مع اختلاف حجات بسيطه المهم فك الريداتير عشان يركب
              وهو بيركب السنان بتاعه الريداتير اتقطمن منه قالى لازم تجيب واحد جديد نزلت رجعت الخزنه وجبت واحد جديد وسعره 475 جنيه وده الأصلى كان فى ب 350 جنيه مش اصلى المهم رحت وركبته واخد مصنعيه 60 جنيه بدوره الغسل بس بصراحه راجل حمار عشان بوظ الريداتير وخلصت الريداتير
              بعد كده رحت لميكانيكى فك الفرامل كلها
              طلع الطنابير عايزه تتخرط مع ان لسه جايبها جديده والتيل كان على الحم مع انه بقالو 4 شهور بس عشان كانت قافشه وخرطوم الخزنه كان مسدود وجبت واحد جديد
              سعر التيل 110 +الخرطوم 60جنيه +خراطه طنابير 40 جنيه + مصنعيه 60 جنيه والحمدلله خلصت بس يارب تكون كده تمام
              وبعد كده البطاريه باظت مع ان كنت جايبها من سنتين تركى بس واضح ان التركى ده وحش مش هجيبو تانى
              ولقيت زيت بينزل تحت العربيه طلعت ساعه الزيت وبردو مغيرها قريب بس مردتش اغيرها تانى الا ما اشوف حاجه يابانى بقى
              عمرو ...... واحشنا كتير

              الحمد لله انها خرجت علي خير
              كان عندي كام تعليق لوسمحتلي:
              1- الريداتير لاي نوع اسبيرانزا ؤبالاخص 620.....لا يفضل الاصلاح , بل التغيير المباشر بنوع جيد
              وذلك لان سخونتها عاليه ولابد لها من مكونات جديده
              2- موضوع الطنابير ده يعتبر طبيعي لان للاسف اغلبية التيل لايباع الاصلي , وكل بائع يحلفلك ميت يمين ان اللي عنده هو الاصلي ..... والتيل يؤثر بالسلب علي عمر الطنابير
              3- البطاريه لو قعدت معاك سنتين (كماذكرت) فتعتبر جيده ولا مشكلة فيها ...... لا تنسي ان المكونات الكهربائية للسياره كثيره وتستهلك طاقه عاليه فى بداية التشغيل .... (شوف نوع ACDelco نوع جيد) ولو جبت بطاريه جديده لاتقل عن 70 امبير ابدا

              وفقك الله وحماك من الاعطال المفاجئة
              فى امان الله
              [SIGPIC][/SIGPIC]قال الامام ابن القيم
              والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

              Comment


              • نداء لاحمد الشبح سرجي الااصال تفي اسرع وقت بيا للااميةه
                [CENTER][B][SIZE=4]الله على حبك انت محبش غيرك انتى والدنيا عندى انت والدنيا عليك شويه يا فيرنا

                [IMG]http://www10.0zz0.com/2009/01/26/16/162516312.jpg[/IMG]
                [/SIZE][/B][/CENTER]

                Comment


                • الحمد لله على كل شىء .... ولكن موضوع انقطاع سير الكاتينه كده شىء مخيف لو كنت في سفر او معاك اولادك .... وكمان مفيش اى انذار بقرب تلفه خلاف انك تكون حافظ ميعاد تغييره هل هناك اى بوادر اخرى لبدايه القطع او التلف بحيث تديك اى انذار او اشاره لذلك بخلاف المده بتاعه وجوب التغيير .... اخونا الاستاذ هوجان ياريت المشاركه بخبرتك في الموضوع ده ... تحياتى .
                  :36_2_55[1]:

                  Comment


                  • المشاركة الأصلية كتبت بواسطة akmm مشاهدة المشاركة
                    الحمد لله على كل شىء .... ولكن موضوع انقطاع سير الكاتينه كده شىء مخيف لو كنت في سفر او معاك اولادك .... وكمان مفيش اى انذار بقرب تلفه خلاف انك تكون حافظ ميعاد تغييره هل هناك اى بوادر اخرى لبدايه القطع او التلف بحيث تديك اى انذار او اشاره لذلك بخلاف المده بتاعه وجوب التغيير .... اخونا الاستاذ هوجان ياريت المشاركه بخبرتك في الموضوع ده ... تحياتى .
                    للاسف لايوجد اي مؤشرات او بوادر او حتي لمبة انذار تفيد بانتهاء عمر سير الكاتينه
                    وللاسف الكلام ده موجود تقريبا فى كل العربيات الحديثه والقديمه
                    لازم تكون حافظ ميعاد التغيير بنفسك او مسجلة فى اي حافظه

                    فى امان الله
                    [SIGPIC][/SIGPIC]قال الامام ابن القيم
                    والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

                    Comment


                    • المشاركة الأصلية كتبت بواسطة rabet007 مشاهدة المشاركة
                      نداء لاحمد الشبح سرجي الااصال تفي اسرع وقت بيا للااميةه
                      انا لسه قارئ مشكلتك النهارده الخميس
                      حكلكم واقابلك ان شاء الله
                      [SIGPIC][/SIGPIC]قال الامام ابن القيم
                      والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

                      Comment


                      • ربنا يلطف بينا جميعا ..... هو موقف صعب خاصه لو مسافر لاقدر الله
                        :36_2_55[1]:

                        Comment


                        • مساعدة في تغير مساعدين

                          السلام عليكم ورحمة الله وبركاتة
                          تحياتي لجميع الاخوه الاعزاء في هذا الموضوع اتمنى ان يكون الجميع بخير .
                          انا عندي المساعد الخلفي شمال ضرب زيت وصوته بقى مسموع وحابب اجيب طقم مساعدين خلفي وامامي , ياترى افضل نوع ايه اجيبه ولو فيه حد من الاعضاء عنده تجربه يريد يفدني
                          ان كنت قريت في الموضوع ان الاخ عمرو amrspeed كان ركب مساعدين مونرو ياريد اعرف منه تجربته معاهم ايه وكمان عايز اعرف عنوان توكيل مونرو فين في القاهرة ولكم جزيل الشكر

                          Comment


                          • بقالهم حوالى 10 شهور تقريبا معايا لحد دلوقت بص هما مش وحشتين ومش جامدين وعليهم ضمان سنه انا جربت اللى قدام بس وبالنسبه للى ورا هجيب بتوع الى ام بيركبو عليها

                            Comment


                            • انا مركب مساعدين مونرو امامى وخلفى منذ حوالى اكتر من سنه ونصف ... ممتازين ومفيش مشاكل افضل كتيييييير من بتوعها ... هم غاز على زيت .
                              :36_2_55[1]:

                              Comment


                              • المشاركة الأصلية كتبت بواسطة akmm مشاهدة المشاركة
                                انا مركب مساعدين مونرو امامى وخلفى منذ حوالى اكتر من سنه ونصف ... ممتازين ومفيش مشاكل افضل كتيييييير من بتوعها ... هم غاز على زيت .
                                شكرا اخي akmm على ردك , طيب ممكن اعرف عنوان توكيلهم في القاهرة وكنت جايبهم بكام ؟

                                Comment

                                Working...
                                X