عجبانى اوى الـ m11

[smsm2020]

ياجماعة بالله عليكو حد يجاوبنى بمنتهى الصراحة والموضوعية انا عجبانى اوى ال m11 وروحت شفتها فى معرض ابوالفتوح اللى فى المعادى وعجبتنى اكتر لما شوفتها بصراحة شيك اوى من برة ومن جوة بس خايف من تضارب اراء الناس فيها وانتو عارفين الواحد مش بيلاقى الفلوس احنا تعبانين فيها اوى بس مهم جداً بنسبالى رأيكو وشكراً.

[egypt0777]

انت قلتها --- الواحد ما بيلقيش الفلوس

ابعد عن الاسبرانزا و مجايب ابو الفتوح وهتلك عربية تانية بسعرها هى مش رخيصة ده ب 70 الف تقريبا

[MOUSTAFA_SAAD]

خليك فى المضمون وهات اللوجان مع احترامى انها عربيه شيك فعلا لكن مش عارف ليه الصينى حاسس انه مش مضمون وعموما اصحابه اكيد يعرفوا اكتر منى ويفيدوك احسن

[ALshahba]

بص يا سيدي بالنسبة للعربية دي
فعلا اختيار موفق وسحبها كويس جدا وشكلها الخارجي جديد وعصري وايضا امكانياتها الداخليه جميله وجذابه
ومعدل سحب البنزين بتاعها كما قال مجربوها قليل جدا ..... ا لتر = 10كيلو او 7.5لتر = 100كيلو علي السريع
وكمان كمالياتها زاد عليها النور الاوتوماتيكي + حساس المطر

وبالنسبة لعيوبها من وجهة نظري:
1-ضيقه نسبيا من الداخل
2-العفشه ناشفه اكتر من 516

لكن تفييمي ليها بشكل عام = جيد جدا

[ALshahba]

مع احترامي للوجان ...... لايوجد بها كماليات تساوي اي اسبيرانزات وكمان مش بالقوه اللي الناس قكراها يعني بتمنها تجيب اسبيرانزا 516 احسنلك وانت مطمن ....كفايه انها انتشرت وقطع غيارها رخيصه وكتييير من الميكانيكيه والكهربائيه يفهمو فيها

وسعر m11 الايام دي = 72الف جنيه

ولكن لو انت شايف ان المبلغ ده كتير علي اسم صيني...... فلا تفكر فيها واشتر مايحلو لك من اي ماركه اخري يستريح لها قلبك

(انا مجرب4اسبيرانزا)

[smsm2020]

ALshahba باشا انا مش مستكتر سعرها ولاحاجة بالعكس بالنسبة لأمكانيتها سعرها كويس جداً وزى ما انتا بتقول دية بقى سعرها 72000 جنيه يعنى اكتر من اللوجان وهما الأثنين فى نفس الفئه ودة على ماأعتقد دليل على أن الناس حباها ولا أيه وأسف على التأخير

[ALshahba]

اهلا بيك
بس انا معلوماتي ان اللوجان سعرها 64 الف والكاملة 68 الف تقريبا مع انها مش كاملة زي اقل اسبيرانزا

بس علشان اكون صريح معاك التوكيل بتاع الاسبيرانزا مش قد كده...يعني بالنسبالي مش عاجبني اوي وطبعا سعره غالي .....ولحوظه لو عايز تجيبها ارخصروح لسمير ريان بيبعها17.5 وممكن تجيبها علي 71 منه
وربنا يوفقك ....الف مبروك مقدما

[ALshahba]

اهلا بيك
بس انا معلوماتي ان اللوجان سعرها 64 الف والكاملة 68 الف تقريبا مع انها مش كاملة زي اقل اسبيرانزا

بس علشان اكون صريح معاك التوكيل بتاع الاسبيرانزا مش قد كده...يعني بالنسبالي مش عاجبني اوي وطبعا سعره غالي .....ولحوظه لو عايز تجيبها ارخص روح لسمير ريان بيبعها17.5 وممكن تجيبها علي 71 منه
وربنا يوفقك ....الف مبروك مقدما

[khaled_Saga]

اللوجان الكاملة 71000 والنص كاملة 68000 والفاضية مبقتش تنزل

مع احترامى للوجان بس هى مش نازلالى من زور بصراحة وفعلا فقيرة الكماليات

[tiger451]

ابعد عن الصيني وغنيله:)

[hemaa_82]

بص يا سيدي بالنسبة للعربية دي
فعلا اختيار موفق وسحبها كويس جدا وشكلها الخارجي جديد وعصري وايضا امكانياتها الداخليه جميله وجذابه
ومعدل سحب البنزين بتاعها كما قال مجربوها قليل جدا ..... ا لتر = 10كيلو او 7.5لتر = 100كيلو علي السريع
وكمان كمالياتها زاد عليها النور الاوتوماتيكي + حساس المطر

وبالنسبة لعيوبها من وجهة نظري:
1-ضيقه نسبيا من الداخل
2-العفشه ناشفه اكتر من 516

لكن تفييمي ليها بشكل عام = جيد جدا

مع كل الاحترام للكلام بس تعقيب بسيط ..... مينفعش اقول ان عفشتها انشف لام مقاس جنطها اكبر فطبيعي الاحساس ده .... عايز تقارن قارن بعد ما تركب سيراتو ال 16 و بعدين نتكلم ....
العفشة في رأي متوازنة جدا ... و كفاية انها تعليق رباعي خلفي مستقل و شفتها بعنيا و هيه مرفوعة

الضيق الداخلي معاك حق ..... بس بص علي حجم الباب و بص علي مساحات التأمين امام و خلف المتور و وقتها هتعرف ان ده افضل كأمان " و الامان بالله و ربنا يحمي الجميع "

غير ان العربية ال m11 اتقل حتي من التيجو ال 1600 ....

انا لما اشتريتها ب 75000 التيجو ال 1600 كانت ب 80000 ... يعني فرق 5000 بس .... بس انا من بحثي اخترت ال m علشان الامان بعد استخارة ربنا و لله الحمد

اللوجان الكاملة 71000 والنص كاملة 68000 والفاضية مبقتش تنزل

مع احترامى للوجان بس هى مش نازلالى من زور بصراحة وفعلا فقيرة الكماليات

الكلام ده مظبوط .... ال m11 اغلي 500 جنيه بس من اللوجان الكامله ....
و برضه فيها حاجات اكتر ....
غير ان اللوجان فالفاتها اقل من الاسبيرانزا و مفيهاش abs و نتيجة التصميم القديم للموتور مبيطلعش قوة زي التانية ... و ده السبب اللي بيخلي الناس تقول علي اللوجان بطة

بس احقاقا للحق ..... اللوجان من جوه انضف شوية من الاسبيرانزا .... بس مبقولش اريح ... بقول شكلها انضف

انما قوة موتور .... اسبيرانزا
ثبات .... اسبيرانزا


ولو رجع بيا الزمن مش هغير اختياري و لله الحمد

[egypt0777]

العربية اللى 20% موافق و 80% غير موافق ابعد عنها

[hemaa_82]

العربية اللى 20% موافق و 80% غير موافق ابعد عنها

لولا اختلاف الازواق لبارت السلع

[ALshahba]

يا باشا انا ما بقولش ان عفشتها غير متوازنه ....... بالعكس دي ثابته جدا علي الطريق بعد تجربه شخصيه
ولكن بقول انها نشفه فى المطبات واللي قاعد بيحس بالمطب......
ممكن يكون عندك حق فى حكاية ان جنطها 16 ...... وانا ماجربتش اركب السيراتو مقاس 16 بوصه

ادينا بنجرب

[ALshahba]

العربية اللى 20% موافق و 80% غير موافق ابعد عنها

وده مين اللي يجيب حاجه وهو مش مقتنع بيها اصلا بنسبة 80% ؟؟!!!!!!!