أيهما افضل ؟؟؟؟؟؟؟

[mostafabakry]

السلام عليكم ورحمة الله و بركاته
اولا شكرا لكل القائمين علي نجاح هذا المنتدي الأكثر من رائع وبصراحة انا سعيد جدا لوجود مثل هذه النوعية من المنتديات المفيدة والتي لها مردود ايجابي في حياتنا العنلية و الواقعية مرة اخري كل التقدير و الإحترام لهذا المنتدي ولكل من يساهم في نجاحة بهذه الصورة
لقد قررت ان اشتري سيارة جديدة بإذن الله و لكني في حيرة شديدة جدا في اختيار ما يناسبني
و بصراحة محتار ما بين الإسبيرانزا و الفيرنا و اللانوس
خاصة وانا من ابناء محافظة قنا ومشكلتي هي في خدمة ما بعد البيع طبعا الفيرنا و اللانوس لها مراكز صيانه في قنا و بالطبع اكيد الإسبيرانزا لأنها تتبع لنفس وكيل الدايو في مصر ابوالفتوح
لذلك انا محتار ما بين الثلاثة
ممكن حد يساعدني في توضيح الفروق ما بين الثلاثة او علي الأقل ما بين الفيرنا و الإسبيرانزا
لكم مني جزيل الشكر
م/ مصطفي

[memoo_1st]

الفرنا افضل من الانوس لكن الاسبرانزا مش هقدر افيد حضرتك

الفرنا افضل عن تجربه

[emam]

ولاهى يا استاذ مصطفى انا محتار زيك ومش عارف اختار ايه الاخوة المشاكين ارائهم مختلفة جزء منهم يقول فيرنا - وجزء تانى يقول لانوس - وجزء اخر يقول اسبيرانزا حاجة تحير بجد فعلا ؟؟؟؟؟؟؟؟؟؟ ياريت حد يقولنا نشترى ايه ؟

[sh_masry]

فيرنا ..... بدون تردد ...........................

[emam]

اهلا يا استاذ شريف اكيد فيرنا مش ( اسبيرانزا ) طبعا بس مشكلة الفيرنا انها قريبة من الارض وكمان لما بيركب فيها اثنين وراء بتريح اكثر وبتحك فى المطبات كمان مشكلة التقفيل مش كويسه من الداخل والدليل انك بتسمع صوت الهواء من الابواب وانته سايق (1500) وده عن تجربة زميلى بالعمل وبسبب ذلك باع العربية وبيدور على حاجه ثانية

[محمد صبري ابراهيم]

من وجهة نظري الشخصية (بعد البحث و التقصي و التجربة للثلاثة عربيات)
1 - اسبيرانزا
2 - لانوس
3 - فيرنا

بس في النهاية القرار قرار حضرتك، لأن حضرتك الوحيد اللي لازم تقتنع بالعربية اللي حضرتك عايز تركبها، حاول تركب و تجرب الثلاث عربيات و بعدين صلي صلاة إستخارة و توكل على الله بالنسبة للعربية إللي حضرتك هاتستريحلها

[Abonora]

مبدئيا...شيل الاسبنز...دي عربية صيني يا عم...وانتا بتشتري عربية مش walkman
نتكلم بقي عن المقارنة يبن الكوري....
هيونداى تكسب علشان انعم بكتير من الانوس...والسحب بتاع الفرنا ل1600 جامد جد

بس موتور الدايو عمره طويييييييل موت...وبتحافظ على سعرها عند البيع و مطلوبة...

ولو فيرنا....يبقى ال1600 مش ال1500

و مبروك مقدما :D :D

[ossama_m63]

المقارنة بين الثلاث سيارات من ناحية والسعر المواصفات فأن النتيجة تتجه الي ال ٍSperanza A516 والتي تتفوق عليهما في هذه النقطة ، أما القول بأنها سيارة صيني فهذا قول خاطيء تماما لأن السيارة حديثة في مصر ولم يمضي عليها سنة بعد ومن ثم لا يمكن الحكم علي كفائتها قبل مرور سنتين علي الأقل وهذا ماحدث للسيارات الكورية عند بدية طرحها في مصر ، وأنا أتعجب كثيرا من الناس التي تقول انها سيارة صيني فهذا الكلام ينم عن جهل شديد في عالم السيارات لأن كلام الخبراء العالميين غير ذلك تماما فالمتابع لعالم السيارات والمعارض الدولية الشهيرة التي تقام في هذا الصدد يعرف تماما أن السيارات الصينية قادمة لامحالة ، وأن الخبراء يتوقعون لها أن تصل الي مكانة مرموقة في خلال خمس سنوات ويمكن لك أن تتأكد من ذلك من خلال المقالات التي نشرت في ملجق أخبار السيارات لجريدة الأهرام وأخبار اليوم والمقالات المنشورة في مواقع السيارات علي الأنترنت .
اما المقارنة بين الثلاث سيارات من ناحية التجربة العملية فأن النتيجة تتجه حاليا الي كل من الفيرنا والانوس لأنها سيارات قد مضي علي تجربتها فترة طويلة ولكن هذا لايمنع من وجود بعض العيوب التي ظهرت فيهما وأعتقد أنها عيوب التقفيل المصري والذي يتسم غالبا بعدم الدقة وقد تتغير نتيجة هذه المقارنة في وقت ما وهذا مايتوقف عليه مدي كفاءة السيارة ال Speranza ,وهذا لن يتسني قبل مرور سنة أخري علي الأقل .
وفي النهاية قرار الأختيار لك أنت .

[fahd_628]

فيرنااااا يا باشا و ياريت 1600

[sokasoon]

حضرتك كررت الموضوع تانى فى منتدى الاسبرانزا بعد مانزلتوو فى منتدى الهيونداى

على العموم انا هقولك ردى تانى

انا رأيى تختار مابين الفيرناا واللانوس وبعد ماتختار بينهم قارن اللى هتختاره بالاسبرانزا

وديه مقارنة بين اللانوس والفيرنا

من هنا

وبعدين انا شايف حضرتك بتبص للثلاثة من ناحية الاوبشن فقط

لازم تبص للثلاثة من كل حاجة مش الاوبشن بس

[sh_masry]

انا هاجبلك من الأخر : اسبرانزا : لو عايز ترمى فلوسك فى الأرض و معاك فلوس كتير .... و بعدين انت كتبت :

انها قريبة من الارض وكمان لما بيركب فيها اثنين وراء بتريح اكثر وبتحك فى المطبات كمان مشكلة التقفيل مش كويسه من الداخل والدليل انك بتسمع صوت الهواء من الابواب وانته سايق (1500)

يعنى الكلام ده مش موجود فى اسبرانزا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
يا سيدى الفاضل , احنا كل اللى بنعمله النصيحه و احنا ماناش دعوه حتى لو جبت 126 و مش فلوسى اللى انت هاترميها على الأرض , احنا بننصح عايز عربيه صح علشان تعيش و تشتغل و تحس انك راكب عربيه محترمه يبقى هات يا فيرنا يا لانوس و انا بنصح بالفيرنا ,,,,الكلام ده مافيهوش حيره خالص , انما عايز تتمنظر و كأنك راكب حاجه محصلتش و دافع مبلغ صغير ( مع انه كتير عليها ) يبقى خليك فى الأسبرانزا اهى تعيش معاك سنه و ابقى غيرها بعد كده من المشاكل اللى هاتشوفها ..... و الله واحد اول اول امبارح ماشى يزق فى واحده اسبرانزا جنب السيتى ستارز و باين عليها جديده .

a7'ook
Sherif

[mohamed yousry]

الفيرنا ثم الفيرنا(1600) ثم الانوس ...وابعد عن الصينى دلوقت لانة لسة مثبتش نفسة فى اى عربية نزلوها وشوف الجيلى والكيوكيو واسبرانزا اللى فيها مشاكل....بس متجبش فيرنا 1500 اما ال1600 او الانوس......

[هشام.النجار]

بالنسبة للشكل الخارجي فإنت وذوقك بالتأكيد لكن رأيي إن الإسبرانزا أفضل من الناحية دي , الانوس شكلها مش ظريف ولا الفيرنا
مواصفات وكماليات الإسبرانزا بالتأكيد تكسب
عمر العربية لسه محدش يقدر يحدد دلوقتي لا أصحاب العربية ولا غيرهم
التقفيل كلهم تقفيل مصري ولا أظن إن هناك فرق كبير بين تقفيل أبوالفتوح وغبور
عايز تمشي مع الرأي بأن العربية صيني وإن لا يمكن تكون منهم حاجة كويسة وإن الناس حتقلل من عربيتك يبقى شوف أكتر عربية بتبتباع في حدود فلوسك وإشتري زيها!!

[mostafabakry]

مشكوووووووووورين

اناعاجز عن الشكر لكل من ساهن برد علي سؤالي
بصراحة انا ميولي اكتر شوية ناحية الفيرنا من جميع النواحي الشكل و المتانة
انشاء الله هصلي استخارة و انوي بعدها ايهما اشتري
لكم مني كل التقدير