عين وصابت الام بتاعتي

[samehsalem]

الازاز اللي ورا كرسي السوااق مش عاوز يترفع مش عارف ليه مع ان صوت المكنة بسمعه ياريت لو حصل مع حد الموضوع ده قبل كدة يقولي ايه السبب وايه الحل عشان انا سايب العربية في الشارع والازاز مفتوح بس مغطيها ياريت حد يفيدني الحل ايه وعند مين اعمله؟؟؟؟؟؟؟؟؟؟؟؟؟؟؟

[teha]

انا حصل معايا الموضوع ده قبل كدة وودتها لواحد لعبلي فيها و اتصلحت بس باظت تاني و صلحها بس مرجعتش زي الاول يعني بتعلق و حالتها كرب .

المشكلة اللي كانت عندي ان في فبرة كدة اللي بيمر فيها الواير بتاع مكنة الازاز حتة منها اتكسرت فلحمها و قعد ينعم مجرى الواير عشان كان خشن و بعدها بشهر وقفت تاني فرحتله .
قالي خلاص كدة الفبرة اتكسرت خالص ومش هتنفع تتلحم و قالي هجبلك فيبرة اكوتافيا ونعدلها عشان الفيبرة ديه لسة مش موجودة في السوق و من ساعتها والمكنة بتتطلع و تنزل بالعافية .

نصيحتي : بص حاول ترفع الازاز و تزنفة باي حاجة مثلا مفك دخل المفك بين الازاز و الباب و روح التوكيل عشان يغيروها على الضمان.
و لو مستعجل شوية روح لاي حد بتاع ازاز بس متغريش حاجة اي قطعة غيار حاول تشتريها ولو ملقتش حاول تشتري مكنة جديدة و عوضك على الله .

انا عندي المشكلة ديه في المكن بتاع الازاز اللي الورا الاثنين مش واحدة ففي واحدة ان شاء الله هغيرها على الضمان والتانية اللي الراجل لعب فيها مستني اشتريلها فبرة زي اللي كانت راكبة و اشوف هيحصل فيها ايه .

المشكلة ان الازاز اللي ورا مبيتفتحش كتير فيمسك جامد مع الجلد و الشمس فلما تيجي تفتح الازاز ده بعد فترة بيحصل زي مقاومة زيادة للمكنة عشان تقدر تنزل الازاز فتتكسر الفبرة التعبانة ديه ده طبعا اكيد من ردائة صنعها و لكن برده موضوع مكن الازاز ده في اي عربية بس اتوقع انه يعتبر عيب من عيوب الام 11

[samehsalem]

انشاء الله رايح بكرة التوكيل اللي في جسر السويس عشان كمان عندي التيل بيصفر من ساعة ما غيرته والصوت خنقني....انشاء الله الازاز يكون مشكلته بسيطة مش محتاجة تغيير حاجة عشان هما لو قلتله عاوز مسمار برمة هيقولك كمان اسبوع....ناس مخها علي قدها....تسلم يا باشا علي الرد السريع

[abdoelshazly]

مش تقلق االمشكله بسيطه اكيد العيب ف المكنه الازاز واقع ولا حاجه مفيهاش حاجه هتتكلف يعنى