الى كل ملاك m11

[katoba]

شكرا ياباشا على توضيحك موضوع الموتور واتمنى يكون تصنيعه كويس وقوى ويستحمل وميكونش مسالة وقت وخلاص

[katoba]

وشكرا ياخ سامح على توضيحك موضوع الازاز واتمنى تكون بتستحمل هى كمان ومتعلقش بعد فترة وتبقى محتاجة تتصلح او حاجة ... والله انا شايف لحد دلوقت ان العربية كويسة والناس الى عملت بيها اكتر من 30.000 بتشكر فيها رغم ظهور بعض المشاكل الى انا شايف لحد دلوقت انها واردة فى اى عربية ومش شايف اى قلق منها على الاقل دلوقت مش عارف بعد 200 او 300 الف هيبقى اية الكلام علشان كدة انا هتوكل على الله وخصوصا ان امكانياتى اجيبها بسعرها دة مقدرش ازود عن كدة وبصراحة انا كنت محتار بينها وبين البيرليانس لكن لغيت البرليانس من تفكيرى لان قطع غيارها غالية ومش متوفرة رغم ان ناس كتيرة قالتلى ان مشاكلها اقل وناس قالتلى ابعد عن الصينى دورت فى الحاجة الى بالسعر دة لقيت الشفرولية اللانوس والرينو لوجان والسانديرو بس بصراحة مرتاحتش ليهم مش عارف لية وقالولى تقفيل المغربى زباله .. رحت للبروتون الساجا قالك ماليزى ابعد عنها قلت ابص على الكيا بقى يامعلم لقيت البيكانتو مرتاحتلهاش بردة لانى زى مايكون عندى حساسية من الهاتش باك مش عارف لية مبتخدلش دماغى قلت بحبها شوية وهات الريو واستلف الباقى حتى لقيت الناس بتقولى لو هتجيب هات الاتومتايك والفول اوبشن لقيتها دخلت فى ال90 وهتخرم عالاخر وكذلك النيسان الصنى .. فاكتشفت حاجة انى اجيب ال m11 عربية محترمة وسعرها اقتصادى وشياكة واوبشن عالى واحافظ عليها على اد ماقدر ياما بقى استنى كمان 10 سنين واجيب حته كيا سيراتو ولا حته كورولا او ياريس ولا حاجة ..

[samehsalem]

ياباشا انا تحت امرك في اي وقت بس هي فعلا كل حاجة واستعمالها لو حافظت علي الحاجة هتعيش معاك ولو ما حافظتش مش هتعيش معاك حتي لو كانت الماني او ياباني حتي .....انا عندي عموما مكنة الازاز اللي ورا السواق علقت ومحتاجة تصليح بس التوكيل قاللي هنغيرها عالضمان وخلال كام يوم هتتغير انشاء الله غير كدة العربية تمام ومفيش منها اي شكوي جامدة كلها عيوب تقفيل مش اكتر