سيارتى ام 11 اتسرقت من التوكيل بالاسكندريه تكنوسيرفس 4

[warfighter2114]

اودعتها التوكيل يوم 13-9-2010 نتيجه حادثه يوم خطوبتى وروحت التوكيل تلاقيهم مرسومين وكانك داخل توكيل بى ام دابليو بس بصراحه توكل امكانياته ضعيفه جداااا ومهندسينه على قدهم جداااا وغير مرتب نهائيا المهم طلبت مقايسه اصلاح ونتيجه وعى التوكيل الكامل باهميه وقت العميل اخدت المقايسه بعد 3 اسابيع ههههه حاجه تضحك المهم قالولى كل قطع الغيار متوفره وحطوا تحت الكلمه ديه مليون خط وحتستلمها خلال شهر من تاريخ الدخول لغايه 15-1-2011 مماطله وتهرب من المسئوليه ويقولولى قطع الغيار مش متوفره على الرغم ان العربيه مازالت فى الضمان هددتهم باللجوء لجهاز حمايه المستهلك جهاز غايه فى الاحترام لقتهم بقدره قادر وفروا قطع الغيار بس شكلها مصدى وكانها معموله تحت بير سلم المهم قعدوا يخترعوا لغايه يوم سرقه السياره هل تتخيل سياره بداخل التوكيل يتم سرقتها !!!!!!!!!!!!!!!!!!!!!! وقالولى خد اجراءاتك واحنا ناخد اجرائتنا وطبعا رفعت 2 قضيه فى المحاكم المختصه وقضيه فى جهاز حمايه المستهلك واثق كامل الثقه فى حكمه ربنا سبحانه وتعالى ونزاهه القضاء المصرى


ايه راي حضراتكم فى جمال التوكيل!!!!!!!!!!!!!!!!


الغرض التوضيح وحتى تتجنبوا هذا التوكيل وهذه السيارات وليس الاساءه
حسبى الله ونعم الوكيل
محمد محمود على

[Dr_ElSioufy]

يعني ايه العربيه اتسرقت من التوكيل ؟؟؟؟؟؟؟؟؟؟؟؟؟؟؟؟
قصدك سرقوا منها حاجه ؟؟؟ ولا العربيه بحالها بمحتالها اختفت ؟؟؟؟؟؟؟؟؟؟؟؟؟؟؟؟؟؟؟؟؟؟

[warfighter2114]

اتسرقت كلها بعد مادفعت فيها دم قلبى والله بس معايا مستندات وثيقه من التوكيل باستلام السياره بتوقيع مهندس الاستقبال وعلى فكره ده كان بعد مماطله واوراق كتير فى النيابه الان

انا مستعد اعرض هذه الاوراق لتاكيد كلامى بس الموضوع الان فى يد الله والقضاء

[Dr_ElSioufy]

لاحول ولا قوه الا بالله
اهم حاجه انك خدت حاجه تثبت انهم استلموا منك العربيه وانك لسه مستلمتهاش منهم
وربنا معاك و القضاء يجيبلك حقك انشاء الله

[tito_1980]

ازاي العربيه تتسرق من عندهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا مش عارف اقول ايه بجد

[hemaa_82]

انت مش مأمن علي العربية اساسا؟؟؟؟؟

بص ..قدر الله و ما شاء فعل ... و ان شاء الله كل ما يأتي به قدر الله خير ... مين عارف كانت اتصلحت و خدتها و اتسرقت منك انت .....ولا لقيت حد يقولك انت مين

علي العموم لو العربية كانت عاجباك ف ان شاء الله يتم تعويضك بواحدة بديلة او في احتمال اخر تمنها و تشتري جديد
اما لو مش عاجبال فلو رجعتلك واحدة تانية جديدة بيعها زيرو ... و لو جاتلك الفلوس تبقي استرديت فلوسك ان شاء الله

ربنا يعوض عليك في جميع الحالات

[Haitham10]

او ممكن التوكيل هو الي عمل الفيلم دة .... يعني هي الفكرة دي هتبقي الوحيدة الي مش ممكن ؟!!.. ربنا يصبرك خد اجراءاتك بمنتهي الصرامة ومتتعاطفش مع التوكيل دة تاني خليهم يفوقوا شوية

[Hacker5]

طالما معاك ورق يثبت ان العربية كانت مع التوكيل للاصلاح يبقى ماتقلقش موقفك سليم و قوى 100 %

[beshomilan]

انا مش مصدق ومذهول بجد!!!!!!!!!!!

[hossam_nasr]

قدر الله و ما شاء فعل
انا بنصحك انك تجيب العنوان الالكتونى لشركة اسبرانزا فالصين و ابعتلهم شكوتك و صورة الوصل اللى استلمو بيه العربية و توكل على الله و شوف ردهم حيكون اية و ان شاء الله حيتصلو بيهم و حتلاقى الموضوع اتحل باذن الله
انا كان معايا mk و التوكيل كان فى منتهى الاهمال و مش عايزين يصلحوا اى حاجة فالعربية و بيحطو قطع غيار قديمة و لما راسلت الشركة فالصين لقيتهم بيتصلو بيا و اتغيرو 180 درجة
انا عارف ان حالتك مختلفة عن حالتى بس يمكن لما تفضحهم يخافوا زي بتوع توكيل جيلى mk
ربنا يعترك فيها

[CryptonX]

ابعت شكوى كمان لشيري في الصين :

helpdesk@mychery.com　

[pedro732000]

ربنا يصبرك على مصيبتك ان شاء الله
معلش عشان حضرتك قلقتنا جدا هى وقعة السرقه حصلة ازاى بلطجية يعني ولا ايه

[katoba]

انا مع موضوع الشكوى للصين دة واعتقد اى واحد محترم بيخاف على سمعته هيعملك الف حساب ويخلصلك حوارك لان الموضوع مفيهوش هزار دة يتسحب منه التوكيل فورا , توكل على الله وامشى فى الاجراءات وبكرة كلنا نقف معاك ونجيبلك حقك !!

[Elawany13]

ان شاء الله هتاخد حقك
توكيلات اخر الزمن

[SAMER_ENGINES]

لا ده شئ صعب احنا عايشين فين عربية تتسرق من التوكيل امال لو فى الشارع كان حصل ايه!!!!!!!!!!!
ايه يا جماعة بقينا عايشين فين كنا زمان بنتريق و نقول ليه عايشين في شيكاغو بس للاسف اعتقد اننا بقينا اسوأ من شيكاغو
عربية تتسرق من التوكيل انا مش قادر اصدق بس ربنا يعينك و يجيبلك حقك و عربيتك ترجع لك تانى.