ارجو المساعده

[ahmedfathy2]

انا معايا حاليا 85000 جنيه وعايز اجيب عربيه جديده وتكون عربية العمر يعنى مش ناوى اغيرها قريب .هل التيجو ممكن تكون الخيار الامثل ليه ولا نوووو؟

[hemaa_82]

ال 85 تجيبلك بعيدا عن الصيني:-

جين 2..............................................عرب ية فعلا ABS we EBD
اكسينت الشيب الي مش RB ..............عربية يعني بس مفيش ABS
فيرنا............................................. ....عربية من غير فرامل و بتمشي علي الهوا
لانوس ..............................................احسن من الفيرنا شوية بس برضه فكك

في الصيني بقي انت جبت اخر اللي معاك اللي هوة التيجو ....

1600
abs ebd
فول اوبشن بجد

بس مثلا خامات التابلو فقيرة شوية ... بس هل ممكن تركب عربية في مصر بالمبلغ ده و تكون بالحجم ده ؟؟؟؟؟

التيجو كل اللي بيتكلم عليها بيتكلم في خامات و تقفيل انما مشاكل بجد ؟؟؟ مش قوي يعني

اهم حاجة متكونش من بتوع يع دي صيني لان ده هيجبلك هسس.... لو كنت كده هات الجين و توكل علي الله
غير كده لو انت محايد فاستخير ربنا و توكل علي الله في التيجو و ربنا يباركلك ان شاء الله

[egypt0777]

الله يفتح عليك يا هيما

بس انت نسيت الصنى المانيوال ب السعر ده برده و فول اوبشن و محوج كمان

[ALshahba]

انا معايا حاليا 85000 جنيه وعايز اجيب عربيه جديده وتكون عربية العمر يعنى مش ناوى اغيرها قريب .هل التيجو ممكن تكون الخيار الامثل ليه ولا نوووو؟

لو انت فعلا مش من بتوع الصيني يع...علي راي هيما
غأنا اختلف مع اخوتي واقولك بكل قوه ......هت 620 >>> يعني الراحه يعني الرفاهية يعني المنظر يعني الاوتوماتك المحترم يعني توفير البنزين
معلش سامحني بحكيلك علي 620بشوية تحيز صغيرين لاني مجربها والموديل ده مظلوووووم جدا في عالم اسبيرانزا

ولو انت عندك هواجس من الصيني او مش بتحبو... فده حقك وحريتك
واقولك عليك: اما جين2 او صني

والله الموفق

[said.d.y]

الناس دى بتتكلم كلام زى الفل
فعلاً لو عندك هسس من الصينى، بلاش منة، لان العربية فى الاول راحة نفسية
ويبقى خلى اختيارك فى حدود ال 85 الف جم محصور فى الجين 2والاكسنت الشيب القديم
مع ملاحظة أن الاكسنت اعادة بيعها احسن والطلب عليها افضل من الجين ، وقطع الغيار والذى منة
لاكن لو انت معندكش مشاكل مع الصينى ، خليك فى التيجو 1600، الاستيل بتاعها وابشنها شبابى وظريف
ودرجة الامان فيها عالية (الثبات والصاج والفرامل والايرباك)، بس خامتها من جوة فقيرة ، وعلى فكرة المفروض ان العربيات ال suv بتكون موش مرفهة أوى زى الليموزين، وبتكون ناشفة اكتر
وهتعتبر نفسك غيرت استيل العربيات المتعود تركبها، ومشاكلها موش كتيرة وموش قاتلة
تقدر تقول عربية بدرجة جيد جداً موش امتياز، ولو العربيات الفى نفس الاستيل احسن منها (تريوس - فيترا...) ماشى انا موافق، بس فرق الجودة موش بنفس فرق السعر.
يعنى مثلا الفيترا باعتبارها اقرب واحدة للتيجو احسن من التيجو ، بس موش لدرجة أن لو التيجو ب83 الف تبقى الفتيرا باكتر من 150 الف.
توكل على اللّه واستخر ، وان شاء اللّه تتوفق للأفضل.

[ahmedfathy2]

متشكر اوى ليكم وانا الحمد لله معنديش هسس العربيات الصينى وبصراحه بحب شكل التيجو اوى بس قلقان من حجمها الكبير فى شوارع القاهره وهاستخير ربنا وربنا يسهل

[esam722]

انا مش لاقى حاجة زيادة اقولهالك بعد الشرح الوافى للاخوة المحترمين بس عن تجربتى مع التيجو (ثبات وقوة وامان وشكل وسعر )حاجة مختلفة وربنا يوفقك للى فية الخير