الى خبراء الام11

[emad7759]

بسم الله الرحمن الرحيم

الى كل اخ فاضل ياريت يقول لى اجيب قطع الغيار للام11 منين

انا والحمد لله عربيتى وقفت عن العمل

لان العربيه بلى الفرده اليمين فرط واتصلت بالتوكيل

وناس خارج التوكيل ولم اجده فى التوكيل ولا بره

التوكيل وان شاء لله هحمل العربيه على الونش

وهوديها التوكيل ورميها هعناك

ويارت الناس اللى بتقول ان قطع الغيار متوفره

تقول ليا اجيب البلى ده منين

اللى هو بلى الصره اليمين الاماميه

وشكرا للجميع

[samehsalem]

ياباشا علي ما اعتقد انه موجود عشان انا كنت شفت عربية ام11 عاملة حادثة ومدمرة تماما وكانت العفشة كلها محتاجة تغيير وبعد فترة شفتها برده هناك في نفس الفرع متصلحة وكله تمام حضرتك اتصل ب 19227 واعمل شكوي وهما هيقولوا لحضرتك موجودة فين وانشاء الله تلاقي اللي انت عايزه

[hemaa_82]

الف سلامة و ان شاء الله ربنا يكرمك .... بس عامة بلي اي عجلة بيبقي بالمقاس ... يعني ممكن تشوف مقاس البلي اللي فرط و تشترية من skf بالمقاس حتي يعني ملهاش نوع قصدي

ربنا يعينك ان شاء الله

[hany_ali]

يا باشا البلي مش بالنوع ابدا بالمقاس انا قبل العربية دي كان معاي هيونداي اي 10 و البلي باز و صوت العربية بقى زي صوت المقطورة سألت في التوكيل قالي 1800 الفردة طبعاً نفضتلهم و طبعاً قلبت البلد علي غيار ليها بس مفيش قطع غيار اي 10 غير في التوكيل بالصدفة حصل عندي عيب خفيف فرحت لميكانيكي و وانا بعمله قولتله عايز بلي للعجلو يمين قدام فراح فكه و وداني محل قديم الازل و معفن تحس انه بيت اشباح و راجل كبير جدا و مسن فسأله فخد منه البلي و قاسه بالمسطرة و طلع كراسة و قعد دور علي مقاس 70*37 و بعد شوية قالوا عندك بلي فيرنا ستار او بيجو 406 تختار ايه قولتلو عايز الاحسن قالي الفرنساوي 125 جنيه و الكوري 90 جنية و الصيني 55 جنيه قولتله الاحسن قالي جرب الفرنساوي و اشنريته فعلا و الحداد خد 20 جنيه و الميكانيكي خد 35 جنيه عشان كذا حاجة و المجموع البلي اتكلف 180 جنيه في اقل من نصف ساعة


المحل في ش المحولات الهرم لو تحب اوصفهولك بالظبط قولي و انا عيني ليك